Yehova​—Uthabiti Wetu

“Yah Yehova ni uthabiti wangu na uweza wangu.”​—ISAYA 12:2, NW.

 1. (a) Kwa sababu gani Mashahidi wa Yehova ni tofauti sana? (b) Ni jinsi gani Isaya 12:2, NW inavyoeleza mambo ambayo Yehova amefanya kwa ajili ya watu wake?

JE! WEWE unahudhuria mikutano kwenye Jumba la Ufalme la Mashahidi wa Yehova? Kule unaona jamii ya watu iliyo tofauti na nyingineyo yote! Watu hawa ni akina nani, na kwa sababu gani wao ni tofauti? Sisi ni watu wa Mungu mwenyewe, na sisi ni tofauti kwa sababu sisi tunabeba jina lililo kubwa zaidi la majina yote—lile la yule Muumba mtukufu wa maajabu yote wa ulimwengu wote mzima unaotuzunguka sisi. Jina lake liko juu yetu. Ni katika jina lake kwamba sisi tunakusanyika kwa shangwe nyingi sana kushiriki kula kila chakula cha kiroho kiteule ambacho yeye anaandaa “kwa wakati unaofaa” kupitia tengenezo lake. (Luka 12:42, NW) Kwa shukrani, sisi tulio Mashahidi wa Yehova tunahimidi jina lake lisilo na kifani kwa kutumia yale maneno ya Isaya 12, mstari 2, NW, ambao unasomwa hivi: “Tazama! Mungu ni wokovu wangu. Mimi nitaitibari na sitakuwa katika hofu yo yote; kwa maana Yah Yehova ni uthabiti wangu na uweza wangu, na yeye alikuja kuwa ndiye wokovu wangu.” Mungu wetu ametuleta sisi kupitia majaribu mengi. Sasa wokovu wetu wa mwisho kabisa unakaribia—pia ukiwa kwenye mkono wa Yah Yehova!

 2. (a) Ni mara ngapi ule usemi “Yah Yehova” unatukia katika Biblia, na wapi? (b) Ni katika njia gani nyingine ambazo neno “uweza” linaweza kusomwa kwenye Isaya 12:2, na kwa sababu gani njia hizo zinafaa?

² Usemi huu “Yah Yehova,” kutajwa mara mbili kwa jina la kimungu, unatukia mara mbili tu katika Biblia, hapa na kwenye Isaya 26:4. Hata wale watafsiri wa Union Version waliona ilifaa kufasiri usemi huo kuwa “Bwana Yehova.” Kulingana na maelezo ya chini katika New World Translation Reference Bible, njia nyingine ambazo neno “uweza” linaweza kusomwa katika Isaya 12:2 ni “mdundo-mtamu; wa kimuziki” na “sifa.” Ni kweli kama nini kwamba Yah Yehova mweza yote, ambaye anatolea waabudu wake nishati-msukumo nyingi, anastahili nyimbo zetu za sifa zilizo na mdundo-mtamu wa kimuziki!—Isaya 40:28-31, NW.

 3. (a) Yah Yehova amefungua njia kwa kitu gani, na juu ya msingi wa nini? (b) Maneno ya Paulo kwenye Warumi 11:33-36 yana tokeo gani juu ya Mashahidi wa Yehova?

³ Nguvu ya Yehova inasawazishwa na hekima yake, haki, na upendo. Katika kuzitendesha kazi hizi sifa za kimungu, Yah Yehova amefungua ile njia ya kupatikana kwa wokovu wa aina ya wanadamu wanaoitikadi kwa kutegemea msingi wa dhabihu ya ukombozi wa Yesu. Katika habari hii, mtume Paulo alipaaza sauti ya mshangao: “O kina cha mali ya Mungu na hekima na maarifa! Jinsi hukumu zake hazichunguziki na zenye kupita uwezo wa kuchunguza ni njia zake! Kwa maana ‘ni nani amepata kujua akili ya Yehova, au ni nani amekuwa mshauri wake!’ Au, ‘Ni nani ambaye kwanza amempa yeye, ili kwamba lazima malipo yarudishwe kwake.’ Kwa sababu kutoka kwa yeye na kwa yeye na kwa ajili ya yeye kuna vitu vyote. Kwa yeye kuwe utukufu wa milele. Amina.” (Warumi 11:33-36, NW) Basi, inafaa kama nini, kwamba sisi tushike sana na kutangaza rasmi kwamba tuna uhakika na itibari kamili katika Yah Yehova kuwa ndiye Mungu wetu mweza yote na Bwana Mwenye Enzi Kuu!—Linganisha Waebrania 3:14.

