Tumikieni Yehova kwa Upatano Mmoja

“Ndipo mimi nitakapogeuzia jamii za watu lugha iliyotakata, kwamba wao wote wapate kuita juu ya jina la Yehova, kumtumikia wakiwa na idhini moja.”​—⁠SEFANIA 3:​9, American Standard Version.

YEHOVA MUNGU anafanya jambo fulani leo ambalo wanadamu hawangeweza kamwe kulipata wakiwa peke yao. Lugha zipatazo 3,000 zinanenwa katika ulimwengu huu uliogawanyika, lakini sasa Mungu analeta utimizo wa unabii huu: “Mimi nitavipa vikundi vya watu badiliko la kuja kwenye lugha iliyotakata, ili wao wote waite juu ya jina la Yehova, ili wamtumikie bega kwa bega.”​—⁠Sefania 3:​9, NW.

2 Ni nini hii “lugha iliyotakata”? Ni nani wanaoisema? Na inamaanisha nini ‘kutumikia Mungu bega kwa bega’?

Wao Wananena ile “Lugha Iliyotakata”

3 Siku ya Pentekoste 33 W.K., roho takatifu ya Mungu ilimiminwa juu ya wanafunzi wa Yesu, ikiwatia nguvu kunena lugha ambazo wao hawakuwa wamejifunza. Hiyo iliwawezesha kuambia watu wa ndimi nyingi “juu ya mambo matukufu ya Mungu.” Hivyo Yehova alianza kuwaleta katika umoja watu wa malezi yote ya kikabila. (Matendo 2:​1-21, 37-42, NW ) Wakati Wamataifa wenye kuitikadi walipokuwa wafuasi wa Yesu baadaye, watumishi wa Mungu walikuwa kweli kweli jamii yenye lugha na rangi nyingi. Hata hivyo, wao wamekuwa hawakugawanywa-gawanywa kamwe na vizuizi vya kilimwengu, kwa sababu wote wananena ile “lugha iliyotakata.” Hii ndiyo ile lugha ya msemezano wa ukweli wa Kimaandiko iliyotabiriwa kwenye Sefania 3:9. (Waefeso 4:25) Wale wanaonena “lugha iliyotakata” hawana mgawanyiko bali ‘wananena kwa mwafaka,’ ‘wakiwa wameunganika kwa kufaa katika akili moja na katika mstari mmoja wa fikira.’​—⁠1 Wakorintho 1:​10, NW.

4 Ile “lugha iliyotakata” ilikuwa ya kuwezesha watu wa mataifa na jamii za rangi zote watumikie Yehova ‘bega kwa bega,’ kwa uhalisi, ‘wakiwa na bega moja.’ Wao wangetumikia Mungu “wakiwa na idhini moja” (The New English Bible); “wakiwa na upatano mmoja” (The New American Bible); au “wakiwa na idhini moja ya mkubaliano wa wote na bega moja lililoungana kwa umoja.” (The Amplified Bible) Fasiri nyingine inasomwa hivi: “Ndipo mimi nitageuza midomo ya jamii zote za watu iwe safi, kwamba wao wote wapate kuita juu ya jina la Yehova na kufanya ushirikiano katika utumishi wake.” (Byington) Ushirikiano huo wa lugha na rangi nyingi katika utumishi wa Mungu unapatikana miongoni mwa Mashahidi wa Yehova peke yao.

5 Kwa kuwa Mashahidi wa Yehova wote wananena ile “lugha iliyotakata” ya ukweli wa Kimaandiko, wao wanaweza kutumia lugha yo yote ya kibinadamu kwa njia iliyotukuka zaidi ​—⁠kusifu Mungu na kutangaza habari njema za Ufalme. (Marko 13:10; Tito 2:​7, 8; Waebrania 13:​15, NW ) Ni jambo bora kama nini kwamba kwa njia hiyo ile “lugha iliyotakata” inawezesha watu wa makabila yote watumikie Yehova kwa upatano mmoja!

