Jumbe za Kimalaika kwa Siku Yetu

“Mungu . . . alituma malaika wake na kuutoa kwa njia ya ishara.”​—UFUNUO 1:1. NW.

 1. Kuna uelewevu gani wenye kosa juu ya jina Apokalipsi, na Ufunuo unafunua nini juu ya wakati ujao?

APOKALIPSI. Ni mara nyingi kama nini jina hilo limesikiwa katika karne hii ya 20—lakini jinsi limefahamiwa kimakosa sana! Katika maana ya Kibiblia, halirejezei utowesho wa aina ya binadamu katika maangamizi ya kinyukilia. Badala ya hivyo, neno hili la Kigiriki humaanisha “kuondoa shela.” Kwa picha za kiunabii, kitabu cha Biblia cha Apokalipsi, au Ufunuo, huondoa shela kwenye matukio ambayo hufikia upeo katika mapambazuko ya muhula wa furaha ya milele kwa ubinadamu. Hivyo, Yohana mtume wa Yesu anatanguliza Ufunuo kwa maneno haya: “Mwenye furaha ni yeye ambaye husoma kwa sauti kubwa na wale ambao husikia maneno ya unabii huu, na ambao hushika vitu vilivyoandikwa katika huo; kwa kuwa wakati uliowekwa u karibu.”​—Ufunuo 1:3, NW.

 2, 3. Kwa nini huu ni ulimwengu wenye kukosa sana furaha, naye Yehova anakusudia kufanya nini?

² Leo ulimwengu hauna furaha. Sababu ya ukosefu wao wa furaha inataarifiwa katika wimbo ambao Musa alitunga yapata miaka 3,460 iliyopita: “Wametenda mambo ya uharibifu, hawawi watoto wake [Mungu], hii ndiyo ila yao; wao ni kizazi chenye ukaidi, kilichopotoka”! (Kumbukumbu 32:5) Jinsi maneno hayo yanavyokifaa kizazi cha ki-siku-hizi, ambacho kanuni zacho zimepotoka na kwenda kombo sana! Mathalani, dibaji ya World Military and Social Expenditures 1987-88 hutaarifu waziwazi hivi: “Maisha za mataifa yote zimepotoshwa na lile shindano la kuunda silaha. United States na Soviet Union pamoja hutumia [dola] zapata bilioni 1.5 kila siku katika ulinzi wa kijeshi. Hata hivyo United States ni ya kumi na nane miongoni mwa mataifa yote katika vifo vya watoto wachanga, [Urusi ni] ya arobaini na sita. Nchi zilizo changa hutumia karibu mara nne zaidi kwa silaha kuliko kwa uangalizi wa kiafya wa watu wao. Hata hivyo mamia ya mamilioni katika nchi hizo ni wenye njaa; asilimia 20 ya watoto wao wanakufa kabla ya [kufikia mwaka wa] tano wao.”

³ Mambo mengine ya hakika huongezea mwendo huu wa uangamivu​—mvunjiko katika maadili na katika jamaa, uhalifu na hofu ambayo huenea duniani, ukosefu wa upendo na uasi-sheria wa kizazi kilichopo. Jinsi sisi tunavyoweza kuwa na furaha kwamba Yehova anakusudia “kuleta kwenye uangamivu wale wanaoangamiza dunia”! (Ufunuo 11:18, NW) Katika mfululizo wa njozi 16, kitabu cha Biblia cha Ufunuo hueleza kwa mambo mengi yenye kusisimua jinsi yeye atatimiza hilo.

“Malaika” na “Ishara”

 4. Malaika wanahusikaje katika Ufunuo, nazo njozi huonyeshaje yule malaika mwenye kutokeza zaidi sana?

⁴ Ufunuo hutoa nuru juu ya unabii wa kwanza wa Biblia, kwenye Mwanzo 3:15, kuonyesha jinsi uadui unavyomalizwa kati ya Shetani na tengenezo la Mungu la kimwanamke, na kati ya “mbegu” mbili zao. Hufunua hukumu ya Yehova juu ya maadui wake na juu ya wale wanaompenda na kuunga mkono enzi kuu yake. Ufunuo unawasilishwa kwa Yohana “kwa ishara” kupitia malaika. Malaika wengine, au wajumbe, wanashiriki katika kujulisha na kuigiza ishara hizo. Malaika aliye wa kutokeza zaidi anajulishwa kwenye Ufunuo 1:5 kuwa “Yesu Kristo, ‘Shahidi Mwaminifu,’ ‘Mzaliwa wa kwanza kutoka kwa wafu,’ na ‘Mtawala wa wafalme wa dunia.’ “Zile “ishara,” au njozi humwonyesha pia akiwa “Simba,” akiwa “Mwana-Kondoo,” akiwa “Mikaeli,” na mara kadhaa akiwa malaika mwenye uweza.​—Ufunuo 5:5, 13; 9:1, 11; 10:1; 12:7; 18:1, NW.

