Ongea Juu ya Utukufu wa Umaliki wa Mungu

“Wao wataongea juu ya utukufu wa umaliki wako, na juu ya uweza wako watasema.”—ZABURI 145:11, NW.

 1. Hasa, kwa sababu gani Yehova ametupa sisi kipawa cha usemi?

YEHOVA ana kusudi katika kutupa sisi kipawa cha usemi. (Kutoka 4:11) Hasa, ilikuwa kwamba midomo yetu iweze ‘kububujisha sifa’ kwake. (Zaburi 119:171, 172, NW) Kama vile ambavyo mtunga zaburi Daudi alisema: “Kazi zako zote zitakusifu, Ee Yehova, na washikamanifu wako watakubariki. Watazungumza juu ya utukufu wa umaliki wako, na juu ya uweza wako watanena, ili kuwajulisha wana wa watu matendo yako makuu mno na utukufu wa adhama ya umaliki wake. Umaliki wako ni umaliki wa nyakati zote zisizojulikana, na utawala wako ni wa vizazi vyote vyenye kufuatana.”—Zaburi 145:10-13, NW.

 2. Sisi tunasukumwa ‘kububujisha sifa’ kwa Mungu katika njia gani mbalimbali?

² Wafuasi wapakwa-mafuta wa Yesu Kristo na waandamani wao wa ule “mkutano mkubwa” wana hamu nyingi ya kusifu Yehova, yule “Mfalme wa umilele.” (Ufunuo 7:9, UV; 15:3, NW) Kupitia funzo la bidii la Biblia pamoja na Mnara wa Mlinzi na vichapo vingine vya Kikristo ambavyo ni msaada, sisi tunaweza kujipatia maarifa sahihi juu ya Mungu ambayo ni kama jicho la maji safi, yanayoburudisha, yanayotoa uzima. Hivyo, katika habari yetu ‘kile kisima cha hekima kinakuwa bubujiko kubwa linalotoka nje likibubujika.’ (Mithali 18:4, NW) Sisi tunalazimika ‘kububujisha sifa’ katika kutoa ushuhuda nyumba kwa nyumba na namna nyingine za huduma ya shambani. Lakini, pia kuna sababu ya Kimaandiko ya kutoa ushuhuda wa vivi hivi.

Kanuni za Uongozi wa Kimaandiko

 3. Tafadhali taja mfano mmoja wa kutoa ushuhuda vivi hivi kwa upande wa Yesu Kristo.

³ Mahubiri ya kwanza ambayo Yesu alifanya baada ya kupakwa mafuta kwa roho takatifu yalikuwa kwenye mahali pake pa kukaa, ambapo yeye alialika Yohana, Andrea, na inaonekana hata Petro. Wao walitumia siku hiyo pale, kwa wazi wakipokea ushuhuda wa kutosha katika kikao hicho cha vivi hivi. (Yohana 1:35-42) Ilikuwa pia chini ya hali za vivi hivi —“huku akiwa anapita kwenda zake”—kwamba Yesu akaona Mathayo kwenye afisi ya kutoza kodi naye akapata matokeo mazuri wakati Yeye aliposema: “Uwe mfuasi wangu.” —Mathayo 9:9, NW.

 4. Yesu alisema nini wakati alipokuwa akitoa ushuhuda kwa mwanamke Msamaria, na jambo hilo liliongoza kwenye nini?

⁴ Yesu alikuwa ndiye mfano mzuri zaidi ya yote wa ‘bubujiko kubwa la hekima yenye kutoka nje ikibubujika.’ Ingawa yeye aliketi akiwa mwenye njaa na mchovu kando ya chemchemi ya Yakobo karibu na Sikari, yeye alitolea ushuhuda mwanamke mmoja Msamaria ambaye alikuja pale kuteka maji. “Mtu ye yote yule ambaye anakunywa kutokana na yale maji ambayo mimi nitampa hatapata kiu kamwe wakati wo wote,” akasema Yesu, “lakini yale maji ambayo mimi nitampa yatakuwa katika yeye chemchemi ya maji yanayobubujika kutia uzima wa milele.” Ushuhuda huo wa vivi hivi uliongoza kufanya Yesu ahubirie kikundi ambacho yule mwanamke alikiharakisha kije pamoja na kusikia mambo ya kusema ambayo yeye alikuwa nayo.—Yohana 4:6-42, NW.

