Kujenga Imani Ili Kuondosha Milima
“Mimi Nina Imani; oh, saidia mimi niwe na imani zaidi!” Haya yalikuwa maneno ya yule baba mwenye kufadhaika wa yule kijana mwenye kifafa aliyetajwa katika makala iliyotangulia. (Marko 9:24, The Living Bible) Huenda ikawa kwamba maneno hayo pia yanaonyesha maono yako. Ikiwa ndivyo, uwe na hakika kwamba hauko peke yako. Hali za ulimwengu leo zaelekea kudhoofisha imani katika Mungu na Neno lake. Falsafa ya kutosadiki kuwako kwa Mungu, Kupenda vitu vya kimwili, mambo yenye kuleta wasiwasi katika makanisa, na ongezeko lenye kuogopesha katika jeuri yote yanaelekea kuharibu imani ya kweli. Lilifaa sana, basi, lile swali la Yesu Kristo, “Atakapokuja Mwana wa Adamu, Je ataiona imani duniani?”—Luka 18:8.
Katika pindi moja, hata mitume wa Yesu walisihi, “Tuongezee imani.” Hata hivyo, badala ya kuwaongezea imani kimuujiza, yeye alisema hivi: “Kama mgekuwa na imani kiasi cha chembe ya haladari, mngeuambia mkuyu huu, Ng’oka, Ukapandwe baharini’ nao ungewatii.” (Luka 17:5, 6) Hivyo, tunaweza kupata imani zaidi jinsi gani?
Kujenga Imani
Mtume Paulo liandika hivi: “Wamwaminije yeye wasiyemsikia? Tena wamsikieje pasipo mhubiri? . . . Basi imani, chanzo chake ni kusikia; na kusikia huja kwa neno la Kristo.“ (Warumi 10:1417) Basi, ni wazi kwamba ikiwa sisi tunataka imani zaidi, ni lazima sisi tusikie na kutwaa maarifa ya Maandiko. Hivyo ndivyo yule mwenye kupooza mikono na miguu yote aliyetangulia kutajwa alifanya, Mashahidi wa Yehova walimfundisha naye akapata imani, na kisha akatumia yale aliyojifunza katika maisha yake ya kila siku. Hivyo alipata imani ya kumwezesha kuondoa kile kizuizi mfano wa mlima katika maisha yake.
Inachukua wakati kukusanya ushahidi wenye kusadikisha ukiwa ndio msingi wa imani. Na inahitaji jitihada. Je! wewe una nia ya kutumia wakati na kutia jitihada kwa ukawaida ili ukusanye ushahidi huo unaohitajiwa kujenga imani?
“Vipande“ vya Kujenga Imani
Njia ya kujenga imani inaweza kufananishwa na kujenga mjengo. Hata majengo yaliyo makubwa zaidi yanafanyizwa kwa kipande kimoja kimoja cha kujengea. Kila kipande kinawekwa mahali pacho pamoja na mamia ya vipande vingine iii kuupa mjengo uthabiti unaohitajiwa ili kustahimili dhoruba pamoja na uharibifu unaoletwa na kupita kwa wakati, Imani, pia, msingi wake ni “vipande“ vya ushahidi vikiwa kimoja kimoja, kila kimoja kikiwa kimepangwa kwa uangalifu kuhusiana na vile vingine. Kila “kipande“ kitaongezea ushahidi kwamba Mungu yuko, kwamba yeye ndiye Muumba wa vitu vyote, na kwamba yeye ana kusudi linalohusu uumbaji wake wa kibinadamu. “Vipande“ hivi vya kujengea ni nini hasa?
Kwanza kabisa, uangalie mwili wako mwenyewe. Je! wewe huoni ushahidi wenye kusadikisha wa Muumba, kwa mfano, katika ubongo wako wenye kustaajabisha—kiungo ambacho sayansi hata haiwezi kuwazia kukiiga? Je! wewe unaweza kusema kama alivyosema mtunga zaburi, “Kwa njia yenye kutia hofu mimi nimeumbwa kiajabu“? (Zaburi 139:14, NW) Ikiwa unaweza, basi wewe una “kipande“ kimoja ambacho kwacho unaweza kujenga imani yako
Je! wewe unapata ushahidi zaidi wa Muumba mwenye upendo katika tofauti na uzuri usio na kikomo wa miti, mimea, na maua? Je! wewe unaweza kuona ushahidi kama huo katika wanyama, ndege, na viumbe vya majini na katika kutegemeana kwavyo pamoja na umaana wavyo kwa wanadamu? Ikiwa sisi tuna nia ya kusikiliza, sisi tunaweza “kusikia“ vyote vikitangaza, ‵Mungu yuko!’ —Warumi 1:20.
