Sura 16

Mungu wa Kweli na Wakati Ujao Wako

“Katika ulimwengu wote mzima huu wenye fumbo, kuna kitu kimoja ambacho Binadamu aweza kuhisi hakika. Binadamu mwenyewe kwa hakika siye yule aliyepo wa kiroho aliye mkuu zaidi katika Ulimwengu Wote Mzima. . . . Kuna aliyepo katika Ulimwengu Wote ambaye ni mkubwa kiroho zaidi ya Binadamu mwenyewe. . . . Mradi wa Binadamu ni kutafuta ushirika na huyo aliyepo ambaye ni mfanyiza maajabu hayo, na kuutafuta akiwa na shabaha ya kujiingiza katika upatano na uhalisi huu kamili wa kiroho.”—An Historian’s Approach to Religion, cha Arnold Toynbee.

 1. (Tia ndani utangulizi.) (a) Mwanahistoria Toynbee alitambua nini juu ya binadamu na ulimwengu wote mzima? (b) Biblia yatambulishaje “uhalisi huu kamili wa kiroho”?

WAKATI wa sehemu kubwa ya miaka elfu sita iliyopita, ainabinadamu imetafuta, kwa bidii kubwa au kidogo, ili kupata “uhalisi huu kamili wa kiroho.” Kila dini kubwa imeupa uhalisi huo jina tofauti. Ikitegemea yako ni dini ipi—Uhindu, Uislamu, Dini ya Buddha, Dini ya Shinto, Dini ya Confucius, Dini ya Tao, Dini ya Kiyahudi, Ukristo, au nyingineyo yote—imeupa jina “uhalisi huu kamili wa kiroho.” Lakini Biblia yaupa uhalisi huo jina, jinsia, na utu—Yehova, Mungu anayeishi. Mungu huyo asiye na kifani alimwambia Koreshi Mkuu wa Uajemi: “Mimi ni Yehova, na hakuna mmoja mwingineyo. Isipokuwa mimi hakuna Mungu. . . . Mimi mwenyewe nimeifanya dunia na nimeumba hata binadamu juu yayo.”—Isaya 45:5, 12, 18, NW; Zaburi 68:19, 20.

Yehova—Mungu wa Unabii Wenye Kutegemeka

 2. Tukitaka kuwa na habari yenye kutegemeka juu ya wakati ujao, twapaswa kumwendea nani, na kwa nini?

² Yehova ndiye upeo wa kweli wa jitihada ya ainabinadamu ya kutafuta Mungu. Yehova amejifichua mwenyewe kuwa Mungu wa unabii anayeweza kueleza mwisho tangu mwanzoni. Yeye alisema kupitia Isaya nabii hivi: “Kumbukeni mambo ya zamani za kale; maana mimi ni Mungu, wala hapana mwingine; mimi ni Mungu, wala hapana aliye kama mimi; nitangazaye mwisho tangu mwanzo, na tangu zamani za kale mambo yasiyotendeka bado; nikisema, Shauri langu litasimama, nami nitatenda mapenzi yangu yote. . . . Nimenena, nami nitatekeleza; nimekusudia, nami nitafanya.”—Isaya 46:9-11; 55:10, 11.

 3. (a) Ni matukio gani tunayoweza kutangulia kuona kupitia unabii wa Biblia? (b) Shetani amefanya nini kwa wasioamini, na kwa nini?

³ Tukiwa na Mungu mwenye kutegemeka hivyo wa unabii, twaweza kujua yatakayopata mfumo wa ulimwengu wa dini zilizogawanyika. Pia twaweza kutabiri yatakayopata matengenezo ya kisiasa yenye nguvu yanayoelekea kudhibiti matukio ya ulimwengu. Na zaidi, twaweza kutabiri ni mwisho gani unaongojea “mungu wa huu mfumo wa mambo,” Shetani, ambaye “amepofusha akili za wasioamini” kwa wingi wa dini ambazo zimeongoza ainabinadamu kutoka kwa Mungu wa kweli, Yehova. Na ni kwa nini Shetani amefanya kazi hiyo ya kupofusha? Kusudi “isiwazukie nuru ya injili ya utukufu wake Kristo aliye sura yake Mungu.”—2 Wakorintho 4:3, 4; 1 Yohana 5:19.