 5. Filipo mweneza-evanjeli na mtume Paulo waliweka mifano gani ya kutoa ushuhuda wa vivi hivi?

⁵ Filipo mweneza-evanjeli aliita gari la kukokotwa na farasi lililokuwa likipita na kumtolea ushuhuda wa vivi hivi yule aliyekuwamo, ambaye alikuwa akisoma unabii wa Isaya. Alipoalikwa ndani ya lile gari, Filipo alieleza “zile habari njema juu ya Yesu” kwa towashi huyo Mwethiopia, ambaye itikio lake la uthamini lilitokeza ubatizo wake. (Matendo 8:26-38, NW) Wakati vifungo vya gerezani vya mtume Paulo vilipofunguliwa katika tetemeko la dunia kubwa katika Filipi, yeye alimtolea mtunza-gereza ushuhuda wa vivi hivi. Tokeo likawa nini? “Wote kwa ujumla, yeye na watu walio wake walibatizwa bila kukawia.“​—Matendo 16:19-34, NW.

 6. Inaelekea kwamba kutoa ushuhuda wa vivi hivi kulikuwa na sehemu katika utendaji gani wa wanafunzi wa Yesu baada ya Stefano kupigwa kwa mawe?

⁶ Leo, ushuhuda wa vivi hivi ni njia moja ya kutangaza zile habari njema mahali ambapo kazi yetu ya Kikristo iko chini ya vizuizi. Hata ingawa sisi tunateswa, bado mioyo yetu inatusukuma kuongea juu ya utukufu wa umaliki wa Mungu. Baada ya Stefano kupigwa mawe mpaka kufa, walio wengi wa wanafunzi wenye kuteswa walitawanywa. Lakini, wao waliendelea kutangaza zile habari njema, na bila shaka ushuhuda wa vivi hivi ulitiwa katika jitihada zao za kuhubiri Ufalme.​—Matendo 8:4-8; 11:19-21, NW.

 7. Alipokuwa amezuiliwa, Paulo alifanya nini, na hivyo hilo linatokeza swali gani?

⁷ Ushuhuda wa vivi hivi ni njia moja ya kuongea juu ya utukufu wa umaliki wa Mungu ikiwa sisi tumetiwa gerezani au tumezuiliwa kwenye makao yetu kwa sababu ya ugonjwa au udhaifu wa mwili. Paulo alizuiliwa kwa miaka miwili chini ya walinzi wa Kiroma. Lakini badala ya kufifilia mbali, yeye alituma waletwe watu wa kumsikiliza naye “akawa akipokea kwa fadhili wote wale ambao walikuja ndani kwake, akihubiri ufalme wa Mungu kwao na kufundisha yale mambo yanayohusu Bwana Yesu Kristo kwa uhuru wa kusema ulio mkubwa zaidi.” (Matendo 28:16-31, NW) Ni mfano mzuri kama nini! Kama wewe ni shahidi mfungiwa-ndani wa Yehova, je! wewe ungeweza kufanya jambo linalofanana na hilo?

