“Habari Njema Lazima Zihubiriwe Kwanza”

“Pia, katika mataifa yote habari njema lazima zihubiriwe kwanza.”—MARKO 13:10, NW.

 1. Ni nini jambo moja ambalo linafanya Mashahidi wa Yehova wawe tofauti na dini zote za Jumuiya ya Wakristo, na kwa sababu gani?

KATI ya wote wale ambao wanadai kuwa Wakristo, Mashahidi wa Yehova ndio wanaochukua kule kuzihubiri habari njema kwa uzito. Wao ndio walio kikundi kimoja tu ambamo kila mshiriki anahisi wajibu wa kibinafsi kufikia jirani yake kwa ukawaida ili kumwambia juu ya makusudi ya Mungu. Kwa sababu gani iko hivyo? Ni kwa sababu kila Shahidi anahisi kwamba, kama Mkristo, lazima yeye awe mfuasi wa hatua za nyayo za Kristo. (1 Petro 2:21) Jambo hilo linagusia maana gani?

 2. Watu wengi wana maoni gani juu ya Yesu Kristo, lakini utendaji wake wa msingi duniani ulikuwa nini?

² Katika akili za wengi, Yesu Kristo alikuwa mwanamume aliyefanya matendo mema tu. Yeye aliponya wagonjwa, alilisha wenye njaa, na aliwaonyesha upendo na fadhili wale wenye uhitaji. Lakini Yesu alifanya mengi zaidi ya hayo. Kwanza yeye alikuwa mhubiri mwenye juhudi wa habari njema za Ufalme wa Mungu. Miezi michache baada ya ubatizo wake katika ule mto wa Yordani, Yesu alianza kuhubiri peupe: “Tubuni, ninyi watu, kwa maana ule ufalme wa mbingu umekaribia.” (Mathayo 4:17, NW) Usimulizi wa Marko unasema: “Yesu alienda ndani ya Galilaya, akihubiri zile habari njema za Mungu na kusema: ‘Ule wakati uliowekwa rasmi umetimizwa, na ule ufalme wa Mungu umekaribia. Mwe wenye kutubu, ninyi watu, na mwe na imani katika zile habari njema.’”—Marko 1:14, 15, NW.

 3, 4. (a) Ingawa Yesu aliponya kila namna ya ugonjwa, yeye alikazia nini katika huduma yake? (b) Ni kwa sababu gani Yesu alitumwa? (c) Yesu alifananisha na nini kazi yake ya kuhubiri, na ni mambo gani ambayo yeye aliambia wanafunzi wake wafanye?

³ Yesu aliita Petro, Andrea, Yakobo, na Yohana wafuate yeye, na sisi tunasoma: “Ndipo yeye akaenda akizunguka sehemu zote za Galilaya nzima, akifundisha katika masinagogi yao na kuhubiri zile habari njema za ule ufalme na kuponya kila namna ya ugonjwa na kila namna ya udhaifu wa mwili miongoni mwa watu.” Wakati makutano katika Galilaya walipojaribu kumzuilia, yeye alisema: “Lazima pia nitangazie miji mingine zile habari njema za ule ufalme wa Mungu, kwa sababu kwa ajili ya hilo mimi nilitumwa niende.” Ndipo yeye akaenda kuhubiri katika masinagogi ya Yudea.—Mathayo 4:18-23; Luka 4:43, 44, NW.

⁴ Akirudi tena Galilaya, Yesu “alienda akisafiri kutoka mji kwa mji na kutoka kijiji kwa kijiji, akihubiri na kutangaza zile habari njema za ule ufalme wa Mungu.” (Luka 8:1, NW) Yeye alifananisha kazi yake ya kuhubiri na kuvuna akasema: “Mavuno ni mengi, lakini watenda kazi ni wachache. Basi mwombeni Bwana wa mavuno, apeleke watenda kazi katika mavuno yake.” (Mathayo 9:35-38) Hata wakati makutano hawakumpa pumziko “yeye aliwapokea wao kwa fadhili na kuanza kusema kwao juu ya ule ufalme wa Mungu, na yeye akaponya wale wenye kuhitaji ponyo.”—Luka 9:11, NW.