 4. Ni maswali gani juu ya dunia na wakati ujao wa binadamu yanayohitaji kujibiwa?

⁴ Twaweza pia kujua yaliyo mbele ya matukio hayo yaliyotabiriwa. Hatimaye dunia itapatikana katika hali gani? Ikiwa imechafuliwa? Imeharibiwa? Imefyekwa misitu? Au je! kutakuwako kuumbwa upya kwa dunia na jamii ya binadamu? Kama tutakavyoona, Biblia inajibu maswali hayo yote. Lakini kwanza acheni tuelekeze uangalifu wetu kwenye matukio ya wakati ujao ulio karibu.

“Babuloni Mkuu” Atambulishwa

 5. Yohana aliona nini katika njozi?

⁵ Kitabu cha Biblia cha Ufunuo kilifunuliwa kwa mtume Yohana kwenye kisiwa cha Patmo katika mwaka 96 W.K. Chaonyesha picha zilizo wazi sana za matukio makuu yanayotokea katika wakati wa mwisho, wakati ambao, kulingana na uthibitisho wa Kibiblia, ainabinadamu imekuwa ikiishi tangu 1914.a Miongoni mwa picha hizo za mfano ambazo Yohana aliona katika njozi, moja ni ya kahaba aliyejiremba na kuvaa mtindo wa kupita kiasi, aitwaye “Babuloni mkuu, mama wa wazinzi na wa mambo yote ya kuchukiza sana duniani.” Yeye alikuwa katika hali gani? “Nikamwona huyo mwanamke amelewa damu ya watu wa Mungu, na damu ya watu waliouawa kwa sababu ya kumtangaza Yesu [mashahidi wa Yesu, UV].”—Ufunuo 17:5, 6, HNWW.

 6. Ni kwa nini Babuloni Mkuu haiwakilishi sehemu za kisiasa za ulimwengu zenye kutawala?

⁶ Mwanamke huyo anawakilisha nani? Hatuachwi tukisie kitambulisho chake. Kwa kuchanganua sehemu moja moja, aweza kutambulishwa. Katika njozi iyo hiyo, Yohana asikia malaika akisema: “Njoo huku, nitakuonyesha hukumu ya yule kahaba mkuu aketiye juu ya maji mengi; ambaye wafalme wa nchi wamezini naye, nao wakaao katika nchi wamelevywa kwa mvinyo wa uasherati wake.” Ikiwa wafalme, au watawala, wa dunia wanafanya uasherati naye, basi yamaanisha kwamba kahaba huyo hawezi kuwakilisha sehemu zenye kutawala za kisiasa za ulimwengu.—Ufunuo 17:1, 2, 18.

 7. (a) Ni kwa nini Babuloni Mkuu haiwakilishi sehemu za kibiashara? (b) Babuloni Mkuu yawakilisha nini?

⁷ Simulizi ilo hilo latuambia kwamba “Wafanya biashara wa nchi wamepata mali kwa nguvu za kiburi [anasa, NW] chake.” Kwa hiyo Babuloni Mkuu hawezi kuwakilisha sehemu za “biashara” za ulimwengu. Hata hivyo, maandishi yaliyopuliziwa na Mungu yasema: “Yale maji uliyoyaona, hapo aketipo yule kahaba, ni jamaa na makutano na mataifa na lugha.” Imebaki sehemu gani nyingine kuu ya mfumo huu wa ulimwengu inayofaa usimulizi wa kahaba wa mfano mwenye kuzini pamoja na watawala wa kisiasa, ikifanya biashara yenye faida, na kukalia kwa utukufu vikundi vya watu, umati, mataifa, na lugha? Ni dini bandia katika namna zayo tofauti!—Ufunuo 17:15; 18:2, 3.