 8. Ushuhuda wa vivi hivi wa Paulo ulikuwa na matokeo mazuri jinsi gani?

⁸ Kwa kuwa walinzi wa Paulo walipokezana zamu za kazi mara kwa mara, watu tofauti tofauti walimsikia akiongea na wengine juu ya utukufu wa umaliki wa Mungu. Ingawa hivyo, sisi tunaweza kuwa na uhakika kwamba yeye aliwatolea walinzi hao ushuhuda wa moja kwa moja pia. Ushuhuda huo wa vivi hivi ulikuwa na matokeo sana hata Paulo akaweza kuandika hivi: “Mambo yangu yamegeuka kuwa kwa ajili ya kusongeza mbele zile habari njema badala ya kuwa vingine, hivi kwamba vifungo vyangu vimekuwa jambo linalojulikana na watu wote katika ushirika pamoja na Kristo miongoni mwa Walinzi wa Praetoria yote na wale wengine wote; na walio wengi wa akina ndugu katika Bwana, wakihisi uhakika kwa sababu ya vifungo-gereza vyangu, wanaonyesha ushujaa ulio zaidi kulisema neno la Mungu pasipo woga.” (Wafilipi 1:12-14, NW) Kama Paulo, ikiwa sisi tutapaswa kutiwa gerezani na kunyimwa nafasi za kutoa ushuhuda kirasmi, sisi tunaweza bado kuongea juu ya umaliki wa Mungu. Na ni ushujaa kama nini ambao jambo hilo litakaza sana ndani ya ndugu zetu!

 9, 10. Kuna ushuhuda gani wa kilimwengu kwamba Wakristo wa mapema walitoa ushuhuda ki-vivi-hivi?

⁹ Ushuhuda wa vivi hivi ulikuwa jambo la kawaida sana miongoni mwa Wakristo wa mapema hivi kwamba ingeweza kusemwa hivi hata juu ya miaka ya baadaye: “Kutoka kwa mwandikaji Mkristo, labda katika Carthage karibu na 200, sisi tunapata picha . . . [ambayo] inahusu watu ambao walikuwa wamepata elimu ya juu. Wanasheria watatu vijana, ambao ni rafiki za karibu, wanatumia siku moja ambayo ni sikukuu wakiwa kwenye ufuo wa bahari. Wawili ni Wakristo, yule wa tatu ni mpagani. Upesi maongezi yao yanageukia dini . . . Usimulizi wa bishano hilo refu unamalizika hivi, ‘Sisi tulienda nyumbani tukiwa wenye furaha, sote watatu. Mmoja alikuwa mwenye furaha kwa sababu yeye alikuwa amekuja kwenye ile imani ya Kikristo, wale wengine walikuwa wenye furaha kwa sababu wao ndio waliokuwa wamemwongoza kwenye imani hiyo.’ Maandishi hayo hayasingizii kuwa historia ya kweli; ni Kuomba-radhi, ambako kulifanywa na Minucius Felix. Lakini kunawakilisha namna ya jambo ambalo lilitukia miongoni mwa watu waliopendelewa zaidi.” (Church History 1—The First Advance: AD 29—500, na John Foster, kurasa 46, 48) Ndiyo, na usimulizi huo unaonyesha kwamba ushuhuda wa vivi hivi haukuwa umefifia ukamalizika miongoni mwa wale waliodai kuwa Wakristo wakati huo.

¹⁰ Kuhusu Wakristo wa mapema imesemwa hivi pia: “Kulikuwa na hesabu inayoongezeka-ongezeka tu daima ya waamini mmoja mmoja wa Kristo, ambao, mahali ko kote ambako wao walienda, iwe ni kufanya shughuli yao ya kawaida au iwe ni kwa kufukuzwa na mateso, walihubiri Kristo... kwa habari ya wale ambao walifanya biashara yao, kazi yao ya maisha, shughuli yao ya kila siku, ya namna yo yote ile, iwe ndiyo njia ya kupanua imani yao, kulikuwa na umati.” (The Missionary Enterprise, na Edwin Munsell Bliss, ukurasa 14) Ndiyo, watangazaji wa mapema wa Ufalme walitoa ushuhuda kirasmi na ki-vivi-hivi.