6 Petro alipokuwa akiwatolea ushuhuda Kornelio na Wamataifa wengine, yeye alisema“Mimi nahisi kwa fahamu zangu uhakika wa kwamba Mungu si mwenye upendeleo, bali katika kila taifa yeye ambaye anamwogopa na kuzoea uadilifu anakubalika kwake.” (Matendo 10:​34, 35, By) Kulingana na fasiri nyinginezo, Yehova “si Mbagua watu,” “hapambanui-pambanui kati ya watu,” na “haonyeshi upendeleo.” (The Emphatic Diaglott; Phillips; New International Version) Kwa kuwa sisi ni watumishi wa Yehova, inatupasa tuone watu wa makabila yote kama vile yeye anavyowaona. Lakini namna gani ikiwa kiasi fulani cha upendeleo kinakaa-kaa katika moyo wa Mkristo fulani? Basi itasaidia kuangalia jinsi Mungu wetu asiye na upendeleo anavyoshughulika na watumishi wake wa kila taifa, kabila, kikundi cha watu, na ulimi.​—⁠Ona pia Amkeni! la Septemba 1985, kurasa 3-11.

Wao Ni Wenye Kutamanika

7 Ikiwa wewe ni shahidi aliyebatizwa wa Yehova, inaelekea sana kwamba wakati mmoja ulikuwa ‘ukipiga kite na kutweta kwa sababu ya makuruhi’ yanayotukia katika mfumo huu mbovu. (Ezekieli 9:​4, NW ) Wewe ulikuwa ‘mfu katika dhambi zako,’ lakini kwa rehema Mungu alikuvuta kwake mwenyewe kupitia Yesu Kristo. (Waefeso 2:​1-5; Yohana 6:​44, NW ) Katika mambo haya, wewe hukutofautiana na wengine ambao sasa ni waitikadi wenzako. Wao pia walihisi wakitaabishwa sana na uovu, ‘walikuwa wafu katika dhambi zao,’ na wakawa wapokezi wa rehema ya Mungu kupitia Yesu Kristo. Na bila kujali sisi ni wa jamii ya watu wa rangi au utaifa gani, ni kupitia imani tu kwamba wo wote kati yetu wana msimamo pamoja na Yehova Mungu wakiwa mashahidi wake.​—⁠Warumi 11:20.

8 Maneno ya kiunabii ya Hagai 2:​7, NW, yanatusaidia kuona jinsi inatupasa kuwachukua waitikadi wenzetu wa mataifa mbalimbali Hapo Yehova alitangaza hivi: “Mimi nitatikisa-tikisa mataifa yote, na vitu vyenye kutamanika vya mataifa yote lazima vije ndani; na mimi nitajaza nyumba hii utukufu.” Ukwezaji huu uliotabiriwa wa dini iliyotakata unatukia kwenye hekalu la kweli la Mungu, makao ya ibada yake. (Yohana 4:​23, 24) Lakini ni nini vile “vitu vyenye kutamanika vya mataifa yote”? Ni maelfu ya wapenda-uadilifu wanaojibiza vizuri kazi ya kuhubiriwa kwa Ufalme. Kutoka mataifa na jamii za watu wa rangi zote, wao wanamiminika kwenda kwenye ‘mlima wa nyumba ya Yehova,’ wakiwa mashahidi wake waliobatizwa na sehemu ya “mkutano mkubwa” wake wa kimataifa. (Isaya 2:​2-4; Ufunuo 7:9) Wale wanaosifu Yehova wakiwa sehemu ya tengenezo lake la kidunia ni watu safi, wa kiadili, wenye kutii Mungu ​—⁠watu wa kutamanika kweli kweli. Basi, kwa uhakika kila Mkristo wa kweli anapaswa atake kuonyesha upendo wa kidugu kwa wote hawa wenye kutamanika ambao wanakubalika kwa Baba yetu, ambaye ni Baba yao pia, wa mbinguni.