 5. Ni nini ambacho kimeonyeshwa katika njozi ya kwanza ya Ufunuo, nayo inatuhusuje?

⁵ Njozi ya kwanza, kwenye Ufunuo 1:10–3:22, hutoa jumbe zenye kuchochea ambazo Yesu aliyetukuzwa anawasilishia “malaika,” au waangalizi, wa makundi saba ya Esia ambayo ni picha ya kundi zima la Mashahidi wa Yehova katika tufe lote katika hii “siku ya Bwana.” Kwa hiyo jumbe hizo ni kwa ajili yetu leo! Inatupasa sisi kuwa wenye bidii-endelevu “kusikia yale inayosema roho kwa makundi,” kwa kuwa maonyo na mashauri haya ya upole ni ya kututia sisi moyo, ili kwamba tuweze kuwa waaminifu​—waliokubaliwa kwa sababu ya matendo yetu na “upendo na imani na huduma na uvumilivu” wetu.​—Ufunuo 1:10; 2:7, 10, 19, NW.

 6. Sisi tunaweza kunufaikaje kutokana na kila mmoja wa jumbe yalizopelekewa yale makundi saba ya Esia?

⁶ Kama vile kundi katika Efeso, huenda sisi tukawa tumefanya kazi ngumu kishikamanifu na kuchukia matendo ya waasi-imani wa kimafarakano, lakini ikiwa upendo wetu wenyewe umepoa kwa njia yoyote, acheni sisi tutubu turudie upendo wetu wa kwanza, pamoja na moto wao wote wa idili! Kama vile walivyofanya Wakristo matajiri kiroho wa Smurna, acheni sisi tujitahidi bila hofu kufikia ile thawabu, tukijithibitisha wenyewe kuwa “waaminifu mpaka kifo,” ikiwa inahitajiwa kabisa. Kama wale waliojaribiwa na Shetani katika Pargamamu, inatupasa sisi tutubie ibada ya sanamu, ukosefu wa adili, au ufarakano wowote wa wakati uliopita. Wathiatira waliombwa walinde dhidi ya vishawishi vinavyofanana na hivyo, hasa mavutano kama ya Yezebeli. Sisi pia lazima tuwe katika kulinda! Wowote ambao wamekuwa wafu kiroho, kama wale Wakristo katika Sardisi, lazima waamke kabla ya kuchelewa mno. Mlango uliofunguliwa wa utumishi umewekwa mbele yetu, kama ulivyokuwa mbele ya Wafiladelfia; sisi na tuwe na nguvu ya kushinda katika ile saa ya mtihani, kama wao walivyofanya! Ikiwa wowote wetu wamekuwa wenye uvuguvugu kama Walaodikia, lazima sisi tuamke kuona uchi wetu wa kiroho na kutubu. Yesu anasimama akibisha penye mlango. Sisi sote na tumkaribishe na kufurahia pamoja na yeye mlo wa kiroho wenye kuendelea katika makundi yetu 55,000 kuzunguka tufe lote!—Ufunuo 1:11; 2:7, 10, 11, 17, 29; 3:6, 13, 22, NW.

Kiti cha Ufalme cha Mungu, Hati-Kunjo Moja, na Swali Moja

 7. Ni sifa zipi zinazoimbwa katika njozi ya pili, na wewe unatendaje kwa kuitikia?

⁷ Katika njozi ya pili Yohana aona kiti cha ufalme chenye utukufu cha Yehova mbinguni. Mungu wetu mwenye adhama aonekana kati ya utukufu mwingi mno, akitumikiwa na makerubi wanne, malaika wengi sana, na Wakristo washindi waliofufuliwa. Jinsi wimbo wao wa sifa unavyochochea nafsi: “Wewe unastahiki, Yehova, hata Mungu wetu, kupokea utukufu na heshima na nguvu, kwa sababu wewe uliumba vitu vyote, na kwa sababu ya penzi lako vilikuwako navyo vikaumbwa”! Yehova ampa hati-kunjo yeye anayestahili kuifungua​—Simba wa kabila la Yuda, Mwana-Kondoo aliyechinjwa ambaye anakuwa Mwokozi wetu. Uumbaji wote wasifu Yehova na huyo Mwana-Kondoo.​—Ufunuo 4:11; 5:2-5, 11-14, NW.

