Kufanya Yote Yote Tuwezayo Tuzitangaze Habari Njema

“Fanya yote yote uwezayo kujiweka mwenyewe mbele za Mungu katika hali ya kukubaliwa, mfanyi kazi asiye na lo lote la kuaibikia.”​—2 TIMOTHEO 2:15, NW.

 1, 2. Ni ukuzi gani katika hesabu za wahudumu wa wakati wote ambao wewe umeona? Ni jambo gani limechangia kutokeza jambo hilo?

“MIAKA michache iliyopita, wengi wetu tulifikiri kwamba wale tu wenye hali za pekee ndio wangeweza kupainia,” akaandika painia mmoja au mhudumu wa wakati wote, katika Japani. “Inaonekana kwamba tulikosea. Sisi tunaendelea kujifunza kwamba wale walio na hali za pekee ndio tu wasioweza kupainia.”

² Matazamio ,hayo yenye mwelekeo mzuri yametokeza mmoja wa ukuzi ulio wa ajabu zaidi katika hesabu za wahudumu wa wakati wote miongoni mwa Mashahidi wa Yehova katika miaka ya majuzi. Leo katika Japani, wawili kati ya kila wahubiri watano wa Ufalme wamejitia katika namna fulani ya huduma ya wakati wote. Lakini roho hiyo ya bidii haiko Japani tu. Katika mwaka wa utumishi uliopita, hesabu ya wahubiri kuzunguka ulimwengu ilikua kwa asilimia 5, hali hesabu ya wahudumu wa wakati wote iliongezeka kwa asilimia 22. Kwa wazi, watu wa Yehova wamethamini moyoni maneno ya mtume Paulo: “Fanya yote yote uwezayo kujiweka mwenyewe mbele za Mungu katika hali ya kukubaliwa, mfanyi kazi asiye na lo lote la kuaibikia.” (2 Timotheo 2:15, NW) Je!. hivyo ndivyo ilivyo kwako wewe?

“Hivi Ndivyo Upendo kwa Mungu Unavyomaanisha”

 3. Ni nini kani yenye kusukuma iliyo nyuma ya ukuzi huo?

³ Wakati mapainia wanapoulizwa_ sababu ambayo imewafanya wachukue huduma ya wakati wote, kwa udumifu wao wanajibu kwamba ni kwa sababu ya upendo wao kwa Yehova Mungu. (Mathayo 22:37, 38) Bila shaka, hivyo ndivyo inavyopasa kuwa, kwa maana upendo usipokuwa ndilo kusudio linalofaa la kufanya hivyo, jitihada zingekuwa ni za bure tu hata kama ni za kiasi gani. (1 Wakorintho 13:1-3) Ni jambo la kusifika kikweli kwamba wengi sana kati ya Wakristo wenzetu—ndiyo, wastani wa zaidi ya wahubiri 7 katika kila kundi kuzunguka ulimwengu—wametafuta nafasi katika maisha zao waonyeshe upendo wao kwa Yehova kwa njia hiyo.

 4. Sisi tulikujaje kupenda Mungu? (Warumi 5:8)

⁴ Bila shaka, sisi sote ambao tumeweka maisha zetu wakfu kwa Yehova tulifanya hivyo kwa sababu tulimpenda. Tulipojifunza juu ya upendo ambao Yehova na Mwanaye, Yesu Kristo, wanao kwetu sisi, na juu ya baraka nzuri ajabu zitakazoletwa na Ufalme wake, mioyo yetu iliendeshwa iitikie kwa kumpenda yeye. Hivi ndivyo mtume Yohana alivyoeleza jambo hilo: “Sisi twapenda kwa maana yeye alitupenda sisi kwanza.” (1 Yohana 4:19) Tunaitikia kiasili tu kwa njia hiyo kwa sababu hivyo ndivyo tumefanywa tukiwa. Lakini je! hisia hiyo changamfu katika mioyo yetu ndiyo tu inayohusika katika upendo kwa Mungu?