 4. (a) Kwa sababu gani nabii Isaya alikuwa na sababu nzuri ya kutangaza rasmi ‘Mimi nitaitibari, na sitaogopa? (b) Kwa sababu gani watu wa Yehova wana sababu nzuri kuitibari katika Yah Yehova katika karne hii ya 20?

⁴ Isaya alikuwa na sababu nzuri ya kutangaza rasmi kwamba, ‘Mimi nitaitibari, na sitaogopa.’ Nabii huyo baadaye akawa mwenye kuzoelea kuona vitendo vya Mungu vya kuokoa. Yeye alikuwa shahidi aliyejionea mwenyewe wakati Yehova alipotimiza neno Lake kwa kunyenyekeza Ashuru na mfalme wao mwenye majisifu, Senakeribu. Katika usiku mmoja, askari Waashuri 185,000 walichinjwa na malaika mmoja tu ambaye alitumwa na Mungu wetu mweza yote, Yehova! Wokovu mkubwa huo ulitokea kwa sababu Mfalme Hezekia na Yuda wote waliitibari kabisa katika Yah Yehova. (Isaya 37:6, 7, 21, 36-38) Katika karne hii ya 20, Yehova amekomboa pia watu wake kutoka maonevu, marufuku, minyanyaso, na kambi za mateso. Kama wale Waashuri wenye majisifu wa wakati wa Isaya, yule mtawala Mnazi Adolf Hitler alitoa mashutumu dhidi ya Mashahidi wa Yehova, katika pindi moja akipiga kelele, “Vinyangarika hawa wataharibiwa kabisa katika Ujeremani!” Lakini Hitler na Wanazi wake ndio walioharibiwa kabisa. Na sasa kile kikundi kidogo cha Mashahidi Wajeremani ambacho kiliitibari katika Yehova kimekuwa kufikia zaidi ya 121,200!—Zaburi 27:1, 2; Warumi 8:31, 37.

 5. Ni jinsi gani yale maneno ya Isaya 12:3-5 yanavyotumika kwa watu wa Mungu wenye kuitibari leo?

⁵ Mahali po pote ambapo mnyanyaso unatokea, watu wa Yehova wenye kuitibari wanaburudishwa na kuimarishwa kwa kunywa katika maji yanayotoa uhai wa ukweli. Ni sawa na vile nabii wa Mungu alivyosema kwenye Isaya 12:3-5, NW: “Kwa mchachawo ninyi watu hakika mtateka maji kutoka mibubujiko ya wokovu. Na katika siku hiyo ninyi mtasema kwa uhakika: ‘Mpeni Yehova shukrani, enyi watu! Iteni juu ya jina lake. Julisheni miongoni mwa watu shughuli zake. Tajeni kwamba jina lake linawekwa mahali pa juu. Fanyeni mdundo-mtamu wa kimuziki kwa Yehova, kwa maana yeye amefanya kwa kuzidi. Hili linajulishwa katika dunia yote.’” Sisi na tuendelee kunywa kwa kina kirefu kutokana na ukweli wa Ufalme na kuadhimisha kwa shukrani lile jina la Bwana wetu Mwenye Enzi Kuu, Yehova. Tukiwa na itibari kamili katika Yehova, acheni sisi ‘tulihubiri neno, tufanye hivyo kwa haraka katika majira yanayofaa, katika majira yenye taabu.’ (2 Timotheo 4:2, NW) Liwe lo lote lile ambalo huenda wapinzani wakafanya, Yah Yehova atatuongoza sisi kwa upendo katika ile njia ya wokovu!

