Kukamilisha utakatifu Katika Kumhofu Mungu

“Na tujitakase nafsi zetu na uchafu wote iva mwili na roho, huku tukitimiza utakatifu katika kumeha Mungu.”​—2 WAKORINTHO 7:1.

 1. Sisi twajuaje kwamba malaika wenye madaraja ya juu wanatambua utakatifu wa Yehova?

YEHOVA ndiye Mungu mtakatifu. Malaika wenye madaraja ya juu mbinguni wanautangaza utakatifu wake kwa maneno yaliyo wazi kabisa. “Mtakatifu, mtakatifu, mtakatifu, ni Yehova wa majeshi. Ujazi wa dunia yote ni utukufu wake.” Huo ndio uliokuwa wito wenye kuchochea wa maserafi walioonwa katika njozi na mnabii Isaya katika karne ya nane K.W.K. Mwishoni mwa karne ya kwanza W.K., mtume Yohana aliona njozi za vitu ambavyo vingetukia katika “siku ya Bwana,” ambamo sisi tumo sasa. Yeye aliona viumbe wanne walio hai kuzunguka kiti cha ufalme cha Yehova na akawasikia wakipiga mbiu hivi bila kupunguza mwendo: “Mtakatifu, mtakatifu, mtakatifu, ni Yehova Mungu, Mweza yote, ambaye alikuwako na ambaye yuko na ambaye anakuja.” Mbiu hizi zenye sehemu tatu zenye kufanywa na viumbe-roho wa kimbingu wa Yehova zinakazia utakatifu wa Muumba ulio bora kabisa.​—Isaya 6:2, 3; Ufunuo 1:10; 4: 6-8, NW.

Utakatifu na Hali ya Kujitenga

 2. (a) Kuna pande gani mbili za utakatifu, na ni jinsi gani Yehova ni mtakatifu katika hizi pande zote mbili? (b) Musa alikaziaje utakatifu wa Yehova?

² Utakatifu haumanishi usafi na utakato wa kidini tu, bali pia hali ya kujitenga, au utakaso. Yehova anawazidi wote kwa usafi, au utakato; amejitenga kando kabisa na miungu yote ya mataifa iliyo na kinyaa. Sehemu hii ya utakatifu, au utakaso wake, ilitiliwa nguvu na Musa wakati alipoimba kwa kupaaza sauti hivi: “Ni nani miongoni mwa miungu aliye kama wewe, O Yehova? Ni nani aliye kama wewe, mwenye kujithibitisha mwenyewe kuwa mwenye uweza katika utakatifu?”​—Kutoka 15:11, NW.

 3. Ni katika njia gani mbalimbali Waisraeli wote walitakwa wawe watakatifu, na Yehova aliwasaidiaje katika habari hii?

³ Yule Mungu mtakatifu Yehova alitaka Waisraeli wa kale, watu wake duniani, wawe watakatifu pia. Jambo hili lilitakwa si kwa makuhani na Walawi tu bali pia kwa taifa zima. Yehova alisema kwa Musa hivi: “Nena kwa kusanyiko zima la wana wa Israeli, na lazima wewe useme kwao, ‘Inapasa nyinyi mjithibitishe wenyewe kuwa watakatifu, kwa sababu mimi Yehova Mungu wenu ni mtakatifu.’” (Walawi 19:2, NW) Kwa kusudi hilo, Yehova aliwapa sheria za kuwasaidia wabaki wakiwa safi kiroho, kiadili, kiakili, kimwili, na kisherehe, jambo hili la mwisho likihusiana na ibada yao kwenye tabenakulo na, baadaye, kwenye hekalu.

Kikundi cha Watu Waliowekwa Kando

4, 5. (a) Israeli wa kimnofu lilikuwaje taifa lililotakaswa? (b) Ni jambo gani linalotakwa kwa Waisraeli wa kiroho, na mtume Petro anathibitishaje hili?

