Sura ya 6
Yesu Kristo—Alitumwa na Mungu?
1, 2. (a) Kuna ushuhuda gani kuonyesha kwamba Yesu Kristo alikuwa mtu halisi? (b) Ni maulizo gani yanayotokezwa juu ya Yesu?
KARIBU kila mtu leo amesikia habari za Yesu Kristo. Uvutano wake juu ya historia umekuwa mkubwa sana kuliko wa mwanadamu mwingine ye yote. Kwa kweli, kalenda yenyewe inayotumiwa katika sehemu nyingi za ulimwengu inategemea mwaka unaodhaniwa kuwa alizaliwa! Kama The World Book Encyclopedia kinavyosema: “Tarehe zinazotangulia mwaka huo zinaandikwa B.C., au kabla ya Kristo. Tarehe zinazofuata mwaka huo zinaandikwa A.D., au anno Doming (katika mwaka wa Bwana wetu).”
2 Hivyo Yesu hakuwa mtu wa kuwaziwa tu. Yeye aliishi kweli kweli akiwa mwanadamu duniani. “Katika nyakati za kale hata wale wapinzani wa Ukristo hawakutilia shaka kamwe [kuwako] kwa Yesu,” kinasema kitabu Encyclopedia Britannica. Basi Yesu alikuwa nani hasa? Je! kweli alitumwa na Mungu? Kwa nini anajulikana sana?
ALIKUWA AMEISHI KABLA YA KUWA MWANADAMU
3. (a) Kulingana na maneno ya malaika, Mariamu angezaa mtoto wa nani? (b) Iliwezekanaje bikira Mariamu amzae Yesu?
3 Tofauti na mwanadamu mwingine ye yote, Yesu alizaliwa na bikira. Jina la bikira huyo ni Mariamu. Malaika alimwambia habari za mtoto wake hivi: “Huyo atakuwa mkuu, ataitwa Mwana wa Aliye juu.” (Luka 1:28-33; Mathayo 1:20-25) Lakini mwanamke ambaye hakuwa amefanya ngono na mwanamume angewezaje kuzaa mtoto? Ilikuwa kwa njia ya roho takatifu ya Mungu. Yehova alihamisha uhai wa Mwana wake wa kiroho mwenye nguvu kutoka mbinguni akautia katika tumbo la uzazi la yule bikira Mariamu. Huo ulikuwa mwujiza! Bila shaka yeye aliyemfanya mwanamke wa kwanza kuwa na uwezo wa ajabu wa kuzaa watoto angeweza kufanya mwanamke azae mtoto bila baba wa kibinadamu. Biblia inaeleza hivi: “Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke.”—Wagalatia 4:4.
4. (a) Ni maisha gani ambayo Yesu alifurahia kabla ya kuzaliwa akiwa mtoto? (b) Yesu alisema nini kuonyesha kwamba alikuwa ameishi zamani akiwa huko mbinguni?
4 Basi kabla ya kuzaliwa duniani akiwa mwanadamu Yesu alikuwa amekuwa mbinguni akiwa mtu wa kiroho mwenye nguvu. Alikuwa na mwili wa roho usioonekana na wanadamu, kama wa Mungu. (Yohana 4:24) Yesu mwenyewe alitaja mara nyingi cheo kikuu alichokuwa nacho huko mbinguni. Wakati mmoja alisali hivi: “Baba, unitukuze mimi pamoja nawe, kwa utukufu ule niliokuwa nao pamoja nawe kabla ya ulimwengu kuwako.” (Yohana 17:5) Vilevile aliwaambia wasikilizaji wake hivi: “Ninyi ni wa chini, mimi ni wa juu.” “Itakuwaje basi, mmwonapo Mwana wa Adamu akipaa huko alikokuwako kwanza?” “Kabla ya Abrahamu kuja kuwako, mimi nimekuwako.”—Yohana 8:23; 6:62; 8:58, NW; 3:13; 6:51.
5. (a) Sababu gani Yesu alikuwa ameitwa “Neno,” “mzaliwa wa kwanza” na “mzaliwa pekee”? (b) Ni kazi gani ambayo Yesu alikuwa ameshiriki pamoja na Mungu?