‘Ule Mji wa Mataifa Yenye Utawala wa Ukatili’

 6, 7. (a) Kwa kupatana na Isaya 25:1, inapasa waabudu wa Yehova wamtukuze Yehova kwa ajili ya nini? (b) Ni jinsi gani Isaya 25:2, 3 husimulia jiji fulani? (c) Inaelekea kwamba nabii huyo anaelekeza kwenye jiji gani, na kwa sababu gani?

⁶ Acheni sisi sasa tugeukie Isaya sura 25. Katika mstari 1, NW sisi tunasoma: “O Yehova, wewe ndiwe Mungu wangu. Mimi nakukweza wewe, mimi naimbilia jina lako, kwa maana wewe umefanya mambo ya ajabu, mashauri kutoka nyakati za mapema, katika uaminifu, katika ustahili wa kuitibariwa.” Waabudu wa Yehova wenye kuitibari wanamtukuza yeye kwa kazi za ajabu ambazo yeye amefanya katikati yao. Lakini Isaya ndipo anapoweka utofautiano wa wazi sana, akisema kwa Yehova: “Kwa maana wewe umefanya jiji liwe rundo la mawe, mji wenye ngome uwe gofu lenye kumomonyoka, mnara-kao wa watu wasiojulikana uwe si jiji, ambalo halitajengwa hata kufika wakati usio dhahiri. . . . Ule mji wa yale mataifa yenye utawala wa ukatili, wao wataogopa [Yehova].”—Isaya 25:2, 3, NW.

⁷ Ni nini hili jiji la utawala wa ukatili lisilotajwa jina? Huenda ikawa Isaya alikuwa amekuwa akirejezea Ari, ule mji mkuu wa Moabu, ambao sikuzote ulikuwa adui ya watu wa Mungu. Lakini maneno yanayozunguka hapa yanaonekana kama yanafaana vizuri zaidi na tawi jingine la tengenezo la Shetani—yule adui-mkuu Babuloni. Katika wakati wake, Babuloni ingekumba Yuda na Yerusalemu, iharibu nyumba ya ibada ya Yehova, na kupeleka waokokaji kati ya watu hao wakaingie katika utekwa. Isaya anataja mfalme wa Babuloni kuwa akifanya majisifu hivi: “Mpaka kwenye mbingu mimi nitaenda juu. Juu juu ya nyota za Mungu mimi nitainua kiti cha ufalme changu, na mimi nitaketi chini juu ya mlima wa mkutano. . . . Mimi nitajifanya mwenyewe nishabihi yule Aliye Juu Zaidi.” Lakini Yehova angeinua Sairasi wa Uajemi akate na kuangusha Babuloni na kurudisha watu wa Mungu kwenye bara lao. Kama ilivyosemwa katika unabii, mahali ambapo Babuloni ya kale ilikuwa paliachwa hapana kitu isipokuwa “rundo la mawe” na “gofu lenye kumomonyoka.”—Isaya 14:12-14; 13:17-22, NW.

 8, 9. (a) Ni Babuloni gani mwingine ambaye waabudu wa Yehova wanalazimika kushindana pamoja naye, na yeye alisitawi jinsi gani? (b) Isaya anamsimulia huyu jinsi gani, na kwa sababu gani neno hilo la cheo linafaa?

⁸ Hata hivyo, zaidi ya miaka 2,500 baada ya kupinduliwa kwa Babuloni, waabudu wa Yehova bado wanalazimika kushindana pamoja na Babuloni mwingine—“Babuloni yule Mkuu, yule mama wa wale makahaba na wa vile vitu vyenye kunyarafu vya dunia.” (Ufunuo 17:5, NW) Yeye ndiye milki ya dini ya bandia. Yeye alipata mwanzo wake muda mfupi baada ya ile Gharika ya siku ya Noa, wakati Nimrodi alipojenga ile Babuloni asilia, ambayo ikawa mahali pa upuzi wa dini bandia, yenye mafarakano. Baada ya Ukristo kusimamishwa kwa uthabiti na Yesu na mitume wake, waasi-imani walichafua ukweli wa Biblia kwa kuleta ndani yao “mafundisho ya mashetani” ya kipagani yaliyo ya Kibabuloni, na vyanzo vya kuenea kwa mfumo wa kidini wa Jumuiya ya Wakristo vikatokezwa. (1 Timotheo 4:1, NW) Ukristo huo wa kuigiza tu umekuwa ndiyo sehemu kuu ya “Babuloni yule Mkuu,” ambayo inatandaa katika sehemu zote za dunia kuingia katika mataifa yote ya aina ya wanadamu. Isaya anasimulia Ukristo huo kuwa ‘mji wa mataifa yenye utawala wa ukatili.’