 8. Sisi tunaona nini katika njozi ya tatu ya Ufunuo, nayo inahusianaje na siku yetu?

⁸ Sasa ni wakati wa njozi ya tatu! Mwana-Kondoo anaendelea kufungua mihuri saba ya hati-kunjo. Twaona nini? Kwanza, Yesu ambaye ni sasa tu ametiwa taji aondoka akipanda farasi mweupe katika mbingu, kuonyesha vita yenye uadilifu. Halafu, mpandaji wa farasi mwekundu agharikisha dunia katika vita ya ujumla. Kisha aja farasi mweusi wa njaa kali, na baada yake farasi mweupe-mweupe wa tauni, ambaye mpandaji wake anaitwa Kifo! Hadesi afuata, agugumie mamilioni ya majeruhi. Yote haya yaanza kwa “maumivu makali ya ghafula ya taabu” yaliyokumba aina ya binadamu katika 1914-18 na ambayo yanakumbukwa vizuri sana na wazee wa kizazi hicho ambao wangali hai. (Mathayo 24:3-8, NW) Wapanda-farasi hao wangali kwenye mwendo! Na kwa kufunguliwa kwa muhuri wa tano na wa sita, matukio yanasonga mbele kuelekea ‘ile siku kubwa ya hasira-kisasi ya Yehova na ya Mwana-Kondoo.’ Swali laulizwa: “Ni nani anaweza kusimama?”​—Ufunuo 6:1-17, NW.

Wale ‘Wanaoweza Kusimama’

 9. Ni jambo gani lenye kusisimua linalofunuliwa katika njozi ya nne?

⁹ Njozi ya nne yafunguka, ikionyesha ni nani wataokoka siku ya hasira-kisasi ya Mungu, na kwa nini. Malaika wazuia pepo nne za uharibifu kutoka kwa dunia ili kwamba kutiwa muhuri kwa Israeli wa kiroho​—wale 144,000​—kuweze kukamilishwa. “Baada ya vitu hivi,” ile njozi inapanuka na kuwa mandhari yenye kuvuvia woga wa staha: “Tazama! umati mkubwa, ambao hakuna binadamu aliyeweza kuhesabu, kutoka mataifa yote na makabila na vikundi vya watu na ndimi, wakisimama mbele ya kiti cha ufalme [cha Mungu] na mbele ya Mwana-Kondoo, wamevalia majoho meupe; na kulikuwa matawi ya mitende katika mikono yao. Nao hufuliza kulia kwa sauti kuu, kusema: ‘Wokovu wetu ni kwa Mungu wetu, ambaye ameketi juu ya kiti cha ufalme, na kwa Mwana-Kondoo.’” (Ufunuo 7:1-10, NW) Je! wewe unajiona katika picha hii?

10. (a) Ulinganisho wa ripoti ya Ukumbusho ya 1935 na 1987 huonyesha nini kwa habari ya utimizo wa njozi ya nne? (b) Ni swali gani linalohusu kila mmoja wetu sasa, na kwa nini?

¹⁰ Katika 1935 hadhirina ulimwenguni pote kwenye Ukumbusho wa mwadhimisho wa kifo cha Yesu ilikuwa 32,795. Kati ya hawa 27,006 walishiriki mifano wakiwa waliobaki duniani wa wale 144,000, ambao tumaini lao ni la kimbingu. Baadaye katika mwaka uo huo, utambulisho wa umati mkubwa ulitokea ghafula ukaonekana wazi. Watu hawa wasikivu, wanaotazamia uhai wa milele juu ya dunia paradiso, wanajizoeza imani pia katika damu ya Yesu iliyomwagwa; wanakuja kwa Yehova katika wakfu, wanajitiisha kwenye ubatizo, na kutumikia Mungu kwa bidii wakiwa na taraja lenye furaha la kupita katika “dhiki kubwa” wakiwa hai. Kwenye Ukumbusho wa 1987, hadhirina ilikuwa 8,965,221, kukiwa na 8,808 pekee walioshiriki. Hiyo inaonyesha kwamba mamilioni leo ama ni wa umati mkubwa au wanapendezwa katika kuwa wa hesabu hiyo. Je! wewe ‘utaweza kusimama’ ukiwa mmoja wa hawa wakati wa ‘ile siku kubwa ya hasira-kisasi ya Yehova na ya Mwana-Kondoo’? Inamaanisha wokovu wako kuchukua hatua kwa kusudi hilo.​—Ufunuo 6:15-17; 7:14-17, NW.