5 Kabla ya kuja duniani Yesu aliitwa Neno la Mungu. Cheo hicho kinaonyesha kwamba alitumikia mbinguni akiwa ndiye msemaji wa Mungu. Vilevile yeye anaitwa “mzaliwa wa kwanza” wa Mungu, vilevile “Mwanawe pekee.” (Yohana 1:14; 3:16; Waebrania 1:6) Maana yake yeye aliumbwa kabla ya wana wengine wote wa Mungu wa kiroho, na ya kwamba yeye peke yake ndiye aliyeumbwa na Mungu moja kwa moja. Biblia inaeleza kwamba Mwana huyo “mzaliwa wa kwanza” alishirikiana na Yehova kuumba vitu vingine vyote. (Wakolosai 1:15, 16) Hivyo Mungu aliposema, “Na tufanye mtu kwa mfano wetu,” alikuwa akizungumza na Mwana huyo. Ndiyo, yule yule arnbaye baadaye alikuja duniani akazaliwa na rnwanamke alikuwa ameshiriki kuumba vitu vyote! Alikuwa amekwisha kuishi mbinguni pamoja na Baba yake kwa miaka fulani isiyojulikana!—Mwanzo 1:26: Mithali 8:22, 30; Yohana 1:3.
MAISHA YAKE DUNIANI
6. (a) Ni matukto gani yaliyotukia upesi kabla na baada ya kuzaliwa kwa Yesu? (b) Yesu alizaliwa wapi na alikulia wapi?
6 Mariamu alikuwa ameposwa aolewe na Yusufu. Lakini Yusufu alipojua Mariamu amepata mimba alidhani alikuwa amefanya ngono na mwanamume mwingine, na kwa hiyo hakutaka kumwoa. Walakini, Yehova alipomwambia mimba ya mtoto huyo ilitokea kwa njia ya roho takatifu Yake, Yusufu akamchukua Mariamu awe mke wake. (Mathayo 1:18-20, 24, 25) Baadaye, walipokuwa wakitembelea mji wa Bethlehemu, Yesu akazaliwa. (Luka 2:1-7; Mika 5:2) Yesu alipokuwa bado kitoto kichanga, Mfalme Herode alijaribu kumwua. Lakini Yehova alimwonya Yusufu akachukua jamaa yake na kukimbilia Misri. Mfalme Herode alipokufa, Yusufu na Mariamu walirudi Nazareti katika Galilaya wakiwa na Yesu. Huko ndiko alikulia.—Mathayo 2:13-15, 19-23.
7. (a) Jambo gani lilitukia wakati Yesu alipokuwa na umri wa miaka 12? (b) Yesu alijifunza kazi gani alipokuwa akikua?
7 Yesu alipokuwa mwenye umri wa miaka 12 alisafiri pamoja na watu wa ukoo wake kwenda Yerusalemu kuhudhuria mwadhimisho wa pekee unaoitwa Kupitwa. Walipokuwa huko alikaa siku tatu katika hekalu akiwasikiliza walimu na kuwauliza maulizo. Watu wote waliomsikiliza walistaajabia mambo mengi aliyoyajua. (Luka 2:41-52) Yesu alipokuwa mtu mzima huko Nazareti, alijifunza useremala, Bila shaka alizoezwa kufanya kazi hiyo na Yusufu, baba yake mlezi, ambaye vilevile alikuwa seremala.—Marko 6:3; Mathayo 13:55.
8. Jambo gani lilitukia wakati Yesu alipokuwa na umri wa miaka 30?
8 Katika umri wa miaka 30 badiliko kubwa lilitokea katika maisha ya Yesu. Alimwendea Yohana Mbatizaji akaomba abatizwe, awekwe kabisa chini ya maji ya Mto Yordani. Biblia inaripoti hivi: “Baada ya kubatizwa Yesu alitoka mara hiyo katika maji: na, tazama! mbingu zilifunuka, na akaona ikishuka kama njiwa roho ya Mungu ikija juu yake. Tazama! Pia, kulikuwako sauti kutoka katika mbingu iliyosema: ‘Huyu ndiye Mwana wangu, yule mpendwa, ambaye mimi nimekubali.’” (Mathayo 3:16, 17, NW) Yohana hakuwa na shaka kwamba Yesu alikuwa ametumwa na Mungu.
