Sababu Inayofanya Wewe Upaswe Kupendezwa

‘KUPENDEZWA na nini?’ Na badiliko lililo .kubwa zaidi ya yote ambalo litatukia katika historia ya aina ya wanadamu! Serikali mpya kabisa kabisa yenye kufanyizwa na Mungu iko karibu kuingia kwa mbadala ili ichukue tamasha ya kidunia. (Danieli 2:44) Hatua hiyo itaathiri kila mwanamume, mwanamke, na mtoto—ama kwa wema ama kwa ubaya. Badiliko hilo kubwa sana litatukia katika muda wa kizazi kilichotajwa kwenye Mathayo 24:34. Hivyo, ule ujumbe unaohusu badiliko hilo unataka watu wote wapendezwe kwa moyo mweupe na kwa bidii nyingi. Kweli kweli, lingekuwa kosa kusema, ‘Mimi sipendezwi.’

Wakati Ambapo Wengi Hawakuonyesha Kupendezwa

Siku yetu ya kisasa siyo mara ya kwanza ambapo ujumbe wa maana na wenye uharaka ulitangazwa ambao ungalipasa kuamsha kupendezwa kwa wale ambao walialikwa kuusikia. Siku ya Noa ilikuwa moja ya mara hizo. Kwa sababu ya utu wa mwanadamu ulio mwovu, wenye ukosefu wa adili, na wenye jeuri wakati huo, Yehova Mungu alikusudia kuangamiza aina ya mwanadamu katika gharika ya duniani pote. (Mwanzo 6:5-7, 13) Hata hivyo, kabla ya kuchukua hatua kuangamiza wasiomcha Mungu kabisa, yeye alipanga Noa, mhubiri wa uadilifu, awaonye juu ya lile Furiko Kubwa lililokuwa linakuja na mwendo wa hatua ambao wao walihitajiwa kufuatia ili wahifadhiwe hai. Ingawa ujumbe huo ulikuwa wa maana sana, watu kwa ujumla ambao walisikia juu yao, “hawakujali.” (Mathayo 24:39; Luka 17:26, 27; 2 Petro 2:5, NW) Wao walikuwa baridi-baridi, wasiojali kitu—kabisa wasiopendezwa! Kwa sababu ya hilo, wao walipoteza kila kitu.

Hali kama iyo hiyo ilikuwako katika zile siku za wakaaji wa Sodoma na Gomora ile miji iliyokuwa na sifa mbaya sana ya ukosefu wa adili. Ingawa wao walionywa juu ya uharibifu uliokuwa karibu kwa sababu ya ubaya wao mkubwa sana, wao hawakusikiliza. Wao pia hawakupendezwa na mmoja yeyote ambaye angevuruga kawaida yao ya maisha. Yule mwanamume Loti ndiye peke yake aliyekuwa tofauti.—Mwanzo 18:20-30; 19:1-29; Luka 17:28-30.

Hivyo, ujumbe ule haukuwa ukipendwa na wengi miongoni mwa wakaaji wa miji hiyo. Labda wao walihangaikia zaidi mambo ambayo jirani zao wangefikiri juu yao ikiwa wao wangeonyesha kupendezwa. Au labda wao waliogopa kwamba wangelazimika kufanya mabadiliko katika maisha zao, mabadiliko ambayo wao hawakuwa na nia ya kufanya. Inaonekana wazi, wao walifurahia mtindo wao wa maisha ya ngono chafu. (Yuda 7) Kwa hiyo kufikia siku ile ambapo uharibifu wao ulikuja, wao hawakutuhumu kwamba jambo lo lote lingetukia na hawakushika kwa akili zao maana ya jambo ambalo lilikuwa karibu kutukia.

Wale Ambao Hawakupendezwa Katika Siku ya Yesu

Wakati yule Mwana wa Mungu, Yesu Kristo, alipokuwa duniani, yeye alituma wafuasi wake waende nje kutangaza zile habari njema juu ya serikali ya kimbingu ya Mungu. (Mathayo 10:7) Kwa hakika, yeye aliwapa maagizo wanafunzi wake kuhusu njia ambayo katika hiyo wao walipaswa kutokeza ujumbe huo usio wa kawaida na wenye maana katika kila nyumba na hatua ambazo wangechukua mahali ambapo wenye nyumba hawakuonyesha kupendezwa kikweli. Msikilize yeye anaposonga mbele na kuzoeza wanafunzi wake: “Wakati ninyi mnapoingia ndani ya ile nyumba, salimuni watu wa nyumba ile; na ikiwa nyumba ile inastahili, acheni amani mnayoitakia ije juu yayo; lakini ikiwa haistahili, acheni ile amani kutoka kwenu irudi juu yenu. Mahali po pote ambapo mtu ye yote hawakaribishi ndani wala kusikiliza maneno yenu, mnapotoka katika nyumba hiyo au mji huo yakung’uteni mavumbi yatoke kwenye nyayo zenu.”—Mathayo 10:12-14, NW.