 5. Wakati Yesu alipotuma nje mitume wake na wanafunzi wengine katika ile huduma, ni maagizo gani ambayo yeye aliwapa wao?

⁵ Ni kweli, Yesu aliwaponya wagonjwa na pindi kwa pindi akalisha wenye njaa. Lakini zaidi ya mambo mengine yote, yeye alikuwa mwenye shughuli akiambia watu juu ya ule Ufalme wa Mungu. Na yeye alitaka wafuasi wake wafanye ivyo hivyo. Akiisha kuzoeza mitume wake, yeye aliwatuma nje wawili wawili kuhubiri, akisema: “Katika kuenenda kwenu, hubirini mkisema, Ufalme wa mbinguni umekaribia.” (Mathayo 10:7) Luka anasema: “Akawatuma wautangaze ufalme wa Mungu, na kupoza wagonjwa.” (Luka 9:2) Kwa wale wanafunzi 70, Yesu alitoa pia amri ya ‘kuponya walio wagonjwa na kuendelea kuwaambia kwamba ule ufalme wa Mungu umekaribia.’—Luka 10:9, NW.

 6. Kabla ya kupaa kwenda mbinguni, ni maagizo gani yaliyohusiana na huduma yao ambayo Yesu aliwapa wafuasi wake?

⁶ Kabla ya kupaa kwenda mbinguni, Yesu aliwapa wafuasi wake utume wa kuendeleza ile kazi ya kuhubiri na hata kupanua. Yeye aliwaamuru hivi: “Nendeni mkafanye wanafunzi kutoka kwa watu wa mataifa yote . . . kuwafundisha kushika mambo yote ambayo mimi nimeamuru ninyi.” (Mathayo 28:19, 20, NW) Zaidi ya hilo, yeye alisema: “Ninyi mtapokea nguvu wakati roho takatifu itakapofika juu yenu ninyi, na ninyi mtakuwa Mashahidi wangu mimi katika Yerusalemu na katika Yudea yote na katika Samaria na kwenye sehemu ya mbali zaidi sana ya dunia.” (Matendo 1:8, NW) Hivyo, Yesu na mitume wake pia walikutolea fikira za kwanza kule kuhubiri habari njema za Ufalme wa Mungu.

Ule Ufalme Kuhubiriwa Katika Wakati Wetu

 7. Ni nini ambalo Yesu alisema juu ya kazi fulani ya kuhubiri ambayo ingefanywa kwenye “ule umalizio wa mfumo wa mambo?”

⁷ Katika unabii wake juu ya matukio ambayo yangetukia kwenye “ule umalizio wa mfumo wa mambo,” Yesu alisema: “Na habari njema hizi za ufalme zitahubiriwa katika dunia nzima yote inayokaliwa kwa ajili ya ushuhuda kwa mataifa yote; na ndipo ule mwisho utakuja.” (Mathayo 24:3, 14, NW) Au, kama inavyosemwa kwenye Marko 13:10, NW yeye alisema: “Pia, katika mataifa yote habari njema lazima zihubiriwe kwanza.”—Ona pia Ufunuo 14:6, 7.

 8. (a) Zile habari njema zilitia nini ndani wakati wa mitume? (b) Ule ujumbe wa zile habari njema unatia ndani nini leo?

⁸ Katika “zile siku za mwisho,” habari njema za Ufalme zinatia ndani mambo mengi zaidi ya vile zilivyofanya wakati Yesu alipokuwa duniani. Yeye alihubiri kwamba ule Ufalme ulikuwa umekaribia, akivuta fikira kwenye uhakika wa kwamba yeye alikuwa miongoni mwa watu akiwa ndiye yule Mesiya na Mfalme. (2 Timotheo 3:1; Mathayo 4:17; Luka 17:21, NW) Habari njema zilizohubiriwa na Wakristo wa mapema zilitia ndani lile jambo la kufufuliwa kwa Yesu na kupaa kwake mbinguni, na ziliwatia moyo wasikivu watie imani katika ule Ufalme unaokuja. (Matendo 2:22-24, 32; 3:19-21; 17:2, 3; 26:23; 28:23, 31) Kwa kuwa sasa sisi tumefika kwenye “ule umalizio wa mfumo wa mambo,” kule kuhubiri zile habari njema za Ufalme kumetia ndani ujumbe wa kutazamisha kwamba Ufalme umesimamishwa imara katika mbingu.—Ufunuo 11:15-18; 12:10, NW.