9. (a) Hasa ni wakati gani Yesu alipokuwa Kristo, na kwa sababu gani wakati huo? (b) Kwa kubatizwa kwake, Yesu alikuwa akijitoa afanye nini?
9 Kwa kumimina roho takatifu Yake juu ya Yesu, Yehova alikuwa akimpaka mafuta au akimweka awe mfalme wa ufalme Wake unaokuja. Kwa kupakwa mafuta hivyo kwa roho, Yesu akawa yule “Masihi,” au yule “Kristo,” maana yake katika Kiebrania na Kigiriki “Mpakwa Mafuta.” Kwa hiyo, kwa kweli akawa Yesu Kristo, au Yesu yule Mpakwa mafuta. Basi mtume Petro alisema juu ya “Yesu aliyekuwa wa kutoka Nazareti, jinsi Mungu alivyompaka mafuta kwa roho takatifu na uwezo.” (Matendo 10:38, NW) Vilevile, kwa kubatizwa kwake ndani ya maji, Yesu alikuwa akijitokeza mbele za Mungu aifanye kazi ambayo Mungu alikuwa amemtuma duniani aifanye. Kazi hiyo ya maana ilikuwa kazi gani?
SABABU ALIKUJA DUNIANI
10. Ni kweli gani ambazo Yesu alikuja duniani azisimulie?
10 Akieleza sababu ya kuja duniani, Yesu alimwambia gavana Mroma Pontio Pilato hivi: “Mimi nimezaliwa kwa ajili ya haya, na kwa ajili ya haya mimi nalikuja ulimwenguni, ili niishuhudie kweli.” (Yohana 18:37) Lakini ni kweli gani hasa ambazo Yesu alitumwa duniani azijulishe? Kwanza, kweli juu ya Baba yake wa kimbingu. Alifundisha wafuasi wake kusali jina la Baba yake “litakaswe,” au lifanywe kuwa takatifu. (Mathayo 6:9, NW) Tena alisali hivi: “Jina lako nimewadhihirishia watu wale ulionipa.” (Yohana 17:6) Pia, alisema hivi: “Imenipasa kuihubiri habari njema ya ufalme wa Mungu . . . maana kwa sababu hiyo nalitumwa.”—Luka 4:43.
11. (a) Sababu gani Yesu aliona kazi yake kuwa ya maana sana? (b) Yesu hakukosa kamwe kufanya nini? Hivyo imetupasa tufanye nini?
11 Kazi hiyo ya Yesu ya kujulisha jina na ufalme wa Baba yake ilikuwa na ubora gani? Aliwaambia wanafunzi wake hivi: “Chakula changu ndicho hiki, niyatende mapenzi yake aliyenipeleka, nikaimalize kazi yake.” (Yohana 4:34) Sababu gani Yesu aliiona kazi ya Mungu kuwa bora kama chakula? Ni kwa sababu ule Ufalme ndiyo njia ambayo Mungu atatumia atimizie wanadamu makusudi yake yaliyo mazuri ajabu. Ni ufalme huo utakaoharibu uovu wote na kuliondolea jina la Yehova lawama. (Danieli 2:44; Ufunuo 21:3, 4) Basi Yesu hakukosa kamwe kujulisha jina la Mungu na ufalme wake. (Mathayo 4:17; Luka 8:1; Yohana 17:26; Waebrania 2:12) Nyakati zote alisema juu ya ile kweli, ha-ta iwe ilipendwa na watu wengi au haikupendwa. Kwa njia hiyo alitoa mfano ambao imetupasa tuufuate ikiwa tunataka ku-mpendeza Mungu.—1 Petro 2:21.
12. Yesu alikuja duniani kwa sababu gani nyingine ya maana?
12 Hata hivyo, ili tuweze kupata uzima wa milele chini ya utawala wa ufalme wa Mungu, ilimpasa Yesu amwage damu yake ya uhai katika kifo. Ni kama vile mitume wawili wa Yesu walivyosema: “Tumetangazwa kuwa waadilifu sasa kwa damu yake.” “Ile damu ya Yesu Mwana [wa Mungu] yatusafisha sisi dhambi zote.” (Warumi 5:9, NW; 1 Yohana 1:7, NW) Basi sababu kubwa ya kuja kwa Yesu duniani ilikuwa kufa kwa ajili yetu. Yeye alisema hivi: “Mwana wa Adamu alikuja, si kuhudumiwa, bali kuhudumu na kutoa nafsi yake [au, uhai] iwe ukombozi badala ya wengi.” (Mathayo 20:28, NW) Lakini ina maana gani kusema Kristo alitoa uhai wake uwe “ukombozi”? Kwa sababu gani kumwagwa kwa damu yake ya uhai katika kifo kulikuwa kwa lazima ili tupate wokovu?