 8. Ni mambo gani zaidi ya uhakika yanayothibitisha utambulisho wa Babuloni Mkuu?

⁸ Utambulisho huo wa Babuloni Mkuu wathibitishwa na laana kali ya malaika mmoja juu yayo kwa ajili ya ‘uchawi [uasiliani-roho, NW] ambao kwao mataifa yote walidanganywa.’ (Ufunuo 18:23) Namna zote za uasiliani-roho ni za kidini na zenye kuchochewa na roho waovu. (Kumbukumbu la Torati 18:10-12) Kwa hiyo, Babuloni Mkuu lazima awe kifananishi cha fungamano la kidini. Uthibitisho wa Biblia huonyesha kwamba yeye ni milki ya ulimwengu wote ya dini bandia ya Shetani, ikiendelezwa naye katika akili za watu kusudi iondoshe uangalifu kutoka kwa Mungu wa kweli, Yehova.—Yohana 8:44-47; 2 Wakorintho 11:13-15; Ufunuo 21:8; 22:15.

 9. Ni nyuzi gani zile zile zinazopatikana katika dini nyingi?

⁹ Kama tulivyoona katika kitabu chote hiki, kuna nyuzi zile zile za mfumo uliovurugika wa dini za ulimwengu. Dini nyingi zina mizizi yazo katika ngano. Karibu zote zimeunganishwa na namna fulani ya imani katika nafsi ya kibinadamu inayodhaniwa kuwa haifi na huendelea kuishi baada ya kifo na huenda kwenye maisha ya baadaye au kuhamia kwenye kiumbe kingine. Nyingi zina msingi unaofanana wa imani katika mahali pa ogofyo pa maumivu makali na mateso panapoitwa helo. Nyingine zakamatanishwa na imani za kale za kipagani za vikundi vingi vya utatu wa vijimungu, kikundi kimoja cha utatu, na vijimungu-vike-mama. Kwa hiyo, yafaa zote zijumlishwe pamoja chini ya mfano wa pamoja wa kahaba “Babuloni Mkuu.”—Ufunuo 17:5, HNWW.

Wakati wa Kutoroka Dini Bandia

10. Ni mwisho gani unaotabiriwa kwa ajili ya kahaba huyo wa kidini?

¹⁰ Biblia yatabiri ni nini kitakachopata hatimaye kahaba huyo mwenye kulizunguka tufe lote? Katika lugha ya kitamathali, kitabu cha Ufunuo chaeleza uharibifu wake mikononi mwa sehemu za kisiasa. Hizo zafananishwa na “pembe kumi” zinazotegemeza Umoja wa Mataifa, “mnyama mwekundu sana” ambaye ni mfano wa mfumo wa kisiasa wa Shetani wenye madoa ya damu.—Ufunuo 16:2; 17:3-16.b

11. (a) Ni kwa nini dini bandia yalaaniwa na Mungu? (b) Ni nini kitakachopata Babuloni Mkuu?

¹¹ Uharibifu huu wa milki ya ulimwengu ya Shetani ya dini bandia utakuwa ni tokeo la hukumu kali ya Mungu kwa dini hizo. Zitakuwa zimepatikana na hatia ya uasherati wa kiroho kwa sababu ya ushirikiano na mahawara (wapenzi) wazo wa kisiasa wenye kuonea na kwa kuziunga mkono. Dini bandia imetia madoa marinda yayo kwa damu isiyo na hatia kwa kuwa imeambatana kizalendo na jamii yenye kutawala ya masharifu wa kila taifa katika vita vyalo. Kwa hiyo, Yehova atia mioyoni mwa sehemu za kisiasa zifanye mapenzi yake dhidi ya Babuloni Mkuu na kumfanya ukiwa.—Ufunuo 17:16-18.

