Lakini zaidi ya hilo mambo mengine pia yanatokea Yesu anapobatizwa. ‘Mbingu zinafunguliwa’ kwa Yesu. Hilo linamaanisha nini? Huenda inamaanisha kwamba Yesu anapobatizwa, anaanza tena kukumbuka maisha yake huko mbinguni kabla ya kuwa mwanadamu. Kwa hiyo, sasa Yesu anakumbuka maisha yake akiwa mwana wa kiroho wa Yehova kutia ndani kweli ambazo Mungu alimfundisha huko mbinguni kabla ya kuja duniani.

Mara tu baada ya kubatizwa na Yohana, roho ya Mungu inamwongoza Yesu kwenda kwenye nyika ya Yudea. Ana mambo mengi ya kufikiria. Yesu alipobatizwa ‘mbingu zilifunguliwa.’ (Mathayo 3:16) Kwa hiyo, anaweza kukumbuka mambo aliyojifunza na kufanya akiwa mbinguni. Kwa kweli, ana mambo mengi ya kutafakari!