Je! Wewe Unakumbuka?

Je! Wewe umefurahia kusoma matoleo kadha yaliyopita ya Mnara wa Mlinzi? Basi ona kama unaweza kukumbuka mambo makuu yafuatayo:

◻ Ni katika maana gani Paulo angeweza kusema kwamba alikuwa hana “hatia kwa damu ya mtu awaye yote”? (Matendo 20:26, 27)

Kwa wazi, wakati wa maisha yake Paulo hakuwa amemwaga damu vitani wala hakuwa amekula damu. Walakini, jambo la maana zaidi, alikuwa amependezwa sana na maisha za wengine zilizofananishwa na damu yao. Alihangaikia jambo la kwamba hakuna wo wote ambao wangepoteza maisha zao siku ya hukumu ya Mungu kwa sababu ya kushindwa kwake kutoa ushuhuda kikamili.​—9/1, ukurasa 27.

◻ Kwa sababu gani mahubiri ya Yesu kando ya milima yalikuwa bora sana?

Mahubiri ya Yesu yalikuwa bora si kwa sababu tu yalijaa mambo ya kiroho bali pia kwa sababu ya urahisi na uwazi wayo.​—9/15, ukurasa 9.

◻ Ni jambo gani lililofanya shauri la Paulo liwe lenye matokeo sana?

Lilikuwa lenye matokeo kwa sababu wale ambao lilielekezwa kwao walijua kwamba Paulo aliwapenda. Pia yeye alitegemea hekima ya kimungu, si maoni yake mwenyewe, na alitoa mashauri kwa roho ya upole. (2 Timotheo 3:16; Tito 3:1,2)—9/15, kurasa 12,13.

◻ Ni nini kinachofananishwa na wanyama wanne ambao Danieli aliona katika ndoto yake iliyoandikwa kwenye Danieli sura ya 7?

Wanafananisha serikali za ulimwengu kuanzia siku za Danieli na kuendelea mpaka Ufalme wa Mungu utakaposimamishwa. Hizo zilikuwa: Babuloni, Umedi na Uajemi, Ugiriki, na Roma pamoja na chipukizi layo, Serikali ya Uingereza na Amerika.​—10/1, ukurasa 7.

◻ Kwa sababu gani kuhubiri habari njema za Ufalme ni njia yenye mafaa ya kuonyesha upendo kwa jirani ya mtu?

Kazi ya kuhubiri ni yenye mafaa kwa sababu inawasaidia watu watumie kanuni za adili. Jambo hili linawasaidia waepuke matatizo mengi maishani.​—10/1, ukurasa 23.

◻ Kwa sababu gani neno “Mwana wa Adamu” lilimfaa Yesu?

Yesu alipojielekezea neno hilo yeye mwenyewe alikuwa mwanadamu, kwa hivyo kwa njia halisi alikuwa “Mwana wa Adamu.” Aliutoa uhai wake pia ili kuwakomboa wanadamu, kwa njia hiyo akitenda kama mtu wa ukoo wa karibu sana wa wanadamu​—kweli kweli alikuwa “Mwana wa Adamu.” (Mathayo 20:28; Waebrania 2:11-17)—10/15, ukurasa 6.

◻ Kwa sababu gani upashanaji habari ulio wa maana sana ni wa maana sana kati ya wazazi na watoto?

Ubadilishano huo wa maoni unatokeza kuelewana na kujaliana. Watoto wanapoonyesha nia ya kuwaeleza wazazi wao maoni yao ya ndani sana, wazazi wao wanaweza kuhisi mambo yaliyo katika moyo wao. Pia, watoto wanaanza kuona kwamba maoni ya wazazi wao ya moyoni na makusudio si tofauti sana na yao wenyewe. Yote hayo yanasaidia jamaa iwe yenye furaha, yenye umoja.​—11/1, kurasa 18, 19.

◻ Mkristo anawezaje kuepuka magumu katika mahusiano ya kibiashara?

Mkristo lazima achunguze kwa makini sana makusudio yake kabla ya kuingia katika shughuli yo yote ya kibiashara. Shauri la Biblia kwenye Warumi 14:19 lapasa litunzwe akilini sikuzote, ‘kufuata mambo ya amani na mambo yafaayo kwa kujengana.’​—11/15, ukurasa 19.

◻ Kuna faida gani katika kufuata shauri lililoongozwa na Mungu la kuoa au kuolewa “katika Bwana tu”? (1 Wakorintho 7:39)

Mume na mke ambao ni Wakristo wanaweza kutiana moyo kukabiliana na majaribu mbalimbali kwa mafanikio na kuendelea kuwa waaminifu kwa Mungu. Kwa umoja, wanaweza kupinga mikazo mbali-mbali ya kudhoofisha vifungo vya ndoa. Jitihada zao za kumtumikia Yehova na kuishi kulingana na njia zake zinaweza kutokeza ndoa yenye mafanikio inayomletea Yehova heshima.​—11/15, kurasa 26.

◻ Ni dokezo gani zuri kuhusu michango ambalo mtume Paulo alitoa kwenye kundi la Korintho?

Paulo aliandika hivi kwenye 1 Wakorintho 16:2: “Siku ya kwanza ya juma kila mtu kwenu na aweke akiba kwake, kwa kadiri ya kufanikiwa kwake.” Ukawaida ndilo jambo lililokaziwa, si kiasi. Leo, kanuni ii hii inaweza kutumiwa kwa watu wa Yehova ili kulipia gharama zinazohitajiwa kwa ajili ya Jumba la Ufalme au kufanya michango mingine kwa faida ya Ufalme.​—12/1, uku 30.