Maisha na Huduma ya Yesu

Yesu Atoa Somo Katika Unyenyekevu

BAADA YA kuponya yule mvulana mwenye mashetani katika jimbo lililo karibu na Kaisari ya Filipi, Yesu anataka kurudi nyumbani Kapernaumu. Hata hivyo, yeye anataka kuwa peke yake pamoja na wanafunzi wake katika kisafari hicho ili yeye aweze kuwatayarisha zaidi kwa ajili ya kifo chake na madaraka yao baada ya hapo. “Mwana wa mwanadamu atapelekwa ndani ya mikono ya wanadamu,” yeye anawaeleza wao, “na wao watamuua yeye, lakini, kujapokuwa kuuawa, yeye atainuka siku tatu baadaye.”

Hata ingawa Yesu alisema mapema zaidi juu ya jambo hilo, na mitume watatu waliona kwa kweli ule mtukuzo wa kiwiliwili chake wakati ambapo “mwondoko” wake ulizungumzwa, bado wafuasi wake hawana ufahamu kuhusu jambo hilo. Ingawa hakuna wowote kati yao ambao wanajaribu kukana kwamba yeye atauawa, kama Petro alivyofanya mapema zaidi, wao wanaogopa kumswali yeye zaidi juu ya jambo hilo.

Mwishowe wao wana kuja ndani ya Kapernaumu, ambayo imekuwa aina fulani ya maskani-msingi wakati wa huduma ya Yesu. Pia huo ndio mji wa maskani kwa Petro na hesabu fulani ya mitume wengine. Hapo, wanaume ambao wanakusanya ile kodi ya hekalu wanafikia Petro. Labda wakijaribu kuhusisha Yesu katika jambo fulani la kuvunja desturi inayokubaliwa, wao wanauliza: “Je! mwalimu wenu analipa zile drakma mbili kodi ya [hekalu?”

“Ndiyo,” Petro anaitikia.

Yesu, ambaye huenda akawa alifika kwenye nyumba ile muda mfupi baadaye, ana habari juu ya jambo ambalo limetukia. Kwa hiyo hata kabla Petro hajatokeza jambo hilo kumweleza yeye, Yesu anauliza: “Wewe unafikiri nini, Simoni? Ni kutoka kwa nani wale wafalme wa dunia wanapokea malipowajibu au kodi ya kichwa? Kutoka kwa wana wao au kutoka kwa watu wasiojulikana?”

“Kutoka kwa watu wasiojulikana,” Petro anajibu.

“Kwa kweli, basi, wale wana wako huru na kodi,” Yesu anaonelea. Kwa kuwa Baba ya Yesu ndiye Mfalme wa ulimwengu wote mzima, yule Mmoja ambaye anaabudiwa kwenye hekalu, kwa kweli si takwa la kisheria kwa Mwana wa Mungu kulipa ile kodi ya hekalu. “Lakini kwamba sisi tusisababishe wao kukwazika,” Yesu anasema, “wewe nenda kwenye bahari, tupa ndoana, na uchukue yule samaki wa kwanza anayekuja juu na, wakati wewe unapofungua kinywa chake, wewe utapata sarafu stateri [drakma nne. Chukua hiyo na uipe kwa hao kwa ajili yangu mimi na wewe.”

Wakati wale wanafunzi wanapokuja pamoja baada ya kurudi kwao Kapernaumu, labda wakiwa kwenye nyumba ya Petro, wao wanauliza: “Nani kwa kweli ni mkubwa zaidi ya wote katika ule ufalme wa mbingu?” Yesu anajua jambo ambalo linafanya wao watokeze swali lao, kwa kuwa ana habari juu ya jambo lililokuwa likiendelea miongoni mwao wakati walipokuwa wamebaki-baki nyuma yake wakati wa kurudi kwao kutoka Kaisari ya Filipi. Kwa hiyo yeye anauliza: “Ni jambo gani ambalo ninyi mlikuwa mkibishania barabarani?” Kwa kuona haya, wanafunzi wa naendelea kimya, kwa maana wao walikuwa wamebishana miongoni mwao wenyewe juu ya ni nani aliye mkubwa zaidi.

Baada ya karibu miaka mitatu ya kufundisha kwa Yesu, je! linaonekana kuwa jambo lisiloaminika kwamba wanafunzi wangekuwa na bishano kama hilo? Haya basi, hiyo inafunua lile vutano lenye imara la kutokamilika kwa kibinadamu, na pia la mandhari-nyuma ya kidini. Dini ya Kiyahudi ambamo wanafunzi walikuwa wamelelewa ilikazia cheo au daraja katika shughuli zote. Zaidi ya hilo, labda Petro, kwa sababu ya ahadi ya Yesu kupokea “funguo” fulani za kuelekeza kwenye Ufalme, alihisi kuwa mkubwa zaidi. Yakobo na Yohana huenda wakawa walikuwa na mawazo yanayofanana na hiyo kwa sababu ya kuwa wamependelewa kushuhudia mtukuzo-kiwiliwili wa Yesu.

Lolote liwalo, Yesu anafanya wonyesho wa kugusa hisia katika jitihada ya kusahihisha mielekeo yao. Yeye anaita mtoto, anamsimamisha katikati yao, anamzungushia mikono, na kusema: “Isipokuwa ninyi mnafanya mgeuko kamili na kuwa kama watoto wadogo, ninyi kwa vyo vyote hamtaingia ndani ya ule ufalme wa mbingu. Basi, yule awaye yote ambaye atajinyenyekeza mwenyewe kama mtoto mchanga huyu ndiye mmoja ambaye ndiye mkubwa zaidi ya wote katika ule ufalme wa mbingu; na yule awaye yote ambaye anapokea mtoto mmoja mchanga hivi juu ya msingi wa jina langu ananipokea mimi pia.”

Hiyo ni njia ya ajabu kama nini kusahihisha wanafunzi wake! Yesu hawi mwenye kasirani kwao na kuwaita wao kuwa wenye kujigamba, wenye pupa, au wenye kujitakia umashuhuri. Sivyo, bali yeye anatoa kielezi cha fundisho la kusahihisha kwa kutumia watoto wadogo, ambao kwa tabia ni wenye kiasi, wasiojitakia umashuhuri, na kwa ujumla hawana fikira ya kuwa na madaraja miongoni mwao wenyewe. Hivyo Yesu anaonyesha kwamba wanafunzi wake wanahitaji kukuza sifa hizo hizo ambazo ni tabia ya watoto wanyenyekevu. Kama Yesu anavyomalizia: “Yeye ambaye anajiendesha mwenyewe kama mmoja aliye mdogo zaidi miongoni mwa ninyi nyote ndiye mmoja ambaye ni mkuu.” Mathayo 17:22-27; 18:1-5; Marko 9:30-37; Luka 9:43-48, NW.

◆ Anaporudi Kapernaumu, ni fundisho gani ambalo Yesu anarudia, na hilo linapokewa kwa jinsi gani?

◆ Kwa sababu gani Yesu hana wajibu wa kulipa ile kodi ya hekalu, lakini kwa sababu gani yeye analipa hiyo?

◆ Labda ni jambo gani ambalo lilichangia lile bishano la wanafunzi, na ni jinsi gani Yesu aliwasahihisha?