⁴ Kwa kadiri ambayo Waisraeli walifuata sheria za Mungu, wao walitokeza wazi kuwa wenye utofautiano na mataifa yenye upujufu yaliyowazunguka. Walipambanuliwa kuwa kikundi cha watu waliowekwa kando, au waliotakaswa, kwa ajili ya utumishi wa yule Mungu mtakatifu, Yehova. Musa aliwaambia hivi: “Wewe ni kikundi cha watu watakatifu kwa Yehova Mungu wako. Ni wewe ambaye Yehova Mungu wako amechagua ili uwe kikundi cha watu wake, mali maalumu, katika vikundi vyote vya watu ambao wako juu ya uso wa ardhi.”​—Kumbukumbu 7:6, NW.

⁵ Usafi huo na hali ya kujitenga unatakwa pia kwa Israeli wa kiroho. Mtume Petro aliandika hivi kwa wale waliochaguliwa kuwa Israeli wa kiroho: “Nyinyi mkiwa watoto wenye kutii, acheni kufanyizwa kwa mtindo unaolingana na tamaa mlizokuwa nazo zamani katika ujinga wenu, bali, kupatana na Mtakatifu aliyewaita, nyinyi pia iweni watakatifu wenyewe katika mwenendo wenu wote, kwa sababu imeandikwa: ‘Ni lazima mwe watakatifu, kwa sababu mimi ni mtakatifu.’”​—1 Petro 1:1, 14-16, NW.

6, 7. (a) Washiriki wa umati mkubwa wanaelezwaje katika Ufunuo sura ya 7, na kwa kufaa ni jambo gani linatakwa kwao? (b) Ni jambo gani litafikiriwa katika mafungu yafuatayo?

⁶ Katika Ufunuo sura ya 7, washiriki wa umati mkubwa wanaelezwa kuwa ‘wamesimama mbele ya kiti cha ufalme cha Yehova na mbele ya Mwana-Kondoo, wamevalia majoho meupe,’ wakiisha kuwa ‘wamefua majoho yao na wakayafanya meupe katika damu ya Mwana-Kondoo.’ (Ufunuo 7:9, 14, NW) Majoho yao meupe yanafananisha msimamo wao safi na wa uadilifu mbele za Yehova, ambao anawapa kwa sababu ya imani yao katika damu yenye kufidia ya Kristo. Basi, ni wazi kwamba si Wakristo wapakwamafuta tu bali pia “kondoo wengine” wana lazima ya kubaki wakiwa safi kiroho na kiadili, ili waabudu Yehova kwa njia inayokubalika.​—Yohana 10:16.

⁷ Acheni sasa tufikirie jinsi watu wa Yehova katika wakati uliopita walivyotakwa wajithibitishe wenyewe kuwa safi na watakatifu na kwa nini kanuni zile zile zinatumika kwa watu wa Mungu leo.

Usafi wa Kiroho

 8. Waisraeli walihitajiwa kujiendeleza wakiwa wamejitenga na dini za Kanaani kwa sababu gani mbali-mbali?

⁸ Waisraeli wa kimnofu walihitajiwa wajiendeleze wakiwa wamejitenga na mazoea ya kidini yasiyo safi ya mataifa mengine hata katika vijambo vidogo sana. Akinena kupitia Musa, Yehova aliambia Israeli hivi: “Jichunge mwenyewe usikate shauri la agano pamoja na wakaaji wa lile bara ambalo wewe unaendea, kwa kuhofu ya kwamba huenda likathibitika lenyewe kuwa mtego katikati yako. Lakini nyinyi watu mtapaswa kuzibomoa madhabahu zao, na nyinyi mtapaswa kuvunja-vunja nguzo zao takatifu [zinazotumiwa kuhusiana na ibada-ngono yenye kinyaa], na nyinyi mtapaswa kukata mwangushe mihimili yao mitakatifu. Kwa maana ni lazima wewe usisujudu kwa mungu mwingine, kwa sababu Yehova, ambaye jina lake ni Mwenye Wivu, yeye ni Mungu mwenye wivu [au, “Mungu mwenye kusisitiza ujitoaji wa pekee,” New World Translation Reference Bible, maelezo ya chini]; kwa kuhofu kwamba wewe huenda ukakata shauri la agano pamoja na wakaaji wa lile bara, kwa kuwa wao kwa uhakika watafanya uhusiano usio wa adili pamoja na miungu yao na kutolea miungu yao dhabihu.”​—Kutoka 34:12-15, NW.