12. (a) Ni nini unayopaswa kufanya sasa ili uhifadhiwe wakati Babuloni iharibiwapo? (b) Ni mafundisho gani yanayotofautisha dini ya kweli?

¹² Wakati ujao wa namna hiyo ukiwa unaelekea dini za ulimwengu, wewe wapaswa kufanya nini? Jibu lapatikana katika yale ambayo Yohana alisikia sauti kutoka mbinguni ikisema: “Tokeni kwake, enyi watu wangu, msishiriki dhambi zake, wala msipokee mapigo yake. Kwa maana dhambi zake zimefika hata mbinguni, na Mungu amekumbuka maovu yake.” Kwa hiyo, sasa ndio wakati wa kutii onyo la malaika huyo la kutoka kwenye milki ya Shetani ya dini bandia na kujiunga katika ibada ya kweli ya Yehova. (Ona kisanduku, ukurasa 377.)—Ufunuo 17:17; 18:4, 5; linganisha Yeremia 2:34; 51:12, 13.

Har–Magedoni Ni Karibu

13. Ni matukio gani ambayo ni lazima yatatukia hivi karibuni?

¹³ Ufunuo wasema kwamba “mapigo yake yatakuja katika siku moja, mauti, na huzuni, na njaa, naye atateketezwa kabisa kwa moto.” Kwa vionyesho vyote vya Biblia vya kiunabii, hiyo “siku moja,” au wakati mfupi wa kuuawa kwa kasi, umekaribia sasa. Kwa kweli, kuharibiwa kwa Babuloni Mkuu kutaleta kipindi cha “dhiki kubwa” ambayo itafikia upeo katika “vita ya siku ile kuu ya Mungu Mwenyezi . . . Har–Magedoni.” Vita hiyo, au pigano, la Har–Magedoni itaongoza kwenye kushindwa kwa mfumo wa kisiasa wa Shetani na kufungiwa kwake ndani ya abiso. Ulimwengu mpya wenye uadilifu utapambazuka!—Ufunuo 16:14-16; 18:7, 8; 21:1-4; Mathayo 24:20-22.

14, 15. Ni unabii gani wa Biblia ambao yaelekea wakaribia utimizo?

¹⁴ Tayari, unabii mwingine wenye kutokeza wa Biblia wakaribia kutimizwa mbele ya macho yetu. Mtume Paulo alitabiri na kuonya hivi: “Sasa kwa habari ya nyakati na majira, ndugu, nyinyi hamhitaji chochote kiandikwe kwa nyinyi. Kwa maana nyinyi wenyewe mwajua sana kwamba siku ya Yehova inakuja sawasawa na mwizi usiku. Wakati wowote inapokuwa kwamba wanasema: ‘Amani na Usalama!’ hapo ndipo uharibifu wa ghafula utakuwa juu yao papo hapo kama maumivu makali ya ghafula ya taabu juu ya mwanamke mwenye mimba; nao hawatakaokoka kwa njia yoyote.”—1 Watheslaonike 5:1-3, NW.

¹⁵ Yaonekana kwamba mataifa yaliyokuwa hapo awali yenye kutaka vita na yenye kutiliana shaka sasa yanaelekea kwa tahadhari kwenye hali ambayo yataweza kujulisha rasmi amani na usalama wa ulimwengu. Kwa hiyo, kutoka upande mwingine bado, twajua kwamba siku ya hukumu ya Yehova juu ya dini bandia, mataifa, na mtawala wao, Shetani, ni karibu.—Sefania 2:3; 3:8, 9; Ufunuo 20:1-3.