Hata hivyo, imani katika kuwako kwa Muumba haitoshi. Ili kujibu maswali juu yake na makusudi yake, tunahitaji ufunuo kutoka kwa Mungu huyu asiyeonekana, mwenye hekima yote. Nasi tunao! Wapi? Katika Biblia. Lakini wengi hawafikirii chanzo hiki cha habari kuwa chenye kutegemeka kama uumbaji wenye kuonekana unaotuzunguka.
Hata hivyo, kuna ushuhuda mwingi, ushahidi wenye kusadikisha, kwamba Biblia ni kitabu kilichoandikwa kwa uongozi wa Mungu. Kwa mfano, ule upatani ambao unapatikana miongoni mwa waandikaji wacho —karibu 40 wote pamoja, wakiandika katika kipindi cha karne 16—ni ushahidi wa Mtungaji mmoja, Yehova Mungu. Nyakati nyingi, mavumbuzi ya sayansi ya kweli na uchimbuzi wa vitu vya kale pia vimethibitisha Biblia kuwa ya kweli na yenye kutegemeka. Kwa mfano, mtaalamu wa nyota Robert Jastrow aliandika: “Kwa mfano, “Yale mambo madogomadogo yanatofautiana, lakini mambo ya maana kabisa katika masimulizi ya elimu ya nyota na ya Kibiblia ya Mwanzo ni mamoja: ule mfululizo wa matukio wenye kuongoza kwa wanadamu ulianza ghafula na mara moja katika pindi fulani halisi ya wakati, kwa mmeremeto wa nuru na nishati.”
Fikiria mfano mmoja tu jinsi elimu ya uchimbuzi wa mambo ya kale umethibitisha maandishi ya Biblia. Kwenye 2 Wafalme 18: 1315, tunasoma hivi: “Katika mwaka wa kumi na nne wa kumiliki kwake [Mfalme] Hezekia, Senakeribu, mfalme wa Ashuru, akapanda iii kupigana na miji yote ya Yuda yenye boma, akaitwaa.“ Wakati huo “mfalme wa Ashuru akamtoza Hezekia, mfalme wa Yuda, talanta za fedha mia tatu, na talanta za dhahabu thelathini.“ Katika kuthibitisha hilo, wakati wa karne ya 19 mchimbuzi wa mambo ya kale A. H. Layard aligundua kile kinachoitwa Jiwe la Mfalme Senakeribu. Maandishi yalo ya mchoro yanasomwa hivi: “Kwa habari za Hezekia Myahudi, ambaye hakunyenyekea nira yangu, 46 kati ya miji yake imara yenye kuta, . . . mimi nilizingira nikaitwaa. . . . Niliongezea ushuru wa kwanza, nikatoa agizo juu yake iii liwe malipo yao ya kila mwaka, ushuru . . . talanta 30 za dhahabu na talanta 800 za fedha.“ Ni uthibitisho wenye kutokeza kama nini wa maandishi ya Biblia, ukitofautiana tu katika kiasi cha ushuru wa fedha!
“Vipande“ Vingine vya Kujenga Imani
Vyenye kutokeza miongoni mwa “vipande“ vya kujengea ni vile vinavyotolewa na utimizo wa maunabii ya Biblia. Unabii ni utabiri wa tukio fulani la wakati ujao. Wakati hilo linapotukia, linaonyesha utabiri huo kuwa wa kweli. Maunabii kama hayo yanapita uwezo wa wanadamu, na Biblia kwa usahihi inasema hivi: “Unabii haukuletwa wakati wo wote kwa mapenzi ya mwanadamu, bali wanadamu walisema yaliyotoka kwa Mungu wakati walipoongowza kwa roho takatifu.“ (2 Petro 1:21, NW) Kufikiria machache ya maunabii hayo ya Biblia bila shaka kutatia imani nguvu.
Karibu 732 K.W.K., Isaya alitabiri kuanguka kwa Babuloni mikononi mwa Waamedi na Waajemi, hata akatoa jina la mshindi, Koreshi. Kwa kushangaza, unabii huo ulitolewa karibu miaka 200 kabla ya Koreshi kuu twaa Babuloni! Kwa sehemu, unabii huo unasema juu ya Yehova kuwa yeye ‵aviambiaye vilindi, Kauka, nami nitaikausha mito yako.ʼ Ilitabiriwa kwamba Mungu ‵angefungua milango mbele ya Koreshi, hivi kwamba hata malango hayatafungwa.ʼ “Nitavunja vipande vipande milango ya shaka, na kukatakata mapingo ya chuma,“ akasema Yehova, “nami nitakupa hazina za gizani.“ (Isaya 44:24-45:3) Unabii huu ulitimizwaje?
