Ungeulipia Kiasi Gani?

JE! WAJUA kitu chochote kile chenye thamani kubwa ambacho ungedhabihu kwa nia mali zako zote ili kuwa nacho? Yesu alijua, na aliwaambia wafuasi wake juu yacho.

Alisema hivi: “Ufalme wa mbinguni umefanana na mfanya biashara, mwenye kutafuta lulu nzuri; naye alipoona lulu moja ya thamani kubwa, alikwenda akauza alivyo navyo vyote, akainunua.”—Mathayo 13:45, 46.

Mfanya biashara huyo alikuwa na nia ya kusalimisha kila kitu ili kumiliki ile “lulu,” Ufalme wa Mungu. Kwa nini? Kwa sababu hakuna chochote katika ulimwengu huu kiwezacho kulinganishwa nao. Ufalme wa Mungu utasuluhisha matatizo ambayo wanadamu wameshindwa kusuluhisha, kama vile vita, njaa, uhalifu, na uonevu. (Zaburi 72:4-8, 13, 14) Chini ya Ufalme wa Mungu, hata dhambi, magonjwa, na kifo hakitakuwapo tena. (Ufunuo 21:4, 5) Si ajabu kwamba ombi la pili la Sala ya Bwana (ile ya “Baba Yetu”) ni, “Ufalme wako uje”!—Mathayo 6:9, 10.

Ungelipa nini ili kushiriki katika baraka za Ufalme? Kwa kweli, baraka hizo zinatolewa bila malipo. Lakini ili kuzifurahia, ni lazima ujue Ufalme huo ni nini, uamini kwamba ni jambo halisi, na kuuweka kwanza maishani mwako. Je! unaweza kufanya hivyo? Kuna habari katika Biblia itakayokusaidia. Kwa nini usiwaruhusu Mashahidi wa Yehova wakusaidie kujifunza kuhusu Ufalme wa Mungu na kuona namna ufalme huo uwezavyo kukunufaisha hata sasa.