Utu Wao Ni Mpya

9 Ndugu na dada zetu wa kiroho kuzunguka dunia ni wenye kutamanika pia kwa sababu wao wametii lile shauri la ‘kuvua utu wa zamani pamoja na mazoea yao na kujivika wenyewe utu mpya.’ “Kupitia maarifa sahihi [huo] unafanywa mpya kulingana na mfano wa yule Mmoja ambaye aliuumba, ambapo hapana Mgiriki wala Myahudi, kutahiri wala kutotahiri, mtu wa kigeni, Msaithia, mtumwa, mtu huru, bali Kristo ni mambo yote na katika wote.” (Wakolosai 3:​9-11, NW ) Ikiwa hapo kwanza mtu fulani hakuwa na fikira nzuri juu ya Myahudi, Mgiriki, au wengine waliokuwa wa kigeni kwake, mambo yalipasa kuwa tofauti kwa kuwa sasa alikuwa Mkristo. Hata wawe ni wa jamii ya watu wa rangi, utaifa, au utamaduni gani, wale walio na ule “utu mpya” wanasitawisha na kuonyesha tunda la roho takatifu ya Mungu​—⁠upendo, shangwe, amani, ustahimilivu, fadhili, wema, imani, upole, na kujiweza. (Wagalatia 5:​22, 23, NW ) Hiyo inawafanya wapendeke sana kwa waabudu wenzao wa Yehova.

10 Tofauti na watumishi wa Yehova, walimwengu fulani wanasema maneno yenye kushusha heshima ya watu wenye malezi ya makabila yaliyo tofauti na lile lao wenyewe. Naam, kuhusu watu wake mwenyewe, nabii mmoja Mkrete alisema hivi wakati mmoja: “Wakrete ni waongo sikuzote, wanyama-mwitu wenye kudhuru, walafi wasio na kazi ya kufanya”! Mtume Paulo alikumbuka maneno hayo ilipohitajiwa kabisa kunyamazisha walimu bandia miongoni mwa Wakristo katika kisiwa cha Krete. Lakini kwa uhakika Paulo hakuwa akisema: ‘Wakristo wote Wakrete husema uwongo na ni wenye kudhuru, ni wavivu, na walafi.’ (Tito 1:​5-12, NW ) Hapana, kwa maana Wakristo hawaneni mambo yenye kushusha heshima ya wengine. Waaidha, walio wengi wa hao Wakristo Wakrete walikuwa wamevaa ule “utu mpya,” na baadhi yao walistahili kiroho kuwekwa rasmi kuwa wazee. Jambo hili linastahili fikira nzito ikiwa wakati wo wote sisi tunashawishika kusema mambo yasiyofaa kwa kuhusisha ndani ujumla wote wa ndugu na dada zetu wa kiroho walio wa jamii ya watu wa rangi au utaifa fulani.

Fikiria Wengine Kuwa Bora Kuliko Wewe

11 Kwa upande ule mwingine, ikiwa Mkristo alikuwa mwenye upendeleo kwa jamii ya watu wa rangi au utaifa mmoja, labda yeye angeonyesha hivyo kwa maneno au vitendo. Hilo nalo lingeweza kusababisha hisia zilizojeruhiwa, hasa katika kundi lenye watu wa malezi ya makabila mbalimbali. Kwa uhakika, hakuna Mkristo ambaye angetaka kuweka mgogoro huo juu ya watu wa Mungu. (Zaburi 133: 1-3) Kwa hiyo ikiwa upendeleo wo wote umo katika moyo wa Mkristo, yeye anaweza hata kusali hivi: “Nipekue-pekue mimi ndani ya sehemu zote, O Mungu, na ujue moyo wangu Nichunguze mimi, na ujue fikira zangu zenye kunikosesha utulivu, na uone kama ndani yangu mna njia yo yote yenye umivu, na uniongoze mimi katika njia ya wakati usio dhahiri.”​—⁠Zaburi 139:​23, 24, NW.

12 Ni vizuri kufuata maoni yale ya kiasi kwamba sisi sote ni wanadamu wasiokamilika ambao wasingaliweza hata kidogo kuwa na msimamo wo wote pamoja na Mungu kama isingalikuwa ni kwa sababu ya dhabihu ya Yesu Kristo. (1 Yohana l:​8–2:2) Ni nini, basi, kinachotufanya tofauti na wengine? Kwa kuwa sisi hatuna cho chote ambacho hatukupokea, mbona sisi tujisifu katika sisi wenyewe au katika wengine walio wa malezi ya kabila letu?​—⁠Linganisha 1 Wakorintho 4:​6, 7.