Kupiga Tarumbeta za Hukumu za Mungu

11. Ni hukumu gani zinazopulizwa kwa tarumbeta katika njozi ya tano, na hizo zinahusianaje na siku yetu?

¹¹ Muhuri wa saba wafunguliwa! Yatokea ghafula na kuonekana wazi njozi ya tano ya Ufunuo. Malaika saba wasimama mbele za Mungu. Wapewa tarumbeta saba, na kwa hizo wanavumisha matangazo ambayo mwangwi wayo umerudishwa na watu wa Yehova tangu 1922. Yale manne ya kwanza yatangaza hukumu juu ya “theluthi moja” ya aina ya binadamu, kwa wazi wale ambao wanaishi katika Jumuiya ya Wakristo. “Tarumbeta” hizi huonyesha kwamba sehemu ya “dunia” ya Jumuiya ya Wakristo (mfumo wa mambo wa Shetani unaoonekana kuwa wenye kudumu) na ya “bahari” (matungamo yasiyotulia ya aina ya binadamu), pamoja na ‘mito na vibubujiko vyayo vya maji’ (mafundisho ya kidini na falsafa za Jumuiya ya Wakristo) na vimulikaji vyayo vilivyotiwa giza (viongozi wa kidini, wasio na nuru ya kiroho), vyote ni shabaha za hasira-kisasi ya Mungu. “Tai” arukaye, ambaye ni picha ya malaika, anafuata akionekana katikati ya mbingu, akitangaza kwamba ile mipigo mitatu ya tarumbeta ambayo ingali inakuja itamaanisha “ole, ole, ole kwa wale wanaokaa juu ya dunia.”​—Ufunuo 8:1-13, NW.

12. Ni nani ambaye hufungua shimo la abiso, na katika nyakati za ki-siku-hizi kundi la “nzige” limechomaje viongozi wa kidini?

¹² Kwa hiyo malaika wa tano avumisha tarumbeta yake. Ona! “Nyota moja”​—Bwana Yesu​—afungua lile shimo lenye kutoa moshi la abiso, na kundi la nzige laruka na kutoka nje. Kwa kutokeza sana, hilo laonyesha Yesu akifungulia mashahidi wapakwa-mafuta wa Mungu watoke katika kutotenda katika 1919. Kwa mamlaka ya kimungu, hao wanakumba malisho ya viongozi wa kidini, wakifunua mafundisho bandia na unafiki wao kwa “miezi mitano”​—muda wa kawaida wa maisha ya nzige. Hiyo yathibitisha kwamba kizazi cha ki-siku-hizi cha nzige “hakitapitilia mbali kamwe” mpaka Yehova na Kristo watakapokuwa wamekamilisha kuhukumu yale mataifa. Tayari, kikosi cha nzige kimeachia watu maelfu ya mamilioni ya vichapo vyenye msingi wa Biblia, vikiwa na jumbe za hukumu zenye moto ambazo huchoma kama mikia ya nge. Yohana anaeleza: “Ole mmoja umepita. Tazama! Ole nyingine mbili zaja baada ya vitu hivi.”​—Ufunuo 9:1-12, NW; Mathayo 24:34, NW; 25:31-33.

13. (a) Malaika wanne wanaoachiliwa kutoka ujirani wa Mto Eufrati ni picha ya nani, na hao wana kazi gani? (b) Ni nani wale mamiriadi ya kikosi cha askari wapanda-farasi, na inakuwaje kwamba mamlaka yao imo “katika vinywa vyao na katika mikia yao”?