Kufikiria Mambo Mapema na Kujitayarisha

11. Sisi tunaweza kujifunza nini kutokana na Yesu kuhusu kukaza fikira juu ya ukweli wa Mungu?

¹¹ Kama Yesu.na wafuasi wake wa mapema, sisi tunapaswa kutoa ushuhuda kirasmi na ki-vivi-hivi. Kufanya hivyo kwa matokeo mazuri kunataka. kufikiria mambo mapema na kujitayarisha. Ili kutoa ushuhuda ki-vivi-hivi, au kutoa maagizo, Yesu alirejeza kwenye watoto, chakula, nguo, ndege, maua, hali za hewa, na shughuli za kazi. (Mathayo 4:18, 19; 6:25-34; 11:16-19; 13:3-8; 16:1-4) Sisi pia tunaweza kutumia karibu habari yo yote kama msingi wa kukaza fikira juu ya ukweli wa Mungu.

12. Wakati anapopanga safari, mmoja anaweza kujitayarisha jinsi gani kwa ajili ya ushuhuda wa vivi hivi?

¹² Sisi tunaweza kutoa ushuhuda ki-vivi-hivi kwa watu ambao wameketi katika bustani za starehe, wamesimama katika mistari kwenye maeneo ya. maduka, na mahali pengine kama hapo. Katika Athene Paulo alisababu katika mahali pa soko pamoja na wale ambao walitukia kuwapo.” (Matendo 17:17. NW) Lakini sisi tunahitaji kujitayarisha kwa ajili ya ushuhuda wa ki-vivi-hivi. Mathalani je! wewe unapanga safari ya ndege, gari-moshi, au basi? Basi uende ukiwa na Biblia na trakti fulani-fulani, magazeti, au broshua. Kusoma vichapo vya Kikristo katika vyombo vya kusafirisha abiria au mahali penginepo mara nyingi kuna anzisha maongezi.

13. Toa mfano wa jinsi wewe ungeweza kuanza kutolea ushuhuda mtu mzee-mzee unaposafiri.

¹³ Utangulizi wa kirafiki kwa wazi unakuja kwanza. Kile kitabu cha mkononi Reasoning From the Scriptures kinadokeza tangulizi za utumizi katika huduma ya shambani, lakini mengine ya hayo yanaweza kubadilishwa kidogo kwa utumizi wakati wa kutoa ushuhuda ki-vivi-hivi. Mathalani, ikiwa wakati wewe unaposafiri umeketi pamoja na mtu mzee-mzee, wewe ungeweza kusema: “Jina langu ni——. Mimi nimekuwa nikifikiri sana juu ya kusudi la maisha. Watu wengi wana shughuli sana wakitafuta riziki hivi kwamba wao wanapata kwa shida wakati wa kufikiri juu ya kusudi la maisha. Ingawa hivyo, wakati sisi tunapoendelea kufikia miaka ya uzee tunang’amua kwamba kidogo maisha ni mafupi na huenda tukataka kujua: ‘Je! hivi tu ndivyo maisha yanavyokusudiwa kuwa?’ Je! wewe unafikiri kwamba Mungu ana kusudi kwa kuwako kwetu?” Ruhusu nafasi ajibu. Halafu wewe ungeweza kusema juu ya kusudi la Mungu kwa wanadamu na kueleza juu ya mambo ya ajabu ambayo yameahidiwa kwenye Ufunuo 21:3, 4. Ili kuwa na ushuhuda wa vivi hivi ulio na matokeo mazuri, unaweza pia kutumia mambo mazuri mengine uliyojifunza kwenye mikutano ya kundi na katika vichapo vya Kikristo.