Ilitokea katika usiku wa karamu ya ulevi kwa Babuloni na wakuu wao. Bila kuonwa na chini ya uficho wa usiku, jeshi la Koreshi lilifanya kazi kwa bidii kugeuzia mbali maji ya Mto Frati, yaliyopitia katikati ya mji. Hilo liliwaruhusu askari hao kuingia Babuloni kupitia chini ya mto. Kwa kukosa uangalifu malango ya mto yalikuwa yameachwa wazi wakati wa karamu. Kwa sababu hiyo, Warnedi na Waajemi hawakupata shida kuuteka Babuloni na hazina zao zote. Unabii wa Isaya ulitimizwa katika mambo yao yote madogomadogo.
Yehova Mungu pia aliona inafaa maunabii mengi yaelekezwe na kutimizwa katika Yesu Kristo, yakitabiri hata mambo madogomadogo ya uzaliwa wake, maisha, huduma, na kifo, mengine yayo yakiandikwa karne nyingi mapema. Kwa mfano, ilitabiriwa kwamba yeye angezaliwa katika kabila la Yuda katika jamaa ya Daudi (Mwanzo 49:10; Isaya 11:1, 2) na katika mji wa Bethlehemu. (Mika 5:2) Mshiriki mmoja wa karibu angekuwa asiyeaminika na angemsaliti kwa vipande 30 vya fedha. (Zaburi 41:9; Zekaria 11:12) Kura zingepigwa juu ya mavazi yake. (Zaburi 22:18) Angechomwa kwa mkuki, bali hakuna mfupa wake hata mmoja ungevunjwa. (Zekaria 12:10; Zaburi 34:20) Danieli 9:24-27 hutabiri kuja kwa Yesu akiwa Masihi, au Kristo, baada ya majuma ya miaka 69, kipindi cha miaka 483 kuanzia 455 K.W.K. mpaka ubatizo wa Yesu katika 29 W.K. Nusu ya “juma“ (miaka 3 1/2) baadaye, katika 33 W.K., Yesu ‵alikatiliwa mbaliʼ katika kifo, kama ilivyotabiriwa. Mambo mengine madogomadogo ya unabii huo yalitimizwa pia.
Hivi ni “vipande“ vichache tu vinavyoweza kutumiwa kujengea imani ambayo inaweza kuondosha milima. Kuvikusanya vyote pamoja na kuviweka katika mahali pavyo huchukua wakati, jitihada, na ustahimilivu. Lakini hnekwisha fanywa. John, anayeishi katika Santos, Brazili, anaweza kushuhudia kwamba inaweza kufanywa. Miaka fulani iliyopita yeye alikuwa mwenye ubaridi kuelekea dini, akiwa bila imani katika Biblia, ijapokuwa yeye aliamini kwamba Mungu yuko. John alikubali ziara za mmoja wa Mashahidi wa Yehova. Mazungumzo ya kila juma mwishowe yalimsadikisha John kwamba Biblia haikuwa kitabu cha kawaida, na mwishowe ‵aliipokea si kama neno la mwanadamu, bali kama neno Ia Mungu; na ndivyo ilivyo kweli kweli.’ (1 Wathesalonike 2:13) Ilichukua wakati, lakini mafunzo zaidi ya Biblia yalimsaidia John kufahamu kusudi la Mungu kuelekea mwanadamu. Mwishowe, katika 1970 yeye alibatizwa akiwa mmoja wa Mashahidi wa Yehova. Soso, akiwa mzee wa kundi aliyewekwa rasmi, yeye anasaidia wengine wajenge na kudumisha imani yao.
Je! wewe unataka msaada katika kujenga imani yako? Ikiwa ndivyo, kumbuka kwamba “imani, chanzo chake ni kusikia; na kusikia huja kwa neno la Kristo.“ (Warumi 10:17) Mashahidi wa Yehova zaidi ya 3,000,000 wanaeneza kwa juhudi “neno la Kristo“ na Ufalme wa Mungu katika nchi zaidi ya 200. Wao watafurahia kukusaidia wewe ujifunze zaidi juu ya Neno la Mungu kupitia mazungumzo ya Biblia ya bure.
Uwe na uhakika kwamba wakati unaotumia kusikiliza ‵lisikiwaloʼ utakuwa wakati uliotumiwa vizuri. Ungeweza kukusaidia ujenge imani ambayo huondoa milima. Hilo, nalo, lingeweza kukuongoza kwenye uzima wa milele, “kwa maana jinsi hii Mungu aliupenda ulimwengu, hata akamtoa Mwanawe pekee, iii kila mtu amwaminiye asipotee, bali awe na uzima wa milele. —Yohana 3:16.
[Sanduku/Picha katika ukurasa wa 7]
“VIPANDE” vya Kujenga Imani
Thamini vitu ambavyo Yehova amefanya
Kubali Biblia kuwa Neno la Mungu
Angalia jinsi uchimbuzi wa mambo ya kale na historia, huthibitisha maandishi ya Biblia
Chunguza utimizo wa maunabii ya Biblia