Je! Wewe Utasema, “Mimi Nipo Hapa! Tuma Mimi”?

‘Yehova [akasema]; ‘Mimi nitatuma nani, na nani ataenda kwa ajili yetu?’ Na mimi nikaendelea na kusema: ‘Mimi nipo hapa! Tuma mimi.’”—ISAYA 6:8, NW.

 1, 2. Ni sababu gani ya pekee ya kuwa na furaha ambayo mume na mke walikuwa nayo?

“SISI tuna furaha kupeleka barua yetu ya kukubali kwenda Kolombia. Sisi tumefurahia pendeleo letu la utumishi hapa katika Ekwedori kwa kiasi kikubwa zaidi ya kile ambacho taipureta hii inaweza kueleza.” Hivyo ndivyo ilivyoanza barua moja kutoka kwa wawili wa Mashahidi wa Yehova ambao walikuwa wameenda Ekwedori ambako afisi ya tawi mpya ya Sosaiti ya Mnara wa Mlinzi ilikuwa ikijengwa.

² Wahudumu hao walienda Ekwedori kufanya jambo ambalo ni zaidi ya kusaidia katika ujenzi; wao wangeweza pia kusaidia wakiwa walimu Wakristo. Wao wanaandika: “Sisi tumepata kwamba utumishi wa shambani ni moja la mambo yaliyo ya maana zaidi. Majuma matatu tu yaliyopita, wanane kati yetu tulienda kwenye soko-jua-kali na kuangusha vitabu 73 na magazeti zaidi ya 40. Juma lililotangulia, sisi tulianzisha mafunzo ya Biblia mapya mawili. Sisi tunaweza kwa kweli kuona uhitaji wa lile tawi jipya. Mke wangu na mimi tungependa kupigia ninyi asante kwa pendeleo la kuendelea katika namna hii ya pekee ya utumishi wa wakati wote” sasa katika Kolombia.

 3. Ni jinsi gani wengi wameonyesha roho inayofanana na ile ambayo Isaya alionyesha?

³ Mume na mke huyo, na mamia ya wengine ambao wamejitolea kutumwa kwenye nchi ya kigeni, wanaonyesha roho inayofanana na ile ya nabii Isaya. Wakati yeye aliposikia Yehova akisema: “Mimi nitatuma nani, na ni nani ataenda kwa ajili yetu?” Isaya alijibu: “Mimi nipo hapa! Tuma mimi.” Halafu Mungu aliamuru: “Nenda, na lazima wewe useme hivi kwa watu hawa, ‘Sikieni tena na tena, Enyi watu, lakini msifahamu.” (Isaya 6:8, 9, NW) Ni kwa ajili ya nini Isaya alikuwa anajitolea kutumwa, na ni nini kilichotokana na jambo hilo? Na ni nini ambalo sisi tunaweza kujifunza kutokana na usimulizi huo kwa habari ya mambo ya kisasa yanayolingana na ya wakati huo, na kwa habari ya masomo yo yote ya kibinafsi yaliyopo kwetu sisi?

Utume wa Isaya Kuhubiri

 4, 5. (a) Ni hali gani iliyokuwa imeenea sana wakati Isaya alipopokea ile njozi iliyoandikwa katika sura ya 6? (b) Ni nini ambacho Isaya aliona katika njozi hiyo?

⁴ Yehova Mungu aliuliza Isaya, “Mimi nitatuma nani?” katika mwaka ambao Mfalme Uzia alikufa. (Isaya 6:1, NW) Huo ulikuwa 777 K.W.K., au karibu karne moja na robo tatu kabla Wababuloni kuharibu Yerusalemu na kuiacha ukiwa nchi ya Yuda. Yehova angeweza kuona tukio hilo la kusikitisha likija, na yeye alimpa Isaya utume wa kutoa ujumbe uliolihusu. Sisi tunaweza kujifunza nini kutokana na utume wake wa kuhubiri?

⁵ Kama vile ambavyo sisi tungalivutiwa, vivyo hivyo lazima Isaya awe alivutiwa sana na kikao ambacho kilihusika katika kupokea utume wake. Yeye aliandika: “Mimi . . . nilipata kuona Yehova, akiwa ameketi juu ya kiti cha enzi kilichotukuka na kuinuliwa juu, na marinda yake yalikuwa yamelijaza hekalu. Maserafi walikuwa wamesimama juu yake. Kila mmoja alikuwa na mabawa sita. Kwa mawili yeye aliendeleza uso wake ukiwa umefunikwa, na kwa mawili yeye aliendeleza miguu yake ikiwa imefunikwa, na kwa mawili yeye angeruka huku na huku. Na huyu alitoa mwito kwa yule na kusema: ‘Mtakatifu, mtakatifu, mtakatifu ni Yehova wa majeshi. Ujazi wa dunia yote ni utukufu wake.’”—Isaya 6:1-3, NW.