13 Sisi tunaweza kuchangia umoja wa kundi tukikiri na kuonyesha uthamini kwa sifa njema za wengine. Paulo mtume Myahudi alitupa sisi sote jambo la kufikiria sana alipowaambia hivi Wafilipi Wamataifa: “Fanyeni shangwe yangu iwe kamili katika jambo la kwamba ninyi ni wa akili ile ile moja na mna upendo ule ule mmoja, mkiwa mnaunganishwa pamoja katika nafsi, mkishikilia fikira moja katika akili, bila kufanya lo lote kwa ushindani au kwa majivuno, bali kwa udhalili wa akili mkifikiria kwamba wengine ni bora kuliko ninyi.” Mwelekeo unaofaa sisi tuonyeshe kuelekea wanadamu wenzetu wa jamii ya watu wa rangi au utaifa wo wote ulionyeshwa kwa kielelezo katika Yesu Kristo. Ingawa yeye alikuwa kiumbe-roho mwenye uweza, yeye “alikuja kuwa katika ufanani wa wanadamu” na akajinyenyekeza mwenyewe kufikia kifo juu ya mti wa mateso kwa ajili ya wanadamu wenye dhambi wa kila rangi ya jamii ya watu na taifa. (Wafilipi 2:​1-11, NW ) Basi, kwa kuwa sisi ni wafuasi wa Yesu, je! haitupasi kuwa wenye upendo, wanyenyekevu, na wenye huruma, tukikiri kwamba wengine ni bora kuliko sisi?

Sikiliza na Kutazama Sana

14 Huenda sisi tukasaidiwa kufikiria wengine kuwa bora kuliko sisi tukisikiliza kweli kweli wakati wao wanaponena, na kutazama mwenendo wao kwa uangalifu. Mathalani, huenda tukalazimika kukubali kwa moyo wa kufuata haki kwamba mzee mwenzetu​—⁠labda wa jamii ya watu wa rangi nyingine​—⁠ametupita sisi katika uwezo wa kutoa mashauri yenye matokeo mazuri katika Shule ya Huduma ya Kitheokrasi. Huenda tukatambua kwamba ni hali yake ya kiroho, si kwa lazima uteuzi wake wa maneno ya ufasaha au njia ya kunena, inayomwezesha apate matokeo mazuri katika kusaidia waitikadi wenzetu wawe watangazaji hodari wa Ufalme. Na ni wazi kwamba Yehova anabariki jitihada zake.

15Wakati sisi tunapoongea na ndugu na dada zetu au kusikiliza maelezo yao kwenye mikutano, huenda tukahisi kwa fahamu zetu kwamba watu fulani kati yao wana ufahamivu mzuri zaidi wa kweli fulani za Kimaandiko kuliko sisi. Huenda tukatambua kwamba upendo wao wa kidugu unaonekana kuwa wenye imara zaidi, wao wanaonekana kuwa wenye imani zaidi, au wanatoa ithibati ya kuitibari zaidi katika Yehova. Kwa hiyo wawe au wasiwe ni wa malezi ya kabila letu, wao wanatuchochea kwenye upendo na kazi nzuri, wanasaidia kuimarisha imani yetu, na wanatusukuma tuitibari kwa ukamili zaidi katika Baba yetu wa kimbingu. (Mithali 3:​5, 6; Waebrania 10:​24, 25, 39) Kwa uwazi Yehova amejileta awe karibu nao, na inatupasa sisi pia tufanye hivyo.​—⁠Linganisha Yakobo 4:8.

Twabarikiwa na Kutegemezwa

16 Yehova si mwenye upendeleo katika kubariki watumishi wake wa utaifa au jamii ya watu wa rangi yo yote. Mathalani, fikiria ile nchi ya Brazili. Haikuwa ni kutokana na wamisionari wa kigeni kwamba watu katika Brazili walisikia ujumbe wa Ufalme mara ya kwanza karibu mwaka 1920, bali ilikuwa ni kutokana na midomo ya mabaharia wanane Wabrazili. Baraka ya Mungu imeonekana wazi, kwa maana kufikia mwaka wa utumishi wa 1987, kulikuwa na kilele cha watangazaji Ufalme 216,216 katika bara hiyo ya wakaaji 141,302,000​—⁠uwiano wa mhubiri mmoja kwa 654.