ALITOA UHAI WAKE KUWA UKOMBOZI
13. (a) Ukombozi ni nini? (b) Ni bei gani ya ukombozi ambayo Yesu alilipa atukomboe katika dhambi na kifo?
13 Neno hili “ukombozi” mara nyingi linatumiwa wakati mtu anapokuwa ametoroshwa. Mtoroshaji akiisha kukamata mtu, huenda akasema atamrudisha mtu huyo iwapo kiasi fulani cha fedha kitalipwa kuwa ukombozi. Hivyo ukombozi ni kitu kinachokomboa mtu aliyetekwa nyara. Ni kitu kinacholipwa ili asipoteze uhai wake. Uhai wa Yesu wa kibinadamu wenye ukamilifu ulitolewa ili kukomboa wanadamu katika utumwa wa dhambi na kifo. (1 Petro 1:18, 19; Waefeso 1:7) Sababu gani kukombolewa hivyo kulihitajiwa?
14. Sababu gani ukombozi uliotolewa na Yesu ulihitajiwa?
14 Ni kwa sababu Adamu, yule babu yetu sote, alikuwa amemwasi Mungu. Hivyo tendo lake la kuvunja sheria lilimfanya awe mtenda dhambi, kwa sababu Biblia inaeleza kwamba “dhambi ni hali ya kuvunja sheria.” (1 Yohana 3:4, NW; 5:17) Basi, yeye hakustahili kupokea zawadi ya uzima wa milele kutoka Mungu. (Warumi 6:23) Hivyo Adamu alijipotezea mwenyewe uhai mkamilifu wa kibinadamu hapa katika dunia ya paradiso. Vilevile alipotezea watoto wote ambao angezaa taraja hilo lililokwa zuri ajabu. ‘Lakini sababu gani,’ labda utauliza, ‘watoto wake wote walazimike kufa, na hali ni Adamu aliyefanya dhambi?’
15. Kwa kuwa ni Adamu aliyefanya dhambi. sababu gani watoto wake wakalazimika kuteseka na kufa?
15 Ni kwa sababu Adamu, alipogeuka akawa mtenda dhambi alipeleka dhambi na kifo kwa watoto wake, kutia na wanadamu wote wanaoishi sasa. (Ayubu 14:4; Warumi 5:12) “Wote warm fanya dhambi na hupungukiwa na utukufu wa Mungu,” inasema Biblia. (Warumi 3:23, NW; 1 Wafalme 8:46) Hata Daudi mwenye kumwogopa Mungu alisema hivi: “Kwa makosa nikazaliwa kwa maumivu ya kuzaa, na katika dhambi mama yangu akanichukua mimba.” (Zaburi 51:5, NW) Kwa hiyo, watu wamekuwa wakifa kwa sababu ya dhambi waliyorithi kutoka kwa Adamu. Basi iliwezekanaje dhabihu ya uhai wa Yesu kuwaweka hurl watu wote kutoka utumwa wa dhambi na kifo?
16. (a) Katika kutoa ukombozi huo Mungu alionyeshaje kuwa anajali sheria yake ya kwamba ‘uhai umepasa utolewe kwa uhai’? (b) Sababu gani Yesu ndiye mwanadamu pekee ambaye angeweza kulipa ukombozi huo?