 6. Kwa sababu gani lilikuwa pendeleo kwa Isaya kuona alichoona?

⁶ Isaya alijua kwamba Uzia alikuwa amepigwa kwa ukoma, wakati yeye, kwa kutokuwa wa lile kabila la kikuhani, alipofanya kimbele-mbele kujiingiza katika Patakatifu pa hekalu ili kufanya toleo la uvumba. Kwa hiyo, lilikuwa pendeleo kama nini kwa Isaya kuona kuwapo kwenyewe kwa Mungu! Isaya, mwanadamu asiye mkamilifu, hakuona Yehova kwa uhalisi, lakini yeye aliruhusiwa kumwona Yeye katika njozi moja. (Kutoka 33:20-23) Fahari ya jambo hilo ilikaziwa na malaika za daraja la juu (maserafi) ambao walifanya utumishi kwenye kiti cha enzi cha Yehova. Wao, kwa kuhisi utakatifu wa Mungu, walifunika kwa heshima ‘nyuso’ zao. Zaidi ya kitendo hicho cha kujifunika ili kuficha umaana wao, kwa mkazo wao walitangaza utakatifu wa Mungu. Wewe unawazia kwamba yote hayo yangekuwa na tokeo gani juu ya mwanadamu?

 7. Isaya alitendaje, na kwa sababu gani sisi tungaliweza kuhisi vivyo hivyo?

⁷ Acha Isaya ajibu. “Mimi niliendelea na kusema: ‘Ole kwa mimi! Kwa maana mimi ni kama nimekwisha kunyamazishwa, kwa sababu mimi ni mtu ambaye si safi katika midomo, na mimi ninakaa katika miongoni mwa taifa ambalo si safi katika midomo; kwa maana macho yangu yamemwona Mfalme, Yehova wa majeshi, mwenyewe!’” (Isaya 6:5, NW) Isaya alijua kwamba yeye alikuwa mneni kwa ajili ya Mungu, hata hivyo, njozi hiyo ilikazia juu yake kwamba yeye hakuwa safi, hakuwa na midomo yenye kutakata ambayo ingefaa mneni wa Mfalme huyo mtukufu na mtakatifu. Watu fulani kati yetu, pia, huenda nyakati fulani tukawa tumefadhaishwa sana na udhambi wetu, tukihisi hatustahili kukaribia Mungu katika sala, sembuse kuwa na jina lake likiitwa juu yetu. Basi, jambo lililofuata kumpata Isaya linapasa kuwa lenye kutia moyo.

 8. Malaika mmoja alifanya utumishi gani, kwa tokeo gani?

⁸ Mmoja wa wale maserafi wenye kutoa utumishi aliruka kumwendea yeye akiwa na kaa-mawe la moto kutoka kwenye ile madhabahu ya dhabihu za wanyama. Akigusisha kaa-mawe hilo kwenye kinywa cha Isaya, yule malaika alisema: “Tazama! Hili limegusa midomo yako, na kosa lako limeondoka na dhambi yako yenyewe imelipiwa upatanisho.” (Isaya 6:6, 7, NW) Katika siku za Sulemani, moto kutoka mbinguni ulitoa ushuhuda kwamba Yehova alikuwa amekubali ile madhabahu ya dhabihu, hata ingawa matoleo yaliyofanywa hapo hayangeweza kufanya hata makuhani wawe safi kabisa mbele za Mungu. (2 Nyakati 7:1-3; Waebrania 10:1-4,11) Hata hivyo, wakati ukosefu wa usafi wa Isaya ulipounguzwa na kuondolewa na lile kaa-mawe la moto, yeye angeweza kukubali hukumu ya Yehova kwamba udhambi wake ulilipiwa upatanisho kwa kadiri ambayo ilihitajiwa ili kupokea utume maalum wa kuhubiri. Ni dalili gani za kupendeza ambazo jambo hilo linadokeza kuhusu wakati ujao?