Ni Nani Atahubiri Zile Habari Njema?

 9. (a) Ni jinsi gani huenda watu fulani wakabisha kwamba kuhubiri zile habari njema si wajibu kwa Wakristo wote leo? (b) Ni nani ambao Yehova alitumia wakati uliopita kuhubiri neno lake, na jambo hilo linamaanisha nini kwetu leo?

⁹ Ni nani, leo, anayepaswa kushiriki katika ile kazi ya kuhubiri? Kwa uwazi, Jumuiya ya Wakristo inahisi si wajibu kwa kila mmoja, na ni kweli kwamba wakati Yesu aliposema kwamba zile habari njema zingehubiriwa, yeye hakusema waziwazi ni nani angefanya kazi ile. Ingawa hivyo, ni nani wengine ambao Yehova angetumia kwa kazi hiyo isipokuwa wale ambao wametia imani katika Neno lake na wakaanza kulitumia katika maisha zao? Wakati Yehova alipoamua katika siku za Noa kuonya ulimwengu mwovu wa aina ya wanadamu juu ya uharibifu uliokuwa unakuja, yeye alitumia mwanadamu mmoja ambaye “alitembea pamoja na yule Mungu wa kweli.” (Mwanzo 6:9, 13, 14; 2 Petro 2:5, NW) Wakati yeye alipotaka maujumbe yake ya kiunabii yapelekwe kwa Israeli, yeye alituma ‘watumishi wake, wale manabii.’ (Yeremia 7:25; Amosi 3:7, 8, NW) Lile taifa wakfu la Israeli lilikuwa taifa la mashahidi wake. (Kutoka 19:5, 6; Isaya 43:10-12) Ndiyo, Yehova anatumia watumishi wake walio wakfu kuwa mashahidi wake.

 10. Ni jinsi gani inaweza kuonwa kutokana na mpangilio wa maneno ya Mathayo 28:19, 20 kwamba ile amri ya kufanya wanafunzi inatumika kwa Wakristo wote?

¹⁰ Watu fulani wamesema kwamba ile amri ya kufanya wanafunzi, iliyopewa kwenye Mathayo 28:19,20, ilipewa kwa mitume tu na basi haitumiki kwa Wakristo kwa ujumla. Lakini angalia yale ambayo Yesu alisema: “Kwa hiyo nendeni mkafanye wanafunzi kutoka kwa watu wa mataifa yote... kuwafundisha kushika mambo yote ambayo mimi nimeamuru ninyi.” (NW) Wafuasi wa Yesu walipaswa kufundisha wanafunzi wapya kushika mambo yote ambayo Yesu aliamuru. Na moja ya mambo ambayo yeye aliamuru lilikuwa ‘kwenda na kufanya wanafunzi.’ Kwa uhakika, wanafunzi wapya wote wangepaswa kufundishwa kushika amri hii hususa pia.

 11. (a) Ni wajibu gani ambao ulikaa juu ya lile kundi la Kikristo katika karne ya kwanza? (b) Ni jambo gani linalohitajiwa kabisa kwa mmoja ili aokolewe, na hiyo inatia nini ndani?

¹¹ Kundi la Kikristo la karne ya kwanza liliitwa ‘watu wa milki ya Mungu wapate kuzitangaza fadhili zake yeye aliyewaita watoke gizani wakaingie katika nuru yake ya ajabu.’ (1 Petro 2:9) Washiriki walo walitoa ushuhuda kwa juhudi kuhusu ule Ufalme wa Mungu. (Matendo 8:4, 12) “Watakatifu” wote, yaani, Wakristo wapakwa-mafuta, katika Roma waliaambiwa kwamba ‘kwa kinywa mtu hufanya tangazo la peupe kwa ajili ya wokovu’ na kwamba “kila mtu ambaye huita juu ya jina la Yehova ataokolewa.” (Warumi 1:7; 10:9, 10, 13, NW) Hili tangazo la peupe kwa ajili ya wokovu, ambalo linafanywa wakati wa ubatizo wa mmoja, linatia ndani pia kule kuhubiri peupe zile habari njema za Ufalme wa Yehova.