 5. Upendo kwa Mungu unatia nini ndani? (1 Yohana 2:5)

⁵ Hapana, upendo kwa Mungu unamaanisha zaidi. Mtume Yohana anatuambia: “Hivi ndivyo upendo kwa Mungu unavyomaanisha kwamba sisi tushike amri zake; na hata hivyo amri zake hazilemei kama mzigo.” (1 Yohana 5:3, NW) Ndiyo, upendo wa kweli, kama imani ya kweli, unaonyeshwa kwa vitendo. (Linganisha 2 Wakorintho 8:24, NW.) Huo unataka kumfurahisha na kupata kibali cha mwenye kupendwa. Ni njia bora kama nini ambayo wale walio katika huduma ya wakati wote wamechagua kuonyesha upendo wao kwa Yehova na Yesu Kristo!

 6. (a) Ni watu wa namna gani ambao wameweza kupainia? Ni jambo gani lililofanya iwezekane wao kufanya hivyo? (b) Je! wewe unajua juu ya mifano yo yote kama hiyo?

⁶ Hali za watu mmoja mmoja zinatofautiana, na ni lazima zifikiriwe. Hata hivyo tunapotazama wale walio katika huduma ya wakati wote, tunakuta kwamba wao ni kutia ndani watu walio katika kila hali inayowezekana—vijana na wazee, waseja na waliofunga ndoa, wenye afya njema na mbaya, walio na wasio na daraka la kijamaa, na hivyo hivyo. Tofauti ni kwamba, badala ya wao kuruhusu mambo hayo yawe vizuia-njia, kama mtume Paulo wamejifunza kufanya kazi kuyazunguka mambo hayo au kuishi pamoja nayo. (2 Wakorintho 11:29, 30; 12:7) Kwa mfano, fikiria jamaa moja iliyo mfano halisi.

Eiji ni mzee katika kundi lao. Yeye na mke wake wamekuwa wakipainia pamoja kwa miaka 12 huku wakilea watoto watatu. Walifanyaje hivyo? “Tunalazimika kuishi maisha yenye vitu vichache zaidi,” anasema Eiji. Hata watoto walilazimika kujifunza kukubali katazo kwa vitu vingi wanavyotaka. “Ingawa sisi tumekuwa na nyakati fulani ngumu, sikuzote Yehova ameandaa tulivyovihitaji.”

Je! dhabihu zao zimestahili jitihada waliyofanya? “Kila usiku kabla hatujazima taa, mimi namtazama mke wangu akiandika ripoti yake ya kuhubiri ya siku hiyo,” anasema Eiji. “Mimi ninapoona jamaa yangu ikitanguliza faida za kiroho kwanza kwa njia hiyo, ninahisi kwamba kila jambo liko kama linavyopasa kuwa, nami ninajisikia kwamba hapo nimetimiza jambo fulani. Siwezi kuwazia sisi tukiwa hatupainii pamoja.” Mke wake anahisije juu ya jambo hilo? “Eiji ametutunza sisi vizuri,” yeye anasema. “Mimi ninapomwona akiwa na shughuli nyingi za mambo ya kiroho, ninahisi nikiwa na uradhi wa ndani wenye kina kirefu. Ninatumaini kwamba tunaweza kuendelea.”

Huku baba na mama wakiwa wanatumia wakati mwingi sana katika kazi ya kuhubiri kila siku, jambo hilo limekuwa na matokeo gani juu ya watoto? Mwana aliye mkubwa zaidi sasa anafanya kazi katika shughuli ya ujenzi ya miaka minne kwenye tawi la Sosaiti ya Mnara wa Mlinzi. Binti ni painia wa kawaida, na mwana mwenye umri wa kwenda shule ana shabaha ya kuwa painia wa pekee. Wote wanafurahi kwamba wazazi wao ni mapainia.

 7. (a) Toa mifano unayojua juu ya jinsi watu mmoja mmoja walishinda vipingamizi ili waingie utumishi wa wakati wote. (b) Ni shauri gani la Biblia ambalo wao wamethamini moyoni?

⁷ Jamaa zilizo kama hiyo zinaweza kupatikana miongoni mwa Mashahidi wa Yehova katika nchi nyingi kuzunguka ulimwengu. Zinajitahidi kweli kweli kutumia hali zao kwa ubora uwezekanao ili kuingia kisha kubaki katika utumishi wa wakati wote. Zinaonyesha kwa vitendo yale ambayo upendo kwa Mungu unamaanisha kweli kwao. Kwa shauku, zinatii onyo la upole la Paulo: “Fanya yote yote uwezayo kujiweka mwenyewe mbele za Mungu katika hali ya kukubaliwa, mfanyi kazi asiye na lo lote la kuaibikia.”—2 Timotheo 2:15, NW.