 9. Ni jambo gani kuu lililohusika katika ujumbe wa Isaya?

⁹ Jambo hilo la kustaajabisha lililompata nabii lilimwongoza kupokea ule utume wa kuhubiri uliotajwa. (Isaya 6:8, 9) Lakini kwa sababu gani Isaya alipaswa kusema kwamba watu wangerudia-rudia kusikia lakini bado wasipate maarifa yo yote? Sauti ya Mungu iliongeza hivi: “Fanya moyo wa watu hawa uwe usiopokea mambo, na kufanya masikio yao yenyewe yawe yasiyoitikia mambo, na kugandamanisha pamoja macho yao yenyewe, kwamba wao wasione . . . na kwamba wao kwa kweli wasigeuke na kurejea kupata uponyi.” (Isaya 6:10, NW) Je! hilo linamaanisha kwamba Isaya, alipaswa kwa kutumia maneno yasiyofikiriwa vizuri au ukosefu wa busara aondolee mbali upendezi wa Wayahudi ili kwamba wao wangebaki wakiwa hawasikilizani na Yehova? Sivyo. Hicho kilikuwa kionyesho tu cha jinsi Wayahudi walio wengi wangeitikia hata kama Isaya angeitimiza kwa uaminifu na ukamili gani kazi ya kuhubiri ambayo yeye alikuwa amejitolea kwa kusema, “Mimi nipo hapa! Tuma mimi.”

10. (a) Kasoro ilikuwa wapi kwa habari ya watu kuwa kama vipofu na viziwi? (b) Isaya alimaanisha nini kwa kuuliza, “Kwa mudu mrefu jinsi gani?”

¹⁰ Kasoro ilikuwa ya watu wale. Ijapokuwa Isaya aliwaruhusu ‘wasikie tena na tena,’ wao hawakutaka kutwaa maarifa wala kupata ufahamu. Mungu alisema mapema kwamba walio wengi, kwa sababu ya mwelekeo wao wa ushupavu na usio wa kiroho, hawangeitikia. Wachache wangeweza. Lakini walio wengi zaidi wangekuwa vipofu kama kwamba macho yao yalikuwa yamegandamanishwa yakafungwa kwa gundi yenye nguvu kupita zote, ikiwa wewe unaweza kuwazia hilo. Je! hali mbaya hiyo ingeendelea kwa muda mrefu jinsi gani? Jambo hilo, badala ya ni miaka mingapi ambayo angetumikia, ndilo Isaya aliuliza kwa maneno haya: “Kwa muda mrefu jinsi gani, Ee Yehova?” Mungu alijibu: “Mpaka ile miji kwa kweli ibomoke iwe magofu, kuwa bila mkaaji.” Na hivyo ndivyo ilivyotukia, ingawa ni baada ya muda wa maisha ya Isaya. Wababuloni waliondoa binadamu wa duniani wakiacha Yuda ‘imefanywa magofu kuwa ukiwa.’—Isaya 6:11, 12; 2 Wafalme 25:1-26, NW.

11. Ni jinsi gani mahubiri ya Isaya yalitoa faraja?

¹¹ Ingawa hivyo, mwishowe Yehova alihakikishia Isaya kwamba tumaini halikukosekana kabisa. “Bado sehemu moja kwa kumi itakuwa katika [ile nchi].” Ndiyo, ilikuwa ‘kama mti mkubwa mzito ambao, wakati kunapokuwako kuukata, kisiki kingekuwako, mbegu takatifu.’ (Isaya 6:13, NW) Baada ya miaka 70 ya uhamisho wa Kibabuloni, mbegu, au baki, ilirudi kwenye ile nchi, kama kwamba ni chipukizi jipya linalotoka kwenye kile kisiki cha mti mkubwa mzito. (2 Nyakati 36:22, 23; Ezra 1:1-4; linganisha Ayubu 14:7-9; Danieli 4:10, 13-15, 26.) Kwa sababu hiyo, ingawa ujumbe wa Isaya ulikuwa wa huzuni, ulikuwa na sehemu yenye kufariji. Ingawa hivyo, kuna sababu ya Kimaandiko kwetu kumwona Isaya kama kielelezo kwa matukio ya wakati ujao. Jinsi gani hivyo?