 12, 13. (a) Ni nini ambalo “lile tangazo la peupe la tumaini letu” ambalo linatajwa kwenye Waebrania 10:23 linatia ndani? (b) Ni jinsi gani Zaburi 96 inaonyesha uhitaji wa tangazo la peupe nje ya kundi, na ni jinsi gani Ufunuo 7:9,10 unavyotegemeza jambo hilo?

¹² Mtume Paulo aliandikia Wakristo Waebrania: “Acheni sisi tulishike sana tangazo la tumaini letu bila kuyumba-yumba, kwa kuwa yeye ni mwaminifu aliyeahidi.” (Waebrania 10:23, NW) Hili tangazo la peupe halifikii kikomo kwenye mikutano ya kundi tu. (Zaburi 40:9, 10) Kwenye Zaburi 96:2, 3, 10, NW tunaona kwa wazi amri ya kiunabii kuhubiri nje ya lile kundi, kwa mataifa, katika maneno haya, “kutoka siku mpaka siku simulia zile habari njema za wokovu wenye kuletwa na yeye. Tangaza miongoni mwa mataifa utukufu wake, miongoni mwa jamii zote za watu kazi; zake za ajabu. Sema miongoni mwa mataifa: ‘Yehova mwenyewe amekuwa mfalme.’” Kwa kweli, kwenye Mathayo 28:19, 20 na Matendo 1:8, Yesu aliamuru Wakristo wahubirie yale mataifa.

¹³ Kuhubiri huku kwa peupe kunarejezewa katika neno ambalo Paulo aliongeza kwa Wakristo Waebrania wapakwa-mafuta:“Kupitia kwake yeye na tumtolee Mungu sikuzote dhabihu ya kusifu, yaani, lile tunda la midomo linalofanya tangazo la peupe kwa jina lake.” (Waebrania 13:15, NW) Katika kitabu cha Ufunuo, ule “umati mkubwa,” unaokusanywa kutoka mataifa yote, unaonwa pia ukilia kwa kupaaza sauti kubwa hivi: “Wokovu wetu ni kwa Mungu wetu, ambaye ameketi juu ya kiti cha ufalme, na kwa Mwana-Kondoo.” (Ufunuo 7:9, 10, NW) Hivyo, katika huu wakati wa umalizio wa mfumo wa mambo, kule kuhubiriwa kwa zile habari njema kunafanywa na Mashahidi walio wakfu wa Yehova, mabaki ya ndugu za kiroho za Kristo na waandamani wao wenye mfano wa kondoo ambao wanakuwa ule “umati mkubwa.” Lakini kwa kweli ni jinsi gani inawapasa wao wafanye kazi hiyo?

“Peupe na Kutoka Nyumba kwa Nyumba”

 14. Ni wapi ambapo Yesu alifanya kuhubiri kwake, na ni kanuni gani ambayo sisi tunaweza kujifunza kutokana na hilo?

¹⁴ Yesu alihubiria watu moja kwa moja. Mathalani, sisi tunasoma kwamba yeye alihubiri katika masinagogi. Kwa sababu gani? Kwa sababu watu walikusanyika humo siku ya Sabato na kusikiliza usomaji na mazungumzo ya Maandiko. (Mathayo 4:23; Luka 4:15-21) Yesu alihubiria watu pia kando-kando ya njia, upande-upande wa bahari, juu ya mwinamo wa mlima, kwenye kisima nje ya mji, na katika makao ya watu. Mahali ko kote ambako watu walikuwa, Yesu alihubiria wao.—Mathayo 5:1,2; Marko 1:29-34; 2:1-4,13; 3:19; 4:1, 2; Luka 5:1-3; 9:57-60; Yohana 4:4-26.

 15. (a) Ni maagizo gani ambayo Yesu aliwapa wanafunzi wake wakati yeye alipowatuma nje kuhubiri? (b) Ni jinsi gani waelezaji fulani wa Biblia wameeleza jambo hilo?