16. Ni kwa nini shauri la Yohana lafaa sana leo?

¹⁶ Mamilioni leo wanaishi maisha zao kama kwamba thamani za kimwili tu ndizo zenye kudumu na zenye kustahili. Hata hivyo, ambayo ulimwengu huu uliopotoka watoa hayadumu na yanapita. Ndiyo sababu shauri la Yohana lafaa sana: “Msiwe mkipenda wala ulimwengu wala vitu katika ulimwengu. Ikiwa mtu yeyote anapenda ulimwengu, upendo wa Baba haumo katika yeye; kwa sababu kila kitu katika ulimwengu—tamaa ya mwili na tamaa ya macho na wonyesho mshaufu wa mali za maisha za mtu—hakitokani na Baba, lakini hutokana na ulimwengu. Zaidi, ulimwengu unapitilia mbali na ndivyo na tamaa yao, lakini yeye ambaye hufanya mapenzi ya Mungu hubaki milele.” Je! wewe hungependelea kubaki milele?—1 Yohana 2:15-17, NW.

Ulimwengu Mpya Ulioahidiwa

17. Wakati ujao una nini kwa wale wanaotafuta Mungu wa kweli?

¹⁷ Kwa kuwa Mungu atahukumu ulimwengu kupitia Kristo Yesu, ni nini kitakachofuata? Zamani za kale, katika Maandiko ya Kiebrania, Mungu alitoa unabii kwamba angetimiza kusudi lake la awali kuelekea ainabinadamu juu ya dunia, yaani, kufanya familia ya kibinadamu yenye utii ionee shangwe uhai mkamilifu kwenye dunia paradiso. Jaribio la Shetani la kupindua kusudi hilo halijatangua ahadi ya Mungu. Kwa hiyo, Mfalme Daudi angeweza kuandika hivi: “Maana watenda mabaya wataharibiwa, bali wamngojao BWANA [Yehova, NW] ndio watakaoirithi nchi. Maana bado kitambo kidogo asiye haki hatakuwapo . . . Wenye haki watairithi nchi, nao watakaa humo milele.”—Zaburi 37:9-11, 29; Yohana 5:21-30.

18-20. Ni mabadiliko gani yatakayotukia kwenye dunia hii?

¹⁸ Baada ya hapo dunia itakuwa katika hali gani? Iliyochafuliwa kabisa kabisa? Iliyoteketezwa teketeke? Iliyofyekwa misitu? Hata kidogo! Hapo awali Yehova alikuwa na madhumuni kwamba dunia iwe safi, iliyosawazika, bustani ya paradiso. Uwezekano wa hilo upo ijapokuwa kutumiwa vibaya kwa dunia na binadamu. Lakini Yehova ameahidi kwamba yeye ‘atawaharibu hao waiharibuo dunia.’ Hali inayokaribia uharibifu wa tufe lote imekuwapo katika karne hii ya 20 tu. Basi, hiyo ni sababu zaidi ya kuamini kwamba karibuni Yehova atachukua hatua alinde mali yake, uumbaji wake.—Ufunuo 11:18; Mwanzo 1:27, 28.

¹⁹ Badiliko hilo litatukia hivi karibuni chini ya mpango wa Mungu wa “mbingu mpya na dunia mpya.” Haitamaanisha anga jipya na sayari mpya bali, badala yake, utawala mpya wa kiroho juu ya dunia iliyofanywa upya yenye kukaliwa na jamii ya ainabinadamu iliyotengenezwa upya. Katika ulimwengu mpya huo, hakutakuwako nafasi ya kutumia wanadamu wenzi wala wanyama kwa kujifaidi binafsi. Hakutakuwako jeuri au umwagaji damu. Hakutakuwako ukosefu wa makao, wala kufa njaa, wala kuonewa.—Ufunuo 21:1; 2 Petro 3:13, NW.

²⁰ Neno la Mungu latoa taarifa hii: “Nao watajenga nyumba, na kukaa ndani yake; watapanda mizabibu, na kula matunda yake. Hawatajenga, akakaa mtu mwingine ndani yake; hawatapanda, akala mtu mwingine; maana kama siku za mti ndivyo zitakavyokuwa siku za watu wangu, na wateule wangu wataifurahia kazi ya mikono yao muda wa siku nyingi. . . . Mbwa-mwitu na mwana-kondoo watalisha pamoja, na simba atakula majani kama ng’ombe; na mavumbi yatakuwa chakula cha nyoka. Hawatadhuru wala kuharibu katika mlima wangu mtakatifu wote, asema BWANA [Yehova, NW].”—Isaya 65:17-25.