“Mfanyi Kazi Asiye na Lo Lote la Kuaibikia”

 8. Kwa sababu gani Paulo alihimiza Timotheo ‘afanye yote yote aliyoweza’ na hilo linamaanisha nini?

⁸ Paulo alipoandikia Timotheo maneno hayo, karibu na 65 W.K., tayari Timotheo alikuwa akitumikia katika cheo chenye madaraka sana katika kundi la Kikristo. Paulo alimwita yeye “askari mwema wa Kristo Yesu” na akamkumbusha-kumbusha juu ya daraka lake katika kufundisha na kuagiza wengine. (2 Timotheo 2:3, 14, 25; 4:2, W) Hata hivyo, yeye alimhimiza Timotheo hivi: “Fanya yote yote uwezayo kujiweka mwenyewe mbele za Mungu katika hali ya kukubaliwa.” Maneno “fanya yote yote uwezayo” yametafsiriwa kutokana na neno la Kigiriki linalomaanisha “ongezea wewe mwendo.” (Ona Kingdom Interlinear Translation.) Ndiyo kusema, Paulo alikuwa akimwambia Timotheo kwamba ili awe na kibali cha Mungu alihitaji kukaza mwendo wa utendaji wake, hata ingawa tayari yeye alikuwa akibeba furushi zito la daraka. Kwa sababu gani? Ili kwamba yeye aweze kuwa “mfanyi kazi asiye na lo lote la kuaibikia.”

 9. Ni mfano gani wa Yesu unaoweza kutusaidia tufahamu maneno ya Paulo juu ya “mfanyi kazi asiye na lo lote la kuaibikia”?

⁹ Kifungo hicho cha maneno ya mwisho-mwisho kinatukumbusha juu ya wale watumwa watatu katika mfano wa Yesu juu ya zile talanta, kama ulivyorekodiwa katika Mathayo 25:14-30. Bwana wa kazi aliporudi, ulikuwa wakati wao wa kuleta kazi yao mbele ya bwana apate kuikubali. Watumwa waliopewa talanta tano na mbili walisifiwa na bwana kwa sababu ya mambo waliyokuwa wamefanya na vitu walivyokuwa wamepewa amana. Walialikwa ‘waingie katika furaha ya bwana wao.’ Lakini mtumwa yule aliyepewa amana ya talanta moja alikutwa akiwa mpungukiwa. Kile alichokuwa nacho kilichukuliwa, na kwa aibu yake, yeye akatupwa “ndani ya giza lililo nje.”

10. Kwa sababu gani mtumwa yule aliyepewa talanta moja aliaibishwa na kuadhibiwa?

¹⁰ Watumwa wale wawili wa kwanza walifanya kazi kwa bidii na wakazidisha faida za bwana wao. Walikuwa kikweli wafanyi kazi ‘wasio na lo lote la kuaibikia.’ Lakini mbona mtumwa wa tatu aliaibishwa na kuadhibiwa hata ingawa hakupoteza alichopewa? Ni kwa sababu yeye hakukitumia kwa njia yo yote yenye kujenga. Kama vile bwana alivyoonyesha, angalau angaliweza kuweka pesa zile katika benki. Lakini kosa la msingi lilikuwa kwamba yeye hakuwa na upendo wa kweli kwa bwana wake. “Mimi nilianza kuogopa na nikaenda zangu na kuficha talanta yako chini,” akaungama kwa bwana wake. (Mathayo 25:25; linganisha 1 Yohana 4:18, NW.) Yeye alimwona bwana wake kuwa “mtu mwenye kudai kwa nguvu” na mkatili, na kuuona mgawo wake kama mzigo. Yeye alijaribu kufanya jambo lililo dogo zaidi ilivyowezekana ili awe angalau amefanya kitu badala ya kufanya ‘yote yote aliyoweza’ ili apate kibali cha bwana wake.