Matokeo Mazuri Yanaweza Kutazamiwa

14. Ni mafanikio gani ambayo ndugu mmoja alipata katika kutoa ushuhuda ki-vivi-hivi wakati wa safari moja?

¹⁴ Kama Yesu na wafuasi wake wa mapema, sisi tunaweza kuwa na mafanikio wakati tunapotoa ushuhuda ki-vivi-hivi. Kwa kutoa kielezi: Wakati wa safari katika ndege, Shahidi mmoja alisema na afisa wa kijeshi ambaye alikuwa amefunga ndoa kwa miaka 20. Mke wa mwanamume huyo alikuwa akitumia dawa za kulevya, alikuwa amefanya majaribio ya kujiua mara kadha, na alikuwa karibu kuacha mume huyo aendee mwanamume mwenye umri mdogo zaidi. Wakati Shahidi yule aliposema juu ya msaada wa Kimaandiko ambao yeye alikuwa akipokea kutoka Mnara wa Mlinzi na jarida-jenzi lao Amkeni! afisa yule alifanya andikisho la magazeti hayo na kutaka yawe yakipelekwa kwa mke wake. Abiria wengine walisikia mambo ambayo Shahidi yule alisema. Tokeo likawa nini? Ni kwamba, kwa sababu ya kutoa ushuhuda katika pindi hiyo moja yeye alipata maandikisho 22 na kuangusha magazeti 45 na vitabu 21!

15, 16. (a) Toa mifano ya kutolea wafanya kazi wenzi ushuhuda wa vivi hivi wenye mafanikio. (b) Matokeo hayo yanadokeza nini kwako wewe?

¹⁵ Namna gani juu ya kuwatolea wafanyakazi-wenzi ushuhuda ki-vivi-hivi? Ndugu mmoja aliacha nakala za majarida yetu katika chumba cha kujisaidia mahali pake pa kazi ya kuajiriwa. Mfanya kazi mwenzake alisoma magazeti yale, akapashana habari na ndugu yule, na akafanya andikisho la magazeti hayo. Mwanamume huyo alikubali pia funzo la Biblia na kuacha maisha yake ya ufasiki, lakini mke wake aliondoka ndani ya nyumba kila mara jina la Mungu lilipotajwa. Wakati mwanamume yule alipotaka kujiuzulu kutoka kanisa la kwao, mhudumu wa pale alikuja kuzungumzia jambo hilo, akapata mke tu wa mwanamume yule nyumbani. Ukosefu wa imani wa mhudumu yule na mambo ya uwongo ambayo alisema juu ya Mashahidi wa Yehova yalishtua mwanamke huyo, kwa maana yeye alikuwa ameona mume wake akibadilika kuwa mzuri zaidi. Mwanamke huyo aliambia mhudumu yule: “Wewe unaweza kuandika cheti cha kujiuzulu kwa ajili yangu na watoto pia!” Baada ya muda, mwanamume huyo na mke wake wakawa Mashahidi waliobatizwa.

¹⁶ Miaka iliyopita, ndugu mmoja ambaye sasa anaishi katika United States alitolea mfanya kazi mwenzake ushuhuda wa vivi hivi katika Uingereza na akapeleka mwanamume kijana huyo kwenye wonyesho wa sinema uliopangwa na Mashahidi wa Yehova. Miaka 31 baadaye, ndugu huyo alipokea barua hii: “Mimi ningependa kukuambia wewe sasa kwamba ule ushuhuda ambao wewe ulimpa [yule mwanamume kijana] ulipata malipo, kwa maana karibu miaka miwili baadaye ndugu mwingine alisema naye, akaangusha magazeti, na kwenda naye kwenye Jumba la Ufalme la kwao . . . Yeye akawa Shahidi, akabatizwa katika 1959, na sasa ni mzee katika kundi lake . . . Baada ya miaka kama 14 mke wake akawa Shahidi na akabatizwa pia. Miaka miwili baadaye binti yake alibatizwa na sasa ni painia wa kawaida katika North Derbyshire . . . Kutokana na kiushuhuda kile ambacho wewe ulifanya kule nyuma katika Ashford, jamaa huyo, mke na binti yake, binamu wa kike na binti yake, mume na watoto watano, na mtoto mmoja wa binti yule mwingine wa binamu huyo wote wakawa Mashahidi. . . . Mimi ningependa kupiga asante kwako wewe, Ted zaidi sana, kwa maana, mimi ndiye yule msimamisha nguzo za chuma, na hadithi ambayo nimesimulia sasa hivi ni hadithi yangu mwenyewe ya ushuhuda wako kwa mimi na jinsi matokeo yao yalivyokuwa.”