 9. Mabaki waaminifu waliotoka Babuloni katika 537 K.W.K. walipewa maagizo gani yaliyo wazi?

⁹ Karne nyingi baadaye, Yehova alivuvia Isaya kuelekeza maneno haya ya kiunabii kwa mabaki waaminifu ambao wangerudi Yuda kutoka Babuloni: “Geukeni mbali, geukeni mbali, tokeni humo, msiguse kitu chochote kisicho safi; tokeni katikati yake, jiendelezeni wenyewe mkiwa safi, nyinyi ambao mnachukua vyombo vya Yehova [vya kutumiwa katika kurudisha ibada yenye kutakata kwenye hekalu katika Yerusalemu].”​—Isaya 52:11, NW.

10, 11. (a) Katika karne ya kwanza W.K. Waisraeli wa kiroho walipewa maagizo gani yanayofanana na hayo? (b) Maagizo hayo yamefuatwaje hasa tangu 1919 na 1935, na ni katika njia gani nyingine wapakwa-mafuta na waandamani wao wanajiendeleza wakiwa safi kiroho?

¹⁰ Vivyo hivyo, ni lazima Waisraeli wa kiroho na waandamani wao wajiendeleze wakiwa bila kutiwa unajisi na dini zenye kuabudu sanamu za ulimwengu huu. Akiandikia Wakristo wapakwa-mafuta katika kundi la Korintho, mtume Paulo alitaarifu hivi: “Ni mwafaka gani ambao hekalu la Mungu linao pamoja na sanamu? Kwa maana sisi ni hekalu la Mungu aliye hai; kama vile Mungu alisema: ‘Mimi nitakaa miongoni mwao na kutembea miongoni mwao, na mimi nitakuwa Mungu wao, nao watakuwa watu wangu.’ ‘ “Kwa hiyo ondokeni kutoka miongoni mwao, na kujitenga nyinyi wenyewe,’” asema Yehova, “na acheni kabisa kugusa kitu kisicho safi’”; ‘“na mimi nitaingiza nyinyi ndani.”’”​—2 Wakorintho 6:16, 17, NW.

¹¹ Tangu 1919 washiriki waliosafishwa na kutakaswa taka wa mabaki wapakwa-mafuta wamewekwa huru kutoka kwenye dini zisizo safi, zenye kuabudu sanamu, za Babuloni Mkubwa. (Malaki 3:1-3) Wao wametii ule mwito wa kimbingu: “Tokeni kwake, enyi watu wangu, msishiriki dhambi zake, wala msipokee mapigo yake.” (Ufunuo 18:4) Tangu 1935 umati mkubwa unaoongezeka wa “kondoo wengine” wameutii vilevile mwito huu na wameacha kabisa dini isiyo safi ya Kibabuloni. Wapakwa-mafuta na waandamani wao pia wanaendelea kuwa safi kiroho kwa kuepuka mgusano wote pamoja na mawazo yenye madhara ya waasi-imani.​—Yohana 10:16; 2 Yohana 9-11.

Usafi wa Kiadili

12. (a) Ni kwa njia ya sheria gani Yehova aliinua kiwango cha kiadili cha Waisraeli kikapita kwa mbali kile cha mataifa yaliyowazunguka? (b) Ni kanuni gani zilizokuwa hasa zenye kuzuia kwa ukuhani?

