Dumisha Hali Yako ya Kuogopa Yehova
‘“Mimi ni Mfalme mkuu,’ Yehova wa majeshi amesema, ‘na jina langu litakuwa lenye kuvuvia woga miongoni mwa mataifa.’”—MALAKI 1:14, NW.
1, 2. (a) Ni ujumbe gani wenye mkazo mwingi unaopatikana katika kitabu cha Malaki? (b) Ni somo gani ambalo linaandaliwa na maneno ya kufungua ujumbe wa Yehova?
“TAMKO RASMI: Neno la Yehova kwa habari ya Israeli kupitia Malaki.” (Malaki 1:1, NW) Taarifa hiyo fupi yenye kuchochea ndiyo inayoanza kitabu cha Biblia cha Malaki. Katika Biblia tamko rasmi kwa kawaida ni lawama la wazi la uovu. Kwa uhakika hivyo ndivyo ilivyo kuhusu kitabu cha Malaki pamoja na ujumbe wacho wa moja kwa moja na wenye mkazo mwingi kwa taifa la Israeli. Kufikiria kitabu hicho kutatukazia uhitaji wa kudumisha woga wetu kwa Yehova na upendo wetu kwake yeye.
2 Mistari miwili ya kwanza ya kitabu hicho inaandaa somo katika kutoa shauri. Yehova anahakikishia wasikilizaji wake juu ya tamaa yake kuwasaidia wao: “‘Mimi nimependa ninyi watu,’ Yehova amesema.” Kwa watu wenye mioyo minyofu kati ya Israeli wasiotaka kutii, huo ulikuwa utangulizi wenye kutuliza moyo na kuuchangamsha kama nini. Ujumbe huo unaendelea hivi: “Na ninyi mmesema: ‘Ni katika njia gani wewe umetupenda sisi?’ ‘Je! Esau hakuwa ndugu ya Yakobo?’ Ndilo tamko la Yehova. ‘Lakini mimi nimependa Yakobo, na Esau mimi nimemchukia; na mimi mwishowe nilifanya milima yake iwe ukiwa ulioachwa patupu na urithi wake uwe kwa ajili ya mabweha wa jangwa.’ Malaki 1:2, 3, NW.
3. Ni sababu gani ambazo zilifanya Yehova awe na hisia zake kuelekea Yakobo na Esau?
3 Kwa sababu gani Yehova alipenda Yakobo, na baadaye, wazao wa Yakobo, Waisraeli? Ilikuwa kwa sababu Yakobo alikuwa mwogopa Mungu na alistahi wazazi wake waogopa Mungu. Esau, kwa upande ule mwingine, alikuwa mtu mwenye ubinafsi, mwenye ukosefu wa woga kwa Mungu. Pia, yeye alikuwa na ukosefu wa staha kwa wazazi wake, ambao walikuwa na ile haki asilia waliyopewa na Mungu ya kutazamia utii wake. Kwa kufaa, Yehova alipenda Yakobo lakini akachukua Esau. Hilo ni onyo kwetu sisi. Ni lazima sisi tuepuke kupoteza wakati wo wote ule woga kwa Mungu na kuwa wafuatia-vitu-vya-kimwili kama Esau, ambaye alitafuta kuridhisha tu tamaa zake za kimwili.—Mwanzo 26:34, 35; 27:41; Waebrania 12:16.
4, 5. (a) Ule mwendo katika maisha ya Yakobo na Esau ulikuwa na tokeo gani juu ya wazao wao? (b) Jambo hilo lingelipasa kuathiri Waisraeli jinsi gani?
4 Sawasawa na vile mwendo wa Yakobo ulivyothibitika kuwa baraka kwa wazao wake, Waisraeli, ndivyo mwendo wa Esau ulivyothibitika kuwa kinyume kabisa kwa wazao wake, Waedomi. Waedomi hawakufurahia baraka ya Yehova. Badala ya hivyo, kupitia upinzani wao mkali sana kwa watu wake wa agano, wao walijipatia chuki ya Yehova. Wao walifunikizwa kwa kushambuliwa na majeshi ya Nebukadreza na baadaye na Waarabu. Hatimaye, kama ilivyosemwa kwa unabii na Yehova, Waedomi walitoweka wakiwa taifa.—Obadia 18.
