Zile Siku za Mwisho​—Wakati wa Mavuno

“Na mimi nikaona, na, tazama! wingu jeupe, na juu ya lile wingu mtu fuiani ameketi kama mwana wa binadamu, pamoja na taji la kidhahabu juu ya kichwa chake na mundu mkali katika mkono wake.”—UFUNUO 14:14, NW.

 1. Ni nini baadhi ya mambo ambayo yamefanya karne hii iwe isiyo na kifani?

HII KARNE ya ishirini imekuwa wakati wenye msukosuko kama nini! Wanadamu wamelazimika kuvumilia vita vya ulimwengu viwili vyenye ukatili mwingi. Nchi baada ya nchi imesukwa-sukwa na mapinduzi makubwa. Njaa imesababisha taabu zaidi ya ile iliyopata kuwa wakati wo wote katika historia ya kibinadamu. Mashaka-mashaka ya kiuchumi, uhalifu, uchafuzi, na magonjwa ya kuogopesha sana yanatisha masilahi ya kila mmoja. Wakati ule ule, mwanadamu amefanya maendeleo makubwa sana ya kisayansi. Yeye amegeuza kwa matumizi yake mwenyewe zile nguvu za atomi na hata akatembea juu ya mwezi. Kwa kweli, kizazi chetu ni kisicho na kifani katika njia nyingi. Hata hivyo, jambo moja linatokeza waziwazi kuwa ndilo tukio lililo la maana zaidi la wakati wetu, na mambo mengine yote yaliyo kando yalo yanafifia yakiwa yasiyo ya maana sana.

 2. Ni tukio gani lililosemwa kwa unabii na Danieli lililokuwa karibu kutukia katika wakati wetu?

² Tukio hilo lenye kutia alama ya kipindi kipya lilitabiriwa kule nyuma katika karne ya sita K.W.K na nabii Danieli. Sikiliza ripoti yake yenye kuvuviwa na Mungu: “Nikaendelea kutazama katika njozi za usiku, na, ona kule! pamoja na mawingu ya zile mbingu mtu fulani kama mwana wa binadamu akatukia kuwa anakuja; na kwa yule Mkale wa Siku akapata ruhusa ya kuingia, nao wakaleta yeye juu sana karibu hata mbele za Mmoja huyo. Na kwa yeye ulipewa utawala na adhama na ufalme, kwamba jamii za watu, vikundi vya mataifa na lugha zote zimepaswa kumtumikia hata yeye.”​—Danieli 7:13, 14, NW.

 3. (a) Ni nani “yule Mkale wa Siku,” na yeye alimpa nini “mtu fulani kama mwana wa binadamu”? (b) Ni nani huyu mmoja “kama mwana wa binadamu,” na viongozi wa kidini Wayahudi waliitikia jinsi gani wakati Yesu alipofanya utambulishi huo?

³ “Yule Mzee wa Siku” ni Yehova Mungu. Danieli anamwona katika “mawingu ya zile mbingu,” yaani, katika makao ya roho yasiyoonekana, akimpa umaliki “mtu fulani kama mwana wa binadamu.” Ni nani huyo “mtu fulani”? Yesu alijibu swali hilo kule nyuma katika 33 W.K. wakati yeye alipokuwa katika kujaribiwa mbele ya ile Sanhedrini. Kuhani mkuu wa Kiyahudi alimtia yeye chini ya kiapo kusema kama yeye alikuwa ndiye Kristo au sivyo. Katika kujibu, Yesu alitumia unabii wa Danieli kwa ujasiri kumhusu yeye mwenyewe, akisema: “Kutoka sasa na kuendelea ninyi mtaona yule Mwana wa binadamu akiwa anaketi kwenye ule mkono wa kuume wa nguvu na akija juu ya mawingu ya mbinguni.” Badala ya kuinamia Mfalme mchaguliwa wa Yehova, yule kuhani mkuu alimshtaki yeye juu ya kufuru. Kwa kufuata hilo, viongozi wa kidini Wayahudi walikaza Pontio Pilato ashutumu Yesu kufa.​—Mathayo 26:63-65; 27:1, 2, 11-26, NW.

