2 Akatengeneza Bahari*+ kwa metali yenye kuyeyushwa. Ilikuwa na umbo ya muviringo, upana wa mikono kumi (10) kutoka sehemu moja ya mudomo mupaka sehemu ingine, na urefu kuenda juu wa mikono tano (5), na iliomba kamba ya urefu wa mikono makumi tatu (30) ili kuizunguka.+ 3 Na kulikuwa mapambo ya vibuyu+ chini yake, yalikuwa yanaizunguka kabisa, vibuyu kumi (10) kwa kila mukono mumoja kuzunguka Bahari hiyo pande zote. Vibuyu hivyo vilikuwa katika mistari mbili na viliyeyushwa kama kitu kimoja pamoja nayo. 4 Ilisimama juu ya ngombe-dume kumi na mbili (12),+ watatu (3) walikuwa wanaangalia kaskazini, watatu walikuwa wanaangalia mangaribi, watatu walikuwa wanaangalia kusini, na watatu walikuwa wanaangalia mashariki; na Bahari hiyo ilikuwa juu yao, na sehemu zao zote za nyuma zilielekea katikati. 5 Na unene wake ulikuwa upana wa kiganja kimoja cha mukono;* na mudomo wake ulitengenezwa kama mudomo wa kikombe, kama ua la yungiyungi. Chombo hicho kingeweza kuingia ndani* vipimo elfu tatu (3 000) vya bati.*