⁹ Kwa zaidi ya mileani nne, kutoka kuwekwa msingi kwa Babuloni ile asilia mpaka sasa, madikteta wakatili wametumia viongozi wa kidini wenye kuongoza watu kwa ukatili wawe kama vibaraka katika kugandamiza na kuelekeza-elekeza watu wa kawaida. Hivyo, “mwanadamu ametawala mwanadamu kwa umizo lake.” (Mhubiri 8:9, NW) Yesu alihisi sikitikio kwa wale watu “kwa sababu wao walikuwa wamechunwa-chunwa ngozi na kutupwa huku na huku” na wachungaji hao wa kidini wa bandia, Leo, kikundi kilicho cha kulaumika zaidi kinatambulishwa kuwa “mtu wa kuasi,” ambaye amefanyizwa kwa viongozi wa kidini wenye kujikweza wenyewe wa Jumuiya ya Wakristo, ambao wamechukua uongozi wa kupinga na kunyanyasa Mashahidi wa Yehova.—Mathayo 9:36; 2 Wathesalonike 2:3, 4, NW.

10. (a) Kwa kupatana na Isaya 25:3, ni jinsi gani ‘ule mji wa mataifa yenye kutawala kwa ukatili’ umelazimishwa kutukuza Yehova, na pia kumwogopa yeye (b) Kwenye Isaya 25:4, 5, ni jinsi gani Isaya anavyosema juu ya Yehova, kuhusu “yule mmoja aliye dhalili na “wale wenye kutawala wenye ukatili”?

¹⁰ Katika ule mwaka 1919 Yehova alifungua watu wake wa kweli kutoka mwelekezo-mwelekezo wa “Babuloni yule Mkuu.” Huo ‘mji wa mataifa yenye utawala wa ukatili’ ulilazimashwa umtukuze Yehova katika maana ya kwamba huo ulitakwa uyaone kwa uchungu mwingi yale “mambo ya ajabu” ambayo yeye alitimiza katika kurudisha waabudu wake kwenye utendaji wenye kujaa msukumo mwingi. Wanadini wa bandia wanalazimika kuogopa Yehova, pia, kwa kutazamia mambo ambayo yamo akibani kwa ajili yao. Kwa karne nyingi, viongozi wa kidini wenye kuongoza watu kwa ukatili wamejikweza wenyewe juu ya watu wa kawaida. Lakini sasa Isaya anaongea juu ya Yehova akisema hivi: “Wewe umekuwa boma-imara kwa yule mmoja aliye dhalili, boma-imara kwa yule mmoja maskini katika ile taabu ambayo yeye anayo, kimbilio kutoka ile dhoruba-mvua, uvuli kutoka ile hari, wakati lile pulizo la wenye utawala wa ukatili ni kama dhoruba-mvua dhidi ya ukuta. Kama ile hari katika nchi isiyo na maji, ile kelele ya watu wasiojulikana wewe unatiisha, ile hari unatiisha kwa uvuli wa wingu. Ule mdundo-mtamu wenyewe wa kimuziki ulio wa wenye kutawala kwa ukatili unakuwa uliogandamizwa.”—Isaya 25:4, 5, NW.

Hakuna Wimbo wa Shangwe Nyingi Katika “Babuloni”!

11. Kwa sababu gani hakuna wimbo wa shangwe nyingi sana katika sehemu zote za makao ya “Babuloni yule Mkuu,” na jambo hilo lilifanyiwaje kielezi kwenye ule mkusanyiko wa dini mbalimbali kule Assisi, Italia?