¹³ Tarumbeta ya sita yavumishwa, ikijulisha “ole” wa pili. Malaika wanne waachiliwa kutoka ujirani wa Mto Eufrati, kwa kufaa hiyo ikiwa ni picha ya kuachiliwa kwa mashahidi wa Mungu wapakwa-mafuta kutoka utekwa wa Kibabuloni katika 1919. Wao wametayarishwa ‘waue theluthi moja ya watu,’ kujulisha kwamba viongozi wa kidini ni wafu kulingana na kituo cha rai ya Yehova. Lakini msaada unahitajiwa ili kupanua kazi hii ya kutoa ushuhuda, na Yehova auandaa msaada huo kwa kuleta ndani umati mkubwa wa wafanya kazi wenzi. Mashahidi wapakwa-mafuta na wasaidizi hawa wanaruka mbele pamoja wakiwa kikosi cha askari wapanda-farasi wasiohesabika, “mamiriadi mawili ya mamiriadi.” Mamlaka yao imo “katika vinywa vyao” kwa kuwa wao wananena jumbe za hukumu za Yehova kwenye makao ya watu, na imo “katika mikia yao” kwa kuwa wao wanaacha nyuma yao vitabu ambavyo hutangaza hii siku yake ya kisasi inayokaribia kasi.​—Ufunuo 9:13-21, NW; Matendo 20:20, 21.

14. (a) Ni nani yule “malaika kabambe” katika njozi ya sita, naye anafanya na kusema nini? (b) Ni nini kinachoonyeshwa na ile hati-kunjo ndogo yenye ladha “tamu kama asali” lakini iliyo ‘chungu kwa tumbo’?

¹⁴ Sasa njozi ya sita yafunguka. Twaona “malaika kabambe,” kwa wazi Bwana Yesu akiwa katika daraka la pekee. Yeye ana hati-kunjo ndogo katika mkono wake. Sauti na ngurumo zasikika, kisha malaika mmoja aapa kwa Muumba wetu Mtukufu: “Kutakuwa hakuna ukawio zaidi tena; lakini katika siku za kuvumishwa kwa malaika wa saba, wakati yeye yu karibu kupuliza tarumbeta yake, siri takatifu ya Mungu . . . kweli kweli huletwa kwenye tamati.” Yohana anaambiwa atwae hiyo hati-kunjo ndogo na kuila. Katika kinywa chake ni “tamu kama asali,” kama ulivyo wenye kupendeza ujumbe wa Ufalme, pamoja na ahadi zao za “mbingu mpya na dunia mpya,” kwa ile jamii ya Yohana iliyopakwa mafuta na waandamani wenzao leo. Lakini, kwa kutofautisha, utume wa kutangaza siku ya kisasi cha Mungu “kwa habari ya vikundi vya watu na mataifa na ndimi na wafalme wengi” ni mgumu kuvumiliwa na wengine katika matumbo yao. Ingawaje, jipe moyo! Uwe imara katika imani kwamba Yehova ataandaa imara inayohitajiwa uendeleapo kutangaza siku yake ya kisasi.​—Ufunuo 10; 1-11; 21:1, 4; 1 Yohana 5:4; Isaya 40:29-31; 61:1, 2, NW.

Tarumbeta ya Saba na Ole wa Tatu

15. (a) Ni nini kinatukia ole wa tatu unapotangazwa na wakati malaika wa saba anapopuliza tarumbeta yake? (b) Ni katika njia gani kutangazwa kwa Ufalme ni ole?

¹⁵ Baada ya kutabiri jaribio la adui la “kuua” mashahidi wa Mungu katika 1918, na baada ya kueleza jinsi “roho ya uhai kutoka kwa Mungu” ilivyowahuisha kiajabu katika 1919 ili watoe ushuhuda katika tufe lote, Yohana anaandika: “Ole wa pili umepita. Tazama! Ole wa tatu waja upesi.” Kwa njia gani? Rekodi hiyo inaendelea: “Na malaika wa saba akapuliza tarumbeta yake.” Kwa hiyo ole wa tatu unaunganishwa na kupulizwa kwa tarumbeta hiyo ya mwisho. Na sikiliza! “Sauti kuu zikafanyika katika mbingu, zikisema: ‘Ufalme wa ulimwengu ulipata kuwa ufalme wa Bwana [Yehova] wetu na wa Kristo wake, na yeye atatawala akiwa mfalme milele na milele.’ “Huu ni Ufalme wa Mungu kwa njia ya Kristo Yesu, ambaye akiwa pamoja na warithi wake washirika huleta siri takatifu ya Mungu kwenye tamati, kutetea enzi ya milele ya Yehova Mungu, aliye Mweza Yote. Je! huu utangazaji wa Ufalme ni ole? Kwa waovu, ndiyo! Kwa kuwa unaonyesha jinsi Mungu ‘ataleta kwenye uangamivu wale wanaoangamiza dunia.’​—Ufunuo 11:1-19, NW.

