3:10—Je, kuleta “sehemu zote za kumi,” au kutoa zaka, kunamaanisha kwamba tumetoa vitu vyetu vyote kwa Yehova? Sheria ya Musa ilifutiliwa mbali kwa msingi wa kifo cha Yesu, kwa hiyo kutoa pesa si takwa la kumwabudu Mungu leo. Hata hivyo, kutoa sehemu ya kumi kuna maana ya mfano. (Waefeso 2:15) Hakumaanishi tutoe vitu vyetu vyote. Sehemu ya kumi ililetwa kila mwaka, lakini sisi tunamtolea Yehova vitu vyetu vyote mara moja tu, tunapojiweka wakfu kwake na kuonyesha wakfu huo kwa kubatizwa katika maji. Kuanzia wakati huo na kuendelea, kila kitu tulicho nacho kinakuwa cha Yehova. Hata hivyo, bado anaturuhusu tutumie katika utumishi wake sehemu ya vitu tulivyo navyo, yaani, zaka ya mfano. Zaka hiyo ni chochote ambacho moyo wetu unatuchochea kufanya kulingana na hali zetu. Matoleo tunayomtolea Yehova yanatia ndani wakati, nguvu, na mali nyingine zinazotumiwa katika kazi ya kuhubiri kuhusu Ufalme na kufanya wanafunzi. Pia, yanatia ndani kuhudhuria mikutano ya Kikristo, kuwatembelea waamini wenzetu walio wagonjwa na waliozeeka, na kutegemeza ibada ya kweli kwa pesa.

3:10. Kutompa Yehova matoleo yetu yaliyo bora ni kujinyima baraka zake.