Msingi wa Ulimwengu Mpya

21. Ni kwa nini ulimwengu mpya ni uhakika?

²¹ ‘Yote hayo yatawezekanaje?’ huenda ukauliza. Kwa sababu “Mungu asiyeweza kusema uongo [aliahidi] tangu milele” kwamba ainabinadamu wangerejeshwa wawe na uhai wa milele katika ukamilisho. Na msingi wa tumaini hilo ni ule ambao mtume Petro alieleza katika barua yake ya kwanza kwa Wakristo wapakwa mafuta wenzake: “Ahimidiwe Mungu, Baba wa Bwana wetu Yesu Kristo, ambaye kwa rehema zake nyingi alituzaa mara ya pili ili tupate tumaini lenye uzima kwa kufufuka kwake Yesu Kristo katika wafu; tupate na urithi usioharibika, usio na uchafu, usionyauka.”—Tito 1:1, 2; 1 Petro 1:3, 4.

22. Ni nini kilicho cha msingi kwa tumaini la ulimwengu mpya, na kwa nini?

²² Ufufuo wa Yesu Kristo ni msingi wa tumaini la ulimwengu mpya wenye uadilifu kwa sababu yeye amewekwa rasmi na Mungu atawale kutoka mbinguni juu ya dunia iliyosafishwa. Paulo pia alikazia jinsi ufufuo wa Kristo ulivyo muhimu alipoandika hivi: “Lakini sasa Kristo amefufuka katika wafu, limbuko lao waliolala. Maana kwa kuwa mauti ililetwa na mtu, kadhalika na kiyama [ufufuo, NW] ya wafu ililetwa na mtu. Kwa kuwa kama katika Adamu wote wanakufa, kadhalika na katika Kristo wote watahuishwa.”—1 Wakorintho 15:20-22.

23. (a) Ni kwa nini ufufuo wa Kristo ni wa muhimu? (b) Yesu aliyefufuliwa aliwapa wanafunzi wake amri gani?

²³ Kifo cha kidhabihu cha Kristo akiwa ukombozi unaolingana na ufufuo wake viliweka msingi kwa ajili ya tumaini la “mbingu mpya,” utawala wa Ufalme, na jamii ya kibinadamu iliyogeuzwa umbo, iliyotengenezwa upya, “dunia mpya.” Ufufuo wake pia ulichochea kuhubiri na kufundisha kulikofanywa na mitume wake waaminifu. Simulizi latuambia hivi: “Hata hivyo, wale wanafunzi kumi na mmoja wakaenda mpaka Galilaya kwenye mlima ambao Yesu [aliyefufuliwa] alikuwa amewapangia, na walipomwona wakamsujudia, lakini baadhi yao waliona shaka. Na Yesu akakaribia na kunena nao, akisema: ‘Mimi nimepewa mamlaka yote mbinguni na duniani. Kwa hiyo nendeni mkafanye wanafunzi kutoka kwa watu wa mataifa yote, kuwabatiza katika jina la Baba na la Mwana na la roho takatifu, kuwafundisha kushika mambo yote ambayo nimewaamuru nyinyi. Na, tazama! mimi nipo pamoja na nyinyi siku zote mpaka umalizio wa mfumo wa mambo.’”—Mathayo 19:28, 29, NW; 28:16-20; 1 Timotheo 2:6.