16 Kanuni ya kisheria iliyo katika sheria ambayo Mungu alilipa taifa la Israeli inahusika. Inasema kwamba ‘uhai umepasa utole we kwa uhai.’ (Kutoka 21:23; Kumbukumbu la Torati 19:21 NW) Kwa kutokutii kwake yule mtu mkamilifu Adamu alijipote zea yeye mwenyewe na watoto wake wote uhai mkamilifu katika dunia ya paradiso. Yesu Kristo alitoa uhai mkamilifu wake ili akomboe kile alichopoteza Adamu. Ndiyo, Yesu “alijitoa mwenyewe kuwa ukombozi unaolingana kwa ajili ya wote.” (1 Timotheo 2:5, 6, NW) Kwa sababu yeye alizaliwa akiwa mtu mkamilifu kama Adamu alivyokuwa, Yesu anaitwa “Adamu wa mwisho.” (1 Wakorintho 15:45) Ni Yesu tu, wala si mwanadamu mwingine, ambaye angeweza kutoa ukombozi huo. Ni kwa sababu Yesu ndiye mtu pekee aliyepata kuishi akalingana na Adamu akiwa mwanadamu mkamilifu aliye mwana wa Mungu.—Zaburi 49:7; Luka 1:32; 3:38.
17. Mungu alilipwa ukombozi huo wakati gani?
17 Yesu alikufa akiwa mwenye umri wa miaka 331/2. Lakini siku ya tatu baada ya kufa kwake alifufuliwa akawa hai. Siku 40 baadaye alirudi mbinguni. (Matendo 1:3, 9-11) Akiwa tena mtu wa kiroho huko, alionekana “usoni pa Mungu kwa ajili yetu,” akapeleka thamani ya dhabihu yake ya ukombozi. (Waebrania 9:12, 24) Wakati huo Mungu alilipwa ule ukombozi mbinguni. Sasa wanadamu wote wakawa wanaweza kukombolewa. Lakini faida za ukombozi huo zitapatikana wakati gani?
18. (a) Tunawezaje kupata faida za ukombozi huo hata sasa? (b) Ukombozi huo unawezesha nini wakati ujao?
18 Hata sasa dhabihu ya ukombozi ya Yesu inaweza kutufaidi sisi. Namna gani? Kwa kuiamini tunaweza kufurahia hali safi mbele za Mungu na kuja chini ya ulinzi wake wa upendo wenye huruma nyingi sana. (Ufunuo 7:9, 10, 13-15) Wengi wetu huenda wakawa wamefanya dhambi nzito kabla ya kujifunza juu ya Mungu. Na hata sasa tunafanya makosa. Mara nyingine yanakuwa mazito sana. Lakini tunaweza kuomba msamaha kutoka kwa Mungu tukiwa na uhuru kwa kutegemea ukombozi huo, tukiwa na hakika kwamba atatusikia. (1 Yohana 2:1, 2; 1 Wakorintho 6:9-11) Vilevile, katika siku za usoni, ukombozi huo utatufungulia njia ya kupokea zawadi ya uzima wa milele kutoka kwa Mungu katika taratibu mpya yake yenye uadilifu. (2 Petro 3:13) Wakati huo wale wote wanaoamini ukombozi huo watafunguliwa kabisa katika utumwa wa dhambi na kifo. Wataweza kutazamia kuishi milele katika ukamilifu!
19. (a) Wewe unaonaje kwa sababu ya ukombozi huo? (b) Mtume Paulo alisema imetupasa tuonyesheje shukrani zetu kwa sababu ya ukombozi huo?
19 Wewe unaonaje kujifunza juu ya ukombozi? Je! hakuchangamshi moyo wako umpende Yehova Mungu kwa kujua kwamba yeye anakujali sana kiasi cha kwamba alimtoa Mwanawe mpendwa kwa ajili yako? (Yohana 3:16; 1 Yohana 4:9, 10) Lakini fikiri, vilevile, juu ya upendo wa Kristo. Yeye alikuja duniani kwa kupenda akafa kwa ajili yetu. Je! haitupasi tushukuru? Mtume Paulo alieleza namna inavyotupasa kuonyesha shukrani yetu aliposema hivi: “Yeye alikufa kwa ajili ya wote ili wale wanaoishi wapate kuishi si tena kwa ajili yao wenyewe, bali kwa ajili ya yeye ambaye alikufa kwa ajili yao akafufuliwa.” (2 Wakorintho 5:14, 15, NW) Je! wewe utaonyesha shukrani yako kwa kutumia uhai wako umtumikie Mungu na Mwanawe wa kimbingu Yesu Kristo?
