3. Yehova anatarajia rafiki zake wafanye nini?

Yehova anawapenda watu wote, “lakini ana urafiki wa karibu na watu wanyoofu.” (Methali 3:32) Yehova anatarajia rafiki zake wafanye mambo anayoona kuwa mazuri na waepuke mambo mabaya. Baadhi ya watu hufikiri kwamba hawawezi kufuata kikamili viwango vya Yehova kuhusu mema na mabaya. Hata hivyo, Yehova anatuelewa vizuri. Anamkubali kila mtu anayempenda kikweli na anayefanya yote anayoweza ili kumfurahisha.​—Zaburi 147:11; Matendo 10:34, 35.

Sote tunapenda kuwa na marafiki wanyoofu. Yehova anataka rafiki zake wawe wanyoofu pia. Lakini si rahisi kuwa wanyoofu kwa sababu tunaishi katika ulimwengu uliojaa watu wasio wanyoofu. Kuna manufaa gani ya kuwa wanyoofu katika mambo yote?

1. Ni sababu gani muhimu zaidi ya kuwa wanyoofu?

Tunapowatendea wengine kwa unyoofu, tunamwonyesha Yehova kwamba tunampenda na tunamheshimu. Kumbuka kwamba Yehova anajua mambo yote tunayofikiria na kutenda. (Waebrania 4:13) Anaona tunapotenda kwa unyoofu na jambo hilo linamfurahisha. Neno lake linasema: “Yehova humchukia mtu mwenye hila, lakini ana urafiki wa karibu na watu wanyoofu.”​—Methali 3:32.

2. Tunawezaje kutenda kwa unyoofu katika maisha yetu ya kila siku?

Yehova anataka “kila mtu amwambie mwenzake ukweli.” (Zekaria 8:16, 17) Hilo linamaanisha nini? Iwe tunazungumza na watu wa familia yetu, wafanyakazi wenzetu, ndugu na dada zetu Wakristo, au maofisa wa serikali, hatusemi uwongo wala kutoa habari zinazopotosha. Watu wanyoofu hawawaibii au kuwapotosha watu wengine. (Soma Methali 24:28 na Waefeso 4:28.) Na wanalipa kodi zote wanazodaiwa. (Waroma 13:5-7) Kwa njia hizo na nyinginezo, “[tunajiendesha] kwa unyoofu katika mambo yote.”​—Waebrania 13:18.

3. Kuna manufaa gani za kuwa wanyoofu?

Tunapojulikana kuwa watu wanyoofu ni rahisi kwa watu wengine kutuamini. Pia, tunachangia hali ya usalama na upendo katika kutaniko. Tunafurahia dhamiri safi. Tunapokuwa wanyoofu, “[tunalipamba] fundisho la Mwokozi wetu, Mungu,” na tunawavuta watu wengine wajiunge nasi kumwabudu Yehova.​—Tito 2:10.

CHIMBA ZAIDI

4. Unyoofu humfurahisha Yehova

Soma Zaburi 44:21 na Malaki 3:16, kisha mzungumzie maswali haya:

• Kwa nini si jambo la hekima kufikiri kwamba tunaweza kuficha ukweli?

• Unafikiri Yehova anahisije tunapoamua kusema ukweli, hata inapokuwa vigumu kufanya hivyo?

5. Tenda kwa unyoofu nyakati zote

VIDEO: Ni Mambo Gani Yanayoleta Shangwe?​—Dhamiri Safi (2:32)

Soma Waebrania 13:18, kisha mzungumzie jinsi tunavyoweza kuwa wanyoofu . . .

• katika familia.

• kazini au shuleni.

• katika hali nyingine.

6. Tunanufaika tunapokuwa wanyoofu

Nyakati nyingine tunaweza kupatwa na matatizo kwa sababu ya kuwa wanyoofu. Lakini ukweli ni kwamba tutanufaika tunapokuwa wanyoofu sikuzote. Soma Zaburi 34:12-16, kisha mzungumzie swali hili:

• Unyoofu unaweza kukusaidiaje kuwa na maisha bora?

1. Waume na wake wanyoofu huimarisha ndoa zao

2. Wafanyakazi wanyoofu huaminiwa na waajiri wao

3. Raia wanyoofu huheshimiwa na maofisa wa serikali

MUHTASARI

Yehova anataka rafiki zake wawe wanyoofu katika mambo yote wanayosema na kutenda.

Ungejibuje?

• Tunaweza kuwa wanyoofu katika njia gani?

• Kwa nini si jambo la hekima kufikiri kwamba tunaweza kuficha ukweli?

• Kwa nini ungependa kuwa mnyoofu nyakati zote?

CHUNGUZA ZAIDI

Wazazi wanaweza kuwasaidiaje watoto wao wawe wanyoofu?

Sema Kweli (1:44)

Tunapata manufaa gani tunapotimiza ahadi zetu?

Timiza Ahadi, Upate Baraka (9:09)

Chunguza kwa nini tunapaswa kulipa kodi hata kama zinatumiwa vibaya.

“Je, Ni Lazima Ulipe Kodi?” (Mnara wa Mlinzi, Septemba 1, 2011)

Nini kilichomchochea mwanamume fulani asiye mnyoofu abadili maisha yake?

“Nilijifunza Kwamba Yehova Ni Mwenye Rehema na Mwenye Kusamehe” (Mnara wa Mlinzi, Mei 1, 2015)

2. Yehova anahisije kuhusu marafiki unaochagua?

Yehova huchagua marafiki wake kwa makini. “Ana urafiki wa karibu na watu wanyoofu.” (Methali 3:32) Yehova atahisije ikiwa tutachagua marafiki ambao hawampendi? Atahuzunika sana! (Soma Yakobo 4:4.) Lakini ili tumfurahishe Yehova na tuwe rafiki zake, tunapaswa kuepuka kushirikiana na watu wenye mazoea mabaya. Tunapaswa kumkaribia Yehova na kushirikiana na wale wanaompenda.​—Zaburi 15:1-4.