5 Hukumu za Mungu juu ya Edomu zilianza kabla ya siku ya Malaki. Jambo hilo lingalipasa kuathiri Waisraeli jinsi gani? Yehova anawaambia wao: “Macho yenu wenyewe yataona hilo, na ninyi wenyewe mtasema: ‘Yehova na aongezewe ukubwa juu ya eneo la Israeli.’” (Malaki 1:5, NW) Kuteremka katika karne zote zilizofuata, Israeli walikuwa wameona kwa ‘macho yao wenyewe’ upendo ambao Yehova alikuwa nao kwao wakiwa taifa.
Vitendo Vyetu Vitaonyesha Kama Sisi Tunaogopa Mungu
6. Ni shtaka gani ambalo Yehova alifanya dhidi ya Waisraeli?
6 Tamko rasmi hilo linaendelea hivi: “‘Mwana, kwa sehemu yake, anaheshimu baba; na mtumishi, bwana wake mkuu. Kwa hiyo ikiwa mimi ni baba, iko wapi ile heshima kwa mimi? Na ikiwa mimi ni bwana mkuu, kuko wapi kule kuogopa mimi?’ Yehova wa majeshi amesema kwenu ninyi, Enyi makuhani ambao mnadharau jina langu.” (Malaki 1:6; Kutoka 4:22, 23; Kumbukumbu 32:6, NW) Yehova alikuwa amewasahihisha, Waisraeli akawapa maandalizi, na kuwapa himaya, sawasawa na vile baba angefanyia mwana wake. Ni jambo gani ambalo yeye kwa haki alitazamia wamrudishie? Ni kuheshimiwa na kuogopwa. Taifa hilo, kutia na makuhani, halikufanya hivyo bali walionyesha ukosefu wa staha kwa jina la Yehova, na kulidharau. Wao wakawa “wana wahaini.”—Yeremia 3:14, 22; Kumbukumbu 32:18-20; Isaya 1:2, 3, NW.
7. Waisraeli walihisi jinsi gani juu ya shtaka hilo, na jibu la Yehova kwao ulikuwa nini?
7 Waisraeli waliuliza: “Ni katika njia gani sisi tumedharau jina lako wewe?” Yehova alijibu hivi kwa mkazo mwingi: “‘Kwa kutoa juu ya madhabahu yangu mkate uliochafuliwa.’ Na ninyi mmesema: ‘Ni katika njia gani sisi tumekuchafua wewe?’ Kwa kusema kwenu: ‘Meza ya Yehova ni kitu cha kudharauliwa.’ Na wakati ninyi mnapotoa mnyama mwenye upofu kwa ajili ya dhabihu: ‘Si jambo baya hata kidogo.’ Na wakati ninyi mnapotoa mnyama mwenye ulema au mmoja aliye mgonjwa: ‘Si jambo baya hata kidogo.’ ‘Mleteni karibu, tafadhali, kwa gavana wenu. Je! yeye ataona raha katika ninyi, au yeye atawapokea ninyi kwa fadhili?’ Yehova wa majeshi amesema.” —Malaki 1:6-8, NW.
8. Waisraeli walikuwa wakionyesha nini kwa vitendo vyao?
8 Lo! mtu anaweza kuwazia Mwisraeli akitazama-tazama kundi la mifugo yake na kuchagua kwa ujanja mnyama mwenye upofu au ulema ili kumtolea Yehova. Kwa njia hiyo yeye angeweza kutoa dhabihu ya ivi hivi tu na bado ajiwekee yeye mwenyewe kwa ubinafsi sehemu iliyo bora zaidi ya kundi la mifugo yake. Yeye hangethubutu kufanya jambo kama hilo kwa gavana! Lakini Waisraeli walifanya hilo kwa Yehova—kana kwamba yeye hangeweza kuona kutunga hila na kupunja kwao! Kwa kufaa, Yehova aliwauliza wao, “Kuko wapi kule kuogopa mimi?” Kwa maneno yao, wao huenda wakawa walidai kuwa waliogopa Yehova, lakini kwa wazi vitendo vyao vilionyesha vingine.—Kumbukumbu 15:21.