 4. Ni wakati gani Yesu alipopokea lile taji la umaliki, na alilipokea kujapokuwako upinzani gani?

⁴ Jaribio hilo la kuvuruga maneno ya Yesu ili yasitimie lilishindwa kupata mafanikio wakati yeye alipoinuliwa kutoka kwa wafu na akapaa mbinguni kungojea wakati ufaao wa Yehova kumpa yeye ule Ufalme. (Matendo 2:24, 33, 34; Zaburi 110:1, 2) Wakati huo ulikuja katika 1914. Kulingana na ithibati yote, katika ile sehemu ya mwisho ya mwaka huo, Yesu alipokea lile taji la umaliki kutoka kwa “yule Mkale wa Siku” na akaanza kutawala. (Mathayo 24:3, 42) Ule Ufalme uliokuwa mpya katika kuzaliwa ulielekeana na upinzani mkali sana. Lakini wale viongozi wa kidini Wayahudi wa karne ya kwanza, nguvu zote zilizokusanywa pamoja za yale mataifa, na hata Shetani na Mashetani wake hawakuweza kuzuia mapenzi ya Mungu yasitimizwe. (Zaburi 2:2, 4-6; Ufunuo 12:1-12) Katika 1914 ule mwitikiano wa wimbo wa kimbingu ulivuma katika wakati barabara ulioratibiwa: “Ufalme wa ulimwengu ukawa ufalme wa bwana wetu na wa Kristo wake, na yeye atatawala akiwa mfalme milele na milele.” (Ufunuo 11:15, NW) Tangu tarehe hiyo, sisi tumekuwa tukiishi katika zile “siku za mwisho” za huu mfumo mbovu wa mambo.—2 Timotheo 3:1.

Wakati wa Mavuno

 5. (a) Kulingana na unabii wa Danieli, ni nani ambaye angetumikia yule Mfalme mwenye kuvikwa taji karibuni? (b) Ni njozi gani ambayo Yohana aliona mayohusu pia Yesu akiwa Mfalme mwenye kuvikwa taji karibuni?

⁵ Kulingana na unabii wa Danieli, wakati Yesu apokeapo taji yake “jamii za watu, vikundi vya mataifa na lugha vyote [vitatumikia] hata yeye.” Ni jinsi gani hiyo inaweza kuwa hivyo ikiwa aina ya wanadamu kwa ujumla wanakataa yeye asiwe Mfalme? Njozi moja yenye kutazamisha iliyofunuliwa kwa mtume Yohana inaonyesha jibu. Yohana anatuambia jambo ambalo yeye aliona: “Tazama! wingu jeupe, na juu ya lile wingu mtu fulani ameketi kama mwana wa binadamu, pamoja na taji ya kidhahabu juu ya kichwa chake na mundu mkali katika mkono wake.” (Ufunuo 14:14, NW) Kwa kufanana na njozi ya Danieli, Yesu hapa anaonwa juu ya wingu na anatambulishwa kuwa “mtu fulani . . . kama mwana wa binadamu.” Yeye amevaa lile taji la umaliki, lakini katika mkono wake yeye hana fimbo ya kiutawala bali mundu wa mvunaji. Kwa sababu gani?

 6. Yehova anaamuru Yesu mwenye kuvikwa taji karibuni ajitie katika kazi gani?

⁶ Yohana anaendelea kusema: “Na malaika mwingine akaibuka kutoka pale patakatifu pa hekalu, akilia kwa sauti kubwa kwa yule mmoja mwenye kuketi juu ya lile wingu: ‘tia mundu wako ndani na uvune, kwa sababu ile saa imekuja ya kuvuna, kwa maana mavuno ya dunia yameiva kweli kweli.’” Yesu, ingawa Mfalme, bado anatii maagizo yanayopitishwa kutoka kwa Yehova katika “pale patakatifu pa hekalu.” Kwa hiyo wakati Yehova anapomwagiza yeye ajitie katika kazi ya mavuno wakati wa zile siku za mwisho, yeye anatii. Yesu “alisukumiza mundu wake juu ya dunia, na duniaikavunwa.”—Ufunuo 14:15,16; Waebrania 9:24; 1 Wakorintho 11:3, NW.