17. Ni nafasi gani za kutoa ushuhuda wa vivi hivi ambazo watumishi wa Yehova wenye umri mdogo zaidi wanazo?

¹⁷ Ninyi watumishi wa Yehova wenye umri mdogo zaidi pia mna eneo zuri la kutolea ushuhuda—wanashule wenzenu, na walimu. Je! ninyi mnatoa ushuhuda wa vivi hivi katika insha, vipindi vya kujikumbusha masomo kwa mdomo tu, na katika mambo kama hayo? Mwanafunzi mmoja wa shule ya sekondari ya Ekwedori ambaye funzo la Biblia lilikuwa likiongozwa pamoja naye alitumia ule mfululizo wa makala ambazo zilianza na jalada la Amkeni! (la Kiingereza) la Agosti 22,1985 “Hiroshima—Je! Somo Lao Limepotea?” kama chanzo cha habari za insha moja. Insha ya mwanafunzi huyo wa kike ilipata pongezi ya waamuzi katika shindano moja la kimataifa na kumtokezea safari ya bure kwenda Japani. Bila shaka, kushinda mashindano silo kusudi la vichapo vya Kikristo. Lakini jambo hilo linaonyesha thamani ya vitabu hivyo na matokeo mazuri ya kutoa ushuhuda kwa sifa ya Mungu katika shule.

18. Ni jambo gani lilitokea kutokana na kutoa ushuhuda mfupi kwa mtu aliyekuwa anatafuta kukodi chumba?

¹⁸ Kwa sababu za kifedha, dada mmoja alilazimika kufanya chumba kimoja kiwe cha kukodishwa. Alipopokea ulizo katika simu juu ya chumba hicho, yeye aliambia mtu yule wa kike mwenye kupiga simu kwamba yeye ni mmoja wa Mashahidi wa Yehova na hangeweza kuruhusu maisha ya ovyo ovyo katika nyumba yake. Wageni wangelazimika kuondoka kabla usiku haujaingia sana, na wageni wa kiume wangelazimika kuwa mahali wanapoonekana nyakati zote. Mwenye kupiga simu alisita-sita, halafu akasema: “Mimi nilijifunza wakati nilipokuwa kijana-tineja, lakini sikuvutiwa. Kwa hiyo mimi nilienda chuoni.” Alipoulizwa kama yeye angetaka kurudia funzo lake la Biblia, yeye alijibu, “Ndiyo.” Baada ya muda, mwenye kupiga simu, mama yake, na dada yake wakawa watumishi walio wakfu wa Yehova—wote kwa sababu dada alitoa ushuhuda ki-vivi-hivi.

19. Kutoa ushuhuda wa vivi hivi kulikuwa na matokeo gani katika kisa cha mwanamke mmoja katika Visiwa vya Bahamas?

¹⁹ Katika Visiwa vya Bahamas dhamiri ya mwanamke fulani Mkatoliki ilimsumbua kwa sababu yeye hakuwa ameenda kanisani kwa miaka mitano. Kwa hiyo asubuhi moja ya Jumapili yenye mvua, yeye alianza kutembea barabarani kwenda kanisani. Ndipo wakaja Mashahidi watatu, ambao walimchukua kwa gari lao—na kumtolea ushuhuda. Walipofika kwenye kanisa lile, mwanamke huyo alitaka kusikia mengi zaidi na akabaki pamoja nao huko wao wakiendelea kuendesha gari wakachukue mwanafunzi mmoja wa Biblia. Wao walilipita tena kanisa lile, na bado mwanamke huyo akataka kusikia mengi zaidi na kwa hiyo wakasonga mbele kwenye Jumba la Ufalme. Hotuba ya watu wote ilihusu habari ile ile iliyozungumzwa katika gari. Funzo la Biblia lilianzwa pamoja na mwanamke yule, naye alimwondosha mwanamume ambaye yeye alikuwa akiishi naye (baba ya watoto wake wanne), na mwanamke huyo akabatizwa wakati wa mkusanyiko mmoja katika Nassau katika 1986. Yeye alifurahi kama nini kwamba mtu fulani alimtolea ushuhuda ki-vivi-hivi!