9. Makuhani walitenda jinsi gani kuhusu mambo ambayo watu walikuwa wakifanya?
9 Itikio la makuhani lilikuwa nini kwa dhabihu hizo za kudharaulika? Wao walisema: “Si jambo baya hata kidogo.” Wao waliuonyesha kuwa haki mwendo mbovu wa Waisraeli hao. Kwa hiyo hata ingawa wahamishwa ambao walirudi kutoka Babuloni walifanya mwanzo wenye juhudi katika kurudisha ibada ya kweli, baadaye wao wakawa wazembe, wenye kiburi, na wenye kujihesabia uadilifu wao wenyewe. Wao walipoteza hali yao ya kuogopa Yehova. Kwa sababu hiyo, utumishi wao wa hekaluni ukawa mzaha tu, na wao walizishika sikukuu kwa njia ya kidesturi tu.—Malaki 2:1-3; 3:8-10.
10. (a) Ni dhabihu gani ambayo Yehova anataka leo? (b) Ni jinsi gani tu dhabihu yetu inaweza kupata kibali cha Yehova?
10 Huenda watu fulani wakapinga wakisema: “Jambo hilo halituhusu sisi; sisi hatutoi tena dhabihu za wanyama.” Lakini tuna namna nyingine ya dhabihu ya kutoa. Angalia himizo la Paulo: “Mimi nawasihini ninyi kwa huruma za Mungu, ndugu, mtoe miili yenu iwe dhabihu iliyo hai, takatifu, yenye kukubalika kwa Mungu, utumishi mtakatifu pamoja na nguvu zenu za kufikiri.” (Warumi 12:1, NW) Dhabihu ambayo Yehova anataka leo ni wewe! Yaani, nishati zako, majaliwa, na uwezo wa kufanya mambo mbalimbali. Dhabihu yetu itapata kibali chake kama tu hiyo ndiyo dhabihu bora zaidi tuliyo nayo. Kutolea Yehova masalio, kama dhabihu yenye ulema, yenye ugonjwa, kutaathiri bila shaka uhusiano wetu pamoja na yeye.
11. Ni uchunguzi gani mwingi sana ambao inampasa kila mtumishi aliye wakfu wa Yehova afanye?
11 Hata ingawa huenda wengine wakawa ni kama wanasema, “Si jambo baya hata kidogo,” sisi tunajua jinsi Yehova anavyohisi juu ya jambo hilo. Basi, acheni sisi tuchunguze kwa uangalifu mwingi sana, “dhabihu” ya “utumishi mtakatifu” ambao sisi tunatoa, unaotia ndani ushiriki ambao sisi tunao katika kazi ya kuhubiri, funzo la kibinafsi, sala, na kuhudhuria mikutano. Je! wewe unaridhika kwamba unatolea Yehova kile kilicho bora zaidi, au unamtolea masalio tu? Kuna hatari ya kuhusika sana katika vitumbuizo au tafrija wakati wa mwisho-juma hivi kwamba mtu hana wakati au nishati za kuhubiri habari njema za Ufalme na kuhudhuria mikutano. Njia yetu yote ya maisha, maisha yetu ya siku baada ya siku, kutia ndani mielekeo na makusudio yetu, inapasa ifunganishwe pamoja na dhabihu ambayo sisi tunatolea Yehova. Acha dhabihu hiyo iwe iliyo bora, bora zaidi!
Kutambua Walio Waogopaji-Mungu wa Kweli
12. Ni shauri gani ambalo sasa linatolewa?
12 “Na sasa,” unasema unabii ule, “tafadhali, fanyeni uwe mwororo uso wa Mungu, kwamba yeye apate kutuonyesha sisi upendeleo.” (Malaki 1:9, NW) Yehova anahimiza Waisraeli wafanye yaliyo sawa, waonyeshe woga unaofaa kwa Mungu, na kumtolea yeye kile ambacho yeye anastahili. Ni lazima sisi tufanye ivyo hivyo leo. Ni kwa kuishi tu kulingana na viwango vya matakwa ya Yehova sisi tunaweza kupata na kudumisha upendeleo wake.