SABABU YESU ALIFANYA MIUJIZA
20. Tunajifunza nini juu ya Yesu kwa tendo lake la kumponesha mwenye ukoma?
20 Yesu anajulikana sana kwa miujiza aliyofanya. Aliwahurumia sana watu waliokuwa na taabu, naye alitaka sana kuwasaidia kwa kutumia uwezo aliopewa na Mungu. Kwa mfano, mtu mmoja mwenye ugonjwa mbaya sana wa ukoma alimwendea akamwambia hivi: “Ukitaka, waweza kunitakasa.” Yesu “akamhurumia, akanyosha mkono wake, akamgusa, akamwambia, Nataka, takasika.” Na mgonjwa huyo akaponeshwa!—Marko 1:40-42.
21. Yesu alisaidiaje makundi ya watu wengi?
21 Angalia tamasha nyingine ya Biblia, uwazie namna Yesu alivyohurumia sana watu: “Wakamwendea makutano mengi wakimletea viwete, vipofu, mabubu, vilema, na wengine wengi, wakawaweka miguuni pake; akawaponya; hata ule mkutano wakastaajabu, walipowaona mabubu wanasema, vilema wanakuwa wazima, viwete wanakwenda, na vipofu wanaona; wakamtukuza Mungu wa Israeli.” —Mathayo 15:30, 31.
22. Ni nini kinachoonyesha kwamba kweli Yesu aliwajali watu wale ambao alisaidia?
22 Inaweza kuonwa kwa maneno aliyowaambia wanafunzi wake kwamba, kweli Yesu alijali watu hao walioteseka na alitaka kweli kweli kuwasaidia. Alisema: “Nawahurumia [makutano], kwa kuwa yapata siku tatu wamekaa pamoja nami, wala hawana kitu cha kula; tena kuwaaga wakifunga sipendi, wasije wakazimia njiani.” Hivyo Yesu, kwa mikate saba tu na samaki wachache wadogo alilisha kwa mwujiza “wanaume elfu nne, bila [kuhesabu] wanawake na watoto.”—Mathayo 15:32-38.
23. Ni nini kilichomwongoza Yesu afufue mwana wa mjane?
23 Pindi nyingine Yesu alikutana na mwandamano wa mazil uliokuwa ukitoka katika mji wa Naini. Biblia inausimulia ikis ma: “Palikuwa na maiti anachukuliwa nje, ni mwana pekee m mamaye ambaye ni mjane . . . Bwana alipomwona alimwonea huruma.” Alihuzunika sana kwa kuyaona masikitiko ya mjane huyo. Basi, akisema na ile maiti, Yesu akaamuru hivi: “Kijana nakuambia, Inuka.” Ajabu ya maajabu! “Yule maiti akainulu akaketi, akaanza kusema. Akampa mama yake.” Wazia maoni ya mama huyo! Wewe ungeonaje? Habari ya tukio hilo la ajabu ikaenea mbali sana. Si ajabu kwamba Yesu anajulikana sana.—Luka 7:11-17.
24. Miujiza ya Yesu ilionyesha nini juu ya wakati ujao?
24 Hata hivyo ile miujiza aliyoifanya Yesu ilikuwa na faida ya muda tu. Watu ambao aliponesha walipata tena matatizo ya mwili. Na wale aliofufua walikufa tena. Lakini miujiza ya Yesu ilihakikisha kwamba alitumwa na Mungu, kwamba alikuwa Mwana wa Mungu kweli kweli. Nayo ilihakikisha kwamba, kwa uwezo wa Mungu, matatizo yote ya wanadamu yanaweza kutatuliwa. Ndiyo, ilionyesha kidogo yatakayotukia hapa duniani chini ya ufalme wa Mungu. Wakati huo wenye njaa watapewa chakula, wagonjwa wataponeshwa, na hata wafu watafufuliwa! Wala magonjwa, kifo wala matatizo mengine yo yote hayatatokeza kamwe huzuni. Hiyo itakuwa baraka kama nini!—Ufunuo 21:3, 4; Mathayo 11:4, 5.
MTAWALA WA UFALME WA MUNGU
25. Maisha ya Yesu yanaweza kugawanywa katika sehemu gani tatu?
25 Kuna sehemu tatu zinazohusu maisha ya Mwana wa Mungu. Kwanza, kuna ile miaka isiyojulikana hesabu aliyoishi pamoja na Baba yake katika mbingu kabla ya kuwa mwanadamu. Halafu, ile miaka 331/2 aliyoishi duniani baada ya kuzaliwa. Na sasa kuna maisha aliyo nayo tangu aliporudi mbinguni akiwa mtu wa kiroho. Tangu kufufuliwa kwake amekuwa na cheo gani huko mbinguni?
