Watchtower MAKTABA KWENYE MTANDAO

“Wakizungumza kwa Ujasiri kwa Mamlaka ya Yehova”

“Kutoa Ushahidi Kamili” Kuhusu Ufalme wa Mungu
- 8. Kwa nini Paulo na Barnaba waliondoka Ikoniamu, nasi tunaweza kujifunza nini?
  
  ⁸ Baada ya muda, wapinzani huko Ikoniamu wakapanga njama ya kuwapiga mawe Paulo na Barnaba. Wamishonari hao wawili walipopata habari, waliamua kwenda kuhubiri katika eneo lingine. (Mdo. 14:5-7) Leo, wahubiri wa Ufalme hutumia busara. Tunaposhambuliwa kwa maneno, sisi huendelea kuhubiri kwa ujasiri. (Flp. 1:7; 1 Pet. 3:13-15) Lakini tukiona kwamba kuna uwezekano wa kutendewa kwa jeuri, tunaepuka kufanya jambo la kipumbavu linaloweza kuhatarisha uhai wetu au wa waabudu wenzetu.—Met. 22:3.

“Wakizungumza kwa Ujasiri kwa Mamlaka ya Yehova”

“Kutoa Ushahidi Kamili” Kuhusu Ufalme wa Mungu
- Jiji la Ikoniamu lilikuwa katikati ya Likaonia na Frigia, katika maeneo ya Galatia. Waandishi fulani wa zamani, kutia ndani Cicero na Strabo, walisema kwamba Ikoniamu lilikuwa jiji la Likaonia, na inaonekana kwamba jiji hilo lilikuwa katika eneo la Likaonia. Hata hivyo, kulingana na masimulizi ya kitabu cha Matendo jiji la Ikoniamu ni tofauti na Likaonia, ambapo “lugha ya Kilikaonia” ilizungumzwa. (Mdo. 14:1-6, 11) Kwa sababu hiyo, wachambuzi hudai kwamba kitabu cha Matendo si sahihi. Hata hivyo, mwaka wa 1910, wachimbuzi wa vitu vya kale walipata maandishi katika jiji hilo yanayoonyesha kwamba Kifrigia ndiyo lugha iliyozungumzwa Ikoniamu kwa karne mbili baada ya Paulo na Barnaba kutembelea jiji hilo. Hivyo, mwandikaji wa kitabu cha Matendo hakukosea kwa kutofautisha Ikoniamu na majiji ya Likaonia.