 7. (a) Ni nini “yale mavuno ya dunia”? (b) Ni nini uliokuwa mwanzo wa “mavuno” haya?

⁷ Ni nini “yale mavuno ya dunia”? Ni watu ambao wanakuja nje ya huu mfumo wa mambo wa kishetani kutumikia Yehova na Mfalme Wake aliyewekwa rasmi. Mavuno yanaanza kwa mkusanyo wa waliobaki wa wale 144,000 ambao wanaanza kutawala pamoja na Yesu katika Ufalme wake wa kimbingu. (Mathayo 13:37-43) Hao ndio “yule Israeli wa Mungu,” “matunda ya kwanza kwa Mungu na kwa yule Mwana-Kondoo.” Wao wamenunuliwa “kutoka kila kabila na ulimi na watu na taifa.” (Wagalatia 6:16; Ufunuo 14:4; 5:9, 10, NW) Katika njia hii, watu mmoja mmoja kutoka “jamii za watu, vikundi vya kitaifa na lugha” wote wanaanza kutumikia Yesu aliyeketishwa katika kiti cha Ufalme.

 8. (a) Ni katika mwaka gani ule mkusanyo wa walio wa mwisho wa wapakwa-mafuta kwa wazi ulikuja kwenye umalizio? (b) Ni jinsi gani, kulingana na njozi nyingine ya Yohana, ile kazi ya mavuno ilivyoendelea?

⁸ Hata hivyo, wao hawako peke yao. Yohana, katika njozi nyingine, anaona kutiwa muhuri kwa walio wa mwisho wa wale 144,000. (Ufunuo 7:1-8) Kwa wazi, ule mkusanyo wa hawa ulikaribia kukamilishwa kufikia 1935. Lakini ndipo, Yohana anaripoti, yeye anaona “umati mkubwa, ambao hakuna mwanadamu aliyeweza kuhesabu, kutoka mataifa yote na makabila na jamii za watu na ndimi, wakisimama mbele ya kiti cha Ufalme na mbele ya Mwana-Kondoo.” (Ufunuo 7:9-17, NW) Kwa hiyo ile kazi ya mavuno inaendelea huku wengi zaidi kutoka “zile jamii za watu, vikundi vya kitaifa na ndimi” wakianza kutumikia Yesu akiwa Mfalme.

 9. Ni nani hawa wapya waliokuja, na ni maunabii gani mengine ambayo yanataja kutokea kwao wakati wa “ile sehemu ya mwisho ya siku zile”?

⁹ Wapya hawa wanaokuja wanatazamia mbele kufurahia uzima katika dunia-paradiso chini ya Mfalme mwekwa-rasmi wa Yehova. (Zaburi 37:11, 29; 72:7-9) Mkusanyo wao ulitabiriwa katika maunabii kadha mengine. Mathalani, Isaya alitabiri kwamba katika “ile sehemu ya mwisho ya siku ya zile” mataifa yangemiminika kwenye nyumba ya Yehova. (Isaya 2:2, 3, NW) Hagai alitoa unabii wa kutikiswa kwa mataifa, na wakati huo “vitu vinavyotamanika vya mataifa yote lazima vije ndani.” (Hagai 2:7, NW) Zekaria pia alisema juu ya “Wanaume kumi kutoka lugha zote za mataifa” ambao wangejiunga wenyewe na watu wa Mungu. (Zekaria 8:23, NW) Zaidi ya hilo, Yesu mwenyewe alitoa unabii juu ya “umati mkubwa” huu. Yeye alisema: “Wakati Mwana wa binadamu anawasili katika utukufu wake, na malaika wote pamoja na yeye, ndipo yeye ataketi juu ya kitu cha ufalme chake chenye utukufu. Na mataifa yatakusanywa mbele yake, na yeye atatenga watu mmoja kutoka kwa mwingine, kama vile mchungaji hutenga kondoo kutoka kwa mbuzi. Na yeye ataweka kondoo kwenye mkono wa kulia wake, lakini mbuzi kushoto kwake.”—Mathayo 25:31-33, NW.

