SANDUKU LA KUFUNDISHIA LA 16B
Kulia kwa Uchungu na kwa Maumivu Makali, Kutiwa Alama, Kuponda—Lini na Jinsi Gani?
Maono yaliyoandikwa katika Ezekieli sura ya 9 yanatimizwa katika siku zetu. Kuelewa jinsi mambo yatakavyotokea kunaweza kutusaidia kukabiliana na mwisho wa mfumo huu tukiwa na uhakika
‘Kulia kwa uchungu na kwa maumivu makali’
LINI: Katika siku za mwisho, kabla ya dhiki kuu
JINSI GANI: Watu wanyoofu wanaonyesha kwa maneno na matendo yao kwamba wanachukizwa na uovu ulio ulimwenguni. Watu hao wanasikiliza habari njema inayohubiriwa leo, wanaendelea kuvaa utu kama wa Kristo, wanabatizwa ili kuonyesha kwamba wamejiweka wakfu kwa Yehova, na kuwaunga mkono kwa ushikamanifu ndugu za Kristo
‘Kutiwa alama’
LINI: Wakati wa dhiki kuu
JINSI GANI: Mwanamume mwenye kidau cha wino cha mwandishi anawakilisha Yesu Kristo atakapokuja akiwa Hakimu wa mataifa yote. Washiriki wa umati mkubwa watahukumiwa kuwa wenye haki, au watatiwa alama kuwa kondoo, hivyo kuonyesha kwamba wataokoka Har–Magedoni
“Kuponda”
LINI: Wakati wa Har–Magedoni
JINSI GANI: Yesu Kristo na jeshi lake la kimbingu linalotia ndani malaika na watawala wenzake 144,000, watauharibu kabisa ulimwengu huu mwovu na kuwaingiza waabudu wa kweli katika ulimwengu mpya wenye uadilifu