11. Mfano huo unatuhusu sisi jinsi gani leo?

¹¹ Leo mfano huo unapata utimizo. Yule bwana wa kazi, Yesu Kristo, amerudi na anaikagua kazi ya jamii ya “mtumwa” wake, na pia ile ya waandamani wao, “mkutano mkubwa” wa watu wa mfano wa kondoo. (Mathayo 24:45-47; Ufunuo 7:9, 15) Bwana huyo wa kazi anakuta nini? Ikiwa sisi tunajiridhisha na utumishi kidogo tu wa kuonyesha tumefanya angalau kikazi fulani, basi hapo ingeweza kuwa kwamba sisi tutakutwa miongoni mwa wale wenye kuaibishwa na kutupwa “ndani ya giza lililo nje.” Kwa upande ule mwingine, sisi ‘tukifanya yote yote tuwezayo,’ yaani, ‘tuongeze mwendo’ wa kazi yetu kwa kuitikia uharaka wa wakati huu, tutakutwa tukiwa tumekubaliwa kuwa ‘wafanyi kazi wasio na lo lote la kuaibikia’ nasi tutashiriki katika ‘furaha ya bwana wetu wa kazi.’

Nidhamu na Kujidhabihu Zinahitajiwa

12. Ni mambo gani yamewezesha asilimia kubwa ya wahubiri katika Japani waingie huduma ya wakati wote?

¹² Mpanuko unaoendelea wa hesabu za mapainia katika nchi moja baada ya nchi nyingine kuzunguka ulimwengu ni wonyesho ulio wazi kwamba watu wa Yehova kwa ujumla ‘wanafanya yote yote wawezayo’ wajithibitishe kuwa ‘wafanyi kazi wasio na lo lote la kuaibikia.’ Lakini je! wewe umepata kujiuliza ni kwa sababu gani asilimia kubwa zaidi za ndugu zetu katika nchi fulani-fulani wanaweza kuingia utumishi wa wakati wote kuliko wanavyofanya ndugu katika nchi nyinginezo? Baadhi ya mapainia katika Japani waliulizwa ulizo hilo la kupendeza. Fikiria majibu haya:

“Mimi sifikiri hiyo inamaanisha kwamba imani na upendo wa Mashahidi Wajapani ni mkubwa kuliko ule wa ndugu zao katika nchi nyinginezo,” akasema mfanyi kazi mmoja wa Betheli ambaye amekuwa katika utumishi wa wakati wote kwa miaka ipatayo 30. “Lakini naamini kwamba utu wa Wajapani labda unahusiana kidogo na jambo hilo. Kwa ujumla, Wajapani ni watu watiifu; wao wanaitikia kwa utayari wakipewa kitia-moyo.”

“Kwa sababu kuna mapainia wengi sana katika karibu kila kundi,” mzee mmoja akaeleza, “wazo la ujumla linalopatikana ni kwamba mtu ye yote anaweza kufanya hivyo.” Wajapani wanapenda kufanya mambo wakiwa vikundi-vikundi. Wao wana roho nzuri ajabu ya kufanya mambo wakiwa kikoa.

Kwa uhakika hayo ni maelezo yenye kuamsha fikira, na ikiwa sisi tumechukua mambo kwa uzito kuhusu kufanyia maendeleo utumishi wetu kwa Yehova, kuna mambo kadha yenye kuonekana wazi yanayostahili tuyafikirie kwa uangalifu.

13. Sisi tunaweza kufaidikaje kutokana na lile jambo la kuwa watiifu na tayari kuitikia kitia-moyo?

¹³ Kwanza kabisa, kuna lile jambo la kuwa watiifu na tayari kuitikia kitia-moyo. Wakati mwelekezo na kitia-moyo vinapokuja kutoka chanzo kinachofaa, jambo linalofaa kabisa ni kwamba inatupasa tuitikie kwa utayari. Hivyo, badala ya kuziona sifa hizo kuwa ni vitabia vya taifa fulani tu, sisi tunazingatia maneno haya ya Yesu: “Kondoo wangu waisikia sauti yangu; nami nawajua, nao wanifuata.” (Yohana 10:27) Tunakumbuka pia kwamba jambo moja la “hekima kutoka juu” ni kwamba iko “tayari kutii.” (Yakobo 3:17, NW) Hizo ni sifa ambazo Wakristo wote wanatiwa moyo wazivae. Kwa sababu ya mazingira waliyokulia na malezi waliyopata, huenda wengine wakaelekea zaidi kuwa na fikira za kujitegemea na kushikilia sana kauli zao wenyewe kuliko walivyo wengine. Labda hilo ni eneo ambapo sisi tunahitaji kujitia nidhamu na ‘kugeuza akili zetu’ ili tuweze kuona wazi zaidi ni nini yaliyo “mapenzi ya Mungu.”​—Warumi 12:2, NW.

