Biblia yashauri Wakristo ‘wajiendeshe kwa adabu, si katika sherehe zenye makelele ya ulevi.’a (Waroma 13:12-14; Wagalatia 5:19-21; 1 Petro 4:3) Wakristo hawashiriki katika sherehe za Mwaka Mpya kwa sababu mara nyingi sherehe hizo ndizo zenye ulevi na mambo mengine ya kupita kiasi yanayokatazwa na Biblia. Jambo hilo halimaanishi kwamba Wakristo wanataka kuzuia wengine wasifurahie mambo. Badala yake, wanajua kwamba Biblia huwaambia mara nyingi waabudu wa Mungu wa kweli washangilie, na kuna sababu nyingi za kufanya hivyo. (Kumbukumbu la Torati 26:10, 11; Zaburi 32:11; Mithali 5:15-19; Mhubiri 3:22; 11:9) Biblia pia yakubali kwamba kula na kunywa hufurahisha mara nyingi.—Zaburi 104:15; Mhubiri 9:7a.