¹² Kupitia lile agano la Sheria, Yehova aliinua juu cheo cha kiadili cha Waisraeli kikaipita kwa mbali hali yenye kushusha adili ya mataifa yaliyowazunguka. Maisha ya ndoa na jamaa yalikuwa mipango iliyolindwa katika Israeli. Ile ya saba ya Amri Kumi ilikataza uzinzi. Mambo yote mawili uzinzi na uasherati yaliadhibiwa vikali. (Kumbukumbu 22: 22-24) Mabikira walipewa ulinzi chini ya Sheria. (Kumbukumbu 22:28, 29) Kanuni zenye kuongoza ndoa zilifuatiliwa sana hasa kwa makuhani. Kwa habari ya kuhani mkuu, yeye alitakwa achague bikira safi awe mke wake.​—Walawi 21:6, 7, 10, 13.

13. Washiriki wa “bibi-arusi” wa Kristo wanafananishwa na nani, na kwa nini?

¹³ Vivyo hivyo, Kuhani wa Juu aliye mkubwa, Yesu Kristo, ana “bibi-arusi” ambaye ni ujumla wa Wakristo wapakwa-mafuta 144,000, wanaofananishwa na “mabikira.” (Ufunuo 14:1-5; 21:9, NW) Wao wanajiendeleza wenyewe bila kutiwa unajisi na ulimwengu wa Shetani na wanabaki wakiwa wametakata kimafundisho na kiadili. Mtume Paulo aliawaandikia hivi Wakristo wapakwa-mafuta katika Korintho: “Mimi nina wivu juu yenu nyinyi kwa wivu wa kimungu, kwa maana mimi binafsi niliahidi nyinyi katika ndoa kwa mume mmoja ili kwamba nipate kuto’keza nyinyi mkiwa bikira safi kwa Kristo.” (2 Wakorintho 11:2, NW) Paulo aliandika hivi pia: “Kristo alipenda kundi pia na kujitoa mwenyewe kwa ajili yalo, ili kwamba yeye apate kulitakasa, kulisafisha kwa mwosho wa maji kwa njia ya lile neno, ili kwamba apate kujitokezea mwenyewe kundi likiwa katika fahari yalo, likiwa halina doa wala kunyanzi wala lolote la vitu hivyo, bali kwamba lipaswe kuwa takatifu na bila waa.”​—Waefeso 5:25-27, NW.

14, 15. (a) Ni jambo gani ambalo lazima liandamane na utakato wa kiroho wa jamii ya bibi-arusi, na ni andiko gani linaloonyesha hivi? (b) Kwa nini ni wazi kwamba matakwa yanayofanana na hayo ya utakato wa kiadili hutumika pia kwa kondoo wengine?

¹⁴ Utakato huu wa kiroho wa “bibi-arusi” wa Kristo lazima uandamane na usafi wa kiadili kwa upande wa washiriki walo. Mtume Paulo alitaarifu: “Msiongozwe vibaya. Wala waasherati, wala waabudu sanamu, wala wazinzi, . . . hawatarithi ufalme wa Mungu. Na hata hivyo baadhi ya nyinyi mlikuwa hivyo. Lakini nyinyi mmeoshwa kuwa safi, lakini nyinyi mmetakaswa.”​—1 Wakorintho 6:9-11, NW.

¹⁵ Inaonekana wazi kwamba matakwa hayo ya utakato wa kiadili yanatumika kwa wale kondoo wengine pia tunapofikiria wale ambao Yehova atazuia kuingia katika mbingu mpya na dunia mpya. Tunasoma hivi: “Lakini kwa habari ya . . . wale ambao ni wenye kunyarafisha kwa uchafu wao na wauaji kimakusudi na waasherati. . . , aria yao itakuwa katika ziwa ambalo huwaka moto na salfa. Hii humaanisha kifo cha pili.”​—Ufunuo 21:1, 8, NW.

Ndoa Yenye Kuheshimika

16, 17. (a) Ni maandiko gani huonyesha kwamba useja si takwa la usafi wa kiadili? (b) Mkristo anaweza kuonyeshaje hofu kwa Mungu inayofaa katika kuchagua mwenzi wa ndoa, na kwa nini lingekuwa jambo lisilo la hekima kupuuza kile kizuizi cha kimitume?