Endelea Kuongea Juu ya Umaliki wa Mungu!

20. (a) Kutoa ushuhuda wa vivi hivi kunapaswa kuonweje kuhusiana na huduma ya shambani? (b) Ni jambo gani linalodokezwa ikiwa mmoja hana nia ya kutoa ushuhuda ki-vivi-hivi?

²⁰ Kutoa ushuhuda ki-vivi-hivi si jambo linalopasa kuwa badala ya ile huduma ya shambani ya kawaida inayofanywa na Mashahidi wa Yehova. Kwa wazi kuhubiri nyumba kwa nyumba ni jambo la Kimaandiko na lenye matokeo mazuri pia. (Matendo 5:42; 20:20, 21, NW) Hata hivyo, ushuhuda wa vivi hivi unatokeza matunda, na watumishi wa Yehova wanapaswa kuushiriki. Mahali ko kote ambako kuna watu—watu wa ukoo, wanafunzi wenzetu, wafanya kazi wenzetu, watu wengine—kuna nafasi za kuongea juu ya utukufu wa umaliki wa Mungu. Kwa hiyo usiache wala woga wala haya zikuzuie wewe. (Mithali 29:25; 2 Timotheo 1:6-8) Ikiwa wewe huna nia ya kutoa ushuhuda ki-vivi-hivi, kwa sababu gani usisali kama walivyofanya wanafunzi wenye kuteswa wa Yesu? Wao walisihi hivi: “Yehova, . . . wape watumwa wako kuendelea kusema Neno lako kwa ujasiri wote.” Je! sala yao ilijibiwa? Ndiyo, kwa maana “mahali ambamo wao walikusanyika pamoja palitikiswa; na wao wote kwa ujumla wakajazwa roho takatifu na wakawa wakisema lile neno la Mungu kwa ujasiri.”—Matendo 4:23-31, NW.

21. Ni jambo gani ambalo litasukuma mtu atoe ushuhuda chini ya hali zote?

²¹ Kwa hiyo, basi, sitawisha mwelekeo wa kutazamia mazuri kuhusu ushuhuda wa vivi hivi. Acha upendo kwa Mungu ukusukume wewe kutoa ushuhuda chini ya aina zote za hali. Uwe mwenye idili, ukiwa ni kama unabubujika ukweli katika kila nafasi. Kweli kweli, endelea kuongea juu ya utukufu wa umaliki wa Mungu.

Majibu Yako ni Nini?

◻ Kutoa ushuhuda wa vivi hivi kuna msingi gani wa Kimaandiko?

◻ Ni zipi njia fulani-fulani za kujitayarisha kwa ajili ya kutoa ushuhuda wa vivi hivi?

◻ Ikiwa sisi tunatoa ushuhuda ki-vivi-hivi, ni matokeo gani ambayo huenda tukatazamiwa?

◻ Ni jinsi gani sisi tunapaswa kuona ushuhuda wa vivi hivi kuhusiana na huduma ya shambani ya kawaida?

[Picha katika ukurasa wa 23]

Ikiwa wewe umezuiliwa, je! wewe unatoa ushuhuda kama alivyofanya Paulo alipokuwa katika uzuizi?

[Picha katika ukurasa wa 25]

Tayarisho la mapema litatuwezesha kutoa ushuhuda ki-vivi-hivi katika njia yenye matokeo mazuri