13. (a) Bila kuogopa Mungu, sisi tungeweza kuanguka ndani ya mtego gani? (b) Ni jinsi gani pupa iliathiri makuhani Waisraeli?
13 Bila woga unaofaa kwa Mungu, huenda utumishi wetu kwake yeye ukafanywa kwa sababu ni desturi tu na kwa ajili ya pato la ubinafsi. Angalia jinsi Yehova anavyowaswali makuhani wa Israeli kuhusu utumishi wao wa hekaluni: “‘Ni nani pia aliye humo miongoni mwa ninyi ambaye ataifunga milango? Na ninyi watu hamtawasha madhabahu yangu—bila kupata kitu. Hakuna upendezi ambao mimi ninao katika ninyi,’ Yehova wa majeshi amesema, ‘na katika toleo la zawadi kutoka mkono wenu mimi sipati raha.’ “(Malaki 1:10, NW) O, ndiyo, makuhani walikuwa wakifanya wajibu wa hekaluni, wakiifunga milango ya patakatifu, wakiziwasha madhahahu. Lakini wao hawakufanya hivyo bila kupata kitu. Wao walikuwa wakitafuta-tafuta mipokezo na rushwa kutoka kwa Waisraeli ambao walikuja kutoa dhabihu kwenye hekalu. Yehova hakupata mfurahio wakati huu, na yeye hapati mfurahio sasa, katika utumishi ambao unafanywa kwa ajili ya pato la ubinafsi tu. Hilo ni jambo lenye kinyaa kwake yeye.
14. Kwa sababu gani wakati wote tunakuwa na uhitaji wa kujikinga dhidi ya pupa?
14 Uhitaji wa kujikinga dhidi ya ubinafsi na pupa haujafifia katika siku yetu. Kwa kurudia-rudia Maandiko yanatuonya sisi dhidi ya pupa, yakisema kwamba watu wenye pupa hawapendelewi na Yehova. (1 Wakorintho 6:10; Waefeso 5:5, NW) Katika kutimiza huduma yetu, upendo na woga wetu kwa Yehova na utuendeleze sisi tukiwa bila kuifanya kamwe huduma kwa ajili ya pato la ubinafsi. Inatupasa sisi tuwe wenye haraka kung’oa mizizi ya maelekeo yo yote kama hayo ambayo huenda yakatokea katika mioyo yetu. Hususa wazee na watumishi wa huduma wanatahadharishwa wasiwe ‘wenye pupa ya pato la ukosefu wa unyofu.’ (Tito 1:7; 1 Timotheo 3:8; 1 Petro 5:2, NW) Huenda watu fulani kwa makusudi wakasitawisha mahusiano pamoja na ndugu wale tu ambao wanaweza kuwasaidia kwa vitu vya kimwili, jambo hilo likitokeza upendeleo na kutotaka kushauri watu kama hao. Sisi hatutaki kamwe kuwa kama wale makuhani wenye pupa wa Israeli waliokuwa wakitafuta-tafuta mipokezo na rushwa kutoka kwa Waisraeli wenzao.
15. (a) Malaki alionyesha jinsi gani kwamba kungekuwa na waogopaji-Yehova katika sehemu zote za dunia? (b) Ni maandiko gani mengine yanayotegemeza jambo hilo?