17 Fikiria kielelezo kingine cha baraka ya kimungu. Katika Aprili 1923 mashahidi weusi wawili wa Yehova kutoka kisiwa Trinidadi cha Karibea walitumwa wakatangaze ujumbe wa Ufalme katika Afrika ya Magharibi. Basi ikatukia kwamba Ndugu na Dada W. R. Brown walitumikia huko kwa miaka mingi, yeye akija kujulikana kuwa “Bible Brown.” Wao ‘walipanda’ na ‘Mungu akaendelea kufanya ikue’ wakati wengine pia walipofanya kazi katika hilo eneo kubwa sana. (1 Wakorintho 3:​5-9, NW ) Leo, watangazaji Ufalme ni zaidi ya 32,600 katika Ghana na zaidi ya 133,800 katika Naijeria peke yake.

18 Si kwamba Yehova anabariki tu watumishi wake wa mataifa na rangi zote bali anawategemeza pia. Mathalani, fikiria kisa cha mashahidi wawili Wajapani wa Yehova. Siku ya Juni 21, 1939, Katsuo Miura na mke wake walikamatwa isivyo haki, wakafungwa jela, na kutenganishwa na mvulana wao wa miaka mitano, aliyelazimika kutunzwa na nyanya yake. Dada Miura aliachiliwa baada ya miezi minane, lakini Ndugu Miura akazuiliwa kwa zaidi ya miaka miwili kabla hajaletwa kujaribiwa kesi yake. Yeye alitendwa vibaya, akapatwa kuwa mwenye hatia, na kupokea kifungo cha miaka mitano. Akiwa gerezani katika Hiroshima, Mungu alimtegemeza kupitia Maandiko, ambayo yaliandaa faraja na imara isiyoisha. Kwa ule ulioonekana kama muujiza, Ndugu Miura aliokoka siku ya Agosti 6, 1945 wakati kombora la atomi lilipobomoa gereza lake. Miezi miwili baadaye, yeye aliweza kujiunga na mke na mwana wake kaskazini mwa Japani.

19 Wakati wa Vita ya Ulimwengu ya Pili, mnyanyaso mkali sana ulipata Mashahidi wa Yehova katika bara nyingi. Mathalani, Robert A. Winkler ni ndugu mmoja Mjeremani aliyetaabika katika kambi za mateso za Nazi katika Ujeremani na Uholanzi. Kwa sababu alikataa kusaliti Mashahidi wenzake, alipigwa kinyama sana hata ikawa haitambulikani yeye ni nani. Lakini yeye aliandika hivi: “Zile fikira zinazohusu ahadi za Yehova kusaidia mtu katika taabu za aina zote zilinipa mimi faraja na imara ya kuvumilia yote haya. . . . Jumamosi nilikuwa nimechapwa na Gestapo, na Jumatatu iliyofuata wangeniuliza-uliza maswali tena. Sasa ingekuwaje na ningefanya nini? Niligeukia Yehova katika sala, nikiitibari katika ahadi zake. Nilijua ilimaanisha kutumia mbinu za vita ya kitheokrasi kwa ajili ya kazi ya Ufalme na himaya ya ndugu zangu Wakristo. Lilikuwa jaribu kubwa kwangu kuvumilia, na kufikia siku ya kumi na saba nikawa nimekuwa hoi, lakini nilimshukuru Yehova kwamba kwa imara yake niliweza kuvumilia jaribu hili na kuendeleza ukamilifu wangu.”​—⁠Zaburi 18:35; 55:22; 94:18.

Twashukuru kwa Ajili ya Udugu Wetu

20 Pasipo swali, Yehova hubariki na kutegemeza mashahidi wake wa kila taifa na rangi ya jamii ya watu. Yeye si mwenye upendeleo na kwa kuwa sisi ni watumishi wake waliojiweka wakfu, sisi hatuna udhuru wala sababu yo yote ya kuonyesha upendeleo. Waaidha, staha yetu kwa ndugu na dada zetu wa kila rangi ya jamii ya watu na taifa itaongezeka tukifikiria njia ambazo wao ni bora kuliko sisi. Wao pia wanatumia hekima ya kimbingu, ambayo haifanyi mipambanuo ya upendeleo bali inazaa tunda bora kabisa. (Yakobo 3:​13-18) Ndiyo, na fadhili yao, ukarimu, upendo, na sifa zile nyingine zao za kutii Mungu zinatuandalia vielelezo vizuri sana.