16. Ni mambo gani ya kidrama yanayofunuliwa katika njozi ya saba?

¹⁶ Sasa njozi ya saba yatokea ghafula ionekane wazi! Ona, pale, tengenezo la kimbingu tiifu la Mungu, “mwanamke” wake. Ana mimba na yumo katika maumivu makali ya kuzaa mtoto ambaye amengojewa kwa muda mrefu. Kwa mara ya kwanza​—lakini si ya mwisho​—katika Ufunuo, drakoni mwenye rangi-moto, “nyoka wa awali kabisa, mmoja ambaye huitwa Ibilisi na Shetani, ambaye anaongoza vibaya dunia nzima yote inayokaliwa,” anaonekana, akiwa tayari kunyafua mtoto huyo anapozaliwa. Uliotabiriwa kuwa “uadui kati ya [huyo nyoka] na mwanamke” wasonga mbele kuelekea udhihirisho wa wazi! Huyo mwanamke azaa “mwana, wa kiume,” ambaye mara hiyo adakwa mbali na kupelekwa kwenye kiti cha ufalme cha Mungu.​—Ufunuo 12:1-6, 9, NW; Mwanzo 3:15; Danieli 2:44; 7:13, 14.

17. (a) Mikaeli ni nani, naye ametendaje kulingana na jina lake tangu 1914? (b) Tofautisha zile ‘ole tatu’ na ule “ole kwa dunia” wa Ufunuo 12:12.

¹⁷ Huu ni ule Ufalme ulio mtoto-mwanamume, uliosimamishwa katika mbingu katika ule mwaka wenye kufanyiza historia wa 1914. Mfalme wao, Kristo Yesu, anaitwa pia Mikaeli, jina linalomaanisha “Ni Nani Aliye Kama Mungu?” Yeye anajibu swali hilo bila kukawia kwa kupigana vita na Shetani na kuvurumisha huyo drakoni wa awali na roho wake waovu chini kwenye dunia. Tangu 1914, imekuwa ni “ole kwa dunia na kwa bahari, kwa sababu Ibilisi amekuja chini kwenu nyinyi, akiwa na kasirani kuu, akijua yeye ana kipindi kifupi cha wakati.” Kwa hiyo ole huu, unaoonyeshwa na hali yenye kusikitisha ya aina ya binadamu leo, haupasi kuvuruga akili ukifikiriwa kuwa mojapo zile ‘ole tatu’ ambazo Yehova analeta juu ya waovu kwa kuwahukumu.​—Ufunuo 12:7-12, NW.

18. (a) Ni ole gani ambao Shetani Ibilisi alijaribu kufanyiza kwa watumwa washikamanifu wa Yehova kabla na wakati wa Vita ya Ulimwengu 2? (b) Ibilisi angali ameazimia kufanya nini, na njozi zilizobaki zitafunua nini?

¹⁸ Ibilisi amejaribu kufanyiza ole pia kwa watumwa washikamanifu wa Yehova duniani. Kabla na wakati wa Vita ya Ulimwengu 2, alitokeza gharika ya mnyanyaso katika jitihada ya kugharikisha kazi ya “wale wanaobaki” wa tengenezo la Mungu la kimwanamke​—wale wa 144,000 ambao wangali wanatumikia miongoni mwa aina ya binadamu. Yehova alihakikisha kwamba dunia, mfumo wa mambo wa Shetani mwenyewe, ilimeza gharika hiyo. Hata hivyo, Shetani mwenye hasira-kisasi angali anatamani sana kupiga vita dhidi ya Mashahidi wa Yehova. (Ufunuo 12:13-17, NW) Tokeo la tamati litakuwa nini? Njozi tisa zingali zinakuja, nazo zitatuambia!—Habakuki 2:3.

MASWALI YA KUPITIWA

◻ Yehova alitumiaje malaika kwa habari ya kitabu cha Ufunuo?