26. Kwa uaminifu wake hapa duniani, Yesu alihakikisha alistahili kuwa nini?
26 Kwa wazi, Yesu alipaswa kuwa mfalme. Hata malaika ali-mtangazia Mariamu hivi: “Yeye atatawala akiwa mfalme . . . milele, na kutakuwa hakuna mwisho wa ufalme wake.” (Luka 1:33, NW) Wakati wa huduma yake ya kidunia alisema nyakati zote juu ya ufalme wa Mungu. Alifundisha wafuasi wake kusali hivi: “Acha ufalme wako uje. Acha mapenzi yako yatukie, kama katika mbingu, pia juu ya dunia.” Tena aliwasihi ‘waendelee kuutafuta kwanza ufalme.’ (Mathayo 6:10, 33, NW) Kwa uaminifu wake duniani, Yesu alihakikisha kwamba yeye alistahili kuwa mfalme wa ufalme wa Mungu. Je! alianza kutawala akiwa mfalme mara aliporudi mbinguni?
27. (a) Yesu alifanya nini baada ya kurudi mbinguni? (b) Ni tendo gani la kwanza ambalo Yesu alifanya akiwa mfalme wa ufalme wa Mungu?
27 Hapana. Mtume Paulo anaelekeza kwenye Zaburi 110:1 hivi: “Huyu [Yesu], alipokwisha kutoa kwa ajili ya dhambi dhabihu moja idumuyo hata milele, aliketi mkono wa kuume wa Mungu; tangu hapo akingojea hata adui zake wawekwe kuwa chini ya miguu yake.” (Waebrania 10:12, 13) Yesu alikuwa akingojea amri hii ya Yehova: “Nenda hali ukitiisha katikati ya adui zako.” (Zaburi 110:2, NW) Ulipofika wakati huo, alianza kuzisafisha mbingu kwa kuondoa Shetani na malaika zake. Matokeo ya vita hiyo mbinguni yanaelezwa kwa maneno haya: “Sasa kumekuwa wokovu, na nguvu, na ufalme wa Mungu wetu, na mamlaka ya Kristo wake; kwa maana ametupwa chini mshitaki wa ndugu zetu, yeye awashitakiye mbele za Mungu wetu, mchana na usiku.” (Ufunuo 12:10) Kama tulivyoona katika sura moja iliyotangulia ya kitabu hiki, mambo ya hakika yanaonyesha kwamba vita hiyo ya mbinguni imekwisha kutukia, naye Yesu Kristo sasa anatawala katikati ya adui zake.
28. (a) Upesi Kristo atafanya nini? (b) Ili tufurahie ulinzi wake lazima tufanye nini?
28 Upesi sana Kristo na malaika zake wa kimbingu watachukua hatua ya kuiondolea dunia hii serikali zote za kilimwengu zilizopo. (Danieli 2:44; Ufunuo 17:14) Biblia inasema kwamba yeye ana “upanga mkali [kutoka] kinywani mwake ili awapige mataifa kwa huo. Naye atawachunga kwa fimbo ya chuma.” (Ufunuo 19:11-16) Ili tujionyeshe tunastahili kulindwa wakati wa uharibifu huo unaokuja, lazima tumwamini Yesu Kristo. (Yohana 3:36) Lazima tuwe wanafunzi wake na kujinyenyekeza kwake akiwa Mfalme wetu wa kimbingu. Je! wewe utafanya hi-vyo?
[Picha katika ukurasa wa 58]
Yesu aliacha useremala wake ili abatizwe na kuwa mpakwa mafuta wa Yehova
[Picha katika ukurasa wa 63]
Yesu ndiye mtu aliyelingana na Adamu, yule mtu mkamilifu
[Picha katika ukurasa wa 64]
Yesu aliona huruma akasaidia wagonjwa na wenye njaa
[Picha katika ukurasa wa 67]
BKwa kufufua wafu, Yesu alionyesha atakavyofanya kwa kadiri kubwa zaidi wakati ufalme wa Mungu utakapotawala