Maswali Kutoka kwa Wasomaji

◼ Je! agano la Sheria (Torati) liliisha wakati Yesu alipokufa juu ya mti, na ni lini agano jipya lilipochukua mahali palo?

Wengi wameuliza maswali hayo, akili zao zikiwa zinafikiria matukio matatu: kufa kwa Yesu juu ya mti wa mateso katika alasiri ya Nisani 14, 33 W.K., kutokeza kwake thamani ya damu ya uhai wake mbinguni, na kumimina kwake roho takatifu siku ya Pentekoste 33 W.K. Kimaandiko, inaonekana kwamba agano la Sheria lilimalizika na mahali palo pakachukuliwa na lile agano jipya kwenye Pentekoste. Acheni tuone sababu ni nini.

Yehova alitabiri kwamba, baada ya muda, yeye angebadilisha agano la Sheria kwa “agano jipya’’ ambalo lingeruhusu dhambi isamehewe kabisa, jambo ambalo halikuwezekana chini ya Sheria. (Yeremia 31:31-34) Ubadilishaji huo ungetukia wakati gani?

Lile agano la zamani zaidi, agano la Sheria, lilihitaji kwanza kuondolewa kuwa lililokwisha kutimiza kusudi lalo. (Wagalatia 3:19, 24, 25) Mtume Paulo aliandika hivi: “Kwa fadhili [Munguj alitusamehe makosa yetu yote ya kuruka mpaka na akafuta ile hati ya mwandiko wa mkono iliyo dhidi yetu, iliyofanyizwa kwa maamuzi-rasmi na ambayo ilikuwa na upinzani kwetu; na Yeye ameiondoa kwa kuipigilia misumari kwenye mti wa mateso.” (Wakolosai 2:13, 14, NW) Je! hiyo inamaanisha kwamba wakati ule Yesu alipokufa, agano la Sheria lilibadilishwa kwa agano jipya?

Sivyo, kwa maana agano jipya lingezinduliwa kwa damu ya dhabihu inayofaa na kwa taifa jipya, Israeli la kiroho. (Waebrania 8:5, 6; 9:15-22) Yesu alifufuliwa siku ya Nisani 16, na siku 40 baadaye alipaa mbinguni. (Matendo 1:3-9) Siku kumi baada ya kupaa kwake, au siku ya Pentekoste, Yesu alimimina juu ya wanafunzi wake “roho takatifu iliyoahidiwa” ambayo yeye alikuwa ameipokea kutoka kwa Baba yake, na hapo Israeli la kiroho likatokea. (Matendo 2:33, NW) Kwa njia ya Mpatanishi huyo, Yesu Kristo, Mungu nufanyiza agano jipya pamoja na Israeli la kiroho.

Kwa sababu ya mambo hayo yenye ukamatano, ni wakati gani agano la Sheria lilipobadilishwa kwa agano jipya?

Mtu hangeweza kusema kwamba Sheria ilimalizika na kifo cha Yesu. Wakati wa zile siku baada ya Yesu kufufuliwa kwenye uhai wa kiroho lakini akabakia duniani, wanafunzi wake walikuwa wangali wakishika Sheria. Waaidha, sehemu ya maana ya Sheria hiyo ilikuwa kuingia kwa kuhani mkuu katika Patakatifu Zaidi mara moja kila mwaka. Hiyo ilikuwa picha ya ufufuo wa Yesu kwenda kwenye mbingu. Huko, katika kuwapo kwa Mungu, yeye, akiwa Mpatanishi wa lile agano jipya, yeye angeweza kutokeza thamani ya dhabihu yake ya ukombozi. (Waebrania 9:23, 24) Hiyo ilifungua njia ya kuzinduliwa kwa agano lililo jipya kwa utimizo wa Yeremia 31:31-34.

Agano jipya lilianza kutenda kazi wakati Yehova alipofanya kitendo baada ya kukubali ile dhabihu ya ukombozi. Yeye alimimina roho takatifu yake juu ya wanafunzi waaminifu wa Yesu ili kufanya kuwe na taifa jipya, Israeli la kiroho, lenye kufanyizwa kwa wale walio katika agano kwa ajili ya Ufalme. (Luka 22:29; Matendo 2:1-4) Hiyo ilionyesha kwamba Mungu alikuwa ametangua agano la Sheria, akilipigilia misumari kwa njia ya kitamathali kwenye mti ambao Yesu alikuwa amekufa juu yao. Kwa hiyo agano la Sheria liliisha wakati uendeshwaji, au mzinduo, wa agano jipya ulipotukia kwenye uzaliwa wa lile taifa jipya, Israeli la kiroho, kwenye Pentekoste 33 W.K.​—Waebrania 7:12; 8:1,2.

Zaidi ya jibu hilo la kwanza kwa lile swali, sisi tunaweza kuona kwamba Mungu hakuwapa kisogo kabisa Israeli wa asili mwishoni mwa agano la Sheria na kwenye mwanzo ulioonekana wazi wa agano jipya kwenye Pentekoste 33 W.K. Mathalani, kupatana na agano la Kiabrahamu, Yehova alionyesha upendeleo wa pekee kuelekea Wayahudi, waongofu, na Wasamaria wakati wa “juma” la 70 lililoisha katika 36 W.K. (Mwanzo 12:1-3; 15:18; 22:18; Danieli 9:27; Matendo 10:9-28, 44-48) lliwachukua muda hata baadhi ya Wakristo Wayahudi waliopakwa mafuta kujirekebisha wafuatane na uhakika wa kwamba baada ya 33 W.K. haikuhitajiwa kabisa kushika Sheria; tunaweza kuona hilo kutokana na suala lililoletewa baraza lenye kuongoza katika 49 W.K. (Matendo 15:1, 2) Kuachiliwa mbali kabisa kwa Sheria kulithibitishwa kwa njia isiyokanika katika 70 W.K., wakati ambapo hekalu na maandishi ya vizazi vilivyohusiana na Sheria yalipotoweka, yakiharibiwa na Waroma.​—Mathayo 23:38.

[Hisani katika ukurasa wa 31]

Pictorial Archive (Near Eastern History) Est.