21 Basi, inatupasa sisi tuwe wenye shukrani kama nini kwa udugu wetu ulio wa rangi na mataifa mengi! Kwa msaada na baraka ya Baba yetu wa kimbingu, acheni sisi ‘tumtumikie yeye bega kwa bega’ katika upendo wa kidugu na kwa kuonyeshana staha. Kweli kweli, tunapaswa kuwa na tamaa yenye juhudi na mkazanio wa kutumikia Yehova tukiwa na upatano mmoja.

Maelezo Yako Ni Nini?

◻ Ile “lugha iliyotakata” inawezesha watumishi wa Yehova walio wa malezi ya makabila yote wafanye nini?

◻ Hagai 2:7 inatimizwa jinsi gani leo, na hiyo inapasa iathiri jinsi gani maoni yetu juu ya watumishi wengine wa Mungu?

◻ Ni jinsi gani Wafilipi 2:3 inaweza kuathiri uhusiano wetu pamoja na watu wa kila rangi na taifa?

◻ Sisi tukisikiliza na kutazama sana, tutatambua nini juu ya waitikadi wenzetu walio wa malezi ya taifa jingine?

[Study Questions]

1, 2. (a) Sasa Yehova analeta utimizo wa unabii gani? (b) Unabii huu unatokeza maswali gani?

3. Ni nini ile “lugha iliyotakata,” na kwa sababu gani wale wanaoinena hawakugawanyika?

4. Ni jinsi gani Sefania 3:9 ilionyesha ushirikiano wa lugha na jamii za watu wa rangi nyingi, na ushirikiano huo unapatikana wapi leo?

5. Mashahidi wa Yehova wanaweza kutumia lugha yo yote ya kibinadamu kwa njia gani?

6. Yehova ana maoni ya jinsi gani juu ya watu, lakini ni jambo gani litasaidia ikiwa kiasi fulani cha upendeleo kinakaa-kaa katika moyo wa Mkristo fulani?

7. Kuhusu uhusiano na Mungu, ni jinsi gani Mkristo mmoja hatofautiani na mwingine wa taifa au jamii ya watu wa rangi yo yote?

8. Sasa Hagai 2:7 inatimizwa jinsi gani?

9. Hata ikiwa wakati uliopita sisi hatukuwafikiria watu wa kigeni kwa njia nzuri, kwa sababu gani sasa mambo yanapasa kuwa tofauti tukiwa Wakristo?

10. Tukishawishika kusema mambo yasiyofaa kwa kuhusisha ndani ujumla wote wa waitikadi wenzetu walio wa jamii ya watu wa rangi au taifa lo lote, Tito 1:​5-12 inaweza kutusaidia jinsi gani?

11. Ikiwa upendeleo wa aina yo yote umo katika moyo wa Mkristo, yeye anaweza kufanya nini?

12. Kwa sababu gani haitupasi kujisifu wenyewe au kuhusu wengine walio wa malezi ya kabila letu?

13. Ni jinsi gani sisi tunaweza kuchangia umoja wa kundi, na tunaweza kujifunza nini kutokana na Wafilipi 2:​1-11?

14. Tunaweza kusaidiwa jinsi gani kufikiria wengine kuwa bora kuliko sisi?

15. Huenda sisi tukaona nini wakati tunaposikiliza taarifa za waabudu wenzetu?

16, 17. Toa kielezi cha uhakika wa kwamba Yehova si mwenye upendeleo katika kubariki watumishi wake wa utaifa au jamii ya watu wa rangi yo yote.

18, 19. Toa vielelezo juu ya jinsi Mungu wetu asiyependelea hutegemeza watumishi wake wa jamii za watu wa rangi na mataifa yote.

20. Staha yetu kwa waitikadi wenzetu wa kila rangi ya jamii ya watu na taifa inaweza kuongezwa jinsi gani?

21. Inatupasa tupige moyo konde kufanya nini?

[Pictures on page 17]

Watu wa kila rangi ya jamii ya watu na taifa wanasifu Yehova kwa upatano mmoja

[Picture on page 18]

Sikiliza kwa uangalifu na utazame sana. Wewe utasukumwa na upendo na imani inayoonekana wazi katika maneno na matendo ya mashahidi wengine wa Yehova