 10. (a) Ni kwa njia gani “yale mavuno ya dunia” yanaendelea kuvunwa? (b) Ni Nani peke yao ambao wanafanya ushirikiano pamoja na wale malaika katika kazi hii?

¹⁰ Ndiyo, aina ya wanadamu wote wanachunguzwa kwa uangalifu sana kuona ni nani walio “kondoo” na ni nani walio “mbuzi.” Kazi hii ya kuchunguza inatimizwa jinsi gani? Katika njozi ya Yohana, “yale mavuno ya dunia” yanavunwa wakati ule ule mmoja pamoja na ujumbe mbalimbali wenye nguvu unaotangazwa na malaika. Malaika mmoja anatangaza ujumbe wa “habari njema za milele.” Mwingine anatangaza lile anguko la “Babuloni yule Mkuu.” Na wa tatu anaonya dhidi ya kuabudu “yule mnyama-mwitu”, mfumo wa mambo ya kisiasa wa Shetani. (Ufunuo 14:6-10, NW) Ni kweli, hakuna mtu amesikia sauti zenyewe za malaika hawa. Lakini watu wamesikia ujumbe mbalimbali unaolingana na huo ukitamkwa na wanadamu waaminifu. (Mathayo 24:14; Isaya 48:20; Zekaria 2:7; Yakobo 1:27; 1 Yohana 2:15-17) Kwa hiyo, kwa wazi, ujumbe ule mbalimbali unatangazwa kote na wanenaji wa kibinadamu wakiwa chini ya mwelekezo wa kimalaika. Mtu anatambuliwa kuwa kondoo au kuwa mbuzi kwa njia ambayo yeye anaitikia ule ujumbe mbalimbali wa kimalaika. Wakati wa hii karne ya 20, ni Mashahidi wa Yehova peke yao ambao wamefanya ushirikiano pamoja na wale malaika katika kazi hii muhimu.

 11. Kuenezwa kote kote kwa ujumbe huo mbalimbal wa kimalaika ni kwa maana jinsi gani?

¹¹ Ule mwenezo wa huu ujumbe mbalimbali ni kazi ngumu ya haraka zaidi ya jambo jinginelo lote linalofanywa leo. Hakuna utatuzi wa kisiasa au uvumbuzi wo wote wa kisasa unaoikaribia katika umaana. Huu ujumbe mbalimbali unaonyesha njia ya kuelekea kwenye lile suluhisho la matatizo yote ya wanadamu na unaeleza juu ya wokovu wa milele wa wanadamu waaminifu. Na, jambo la maana zaidi ya yote, huo unahusiana na kuondolewa kwa malawama juu ya jina la Yehova.

Ripoti ya Kila Mwaka

 12, 13. Toa maelezo fulani-fulani kutokana na ile ri poti ya kila mwaka ambayo yanaonyesha kwamt “mavuno” makubwa yamekwisha tayari kukusanyws

¹² Hiyo ndiyo sababu kila mwaka Mashahidi wa Yehova wanatazamia mbele kusoma ripoti ya kila mwaka ya utendaji wa tengenezo la Yehova. Wao wanasisimuka kuona ushuhudf unaoendelea kuwapo kuonyesha baraka yake juu ya kazi yao. Ikiwa wewe utachunguza ili ripoti ya 1987, ambayo imetokezwa tena katikf kurasa 12 mpaka 15 za gazeti hili, wewe utaom kwamba wale malaika na wafanya kazi wenzai wa kibinadamu walikuwa watendaji sana sam mwaka uliopita.