◻ Jumbe za Yesu kwa yale makundi saba zapasa zituathirije?

◻ Ni nini kimetokea kutokana na kupulizwa kwa tarumbeta saba?

◻ Ni nini kinachoonyeshwa na kundi la nzige na kikosi cha askari wapanda-farasi wasiohesabika?

◻ Ni kwa nini uzaliwa wa Ufalme wa Mungu unafungamanishwa na “ole wa tatu”?

[Sanduku katika ukurasa wa 14]

SURA NA MISTARI YA KILA NJOZI

□ NJOZI YA 1 1:10–3:22

□ NJOZI YA 2 4:1–5:14

□ NJOZI YA 3 6:1-17

□ NJOZI YA 4 7:1-17

□ NJOZI YA 5 8:1–9:21

□ NJOZI YA 6 10:1–11:19

□ NJOZI YA 7 12:1-17

□ NJOZI YA 8 13:1-18

□ NJOZI YA 9 14:1-20

□ NJOZI YA 10 15:1–16:21

□ NJOZI YA 11 17:1-18

□ NJOZI YA 12 18:1–19:10

□ NJOZI YA 13 19:11-21

□ NJOZI YA 14 20:1-10

□ NJOZI YA 15 20:11–21:8

□ NJOZI YA 16 21:9–22:5

[Sanduku/Pictures katika ukurasa wa 15-18]

ZILE NJOZI 16 ZA APOKALIPSI—BAADHI YA MAMBO MAKUU

1 Yesu, akiwa katikati ya vinara saba vya taa ambavyo ni makundi, apeleka jumbe zenye upendo kupitia nyota saba, waangalizi waliopakwa mafuta

2 Mwana-Kondoo mshindi apokea hati-kunjo ya jumbe za hukumu akiwa mbele ya kiti cha ufalme cha Yehova mbinguni

3 Kristo Yesu atoka aende kushinda akipanda farasi, huku wanafarasi wengine wakisumbua aina ya binadamu, na siku ya Mungu ya hasira-kisasi yakaribia

4 Huku malaika wakizuia ile dhiki kubwa, kukusanywa kwa 144,000 na umati mkubwa kunakamilishwa

5 Malaika wapuliza jumbe za hukumu kwa tarumbeta, na Mashahidi wa Yehova wasonga mbele kama nzige katika kufunua dini bandia

6 Wakati wa kupulizwa kwa tarumbeta ya saba, “mashahidi” wa Mungu wahuishwa watangaze Ufalme unaokuja wa Yehova na Kristo wake

7 Kufuata uzaliwa wa Ufalme katika 1914, Kristo avurumisha Shetani na roho wake waovu chini kwenye dunia

8 Hayawani-mwitu wawili watokea, naye hayawani wa pili wa kisiasa avuvia uhai ndani ya mfano wa yule wa kwanza, muungano wa UM

9 Wale wa aina ya binadamu ambao ‘wanahofu Mungu na kumpa yeye utukufu’ wanavunwa kwa ajili ya uhai wa milele, wengine kwa ajili ya uharibifu

10 Kumwagwa kwa mabakuli saba ya kasirani ya Mungu huishia katika kufishwa kwa wale wote ambao husukumwa na “hewa’ iliyochafuliwa ya Shetani

11 Kahaba mkuu, dini bandia, anaangushwa aache kukalia “hayawani” wa kisiasa, ambaye ndipo amteketeza

12 Kufuata uharibifu wa Babuloni Mkuu, matayarisho yanakamilishwa ya ndoa ya Mwana-Kondoo na bibi-arusi wake, wale 144,000

13 Baada ya kifo cha kahaba mkuu, Yesu aongoza majeshi ya kimbingu katika kuharibu sehemu inayobaki ya mfumo wa kidunia wa Shetani

14 Kutiwa ndani ya abiso kwa Shetani kwafungulia njia Utawala wa Miaka Elfu wa Kristo na bibi-arusi wake, wale 144,000

15 Chini ya “mbingu mpya” za Kristo Yesu na bibi-arusi wake, jamii ya “dunia mpya” ya aina ya binadamu itashangilia baraka zisizoelezeka kutoka kwa Yehova

16 Maandalizi ya Mungu ya ponyo na uhai kwa ajili ya aina ya binadamu yatiririka kupitia Yerusalemu Jipya tukufu