24. Ni baraka gani zaidi inayohakikishwa na ufufuo wa Yesu?

²⁴ Ufufuo wa Yesu pia wahakikisha baraka nyingine kwa ainabinadamu—kufufuliwa kwa wafu. Kuinuliwa kwa Lazaro na Yesu kutoka kwa wafu kulikuwa ni ishara ya ufufuo mkubwa zaidi utakaofanywa wakati ujao. (Ona kurasa 249-50.) Yesu alikuwa amesema: “Msione hili kuwa ajabu, kwa sababu ile saa inakuja ambayo katika hiyo wote wale walio katika makaburi ya ukumbusho watasikia sauti yake na kutoka nje, wale waliofanya mambo mema kwenye ufufuo wa uhai, wale waliozoea mambo mabaya sana kwenye ufufuo wa hukumu.”—Yohana 5:28, 29, NW; 11:39-44; Matendo 17:30, 31.

25. (a) Ni uchaguzi gani utakaopatikana kwa wote katika ulimwengu mpya? (b) Ni namna gani ya dini itakayoenea katika ulimwengu mpya?

²⁵ Ni shangwe iliyoje kuweza kukaribisha wapendwa wetu, kila kizazi yaelekea kikifanya hivyo kwa mfululizo! Humo katika ulimwengu mpya, kila mtu ndipo ataweza kuamua chini ya hali kamilifu kama yeye ataabudu Mungu wa kweli, Yehova, au kupoteza uhai akiwa mpinzani. Ndiyo, katika ulimwengu mpya, kutakuwako dini moja tu, namna moja ya ibada. Sifa yote itamwendea Muumba mwenye upendo, na kila binadamu mtiifu atarudia maneno ya mtunga Zaburi: “Ee Mungu wangu, Mfalme, nitakutukuza, nitalihimidi jina lako milele na milele. . . . BWANA [Yehova, NW] ndiye mkuu mwenye kusifiwa sana, wala ukuu wake hautambulikani.”—Zaburi 145:1-3; Ufunuo 20:7-10.

26. Ni kwa nini wewe wapaswa kuchunguza Neno la Mungu, Biblia?

²⁶ Sasa kwa kuwa umelinganisha dini kubwa-kubwa za ulimwengu, twakualika uchunguze zaidi Neno la Mungu, Biblia, ambalo ndilo msingi wa imani za Mashahidi wa Yehova. Jithibitishie kwamba Mungu wa kweli aweza kupatikana. Uwe wewe ni mufasi wa Dini ya Hindu, wa Dini ya Islamu, wa Dini ya Buddha, wa Dini ya Shinto, wa Dini ya Confucius, wa Dini ya Tao, wa Dini ya Kiyahudi, wa Dini ya Kikristo, au wa imani nyingineyo yote, sasa ndio wakati wa kuchunguza uhusiano wako na Mungu wa kweli na aliye hai. Yawezekana dini yako iliamuliwa kwa ajili yako na mahali pako pa kuzaliwa, jambo ambalo wewe hukuweza kuamua. Bila shaka, hupotezi lolote kwa kuchunguza yale ambayo Biblia yasema juu ya Mungu. Hii kwa kweli yaweza kuwa ndiyo nafasi pekee maishani ya kujua kusudi la Bwana Mwenye Enzi Kuu kwa ajili ya dunia hii na ainabinadamu juu yayo. Ndiyo, jitihada yako ya moyo mweupe ya kutafuta Mungu wa kweli yaweza kutoshelezwa kwa kujifunza Biblia pamoja na wajumbe wa Yehova, Mashahidi wake, waliokuletea kitabu hiki.

27. (a) Ni mwaliko gani anaokutolea Yesu? (b) Kwa kupatana na kichwa cha kitabu hiki, Isaya anaalika kila mtu afanye nini?

²⁷ Yesu hakusema bure: “Endeleeni kuomba, nanyi mtapewa; endeleeni kutafuta, nanyi mtapata; endeleeni kubisha, nanyi mtafunguliwa.” Wewe waweza kuwa miongoni mwa wale ambao wamempata Mungu wa kweli kama ukifuata ujumbe wa nabii Isaya: “Mtafuteni BWANA [Yehova, NW], maadamu anapatikana, mwiteni, maadamu yu karibu; mtu mbaya na aache njia yake, na mtu asiye haki aache mawazo yake; na amrudie BWANA [Yehova, NW], naye atamrehemu; na arejee kwa Mungu wetu, naye atamsamehe kabisa.”—Mathayo 7:7, NW; Isaya 55:6, 7.