¹³ Zile habari njema zilisikiwa katika nchi 210—kwa uhakika hiyo ikiwa ni ‘kila kabila na kikundi cha kitaifa na ulimi’ ambacho kimefikiwa kwa sasa. (Marko 13:10) Zaidi ya hilo, kilele cha watu, 3,395,612 walifanya kazi pamoja kutimiza jambo hilo—hesabu kubwa zaidi ya yote iliyopata kuwapo katika historia ys Kikristo. Tarakimu zinavutia hata katika nchi fulani moja moja. Katika United States, kilele kipya cha 773,219 kilifikiwa. Nchi nyingini mbili, Brazili na Meksiko, ziliona vilele vya 216,216 na 222,168 kila moja-moja; na sita zaidi, Uingereza, Ujeremani, Italia, Naijeria; na visiwa vya Ufilipino, ziliripoti vilele vilivyo zidi 100,000. Kwa upande ule mwingine, kuna nchi zenye idadi kubwa za watu na wahubiri elfu chache tu au wanaopungua hesabu hiyo. Kazi ya nafsi hizi zenye uaminifu ni yenye umaana mkubwa sana pia wakati wao wanapojitahidi kuendeleza ile nuru ya ukweli iking’aa chini ya hali ngumu,—Mathayo 5:14-16.

 14. Ni watu wa aina gani wanaoendelea kukusanywa kuingia ndani ya tengenezo la Yehova?

¹⁴ Bila shaka, watu wa Mungu hawapendezwi na kuwapo kwa ongezeko lenyewe tu. Hata hivyo, wao wanajua kwamba wapya wote hao wanaomiminika kuingia ndani ya tengenezo la Yehova ni “vitu vinavyotamanika” katika macho ya Yehova. Wengi, walikuwa ‘wakitweta na kupiga kite juu ya mambo yote yenye karaha ambayo wao walishuhudia katika Jumuiya ya Wakristo.” (Ezekieli 9:4, NW) Wao wote wanatiririka kwenda kwenye “ule mlima wa Yehova” kwa sababu wao wanataka kupewa maagizo katika njia za Mungu. (Isaya 2:2, 3, NW) Ni ithibati yenye nguvu kama nini kwamba baraka ya Yehova—katika huu mfumo wa mambo ulio mfisadi na wa ufuatiaji wa vitu vya kimwili, inafanya mamia ya maelfu ya wapya kila mwaka wajionyeshe wazi kuwa wao ni “vitu vinavyotamanika” vya Yehova!

Nyakati Zenye Uharaka

 15. (a) Eneo linalopasa kufanywa kupitia ile kazi ya kuhubiri ni kubwa kadiri gani? (b) Kulingana na njozi ya Yohana, “umati mkubwa” ni wenye kutenda jinsi gani?

¹⁵ Ile kazi ya kuhubiri ya Mashahidi wa Yehova ni yenye uharaka. Kwa sababu gani? Jambo moja ni kwamba, eneo ni kubwa sana. Zile “habari njema” lazima zitangazwe “kwa kila taifa na kabila na ulimi na watu.” (Ufunuo 14:6, NW) Katika mfano wa maneno wa Yesu, watu wa “mataifa yote” yanagawanywa kuwa “kondoo” na “mbuzi.” Kuna kazi nyingi ya kufanywa. Basi, inafaa kama nini kwamba ule “umati mkubwa” ulioonwa na Yohana unasifu Mungu “mchana na usiku katika hekalu lake.” (Ufunuo 7:15, NW) Katika utimizo wa njozi hii, huu “umati mkubwa,” wakifanya kazi kwa kushirikiana pamoja na ndugu wapakwa-mafuta, uliripoti kuwa ulitumia jumla ya saa 739,019,286 katika ile kazi ya kuhubiri mwaka uliopita—tarakimu ambayo inakaribia kuwa kubwa mno isiweze kukumbukwa akilini. Ulimwenguni pote, hiyo iliwakilisha wastani wa saa zaidi ya 18 kwa mwezi kwa kila mhubiri. Linganisha hiyo na wastani saa wa 12 kila mwezi miaka kumi tu iliyopita, na wewe unaweza kuona kwamba mwendo wa ile kazi ya kuhubiri unaongezeka. Wastani wako binafsi unalinganaje na wastani wa ulimwenguni?