15 Leo, kama Yehova angeuliza lile swali, “Kuko wapi kule kuogopa mimi?” je! kuna jamii yo yote ya watu ambayo ingeweza kujibu, ‘Sisi hapa, wale ambao wanakuogopa wewe’? Ndivyo kabisa! Akina nani? Mashahidi waaminifu wa Yehova, ambao wanapatikana katika sehemu zote za dunia. Kikundi hicho cha watu wa kimataifa na kazi ambayo wao wangefanya kilitabiriwa kwenye Malaki 1:11, NW; “‘Kwa maana kutoka kucha kwa jua hata kuchwa kwalo jina langu litakuwa kuu miongoni mwa mataifa, na . . . tuzo litafanywa kwa jina langu, hata zawadi safi; kwa sababu jina langu litakuwa kuu miongoni mwa mataifa,’ Yehova wa majeshi amesema.”—Ona pia Zaburi 67:7; Isaya 33:5, 6; 41:5; 59:19; Yeremia 32:39, 40.
16. Kutoka kucha kwa jua mpaka kuchwa kwa jua kungeweza kuwa na maana gani tofauti-tofauti, na ni jinsi gani jambo hilo linaendelea kutimizwa?
16 Hapo Malaki anaeleza kwa kufaa sana juu ya kazi kubwa inayofanywa katika siku yetu kwa kuhubiri habari njema katika dunia yote. (Mathayo 24:14; Ufunuo 14:6, 7) Kutoka kucha kwa jua mpaka kuchwa kwa jua, katika maana ya kijiografia, inamaanisha kutoka mashariki mpaka magharibi. Hata kama ni wapi tutatazama katika dunia leo, sisi tunapata waogopaji Yehova wakifanya mapenzi yake. Kutoka kucha kwa jua mpaka kuchwa kwa jua humaanisha pia muda wa mchana wote. Ndiyo, sifa inatolewa daima na watumishi wanaoogopa Mungu. Kama vile Yehova alivyoahidi, jina lake linatangazwa katika dunia yote na wale ambao wanamwogopa yeye kweli kweli.—Kutoka 9:16; 1 Nyakati 16:23, 24; Zaburi 113:3, NW.
Dumisha Hali Inayofaa ya Kuogopa Mungu
17. Ni nini ambayo huenda yakawa matokeo ya kupoteza staha yetu kwa Yehova na woga wetu kwake yeye?
17 Kwa wale ambao hawastahi na kuogopa Yehova, ibada na utumishi vinakuwa mzigo. Yehova aliwaambia Waisraeli: “Ninyi watu mnanitia mimi uchafu kwa kusema kwenu, ‘Ile meza ya Yehova ni kitu cha kutiwa uchafu, na tunda yayo ni kitu cha kudharauliwa, chakula chayo.’ Na ninyi mmesema, ‘Tazama! Ni uchovu kama nini!’ “(Malaki 1:12, 13, NW) Inaweza kuwa ivyo hivyo katika nyakati za ki-siku-hizi. Kwa wale ambao wanapoteza woga kwa Yehova, mikutano, utumishi wa shambani, na utendaji mwingine mbalimbali wa Kikristo ungeweza kuwa mzigo.
18. Wakati kwa wakati, ni jambo gani ambalo limepata watu fulani kati ya watumishi wa ki-siku-hizi wa Mungu?
18 Angalia jinsi watu kama hao walivyosemwa kuwa katika Mnara wa Mlinzi (Kiingereza) wa Januari 1, 1937: “Kwa watu hao wasio waaminifu lile pendeleo la kutumikia Mungu kwa kuyaleta matunda ya ule ufalme mbele ya wengine, kama vile ambavyo Bwana ameahidi, umekuwa sherehe yenye kuchosha na desturi tu, ambayo haiwapi wao nafasi ya kung’aa katika macho ya wanadamu. Kuupeleka ujumbe wa ufalme kutoka nyumba kwa nyumba ukiwa kwa namna ya vichapo, na kuwatolea watu, linaonwa na watu kama hao wenye kujiona mashuhuri kuwa jambo la kunyenyekeza mno. Wao hawapati furaha katika hilo... Basi wao wamesema, na wanaendelea kusema: ‘Hili jambo la kupeleka-peleka vitabu huku na huku ni mbinu tu ya kuuza vitabu. Hilo ni furushi la kazi yenye kuchosha kama nini!’” Hata leo kuna wale ambao, wakati kwa wakati, wanaona utumishi wa shambani kuwa kazi isiyopendeza na kuhudhuria mikutano kuwa kwenye kuchosha. Hilo ndilo jambo ambalo linaweza kutokea wakati sisi tunapopoteza woga wetu kwa Yehova na upendo wetu kwake yeye.