¹⁵ Wakati Yesu alipotuma wanafunzi wake waende nje kuhubiri, yeye aliwatuma waendee watu moja kwa moja pia. Jambo hilo linaonwa katika maagizo yake yaliyoandikwa kwenye Mathayo 10:1-15, 40-42. Katika mstari 11, NW, yeye alisema: “Ndani ya mji wo wote ambamo ninyi mnaingia, tafuteni-tafuteni ni nani humo anayestahili, na kukaa humo mpaka ninyi mwondoke.” The Jerusalem Bible inafasiri mstari huu hivi: “Ombeni mpewe mtu fulani anayeitibariwa,” kama kwamba wanafunzi walipaswa kuomba mtu fulani mashuhuri au mwenye maarifa katika kijiji kile aangalie-angalie ni nani mwenye sifa njema ambaye kwa sababu hiyo alistahili ule ujumbe. (Ona pia Weymouth na King James Version.) Na hilo ndilo elezo ambalo waelezaji fulani wa Biblia wanatoa juu ya mstari 11.

 16. Ni njia gani yenye kulenga shabaha zaidi katika kufikiria maneno ya Yesu kwenye Mathayo 10:11 inayoonyesha jinsi mitume walivyopaswa kutafuta-tafuta wenye kustahili?

¹⁶ Hata hivyo, inapasa iendelee kuzingatiwa katika akili kwamba, kwa sehemu iliyo kubwa zaidi, wanatheolojia wa Jumuiya ya Wakristo hawaendi nyumba kwa nyumba, na waelezaji wengi wa Biblia wana maelekeo ya kufasiri Maandiko katika maana inayolingana na mambo ambayo yametukia kwao wenyewe. Njia yenye kulenga shabaha zaidi katika kufikiria agizo la Yesu inaonyesha kwamba yeye alikuwa akisema juu ya kutafuta-tafuta kwa wanafunzi wake watu mmoja mmoja, ama kutoka nyumba kwa nyumba ama peupe, na kuwatolea ule ujumbe wa Ufalme. (Mathayo 10:7) Itikio lao lingeonyesha kama wao walistahili au sivyo.—Mathayo 10:12-15.

 17. Ni jambo gani ambalo linathibitisha kwamba wanafunzi wa Yesu hawakuwa wakitembelea watu wenye kustahili kwa kutegemea msingi wa kupendekezewa kwamba wafanye hivyo au kwa kuagana na watu kwamba wawatembelee?

¹⁷ Jambo hilo linaonwa katika maneno ya Yesu kwenye Mathayo 10:14 “Na mtu asipowakaribisha wala kuyasikiliza maneno yenu, mtokapo katika nyumba ile, au mji ule, kung’uteni mavumbi ya miguuni mwenu.” Yesu alikuwa akisema juu ya kufanya kwa wanafunzi wake ziara za kuendea watu bila kualikwa ili kuwahubiria. Ni kweli, wao wangekubali pia kulala nyumbani mwa moja ya nyumba zile ambazo ziliitikia ule ujumbe. (Mathayo 10:11) Lakini jambo kubwa lilikuwa ile kazi ya kuhubiri. Kwenye Luka 9:6 (NW) Inasemwa hivi: “Ndipo wakianza kuondoka wakaenda wakipitia lile eneo kutoka kijiji kwa kijiji wakitangaza zile habari njema na kufanya maponyo kila mahali.” (Ona pia Luka 10:8, 9.) Wenye kustahili ambao waliwapokea wanafunzi hao ndani ya makao yao kama manabii, labda wakiwapa “kikombe cha maji baridi” au hata mahali-mahali pa kulala, hawangepoteza thawabu yao. Wao wangesikia ule ujumbe wa Ufalme.—Mathayo 10:40-42.

 18, 19. (a) Kulingana na Matendo 5:42, ni jinsi gani Wakristo wa mapema walivyofanya kazi yao ya kuhubiri? (b) Ni jinsi gani maneno ya Paulo kwenye Matendo 20:20, 21 yanaonyesha kwamba yeye alikuwa akisema juu ya huduma kwa wasio na itikadi, si kazi ya uchungaji wa kindani?