 16. (a) Ni njia gani nzuri ya ‘kulihubiri neno kwa haraka’? (b) Ni wangapi walishiriki katika kazi hii mwaka uliopita?

¹⁶ Angalia, pia, kile kilele kipya cha mapainia wasaidizi na wa kawaida: 650,095. Hiyo inamaanisha kwamba kulikuwa na mapainia zaidi katika shamba mwaka uliopita kuliko kulivyokuwa na wahubiri miaka 25 tu iliyopita. Je! wewe ulikuwa mmoja wa mapainia hawa? Ikiwa ndivyo, wewe ulipata njia bora kabisa ya kutumia kibinafsi shauri la Paulo: “Lihubiri neno, fanya hivyo kwa haraka.” (2 Timotheo 4:2, NW) Kwa sababu gani usipange kushiriki katika utumishi wa painia kwa angalau mwezi mmoja wakati wa mwaka wa utumishi wa 1988?

Matazamio ya Mbele kwa Ukuzi Zaidi

 17. Tarakimu gani ambazo zinaonyesha kwamba tazamio kwa ongezeko la wakati ujao ni zuri?

¹⁷ Tazamio la mbele kwa ukuzi wa wakati ujao ni bora kweli kweli. Ile tarakimu ya mafunzo ya nyumbani ya Biblia ilikuwa 3,005,048—na kila mwanafunzi wa Biblia ni mtu mwenye uwezekano wa kuwa ‘kitu kinachotamanika’! Zaidi ya hilo, watu 8,965,221 walihudhuria mwadhimisho wa Chakula cha Jioni cha Bwana Aprili iliyopita. Walio wengi wa wale waliohudhuria hawakuwa Mashahidi wa Yehova. Watu fulani walikuwa wale walioanza kupendezwa juzijuzi na ukweli. Kuhudhuria kwao kulikaribishwa sana na wanatiwa moyo wazidi kufanya maendeleo mazuri. Huenda ikawa wengine walihudhuria pindi kama hizo mara kadha kabla ya hapo. Kwa uwazi wao walifurahia kuwa pamoja na Mashahidi lakini bado wao hawajahisi uhitaji wa kufanya zaidi ya hilo.

 18. Kulingana na maunabii ya Yesu na ya Zekaria, lazima mtu afanye nini ili ahesabiwe kuwa mmoja wa “kondoo” za Yehova?

¹⁸ Watu kama hao wanapongezwa kwa kupendezwa kwao na ukweli wa Biblia. Lakini kumbuka, katika mfano wa maneno wa Yesu wale “kondoo” ambao wanaondoka kuingia ndani ya uzima wa milele ni wale ambao wanaonyesha usaidiaji kuelekea ndugu wapakwa-mafuta wa Yesu na kufanya ushirikiano pamoja nao. (Mathayo 25:34-40, 46) Katika ule unabii wa Zekaria, ile hesabu kamili ya “wanaume kumi” inatangaza hivi bila kuweka masharti: “Sisi tutaenda na ninyi watu, kwa maana sisi tumesikia ya kwamba Mungu yu pamoja na ninyi watu.” (Zekaria 8:23, NW) Wao hawawi na mwelekeo wa kirafiki tu. Wao ‘wanashika’ watu wa Mungu na kwenda pamoja nao, wakijiweka wakfu kutumikia yule Mungu wa hawa. Katika siku yetu, hiyo inatia ndani kuhusika kwa ukamili katika tengenezo la Yehova.

Si Muda Mrefu Zaidi

 19, 20. (a) Kulingana na njozi ya Yohana, ni jambo gani litakalotukia wakati ule mkusanyo wa “mavuno ya dunia” utakapokamilishwa? (b) Jambo hilo litamaanisha nini kwa wote wale ambao hawajiweki wenyewe chini ya Yesu akiwa Mfalme?