14. Ni mwaliko gani ambao Wakristo wote walio wakfu wamekubali, na ni mambo gani yanayotiwa ndani?

¹⁴ Sisi tulio Wakristo waliojiweka wakfu tumekubali mwaliko buu wa Yesu: “Ikiwa mtu ye yote anataka anifuate mimi, acheni ajikane yeye mwenyewe na kuinua mti wa mateso wake na kuendelea kunifuata mimi.” (Mathayo 16:24, NW) ‘Kujikana’ mwenyewe kunamaanisha kwa uhalisi ‘kujikataa mwenyewe kabisa kabisa’ na baada ya hapo kukubali kwa nia tuwe mali ya Yehova Mungu na Yesu Kristo, tukiwaacha wao ndio waongoze maisha zetu na kutuambia tunayopaswa na tusiyopaswa kufanya. Katika kuonyesha kwamba tumejikana wenyewe, ni njia gani iliyo nzuri kuliko kufuata hatua za Yesu katika huduma ya wakati wote?

15. (a) Kuridhika na vitu vichache zaidi vya kimwili kunahusianaje na kufuata Yesu? (b) Wanafunzi wa kwanza-kwanza waliitikiaje mwaliko wa Yesu kwamba wamfuate yeye?

¹⁵ Ndipo linapokuja lile jambo la kuridhika na vitu vichache zaidi vya kimwili. Kwa wazi hicho ni kinyume cha elekeo la ujumla la ulimwengu. ambalo linaendeleza “tamaa ya mwili na tamaa ya macho na kujionyesha kwa mtu mali yake,” (l Yohana 2:16, NW) Lakini Yesu alisema kwa mkazo hivi: “Mnaweza kuwa na uhakika kwamba, hakuna hata mmoja wenu asiyesema nenda-salama kwa mali zake zote anayeweza kuwa mwanafunzi wangu.” (Luka 14:33, NW) Kwa,sababu gani ndivyo ilivyo? Kwa sababu ili mtu awe mwanafunzi wa Yesu inamaanisha zaidi ya kuwa mwamini tu. Wakati Yesu alipoita Andrea, Petro, Yakobo, Yohana, na wale wengine wawe wanafunzi wake, yeye hakuwa akiwaalika wamwamini tu kuwa ndiye Masihi. Yeye alikuwa akiwaalika wamfuate na kufanya kazi ile aliyokuwa akifanya, yaani, kazi ya kuhubiri wakati wote Itikio lao lilikuwa nini? “Mara wakaziacha nyavu zao, wakamfuata.’ Yakobo na Yohana hata (walimwacha baba yao Zebedayo ndani ya chombo pamoja na watu wa mshahara, wakaenda, wakamfuata.”,(Marko 1:16-20) Wao waliacha nyuma biashara yao na waliokuwa washirika wao, wakaanza kuhubiri wakati wote.

16. Sisi Wakristo tulio wakfu, ni katika nini inatupasa tutumie wakati na nishati zetu? (Mithali 3:9)

¹⁶ Basi, ni rahisi kuona sababu inayofanya kuridhika na vitu vichache zaidi liwe jambo la maana sana katika kufanya kwetu yote yote tuwezayo katika utumishi wa Yehova. Ikiwa sisi tumelemewa na mzigo wa vitu vingi au wajibu wa kimwili, tungeweza kuwa kama mtawala kijana tajiri aliyekataa mwaliko wa Yesu awe mfuasi wake, si kwa sababu hangeweza kufanya hivyo, bali kwa sababu yeye hakuwa na nia ya kuacha nyuma “mali nyingi” alizokuwa nazo. (Mathayo 19:16-22; Luka 18:18-23) Kwa hiyo badala ya kutapanya wakati na nishati zetu tukifuatia vitu ambavyo karibuni ‘vitapita,’ sisi tunataka kutumia wakati na nishati hizo zenye thamani kubwa kwa masilahi yetu ya daima.​—1 Yohana 2:16, 17.