¹¹ Kweli kweli, hiyo ndiyo hali iliyopo leo katika sehemu zote za makao ya “Babuloni yule Mkuu.” Hakuna wimbo wa shangwe nyingi unaoweza kupatikana humo. Viongozi wake wa kidini wamevurugika juu ya miungu ambayo wao wanapaswa kuabudu. Jambo hilo lilionyeshwa waziwazi kwenye ule mkusanyiko wa dini mbalimbali kule Assisi, Italia, Oktoba 27, 1986. Kuhusiana na ule Mwaka wa Amani wa Kimataifa wa Umoja wa Mataifa, Papa John Paul wa 2 aliwakusanya huko viongozi wa dini zile kubwa-kubwa za “Babuloni yule Mkuu.” Wote walisali kwa ajili ya amani, hesabu fulani ya watawa-waume wa Kibuddha wakifanya hivyo kwa muda unaofikia hata saa 12 katika siku moja. Lakini wao walisali kwa nani? Je! ilikuwa kwa Mariamu? Au kwa Utatu Mtakatifu wa Jumuiya ya Wakristo? Au kwa utatu wa Kihindu? Au kwa yale maelfu ya miungu ya Ubuddha? Au kwa Allah? Au kwa yule mnyama dhalili, yule mbweha, ambaye Washinto wanaabudu? Au sala zenye kukubalika zaidi zilikuwa zile za Mhindi Mwamerika wa kabila la Crow? Yeye aliripotiwa kuwa ‘mwenye utukufu akiwa amevaa yao la kichwani lenye adhama,’ huku akiwasha kiko cha uvutaji cha amani na kutamka sala zake “ndani ya ule moshi ulipokuwa ukiinuka kama uvumba katika ile hewa baridi.”

12. Ni maneno gani ya Mika na Isaya ambayo wanadini hao hawakubali kufuata?

¹² Jambo moja ni hakika: Hakuna hata mmoja wa wanadini hao, kutoka Dalai Lama wa Ubuddha mpaka kwa “Mmashuhuri” Methodius wa Kanisa Orthodoksi la Ugiriki, anayekubali kufuata yale maneno kwenye Mika 4:5, NW; “Sisi, kwa upande wetu, tutatembea katika jina la Yehova Mungu wetu kwa wakati usio dhahiri, hata milele.” Wao hawakubali kufuata ule ukweli wa taarifa ya Isaya iliyovuviwa na Mungu kwenye sura ya 42, mistari 5 na 8, NW: “Hili ndilo jambo ambalo yule Mungu wa kweli, Yehova, amesema, yule Muumba wa mbingu na Mmoja Mwadhamu ambaye anazinyosha nje; mmoja ambaye anaumbilia dunia umbo layo na mazao yayo, yule Mmoja ambaye anaipa pumzi kwa watu walio juu yayo, na roho kwa wale ambao wanatembea katika hiyo: ‘Mimi ni Yehova. Hilo ndilo jina langu; na kwa mmoja mwingineye yote mimi sitampa utukufu wangu mwenyewe, wala sifa yangu kwa mifano ya kuchongwa.’”

13. Ni jambo gani kwa kweli lilitukia Assisi, na ni jinsi gani jambo hilo lilivyoshutumiwa na Yesu wakati alipokuwa duniani?

¹³ Kule Assisi, sherehe za kishaufu mavazi ya kujipambanua na watu wengine, na sala za kurudiwa-rudiwa ndiyo njia iliyotumiwa kujionyesha sana mbele ya watu wengi. Hilo ndilo jambo ambalo Yesu Mwana wa Yehova alishutumu wakati yeye alipokuwa hapa duniani. Yeye alisema juu ya viongozi wa kidini wa siku yake, “matendo yao yote huyatenda ili kutazamwa na watu,” na yeye akawaelekezea maneno kwa kutoboa waziwazi, akisema: “Ole wenu waandishi na Mafarisayo, wanafiki! kwa kuwa mnawafungia watu ufalme wa mbinguni; ninyi wenyewe hamwingii, wala wanaoingia hamwaachi waingie.” (Mathayo 23:5, 13; ona pia Mathayo 6:1-8.) Si kujionyesha kwa nje-nje au mahali pa ibada ambapo panahesabiwa kuwa pa maana na Mungu. Kama vile Yesu alivyosema: “Mungu ni Roho, nao wamwabuduo yeye imewapasa kumwabudu katika roho na kweli.” —Yohana 4:21, 24.

