‘Lakini namna gani wale ambao wamekufa, kama wapendwa wangu?’ huenda wewe ukauliza. Yesu mwenyewe aliambia Martha kwamba wengine, ‘ijapokuwa wamekufa, watakuja kwenye uhai.’ (Yohana 11:25, NW) Hiyo itakuwa katika ufufuo wa kidunia. Wakati wa utawala wa Kristo akiwa katika mbingu pamoja na wafalme na makuhani washirika wake 144,000, mamilioni mengi ya wafu ambao Mungu anawakumbuka kwa njia yenye kupendeleka watainuliwa, nao watakuwa na fursa kamili ya kujifunza ibada ya kweli ya Yehova. Wakiwa waaminifu, watapata thawabu ya uhai wa milele katika paradiso ya duniani pote. Hiyo itakuwa wakati wa “siku ya mwisho” aliyoitaja Martha alipokuwa akikubaliana na Yesu kwamba Lazaro ndugu yake angeinuka tena aje kwenye uhai.​—Yohana 5:28, 29; 11:24; Luka 23:43.

Ndiyo, ufufuo wa Yesu ndio uhakikishio wa mwisho kabisa juu ya uhalali wa tumaini la ufufuo. Kwa hiyo sisi pia tuna msingi imara wa kuamini kabisa nguvu na upendo wa Yehova Mungu. Sisi pia tunaweza kueleza usadiki ambao Martha alikuwa nao: ‘Tunajua kwamba wafu watainuka katika ufufuo siku ya mwisho!’