28. Ni nani anayeweza kukusaidia upate Mungu wa Kweli?

²⁸ Ikiwa unatafuta Mungu wa kweli, jione huru kuwasiliana na Mashahidi wa Yehova.c Bila ya gharama yoyote wao watafurahi kukusaidia umjue kwa undani Baba na mapenzi yake maadamu kungali wakati.—Sefania 2:3.

[Maelezo ya Chini]

[Sanduku katika ukurasa wa 377]

Jinsi ya Kutambua Dini ya Kweli

1. Dini ya kweli huabudu Mungu mmoja tu wa kweli, Yehova.—Kumbukumbu la Torati 6:4, 5; Zaburi 146:5-10; Mathayo 22:37, 38.

2. Dini ya kweli hutoa mfikio kwa Mungu kupitia kwa Kristo Yesu.—Yohana 17:3, 6-8; 1 Timotheo 2:5, 6; 1 Yohana 4:15.

3. Dini ya kweli hufundisha na kuzoea upendo usio na ubinafsi.—Yohana 13:34, 35; 1 Wakorintho 13:1-8; 1 Yohana 3:10-12.

4. Dini ya kweli hubaki bila madoa ya siasa na mizozo ya kilimwengu. Inakuwa haimo wakati wa vita.—Yohana 18:36; Yakobo 1:27.

5. Dini ya kweli huacha Mungu awe wa kweli kwa kukubali Biblia kuwa Neno la Mungu.—Warumi 3:3, 4; 2 Timotheo 3:16, 17; 1 Wathesalonike 2:13.

6. Dini ya kweli hairuhusu kufanya vita wala jeuri ya kibinafsi.—Mika 4:2-4; Warumi 12:17-21; Wakolosai 3:12-14.

7. Dini ya kweli hufaulu kuunganisha watu wa kila rangi, lugha, na kabila. Haihubiri utukuzo wa taifa wala chuki, bali upendo.—Isaya 2:2-4; Wakolosai 3:10, 11; Ufunuo 7:9, 10.

8. Dini ya kweli hufundisha kutumikia Mungu, si kwa ajili ya faida ya ubinafsi wala mshahara, bali kwa sababu ya upendo. Haitukuzi wanadamu. Hutukuza Mungu.—1 Petro 5:1-4; 1 Wakorintho 9:18; Mathayo 23:5-12.

9. Dini ya kweli hutangaza Ufalme wa Mungu kuwa tumaini hakika la binadamu, wala si falsafa fulani ya kisiasa au kijamii.—Marko 13:10; Matendo 8:12; 28:23, 30, 31.

10. Dini ya kweli hufundisha ukweli kuhusu kusudi la Mungu kwa binadamu na dunia. Haifundishi uwongo wa kidini wa nafsi isiyoweza kufa na mateso ya milele katika helo. Hufundisha kwamba Mungu ni upendo.—Waamuzi 16:30; Isaya 45:12, 18; Mathayo 5:5; 1 Yohana 4:7-11; Ufunuo 20:13, 14.

[Picha]

Mashahidi wakihubiri katika Uholanzi

[Picha katika ukurasa wa 373]

Dunia ina uwezekano wa kuwa paradiso—kwa ajili ya hilo serikali ya ulimwengu ya kudumu yenye uadilifu yahitajiwa, nayo imeahidiwa na Mungu

[Picha katika ukurasa wa 374]

Kabla ya kurudi mbinguni, Yesu aliamuru wanafunzi wake wahubiri na kufundisha habari njema katika dunia yote

[Picha katika ukurasa wa 379]

Ufufuo wa wafu utaleta shangwe kwa familia ya kibinadamu duniani pote