Angalia kwamba Yesu aliwapa wanafunzi wake maagizo ‘kukung’uta mavumbi yatoke katika nyayo zao,’ wakati wao walipoondoka katika nyumba au mji ambako kulikuwa na ukosefu kamili wa kupendezwa na Ufalme wa Yehova. Yeye alimaanisha nini kwa shauri hilo? Kukung’uta mavumbi yatoke katika nyayo za mmoja kulionyesha kukataa udeni wa kuwa na daraka au lawama ya kuhesabiwa matokeo ambayo mwenye nyumba angepatwa nayo kwa sababu ya ukosefu wa kupendezwa na ujumbe wa Mungu. Jambo hilo liligusia maana ya kwamba wafuasi wa Yesu walikuwa wakiondoka kwa amani na kuachia nyumba au mji huo matokeo ambayo mwishowe yangekuja kutoka kwa Mungu.

Onyesha Kupendezwa —Hilo Linamaanisha Uhai Wako!

Ni jambo la kupendeza kuangalia kwamba Yesu Kristo alilinganisha maitikio ya siku yetu na yale ya siku za Noa na Sodoma na Gomora. (Mathayo 24:37-39; Luka 17:26-30) Ukosefu wa adili na jeuri yalikuwa mambo yaliyoenea sana katika zile siku za Noa na zile siku za Loti. Kweli kweli, yule mwanamume mwadilifu Loti aliumiaumia na kutaabikataabika moyoni wakati alipokuwa anaona ule ukosefu wa kutii sheria na kujiingiza katika mwenendo mlegevu wa wakaaji wa Sodoma na Gomora.—2 Petro 2:6-8.

Hata hivyo, wakati Yesu anaporejeza kwenye siku ya Noa na siku ya Loti, yeye anakaza uangalifu wetu, si juu ya ule ukosefu wa adili na jeuri ya nyakati hizo, bali juu ya mambo yanayohangaikiwa kila siku—kula, kunywa, kuoa, mtu kupewa katika ndoa, kununua, kuuza, kujenga, na kupanda mbegu. Yeye alionyesha kwamba wengi hawangeitikia ule ujumbe wa habari njema za Ufalme wa Mungu bali wangeshughulishwa kwanza na mambo ya kila siku ya maisha na hivyo wasionyeshe kupendezwa ko kote katika mambo ambayo Yehova anakusudia kufanya. Ule ujumbe ni wa umaana wa uzima au kifo. Kutosikiliza kungeleta hasara kubwa. Kutojali au kutoonyesha kupendezwa ko kote ni dhambi nzito.—Linganisha Mathayo 6:31, 32.

Ni zito jinsi gani hasa? Yesu aliendelea kueleza: “Katika ile Siku ya Hukumu Mungu ataonyesha rehema zaidi kwa wale watu wa Sodoma na Gomora kuliko kwa wale watu wa mji huo” ambao hawakusikiliza au kuonyesha kupendezwa. (Mathayo 10:15, Today’s English Version) Ikiwa mtu anaonyesha kupendezwa, anasikiliza, na kuitikadi ule ujumbe, hata ingawa huenda yeye akawa mkosefu wa adili na mwenye jeuri, yeye anaweza kubadili utu wake na kupata upendeleo katika macho ya Yehova ili astahili kuwa raia wa ule Ufalme, hata kama vile Wakristo wa mapema katika Korintho walifanya.—1 Wakorintho 6:9-11.

Katika maongezi yake yote pamoja na wanafunzi wake, Yesu Kristo alihimiza wao kusikiliza, kutega sikio kwa uangalifu, kuonyesha kupendezwa na ule ujumbe wa maana wa Ufalme wa Mungu. Kuamsha uangalifu wa wale ambao yeye alisema nao, yeye alionya kwa upole hivi: “Tegeni sikio kwa uangalifu kuona ni jinsi gani ninyi mnasikiliza.” “Acheni yeye ambaye ana masikio ya kusikiliza asikilize.” “Sikilizeni mimi, ninyi nyote, na mpate ile maana.” “Sikilizeni na mpate ile hisiamaana ya jambo hilo.”—Luka 8:18; Marko 4:9; 7:14; Mathayo 15:10, NW.

Basi, wakati ule unaofuata ambapo mmoja wa Mashahidi wa Yehova atatembelea nyumbani kwako wewe, litakuwa jambo la manufaa kwako wewe kusema: ‘Karibu, mimi napendezwa.’