¹⁶ Ili kubaki wakiwa safi kiadili, washiriki wa jamii ya bibi-arusi na wale kondoo wengine hawatakiwi wabaki wakiwa waseja. Useja wa kulazimishwa haupatani na Maandiko. (1 Timotheo 4:1-3) Kufanya ngono ndani ya kifungo cha ndoa si ukosefu wa usafi. Neno la Mungu hutaarifu hivi: “Ndoa na iheshimiwe na watu wote, na malazi yawe safi; kwa maana waasherati na wazinzi Mungu atawahukumia adhabu.”​—Waebrania 13:4.

¹⁷ Hata hivyo, Mkristo anayetamani ‘kukamilisha utakatifu katika hofu kwa Mungu’ hapaswi kujihisi kuwa huru kuoa yeyote tu anayetaka. Kabla tu ya kushauri Wakristo wenzake ‘wajitakase wenyewe kila unajisi wa mnofu na roho, wakikamilisha utakatifu katika hofu ya Mungu,’ mtume Paulo aliandika hivi: “Msifungiwe nira pamoja na wasioamini, kwa jinsi isivyo sawasawa; kwa maana pana urafiki gani kati ya haki na uasi? . . . Au yeye aaminiye ana sehemu gani pamoja na yeye asiyeamini?” (2 Wakorintho 6:14, 15, UV; 2 Wakorintho 7:1, NW) Akiwa mshiriki wa watu safi na waliowekwa kando wa Yehova, mwanamume au mwanamke Mkristo anayetaka kufunga ndoa atakubali kile kizuizi cha kimitume afanye hivyo “katika Bwana tu,” yaani, kwa kuchagua mtu ambaye ni mtumishi mwaminifu wa Yehova aliyejiweka wakfu na kubatizwa. (1 Wakorintho 7:39) Kama vile katika wakati uliopita, ndivyo na leo, hakika halingekuwa jambo la hekima kwa washiriki wa watu wa Mungu waliojiweka wakfu kupuuza shauri hili la Kimaandiko. (Linganisha Kumbukumbu 7:3, 4; Nehemia 13:23-27.) Hai-ngekuwa kuonyesha hofu inayofaa kwa Bwana yetu Mkuu, Yehova.​—Malaki 1:6.

18. Ni katika njia gani nyingine Wakristo wanaweza kuendeleza ndoa yao ikiwa yenye kuheshimika?

¹⁸ Zaidi ya hilo, katika Israeli, sheria ziliweka mipaka juu ya utendaji wa ngono hata ndani ya kifungo cha ndoa. Mume alipaswa kujiepusha kufanya ngono na mke wake wakati wa kipindi chake cha hedhi. (Walawi 15:24; 18:19; 20:18) Jambo hili lilitaka ufikirio wenye upendo na kujidhibiti kwa upande wa wanaume Waisraeli. Je! Wakristo wapu-ngukiwe na ufikirio huo kuelekea wake zao? Mtume Petro anasema kwamba waume Wakristo wanapaswa kukaa pamoja na wake zao “kulingana na maarifa,” yaani, maarifa juu ya umbo lao wakiwa “chombo dhaifu zaidi, kile cha kike.”​—1 Petro 3:7, NW.

Kutembea Katika “Njia ya Utakatifu”

19, 20. (a) Eleza ile njia pana inayofuatwa na walio wengi wa aina ya binadamu. (b) Ni lazima watu wa Yehova wawe tofauti na ulimwengu wa Shetani kwa njia gani? (c) Ni njia gani kuu wanayofuata watu wa Mungu, ilifunguliwa wakati gani, na ni nani pekee wanaoruhusiwa waiingie?

