Kitabu cha Asili na Biblia

Ulimwengu wote mzima unanistaajabisha sana! Mimi siwezi kuwazia kwamba kipima-saa’ hicho kinaweza kuwako bila Fundi wa kipima-saa kuwako.”—Voltaire, mwanafalsafa Mfaransa wa karne ya 18.

SAA-KIWIKO inayopima wakati kwa usahihi kabisa hutokeza mshangao kuhusu ustadi na majaliwa ya fundi wayo. Lakini namna gani ulimwengu wote mzima unaotuzunguka? Je! huo unaweza kufunua, angalau kwa kadiri fulani, utu wa Muumba wao?

Karibu miaka 2,000 iliyopita, mtume Paulo, mmoja wa waandikaji wa Biblia, alitoa jibu kwa swali hili: “Kwa maana sifa zake [Mungu] zisizoonekana zinaonekana wazi tangu kuumbwa ulimwengu na kuendelea, kwa sababu zinafahamika kwa vitu vile vilivyofanywa, hata uweza wake wa milele na Uungu.” (Warumi 1:20, NW) Kwa hiyo, ni mambo gani ambayo sisi tunaweza kujifunza kwa kutazama hiki “kitabu cha asili”?

Mambo Ambayo Kipima-Saa Kinatufundisha Juu ya Fundi wa Kipima-Saa

Poromoko la maji yenye kuanguka kwa fahari, bahari wakati wa dhoruba, anga la usiku usio na mawingu lenye kujawa na maelfu ya nyota hayo ni baadhi ya mambo ambayo yanatufanya tufikiri juu ya Muumba fulani mwenye nguvu nyingi. Usahihi kamili wa wakati unaotumiwa katika mizunguko ya sayari unaweza pia kutukumbusha, kama ulivyokumbusha Voltaire, kwamba lazima yule Muumba awe ni Mpanga-tengenezo Mwadhamu, Fundi wa kipima-saa Aliye Mkuu Zaidi.—Zaburi 104:1.

Unamna-namna wa mazao ya dunia—matunda na mboga ambazo tunapokea kwa utepetepe unatoa ushuhuda, pia, kwa ukarimu wa Mungu. Paulo alishuhudiza jambo hilo wakati yeye alipotangaza kwamba Mungu ‘hakujiacha mwenyewe bila ushuhuda katika jambo la kwamba yeye alitenda mema, akiwapa ninyi mvua kutoka mbinguni na majira yenye kujaa matunda, akijaza mioyo yenu ujazo wa chakula na uchangamshi mwema.’—Matendo 14:17, NW.

Mambo Ambayo Kipima-Saa Hakituambii

Uchunguzi zaidi wa “kile kitabu cha asili” ungetufundisha juu ya sifa nyingine zaidi za Mungu. Lakini ikiwa sisi tunategemea mambo yale tu ambayo tunajifunza kutokana na uumbaji, maarifa yetu juu ya Mungu yatakuwa mapungufu sikuzote. Mwandikaji Mfaransa Robert Lenoble anaeleza jambo hilo katika kitabu chake Esquisse d’une histoire de l’idee de Nature, (Historia ya Muhtasari Juu ya Lile Wazo la Asili): “Sikuzote mwanadamu atageuza angalio lake kuelekea Asili ili kulipenya fumbo lao na kugundua siri yao, siri ambayo haitapatikana kamwe kutokana na uchunguzi unaofanywa katika maabara.” Zaidi ya nusu ya Wafaransa ambao gazeti la kila siku la Kikatoliki, La Croix, liliwaomba watoe maoni yao—wawe walikuwa ni wenye kuitikadi au wasioitikadi katika kuwako kwa Mungu—wanakubaliana na jambo hilo na kukubali kwamba “sayansi haitaweza kamwe kutoa elezo la kuridhisha juu ya ulimwengu wote mzima, kwa kuwa mambo mengi ni yale ya nyanja za kifalsafa au za kidini.”