Mambo Makubwa Zaidi Yenye Kutimizwa

12. Ni msingi gani wa Kimaandiko uliopo wa kuita Yesu Isaya Mkubwa Zaidi?

¹² Karne nyingi baada ya kifo cha Isaya, mmoja alikuja ambaye sisi tungeweza kumwita Isaya Mkubwa Zaidi—Yesu Kristo. Katika kuwako kwake kabla ya kuwa mwanadamu, yeye alikuwa amejitolea kutumwa na Baba yake kwenye dunia, ambako yeye angetia katika mahubiri yake mambo ambayo Isaya alikuwa ameandika. (Mithali 8:30, 31; Yohana 3:17, 34; 5:36-38; 7:28; 8:42; Luka 4:16-19; Isaya 61:1) Kwa kutaja wazi zaidi, Yesu alijihusianisha mwenyewe na Isaya sura ya 6 wakati alipokuwa akieleza sababu iliyofanya Yeye afundishe kama Yeye alivyofanya. (Mathayo 13:10-15; Marko 4:10-12; Luka 8:9,10) Jambo hilo lilifaa, kwa maana walio wengi wa Wayahudi ambao walisikia Yesu akisema hawakuwa na nia ya kukubali ujumbe wake na kutenda kulingana nao sawasawa tu na vile wale ambao walimsikia nabii Isaya akisema hawakuwa na nia ya kukubali ujumbe wake. (Yohana 12:36-43) Pia, katika 70 W.K., Wayahudi ambao walikuwa wamejifanya ‘vipofu na viziwi’ kwa ujumbe wa Yesu walipatwa na uharibifu kama ule wa 607 K.W.K. Tukio hilo katika karne ya kwanza lilikuwa dhiki juu ya Yerusalemu ‘ya namna ambayo haikuwa imetukia tangu mwanzo wa ulimwengu wala haingetukia tena.’ (Mathayo 24:21, NW) Hata hivyo, kama vile ambavyo Isaya alitoa unabii, baki, au “mbegu takatifu,” lilijizoeza imani. Hao walifanyizwa kuwa taifa la kiroho, yule “Israeli wa Mungu” mpakwa-mafuta.—Wagalatia 6:16.

13. Kwa sababu gani sisi tunaweza kutazamia utimizo mwingine bado wa Isaya 6?

¹³ Sasa sisi tunakuja kwenye utimizo mwingine wenye msingi wa Biblia wa Isaya sura ya 6. Kama ufunguo wa kufahamu utimizo huo, fikiria maneno ya mtume Paulo karibu na mwaka 60 W.K. Yeye alieleza sababu iliyofanya Wayahudi wengi ambao walisikia akisema katika Roma hawangekubali “ushuhuda [wake] kuhusu ufalme wa Mungu.” Sababu ilikuwa kwamba Isaya 6:9, 10 ilikuwa ikitimizwa tena. (Matendo 28:17-27) Je! hiyo inamaanisha kwamba baada ya Yesu kuiacha dunia, wanafunzi wake wapakwa-mafuta walipaswa kutekeleza utume unaolingana na ule wa Isaya? Ndiyo, kweli kweli!

14. Ni jinsi gani wanafunzi wa Yesu walikuwa sharti wafanye kazi kama ya Isaya?

¹⁴ Kabla ya Isaya Mkubwa Zaidi kupaa mbinguni, yeye alisema kwamba wanafunzi wake wangepokea roho takatifu na baada ya hapo ‘wangekuwa mashahidi wake katika Yerusalemu na katika Yudea yote na Samaria na kwenye sehemu ya mbali zaidi sana ya dunia.’ (Matendo 1:8, NW) Sawasawa na vile ile madhabahu ya dhabihu ilivyokuwa na kitu kilichohitajiwa ili kosa la Isaya liondoke, ndivyo dhabihu ya Yesu ilivyokuwa msingi wa kufanya kwamba wanafunzi wake wawe ‘wamelipiwa upatanisho wa dhambi yao yenyewe.’ (Walawi 6:12, 13; Waebrania 10:5-10; 13:10-15) Hivyo, Mungu angeweza kuwapaka mafuta kwa roho takatifu, na hiyo pia ingewatia nguvu wawe ‘mashahidi kwenye sehemu ya mbali zaidi sana ya dunia. Wote wawili nabii Isaya na yule Isaya Mkubwa Zaidi walikuwa wametumwa kutangaza ujumbe wa Mungu. Vivyo hivyo wafuasi wapakwa-mafuta wa Yesu ‘walitumwa kutoka kwa Mungu kwa kuandamana pamoja na Kristo.’—2 Wakorintho 2:17 NW

15. Ni nini limekuwa itikio la ujumla kwa mahubiri kama yale ya Isaya katika wakati wetu, hiyo ikielekeza kwenye wakati ujao gani?