¹⁸ Baada ya kundi la Kikristo kuwekewa msingi, sisi tunasoma hivi kwa habari ya wale mitume: “Na kila siku katika hekalu na kutoka nyumba kwa nyumba waliendelea bila kuacha wakifundisha na kuzitangaza habari njema juu ya Kristo, Yesu.” (Matendo 5:42, NW; Ona maelezo ya chini katika, Reference Bible.) Ule usemi katika Kigiriki ambao umetafsiriwa “kutoka nyumba kwa nyumba” ni kat’ oi’kon. Hapa neno ka·taʹ limo katika maana ya kugawa-gawa. Kwa sababu hiyo, ingeweza kusemwa kwamba kule kuhubiri kwa wanafunzi kulifanyiwa ugawaji-ugawaji kutoka nyumba kwa nyumba. Wao hawakuwa wakifanya ziara za kirafiki tu zilizotangulia kupangwa. Utumizi unaofanana na huo wa ka·taʹ unapatikana kwenye Luka 8:1 (NW) katika ule usemi “kutoka mji kwa mji na kutoka kijiji kwa kijiji.”

¹⁹ Usemi ule ule katika wingi, kat’ oi’kous, unatumiwa na mtume Paulo kwenye Matendo 20:20 (NW). Hapo yeye alisema: “Mimi sikujiepusha . . . kuwafundisha peupe na kutoka nyumba kwa nyumba.” Usemi “kutoka nyumba kwa nyumba” unafasiriwa “katika makao yenu” katika tafsiri fulani-fulani. Kwa hiyo watu fulani kati ya waelezaji Biblia wa Jumuiya ya Wakristo wanasema kwamba Paulo hapa anarejeza kwenye ziara za uchungaji katika makao ya waitikadi. Lakini maneno ya Paulo yanayofuata yanaonyesha kwamba yeye alikuwa akisema juu ya huduma kwa wasioitikadi, kwa maana yeye anasema: “Lakini nilitoa ushuhuda kikamili kwa wote Wayahudi na Wagiriki juu ya toba kwa Mungu na imani katika Bwana yetu Yesu.”—Matendo 20:21, NW.

 20. (a) Ni kwa kadiri gani Mashahidi wa Yehova wamehubiri zile habari njema za Ufalme katika wakati wetu? (b) Ni jinsi gani huenda watu fulani wakaliona lile jambo la kuendelea na ile kazi ya kuhubiri?

²⁰ Njia hii ya kufikia watu inapasa basi itumiwe katika wakati wetu ambapo “habari njema za ule ufalme” lazima ‘zihubiriwe katika dunia nzima yote inayokaliwa kwa ajili ya ushuhuda kwa mataifa yote.’ (Mathayo 24:14, NW) Kwa miaka zaidi ya 65, Mashahidi wa Yehova kwa juhudi wamekuwa wakihubiri peupe na kutoka nyumba kwa nyumba zile habari njema za Ufalme uliosimamishwa imara wa Mungu—sasa katika nchi 200. Ni ushuhuda mkubwa kama nini unaofanywa! Na jambo hilo linafanyika ijapokuwa uhakika wa kwamba watu walio wengi leo wanasikia ule ujumbe “bila itikio,” watu fulani hata wakiwa na udhia. (Mathayo 13:15, NW) Kwa sababu gani Mashahidi wa Yehova wanaendelea tu kuhubiri katika mahali-mahali ambako watu wanakataa kusikiliza au hata wanawapinga wao? Swali hilo litajibiwa katika mazungumzo katika makala inayofuata.

Wewe Ungejibu Jinsi Gani?

◻ Maandikoyanaonyeshanijambogani lililohusika hasa katika huduma ya Yesu?

◻ Ni mielekezo gani ambayo wale mitume walipewa katika huduma yao?

◻ Ni kazi gani ambayo imepasa kufanywa katika wakati wetu, na kwa sababu gani?

◻ Ni nani ambao Yehova angetumia kuhubiri zile habari njema katika siku yetu?

◻ Ni mahali gani na jinsi gani ile kazi ya kuhubiri inapasa kufanywa?