Yapata miaka 3,500 iliyopita, mwandikaji wa kitabu cha Biblia cha Ayubu alikuja kukata shauri ivyo hivyo. Yeye alitokeza swali hili: “Lakini hekima—hiyo inaweza kupatwa wapi, na ni wapi, sasa, ambapo ndipo pale mahali pa uelewevu?” Je! hekima hiyo ni ya kupatwa katika kile Kitabu cha Uumbaji? “Kilindi chenyewe kimesema, ‘Hiyo haimo ndani yangu mimi!’ Bahari pia imesema: ‘Hiyo haimo pamoja na mimi!’ Hiyo imefichwa hata kwa macho ya kila mmoja aliye hai, na kwa viumbe wanaoruka wa mbingu imesitiriwa.”—Ayubu 28:12, 14, 21, NW.

Ni wapi, basi, ambako sisi tunapaswa kwenda ili kupata hekima hiyo? Kitabu icho hicho kinajibu hivi: “Mungu ndiye yule Mmoja ambaye ameelewa njia yayo, na yeye mwenyewe amejua mahali payo.” (Ayubu 28:23, NW) Na Mungu ameshiriki hekima yake pamoja na aina ya binadamu kwa njia nzuri ajabu kupitia Neno lake, Biblia.

Maarifa Yasiyo na Kifani Kutokana na Biblia

Biblia inatupa sisi mwono wa ndani usio na kifani kuhusu asili ya aina ya binadamu. Hiyo inatuambia kwamba Mungu aliitayarisha dunia halafu akaweka hapo wale watu wawili wa kwanza wa kibinadamu. Wazazi wetu wa kwanza wangaliweza kuishi kwa umilele katika mazingira makamilifu. Lakini wao waliasi, na kwa dhambi yao walifungulia njia maovu yote—kutia na dhambi na kifo—ambayo yamesumbua-sumbua aina ya wanadamu.—Mwanzo sura 1 mpaka 3; Warumi 5:12-21.

Biblia inatuambia kwa urefu pia zile hatua zilizochukuliwa na Mungu kuleta dawa ya hali hiyo. Maelfu ya miaka baada ya Adamu na Hawa, Mwana wa Mungu mwenyewe, Yesu, alikuja duniani kuipa aina ya binadamu fursa ya kupatanishwa pamoja na Mungu. Hivyo, kwa wanadamu ambao wangetaka kujizoeza imani katika yeye na ambao wangetaka kutambua thamani ya dhabihu yake, Kristo alitoa tazamio la kupata uhai wa milele katika dunia ambayo ingegeuzwa kuwa paradiso.—Luka 23:43; Yohana 3:16.

Kila mmoja wetu anatolewa tumaini hilo. Ili tupate utimizo walo ni lazima sisi tujipatie ‘maarifa sahihi juu ya yule Mungu wa pekee wa kweli na juu ya yule mmoja ambaye yeye alituma, Yesu Kristo.’ Pia ni lazima sisi tuishi kwa kupatana na tumaini hilo. “Maarifa sahihi” hayo yanapatikana katika Biblia.—Yohana 17:3; Yakobo 2:24-26, NW.

Je! wewe ungependa kupata jibu lenye maelezo marefu kwa maswali kama, Mwanadamu alitoka wapi? Ni jambo gani linalotukia baada ya kifo? Ni nini visababishi vya matatizo ya aina ya binadamu? Je! kuna tumaini lo lote kwamba matatizo hayo yatatatuliwa siku fulani? Ni wakati gani na jinsi gani Mungu ataleta hali zilizo kamilifu kwa ajili ya jamii ya kibinadamu? Ikiwa ungependa, sisi tunakutia wewe moyo utazame ndani ya Biblia, ambayo ndicho kitabu kimoja tu kitakachokupa wewe majibu yanayotoka kwa yule Mungu wa ulimwengu wote mzima, nacho ndicho kile kitabu kimoja tu kilicho na “msingi wa tumaini la uhai wa milele.” Kukusaidia wewe upate majibu hayo katika Biblia yako ndilo kusudi la vichapo vya Sosaiti ya Mnara wa Mlinzi.—Tito 1:1, 2, NW.

[Picha katika ukurasa wa 5]

Ulimwengu wote mzima unafunua mambo ya utu wa Mungu

[Picha katika ukurasa wa 6]

Ni Biblia peke yayo inayoweza kutuambia juu ya makusudi ya Mungu kuelekea mwanadamu na dunia