¹⁵ Katika nyakati za kisasa, hasa tangu kumalizika kwa Vita ya Ulimwengu ya Kwanza, Wakristo wapakwa mafuta wameuona uhitaji wa kutangaza ujumbe wa Mungu. Huo ni kutia ndani ule uhakika wenye uzito kwamba “siku ya kisasi kwa upande wa Mungu wetu” iko karibu. (Isaya 61:2, NW) Uharibifu wayo wenye kuleta ukiwa utakuwa pigo hasa kwa Jumuiya ya Wakristo, ambayo kwa muda mrefu imejidai kuwa watu wa Mungu, kama ilivyofanya Israeli ya kale. Ijapokuwa mashahidi wapakwa-mafuta wa Mungu wamehubiri kwa ushikamanifu muda wa miongo mingi, watu walio wengi katika Jumuiya ya Wakristo ‘wamefanya moyo wao uwe usiopokea mambo, na kufanya masikio yao yenyewe yawe yasiyoitikia mambo; macho yao yamegandamanishwa pamoja.’ Unabii wa Isaya unaonyesha kwamba hiyo itaendelea kuwa hivyo “mpaka ile miji kwa kweli ibomoke iwe magofu, kuwa bila mkaaji, na zile nyumba ziwe bila binadamu wa duniani, na nchi yenyewe ifanywe magofu katika ukiwa.” Hiyo itakuwa ndiyo alama ya mwisho wa mfumo huu mbovu wa mambo.—Isaya 6:10-12, NW.

“Tuma Mimi”

16. Kwa sababu gani inaweza kusemwa kwamba “mkutano mkubwa” wanashiriki katika kazi kama ile ya Isaya?

¹⁶ Leo, kuna mamilioni ya Wakristo waliojitoa kwa bidii ambao wana lile tumaini la Kibiblia la kuishi milele katika dunia-paradiso. Juu ya msingi wa damu ya dhabihu ya Yesu, huu “mkutano mkubwa” unaweza kusamehewa dhambi zao kwa kadiri inayohitajiwa kabisa sasa. Wao pia wanapokea uwezo na tegemezo kupitia roho ya Mungu wakati wao wanapojiunga na hesabu inayobaki ya Wakristo wapakwa-mafuta katika kusema, “Mimi nipo hapa! Tuma mimi.” Kuwatuma kufanya nini? Paulo alionyesha kwenye Warumi 10:13-15, NW: “‘Kwa maana kila mtu anayeliitia jina la Yehova ataokolewa. Hata hivyo, wao wataita jinsi gani yeye ambaye wao hawajatia imani katika yeye? Ni jinsi gani, tena, wao watatia imani katika yeye ambaye wao hawajasikia juu yake? Ni jinsi gani, tena, wao watasikia bila mtu wa kuhubiri? Ni jinsi gani, tena, wao watahubiri isipokuwa wao wametumwa waende? Sawasawa na vile imeandikwa [kwenye Isaya 52:7, NW]: ‘Jinsi ilivyo ya kupendeza macho miguu ya wale ambao wanatangaza habari njema za mambo mema!’”—Ufunuo 7:9-15.

17. Kwa kulinganika na unabii wa Isaya, ni mambo gani yaliyo katika ujumbe wetu?

¹⁷ Kumbuka kwamba ilikuwa kabla ya yeye kujua mambo yote yaliyokuwa ndani ya ule ujumbe kwamba Isaya akasema, “Mimi nipo hapa! Tuma mimi.” Tofauti na hivyo, sisi tunajua mambo ambayo Mungu anataka yatangazwe sasa na wale ambao wanaitikia mwaliko wake: “Mimi nitatuma nani, na ni nani ataenda kwa ajili yetu?” Huo unatia ndani kuonya mapema kuhusu “siku ya kisasi kwa upande wa Mungu wetu.” Hata hivyo, ule ujumbe unatia ndani pia “habari njema za mambo mema.” Mathalani, wale ambao ‘wanatumwa waende’ wanashiriki katika kutangazia “uhuru wale waliochukuliwa mateka na hata kutangazia wafungwa kufunguliwa wazi macho.” Je! kufanya hivyo hakupasi kuwa chanzo cha uradhi mkubwa?—Isaya 61:1, 2, NW.

18, 19. Ni katika njia gani ya pekee wengi wanasema, “Tuma mimi”?