Kile Chanzo cha Kweli cha Amani

14. (a) Kwa sababu gani zile sala za dini za ulimwengu za kuomba amani ni za kinafiki? (b) Ni nini hukumu ya kimungu kwa dini ya Jumuiya ya Wakristo?

¹⁴ Kwa kuona ule mvurugo ulio katika dini za ulimwengu, je! mmoja ye yote angeweza kuwa na akili changa sana hata afikiri kwamba sala za viongozi wa kidini wa ulimwengu zingeweza kuleta amani ya ulimwengu? Wao wamekuwa wakisali kwa unafiki kwa mamia ya miaka, wakati ule ule wakishiriki kwa kikamili katika vile vita vya mataifa, zile Krusedi, na ile minyanyaso mibaya sana. Nabii wa Yehova aliulizia hivi: “Je! Mkushi aweza kuibadili ngozi yake, au chui madoa-doa yake? Kama aweza, ndipo na ninyi mwaweza kutenda mema, ninyi mliozoea kutenda mabaya.” (Yeremia 13:23) Ikiwa ndiyo sehemu iliyoko mbele zaidi ya “Babuloni yule Mkuu”—ile milki ya ulimwengu ya dini ya bandia—dini ya Jumuiya ya Wakristo hasa ndiyo imepimwa uzito katika vipimio vya kimungu na ikapatikana na upungufu mbaya sana. Hiyo inaelekea kwenye maangamizi tu!—Yeremia 2:34, 35, 37; 5:29-31; Danieli 5:27.

15. Ni jinsi gani Yehova ataleta amani inayodumu, na ni jinsi gani wale ambao wanaitibari katika yeye wanatumikia lile kusudi la amani?

¹⁵ Yehova, yule “Mungu wa amani,” ataleta amani inayodumu kwa kuangamiza wote wenye hatia ya damu na kufanya dunia ikaliwe na wanadamu ambao kwa kweli wanapenda ukweli na uadilifu. (Wafilipi 4:9) Kulingana na Mfalme Daudi, wasikivu ambao ‘wanaitibari katika Yehova na kufanya mema’ ndio “watamiliki dunia” na “kweli watapata upendezo mzuri sana wao katika wingi wa amani.” (Zaburi 37:3, 11, NW) Wale ambao ‘sikuzote wanaitibari katika Yehova na kufanya mema’ wanatumikia kusudi la amani kwa njia ambayo wale wanaotoa sala-mchanganyiko kwa miungu, sanamu, na mifano ya kuabudiwa yenye kuhitilafiana haziwezi kamwe kutumikia kusudi hilo.—Zaburi 115:2-8; Isaya 44:14-20.

16. Ni karamu-nono gani ambayo Yehova anaandaa kwa ajili ya wale walio wasikivu ambao wanaendelea kukusanywa kutoka “ule mji wa yale mataifa yenye kutawala kwa ukatili”?

¹⁶ Ni tofauti kama nini iliyopo ya sala na matumaini ya watu wa Mungu wenyewe na zile za wenye kuunga mkono “Babuloni yule Mkuu”! Sisi tunathamini vizuri kama nini kwamba “ule mdundo-mtamu wenyewe wa kimuziki ulio wa wenye kutawala kwa ukatili unakuwa uliogandamizwa”! (Isaya 25:5, NW) Lakini akisema juu ya walio wasikivu ambao wanaendelea kukusanywa kutoka “ule mji wa yale mataifa yenye kutawala kwa ukatili,” Isaya anaendelea kusema: “Na katika mlima huu, Bwana [Yehova, NW] wa majeshi atawafanyia mataifa yote karamu ya vitu vinono, karamu ya divai iliyokaa juu ya urojorojo wake, . . . iliyochujwa sana.” (Isaya 25:6) Ile karamu ya kiroho ambayo inashirikiwa leo na wale ambao wanakuja kuabudu Yehova inaridhisha kwa upendezo, nayo ni karamu-nono kweli kweli! Mioyo yetu inaimarishwa kuvumilia na furaha yetu inatiririka kwa kufurika huku sisi tukitumikia Yehova kwa juhudi katika tazamio la kufanywa upya kwa kizazi na karamu-nono ya vitu vizuri ambavyo Yehova ameahidi kwa dunia mpya.​—Zaburi 104:1, 14, 15; Mathayo 19:28, KJ.