17. Ni kwa kadiri gani roho ya kufanya kazi kwa umoja kama kikoa inaweza kuwa na mavutano mazuri?

¹⁷ Mwisho, kuna lile jambo la kuwa na roho ya kufanya kazi kwa umoja kama kikoa. Andrea, Petro, Yakobo, na Yohana bila shaka walitoleana mavutano fulani katika uamuzi wao wa kukubali mwaliko wa Yesu kwamba wamfuate yeye. (Yohana 1:40, 41) Vivyo hivyo, uhakika wa kwamba wengi sana wa ndugu zetu wanaweza kutafuta nafasi katika maisha zao zenye shughuli nyingi ili waingie utumishi wa wakati wote unapasa utuendeshe tufikirie kisa chetu wenyewe kwa uzito. Kwa upande ule mwingine, wale miongoni mwetu ambao tayari wanafurahia pendeleo hilo wanaweza kushiriki pamoja na wengine mambo waliyoona, kwa njia hiyo wakiwatia moyo wao pia wajiunge na hesabu zao. Na, bila shaka, wahudumu wa wakati wote wanaweza kusaidiana ili wote wafaidiane.​—Warumi 1:12.

18. Ni jinsi gani sisi sote tunaweza kuichangia roho ya upainia?

¹⁸ Hata wale ambao hali zao za sasa haziwaruhusu kuchukua huduma ya wakati wote wanaweza kufanya mengi kuiongezea roho ya upainia. Jinsi gani? Kwa kuwaunga mkono na kuwatia moyo wale wanaopainia, kwa kuonyesha kupendezwa kwa vitendo na wale walio na uwezo wa kufanya hivyo, kwa kupanga angalau mshiriki mmoja wa jamaa yao apainie, kwa kujitia katika kazi ya painia-msaidizi wakati wo wote inapowezekana, na kwa kufanya kazi kuelekea kuingia utumishi wa wakati wote upesi iwezekanavyo. Tukifanya hivyo, sisi sote tunaweza kuonyesha kwamba ‘tunafanya yote yote tuwezayo’ tutumikie Yehova tuwe au tusiwe tumeandikishwa katika huduma ya wakati wote kwa sasa.

Tuwe na Udumifu Katika Kufanya Yote Yote Tuwezayo

19. Inatupasa tuazimie kufanya nini kwa sababu ya jinsi wakati huu ulivyo?

¹⁹ Kweli kweli, maadamu Yehova anaharakisha mwendo wa kazi, sasa ndio wakati wetu wa ‘kufanya yote yote tuwezayo’ ili tuwe ‘wafanyi kazi wasio na lo lote la kuaibikia.’ Tukiwa askari wazuri sana wa Yesu Kristo, tunahitaji pia kuweka kando mizigo yote isiyohitajiwa ili kwamba tutumikie kwa nguvu za kunufaisha watu na kupata kibali chake. (2 Timotheo 2:3-5, W) Tunapofanya kazi kwa bidii ili kupanua ushiriki wetu katika utumishi wa Ufalme, tunaweza kuhakikishiwa kwamba jitihada zetu zitathawabishwa sana. (Waebrania 6:10; 2 Wakorintho 9:6) Hivyo, badala ya kusimama kando huku tukitazama-tazama tu, acheni sisi tuwe wadumifu katika kufanya yote yote tuwezayo kuzihubiri habari njema, kwa kujibu mwaliko wa mtunga zaburi: “Mtumikieni [Yehova] kwa furaha; njoni mbele zake kwa kuimba.”​—Zaburi 100:2.

Sanduku la Kurudia

◻ Upendo kwa Mungu unatia nini ndani?

◻ Tatizo lenyewe hasa lilikuwa nini kuhusu mtumwa yule wa tatu katika mfano wa Yesu wa talanta?

◻ Kujikana mwenyewe kunamaanisha nini?

◻ Kwasababugani ni lazimawafuasi wa Yesu ‘waseme nenda-salama kwa mali zao za kimwili’?

◻ Ni jinsi gani sisi sote tunaweza kuchangia roho ya upainia?

[Picha katika ukurasa wa 18]

Mtupeni nje mtumwa yule asiyefaa kitu’