¹⁸ Ikiwa wewe tayari unatangaza “habari njema za mambo mema,” mrudio huu wa Isaya sura ya 6 ungeweza kukusukuma wewe kuuliza: “Ni jinsi gani mimi ningeweza kuitikia kwa ukamili zaidi katika ile roho ya Isaya 6:8? Kama ilivyokuwa kwa habari ya wale watu wawili waliofunga ndoa ambao walitajwa mwanzoni, mamia wameshiriki katika ile programu ya Wafanya Kazi wa Kimataifa Wenye Kujitolea Ujenzi. Wengine wengi, ambao hawana ustadi wa ujenzi, wamehamia nchi ambazo uhitaji wa wahubiri wa Ufalme ni mkubwa zaidi. Jambo hilo linafanywa vizuri zaidi baada ya kutafuta shauri kutoka kwenye afisi ya tawi ya Sosaiti ya Mnara wa Mlinzi. Bila shaka, ni jambo la muhimu kufanya mipango, kwa maana lugha, viwango vya maisha, mataraja ya kupata kazi, na mambo mengine huenda yakawa tofauti sana katika nchi ya kigeni. Hata hivyo, usiondolee mbali uwezekano huo kwa sababu tu marekebisho makubwa yangeweza kutakwa. Wengi ambao wana ule mwelekeo “Mimi hapa! Tuma mimi” wamechukua hatua hizo za kuhama na wamebarikiwa sana na Mungu kwa kufanya hivyo.—Linganisha Mithali 24:27; Luka 14:28-30.

¹⁹ Na bado wengine​—ndugu au dada waseja, waume na wake zao, hata jamaa nzima-nzima—​wamehamia mahali penginepo ndani ya nchi au eneo lao wenyewe mahali ambapo pana uhitaji mkubwa zaidi wa wahubiri wa Ufalme au wa waangalizi Wakristo. (Matendo 16:9,10) Huenda kufanya hivyo kukawa kulitaka dhabihu fulani-fulani zifanywe, kama vile kupata aina nyingine ya kazi ya kimwili, labda moja yenye malipo kidogo zaidi. Watu fulani wamestaafu mapema wakiwa na malipo kidogo ya uzeeni na wakatafuta kazi ya nusu-siku ili wawe na wakati mwingi zaidi kwa ajili ya huduma. Ni vizuri kama nini wakati jamaa nzima-nzima zinaposema, “Sisi tupo hapa! Tuma sisi.” Hilo, pia, linaonyesha hali ya Isaya. Mke wake alishiriki kwa kutenda katika kufanya mapenzi ya Mungu akiwa nabii wa kike, na wana wake walihusika katika kutoa habari za ujumbe wa kiunabii.—Isaya 7:3, 14-17; 8:3, 4, NW.

20. Kwa kutia Isaya 6:8 katika akili, inakupasa wewe ufikirie nini?

²⁰ Hata ikiwa hali zako za sasa haziruhusu mabadiliko makubwa kama hayo, wewe unaweza kufikiria hili, ‘Je! mimi ninafanya yote ninayoweza nikiwa mahali ambapo nipo, kuiga itikio la Isaya?’ Jitahidi mwenyewe katika kutangaza ujumbe wa Mungu, hata katika hali mbaya sana ya hewa au kwa kuelekeana na ubaridi wa watu; kwa uhakika, Isaya alifanya ivyo hivyo. Uwe mwenye juhudi katika kuambia wengine juu ya zile “habari njema za mambo mema!” Yehova amesema, “Mimi nitatuma nani?” Kama Isaya wa kale, thibitisha kwamba itikio lako ni, “Mimi hapa! Tuma mimi” ili kutangaza ujumbe Wake.

Mambo ya Kurudia

◻ Ni katika hali gani Isaya alipokea njozi ya sura ya 6, na yeye aliona nini?

◻ Ni utume wa aina gani ambao Isaya alipokea?

◻ Kwa sababu gani Yesu anaweza kuitwa Isaya Mkubwa Zaidi, na ni jinsi gani wanafunzi wake wanahusika katika kazi kama ya Isaya?

◻ Ni jinsi gani wewe unaweza kuonyesha roho kama ile ya Isaya?

[Picha katika ukurasa wa 17]

Isaya alitakaswa na kutumwa kuhubiri

[Picha katika ukurasa wa 18]

Wengi wameitikia, wakisema, “Mimi nipo hapa! Tuma mimi”