¹⁹ Ile kazi ya mavuno ni yenye uharaka kwa sababu ya pili. Karibuni itakamilishwa. (Mathayo 24:32-34) Ni jambo gani linalotukia baada ya hapo? Soma mambo ambayo yanafuata kutukia katika njozi ya Yohana: “Na bado malaika mwingine akaibuka kutoka pale patakatifu pa hekalu ambapo pamo mbinguni, yeye, pia, akiwa na mundu mkali. Na bado malaika mwingine akaibuka kutoka ile madhabahu na yeye alikuwa na mamlaka juu ya ule moto. Na yeye akaita kwa kupaaza sauti kubwa kwa yule mmoja ambaye alikuwa na ule mundu mkali, akisema: ‘Tia mundu mkali wako ndani na uvune vile vishada vya ule mzabibu wa dunia, kwa sababu zabibu zao zimeiva.’ Na yule malaika akasukumiza mundu wake ndani ya dunia na kukusanya ule mzabibu wa dunia, na yeye akauvurumisha ndani ya lile shinikizo-divai kubwa la hasira ya Mungu.”—Ufunuo 14:17-19, NW.

²⁰ Baada ya yale mavuno ya “vitu vinavyotamanika” kukusanywa, hakutakuwa tena na sababu ya ulimwengu huu mfisadi wa kale kuendelea kuwako. “Ule mzabibu wa dunia,” huu mfumo mzima wa mambo ya ulimwengu wa kishetani, utakatwa uanguke na kuharibiwa. Wakati huo, hata wapinzani watalazimika kumtambua Mfalme mwekwa-rasmi wa Yehova. Yohana aliandika: “Tazama! Yeye [Yesu] anakuja kwa yale mawingu, na kila jicho litamwona yeye, na wale ambao walimdunga yeye; na makabila yote ya dunia yatajipiga yenyewe kwa kihoro kwa sababu ya yeye. (Ufunuo 1:7; Mathayo 24:30, NW) Hapa ndipo, maneno ya Yesu yaliyosemwa kwa viongozi wa kidini wa Kiyahudi, ambao walikuwa ndio wa mbele zaidi miongoni mwa “wale ambao walimdunga yeye,” yatatimizwa. (Mathayo 26:64) Bila shaka, wanafiki hao wa kidini hawatafufuliwa “wamwone” Yesu binafsi. (Mathayo 23:33) Lakini wote leo ambao wanaonyesha roho hiyo na kukataa kukubali Mfalme mwekwa-rasmi wa Yehova watalazimishwa kumtambua yeye wakati atakapokuja kuharibu mataifa kwenye Har–Magedoni.—Ufunuo 19:11-16, 19-21.

 21. Kwa sababu gani inawapasa watu wa Mungu wafanye kazi kwa bidii katika ushirikiano pamoja na wale malaika wa kimbingu?

²¹ Kwa kweli, kuokoka kwa uhai wa binadamu mmoja mmoja kumo hatarini. Sisi tuna daraka zito katika kuwa wafanya kazi wenzi pamoja na wale malaika. Lakini ni pendeleo kubwa kama nini! Sisi na tuendelee kufanya kazi kwa bidii katika ushirikiano pamoja na wale malaika wa kimbingu huku tukijitahidi kuwapata wote wenye mfano wa kondoo, ambao ndio “vitu vinavyotamanika” vya Yehova, kabla ya ile kazi ya mavuno kumalizwa.

Je! Wewe Unaweza Kueleza?

◻ Ni nini lililo tukio kubwa kufikia hapo katika karne hii ya 20?

◻ Ni nini “yale mavuno ya dunia,” na yanaendelea kukusanywa jinsi gani?

◻ Ni nini baadhi ya tabia za “kondoo” za Yehova?

◻ Ni jinsi gani ile ripoti ya kila mwaka inaonyesha baraka ya Yehova juu ya kazi ya mavuno?

◻ Kwa sababu gani ile kazi ya kuhubiri ni yenye uharaka?

[Chati katika ukurasa wa 12-15]

RIPOTIYA MWAKA WA UTUMISHIWA 1987 WA MASHAHIDIWA YEHOVA ULIMWENGUNI POTE

(See bound volume)