¹⁹ Yaliyotangulia kutajwa yanakazia ule ufa unaozidi kupanuka unaotenganisha watu wa Yehova na ulimwengu wa Shetani. Mfumo uliopo wa mambo ya kilimwengu unazidi kuwa na uendekevu na kujitia sana katika anasa. Yesu alitaarifu hivi: “Ingieni kwa kupitia mlango ulio mwembamba; maana mlango ni mpana, na njia ni pana iendayo upotevuni, nao ni wengi waingiao kwa mlango huo.” (Mathayo 7:13) Njia hiyo pana inafuatwa na walio wengi wa aina ya binadamu. Kunakili maneno ya mtume Petro, hiyo ni njia ya “mwenendo mlegevu, tamaa mbaya, kunywa divai kupita kiasi, karamu za ulafi, mashindano ya ulevi, na ibada haramu ya sanamu,” njia iongozayo kwenye ‘hali ya upujufu.’ (1 Petro 4:3, 4, NW) Mwisho wayo ni uharibifu.

²⁰ Kwa upande mwingine, watu wa Mungu wanatembea katika njia tofauti, njia safi inayofuatwa na watu walio safi. Kufunguliwa kwa njia hiyo katika wakati wa mwisho kulitabiriwa na mnabii Isaya, aliyeandika hivi: “Na hakika kutakuja kuwa na njia kuu huko, hata njia; nayo itaitwa Njia ya Utakatifu. Asiye safi hatapita juu yayo.” (Isaya 35:8, NW) Kikitoa elezo juu ya unabii huu, kitabu Usalama Ulimwenguni Pote Chini ya “Mwana-Mfalme wa Amani” kinataarifu hivi: “Ikawa kwamba 1919 watumishi wa Mungu wenye furaha walifunguliwa njia kuu ya mfano. Wale waliotaka kuwa watakatifu machoni pa Yehova ndio waliotembea juu ya ‘hiyo njia kuu,’ ile ‘Njia ya [Utakatifu].’ . . . Leo, tukiwa tumeingia ndani-ndani sana ya ule ‘umalizio wa mfumo wa mambo,’ hiyo ‘njia kuu’ iliyotolewa na Mungu ingali wazi. Halaiki za watu wenye kuthamini . . . [wanaingia] katika njia ya paradiso ya kiroho, ‘Njia ya [Utakatifu].’”a

21. Ni jinsi gani na kwa nini watu wa Yehova lazima wajipambanue wenyewe kuwa tofauti na umati wa Ibilisi, na ni nini litafikiriwa katika makala inayofuata?

²¹ Ndiyo, mabaki wapakwa-mafuta wa Waisraeli wa kiroho na waandamani wao, kondoo wengine, wanajipambanua wenyewe leo kuwa watu waliowekwa kando kutoka ulimwengu wa Shetani, ambao kwao wazo la utakatifu limepoteza maana yote. Hakuna kitu chochote kilicho kitakatifu kwa umati wa Ibilisi unaotembea kupitia ile ‘njia pana iendayo upotevuni.’ Licha ya wao kuwa si safi kiroho na kiadili katika visa vingi wao si safi kimwili na sura yao ni ya kizembe, sembuse mambo mengine. Hata hivyo, mtume Paulo husema hivi: “Na tujitakase nafsi zetu na uchafu wote wa mwili na roho, huku tukitimiza utakatifu katika kumcha Mungu.” (2 Wakorintho 7:1) Njia ambazo inawapasa watu wa Mungu wajiangalie wawe safi katika akili na mwili zitafikiriwa katika makala inayofuata.

[Maelezo ya Chini]

Mambo ya Kupitia

◻ Kuna pande gani mbili za utakatifu, na kwa nini inaweza kusemwa kwamba Yehova ni mtakatifu kwa kiwango kiiicho bora kabisa?

◻ Waisraeli walitakwa wajithibitishe wenyewe kuwa taifa takatifu katika njia gani mbili?

◻ Ni jambo gani linalotakwa kwa Waisraeli wa kiroho na waandamani wao, wale kondoo wengine?

◻ Hofu yetu kwa Mungu yapasa iathirije uchaguzi wetu wa mwenzi wa ndoa?

◻ Ni njia zipi mbili zinazoweza kufuatwa leo, na kwa nini ni lazima chaguo lililo wazi lifanywe?

[Picha katika ukurasa wa 13]

Neno la Mungu husema: “Ndoa na iheshimiwe”