17. Ni “mambo ya ajabu” gani ambayo Yehova atatimiza, hiyo ikileta shangwe za namna gani?

¹⁷ Karibuni, Yah Yehova atafanya “mambo ya ajabu” katika kuondoa si “Babuloni yule Mkuu’ tu bali pia ile “kazi ya kufumwa” ya shutumi ambayo inafunikiza aina ya wanadamu kwa sababu ya dhambi ya Adamu. (Isaya 25:7, NW Ndivyo, juu ya msingi wa dhabihu ya Yesu Mungu wetu atatimiza ule unabii wa Isaya 25:8: “Amemeza mauti hata milele; na Bwana: Mungu [Yehova, NW] atafuta machozi katika nyuso zote; na aibu ya watu wake ataiondoa katika ulimwengu wote; maana Bwana [Yehova, NW] amenena hayo.” Ni shangwe kama nini kuona dhambi na kifo cha Kiadamu kikiondolewa na kukaribisha wapendwa wakati wa wanaporudi kutoka ile mishiko imara ya kifo! Ni upendezo kama nini kujua kwamba Mashahidi waaminifu wa Yehova wametoa lile jibu kamili kwa Mdhihaki mkuu, Shetani Ibilisi! (Mithali 27:11) Hakuna mmoja ye yote atakayewarushia tena mashtaka ya aibu, kwa maana wao watakuwa wamepata shangwe ya ushindi kuhusu ukamilifu wao. “Katika uaminifu, katika ustahili wa kuitibariwa,” Yehova mwenyewe atakuwa ametekeleza yale mambo yaliyotajwa katika unabii—“mashauri [yake] kutoka nyakati za mapema.” Dunia yote itakuwa imekuwa paradiso yenye uadilifu, ikiwa imejawa na watu waadilifu. Hilo ni tazamio la mbele lililo adimu kama nini!

18. Kujapokuwa na mikazo, sisi tumepiga moyo konde tu tufanye nini, kupatana na Isaya 25:9?

¹⁸ Thawabu hakika itapatikana kwa sisi kuwa sikuzote na itibari katika Yehova tunapopita katika siku hizi zenye giza. Hata iwe ni mikazo gani ambayo sisi tunalazimika kupigana nayo katika maisha zetu za kila siku—iwe ni katika kuandalia jamaa zetu riziki, katika kushika sana kanuni za Biblia shuleni, au katika kutoa ushuhuda katika maeneo magumu—acheni sikuzote sisi tuitibari katika Yehova. Kudumisha kwetu uhusiano wa kindani pamoja na Yehova akiwa ndiye yule “Msikiaji wa sala” kutatuhakikishia sisi wokovu. (Zaburi 65:2, NW) Basi, acheni sisi tupige moyo konde kubaki miongoni mwa watu ambao wanasema, kwa kutumia yale maneno ya Isaya 25:9, NW; “Tazama! Huyu ni Mungu wetu. Sisi tumetumaini katika yeye, na yeye atatuokoa sisi. Huyu ni Yehova. Sisi tumetumaini katika yeye. Acheni sisi tuwe wenye kujaa shangwe na tufanye shangwe katika ule wokovu ulio wa kupitia kwake.”

Maswali Katika Kupitia

◻ Ni jinsi gani Yah Yehova ndiye uthabiti wetu na uweza wetu?

◻ Ni nini “ule mji wa yale mataifa yenye kutawala kwa ukatili”?

◻ Ni jinsi gani ‘ule mji wa mataifa yenye kutawala kwa ukatili’ umelazimishwa kutukuza Yehova, na pia kumwogopa yeye?

◻ Ni nini linaloonyesha kwamba hamna wimbo wa shangwe sana katika “Babuloni yule Mkuu”?

◻ Ni “mambo ya ajabu” gani ambayo Yehova bado atafanya kwa ajili ya watu wake?