19. Ni jinsi gani sisi tunavyoweza kuendelea kuonyesha uthamini wetu kwa maandalizi ya Yehova?
19 Kudumisha hali ya kuogopa Yehova kutafanya tuendelee kuwa wanyenyekevu mbele zake na kuthamini wakati wote mambo yote ambayo yeye anatufanyia sisi. Kwamba sisi tuko kwenye kikusanyiko kidogo nyumbani au kusanyiko kubwa la makumi ya maelfu katika uwanja, sisi tuna shukrani kwa Yehova kwa pendeleo la kuwa pamoja na ndugu zetu wa Kikristo. Sisi tutaonyesha utoaji wetu wa shukrani kwa kuwa huko na kuhimiza wengine walioko wawe na ‘upendo na kazi njema’ kwa maongezi yetu yenye kujenga na kwa maelezo ambayo sisi tunatoa nyakati za mikutano. (Waebrania 10:24, 25, NW) Likiwa pendeleo letu kutunza sehemu mikutanoni, sisi tutaepuka kuahirisha tayarisho mpaka dakika ya mwisho, huku tukifanya haraka-haraka ya kukusanya mawazo ya kutumia. Usitendee kamwe migawo hiyo kama kitu cha kikawaida tu. Hayo ni mapendeleo yanayostahili kicho cha kimungu, na njia ambayo sisi tunayatunza ni kionyesho kingine cha jinsi sisi tunavyostahi na kuogopa Yehova.
20. (a) Ni jambo gani ambalo ni lazima sisi tusilisahau kamwe? (b) Ni umalizio gani ambao sisi tunaujia?
20 Tokeo linakuwa la kusikitisha kama nini kwa wale ambao wanapoteza hali ya kuogopa Mungu! Wao wanakosa uthamini kwa pendeleo lisilostahiliwa la kuwa na uhusiano pamoja na Mwenye Enzi Kuu wa ulimwengu wote mzima. “‘Mimi ni Mfalme mkuu,’ Yehova wa majeshi amesema, ‘na jina langu litakuwa lenye kuvuvia woga miongoni mwa mataifa.’ “(Malaki 1:14; Ufunuo 15:4, NW) Sisi na tusisahau kamwe jambo hilo. Kila mmoja wetu na awe kama mtunga zaburi ambaye alisema: “Mimi ni mshirika wa wale wote ambao huogopa wewe.” (Zaburi 119:63, NW) Baada ya kufikiria jambo hilo, sisi tunakuja kwenye umalizio ule ule ambao Sulemani aliujia wakati yeye aliposema: “Ogopa Mungu wa kweli na kushika amri zake. Kwa maana huu ndio wajibu mzima wa mwanadamu. Kwa maana yule Mungu wa kweli mwenyewe ataleta kila namna ya kazi ndani ya hukumu kuhusiana na kila jambo ambalo limefichwa, kwa habari ya kama ni jema au baya.”—Mhubiri 12:13, 14, NW.
Masomo Kutoka Kitabu cha Malaki—
◻ Kwa sababu gani Waisraeli waliwiwa na Yehova woga wao?
◻ Ni jinsi gani vitendo vyetu vinaonyesha kama sisi tunaogopa Yehova kweli kweli?
◻ Ni jambo gani linalothibitisha kwamba kuna waogopaji Yehova duniani pote leo?
◻ Kwa sababu gani ni lazima sisi tudumishe hali inayofaa ya kuogopa Mungu?
[Blabu katika ukurasa wa 18]
Kutoka kucha kwa jua mpaka kuchwa kwa jua, jina la Yehova litafanywa liwe kuu
[Picha katika ukurasa wa 17]
Waisraeli walidharau Yehova kwa kutoa wanyama wenye upofu, ulema, au ugonjwa wawe dhabihu