Je! Wewe Wakumbuka?

Je! wewe umefikiria kwa uangalifu matoleo ya hivi majuzi ya Mnara wa Mlinzi? Ikiwa ndivyo, labda utaweza kukumbuka yanayofuata:

◻ Je! Wakristo fulani wapakwa-mafuta wataokoka “dhiki kubwa” waendelee kuishi duniani kwa muda fulani kabla ya kupelekwa mbinguni?—Ufunuo 7:14, NW.

Biblia haisemi wazi juu ya jambo hili. Masimulizi fulani ya Biblia yanaonekana kudokeza kwamba wapakwa-mafuta fulani wangeweza kuendelea kuishi mpaka ndani ya ulimwengu mpya. Hata hivyo, mamilioni ya wale wanaotumaini kuishi milele duniani wamepokea mazoezi yanayohitajiwa ili kuanzisha ulimwengu mpya ukisonga mbele. Hivyo, yale mabaki madogo hayangehitajiwa kwa ajili ya kazi hii, na huenda Mungu akachagua kuwapeleka mbinguni kwa ajili ya “ndoa ya Mwana-Kondoo” baada ya kuua yule kahaba wa kidini, “Babuloni Mkubwa.” (Ufunuo 18:2, 10; 19:2, 7, 8, NW)—8/15, ukurasa 31.

◻ Mwanamume anapaswa kuweka moyo wake juu ya kuwa mwangalizi wa Kikristo akiwa na makusudio gani? (1 Timotheo 3:1)

Mwanamume anapaswa kujitahidi kufikia cheo cha mwangalizi, akifanya hivyo kwa unyenyekevu kwa sababu anataka kutumikia wengine. Anaposukumwa hivyo na makusudio manyofu, kitendo hicho kwa upande wake kinaweza kutokeza baraka za kiroho kwa wote wanaohusika.—9/1, ukurasa 18.

◻ Kwa nini mtume Paulo hakuvunjika moyo japo yote aliyolazimika kuvumilia?

Paulo anaeleza hivi: “Nayaweza mambo yote katika yeye anitiaye nguvu.” (Wafilipi 4:13) Paulo hakujaribu kamwe kubeba mizigo akiwa peke yake. Bali, alimtegemea Yehova amtegemeze. (Zaburi 55:22)—9/1, ukurasa 30.

◻ Ni nini kinachomaanishwa na usemi wa Paulo kwenye Waefeso 4:26: “Mwe na hasira, ila msitende dhambi”?

Maneno haya yanakiri kwamba mtu angeweza kukasirika kwa haki, lakini hili linapotendeka, mtu huyo hapaswi kudumisha ‘hali ya kuchokozeka mpaka jua lishuke.’ (Waefeso 4:26, NW) Kwa nini? Kwa sababu hii ingempa Ibilisi nafasi ya kumtumia kwa faida yake, ikiwezekana kumwongoza afanye ovu fulani, hivi kwamba angekosa kibali cha Mungu. (Zaburi 37:8, 9)—9/15, ukurasa 21.

◻ Kuna utofautiano gani mkubwa kati ya njia ambayo Mashahidi wa Yehova wanafundisha na njia ya makasisi wa Jumuiya ya Wakristo?

Mashahidi wa Yehova wanafundisha kwa mamlaka ya Neno la Mungu, hali makasisi wa Jumuiya ya Wakristo wanategemeza fundisho lao juu ya mapokeo ya upagani wa kidini yaliyopokezwa kutoka Babuloni na Misri.—10/1, ukurasa 25.

◻ Ni kwa sababu gani iliyo ya maana kabisa Mwana wa Mungu alikuja duniani?

Yesu alikuja duniani kwa kusudi hasa la kutatua suala lililotokezwa na Shetani kuhusu enzi kuu ya Yehova.—10/15, ukurasa 13.

◻ Kwa kuita mamlaka za kilimwengu kuwa “za juu zaidi,” je! tunapunguza kwa njia yoyote heshima inayompasa Yehova? (Warumi 13:1, NW)

Sivyo, kwa kuwa Yehova amepita kuwa ‘wa juu zaidi’ tu. Yeye ndiye “Bwana Mwenye Enzi Kuu,” “Aliye Mkuu Kupita Wote.” (Zaburi 73:28; Danieli 7:18, 22, NW) Mamlaka za kilimwengu ni za juu zaidi kuhusiana na wanadamu wengine tu na katika kizio chao wenyewe cha utendaji. Zina daraka la kusimamia na kulinda jumuiya za watu.—11/1 ukurasa 12.

◻ Kwa nini upendo ndio mkubwa zaidi kati ya yale matunda tisa ya roho ya Mungu yanayotajwa kwenye Wagalatia 5:22, 23?

Matunda yale mengine manane ya roho ya Mungu ni maonyesho wazi, au pande mbalimbali, ya upendo, uliotajwa kwanza. Matunda yote haya mengine ya roho ni sifa zinazohitajiwa kabisa, lakini hayatatufaidi tukikosa upendo. (1 Wakorintho 13:3)—11/15, ukurasa 14.

◻ Ni nini faida za kusali kwa ajili ya waamini wenzi?

Tunapofanya hali njema ya kiroho ya wengine iwe hangaikio letu katika sala, tunavutwa karibu zaidi nao katika upendo wa kidugu. Pia tunakuwa na huruma kwao, tukishiriki mapendezi na misononeko yao. Hivyo, uchungu wowote unang’olewa, hiyo ikiruhusu nafasi ya mawazo yenye kujenga yanayofanya tuwe wenye upendo na shangwe.—11/15, ukurasa 21-2.

◻ Ni nini sababu za kutulazimisha kumwabudu Yehova Mungu?

Inatupasa tumwabudu Yehova kwa sababu ndiye Muumba na sifa zake zinatuvuta karibu naye. (Kumbukumbu 32:3, 4; 1 Yohana 4:8; Ufunuo 10:6) Biblia inasema hivi: “Utauwa [ujitoaji kimungu, NW] hufaa kwa mambo yote; yaani, unayo ahadi ya uzima wa sasa, na ya ule utakaokuwapo baadaye.” (1 Timotheo 4:8) Hakuna mungu mwingine isipokuwa Yehova anayeweza kuahidi tokeo la jinsi hiyo halafu atimize ahadi yake.—12/1, ukurasa 6-7.