Kutoka

27 “Utatengeneza mazabahu kwa kutumia mbao za muti wa mugunga;*+ itakuwa na urefu wa mikono* tano (5) na upana wa mikono tano. Mazabahu hiyo itakuwa na pande ine (4) zenye kuwa sawasawa,* na urefu wake kuenda juu utakuwa mikono tatu (3).+ 2 Utatengeneza pembe+ kwenye kona zake ine (4); pembe hizo zitakuwa sehemu ya mazabahu, na utafunika mazabahu hiyo kwa shaba.+ 3 Utatengeneza mbeketi za kuondolea majivu* ya mazabahu, na pia vipao,* mabakuli, kanya,* na vyetezo; na utatengeneza vyombo vyote vya mazabahu kwa shaba.+ 4 Utatengeneza kayungio kwa ajili ya mazabahu, chombo cha fito za shaba, na kwenye chombo hicho utatengeneza pete ine (4) za shaba kwenye kona zake ine. 5 Utaingiza chombo hicho chini ya mupaka wa mazabahu, na chombo hicho kitaingia kufikia katikati ya mazabahu. 6 Utatengeneza fito za muti wa mugunga* kwa ajili ya mazabahu na kuzifunika kwa shaba. 7 Fito hizo zitaingizwa ndani ya zile pete ili fito hizo zikuwe kwenye pande mbili za mazabahu wakati inabebwa.+ 8 Utatengeneza mazabahu hiyo kama sanduku la mbao lenye kuwa wazi. Inapaswa kutengenezwa kama vile Yeye alikuonyesha kwenye mulima.+

9 “Utatengeneza kiwanja+ cha tabenakulo. Kwa ajili ya upande wa kusini, kuelekea kusini, kiwanja hicho kitakuwa na mapazia yenye kuninginia ya kitani kizuri chenye kusukwa-sukwa; yatakuwa na urefu wa mikono mia moja (100) upande mumoja.+ 10 Kiwanja hicho kitakuwa na nguzo makumi mbili (20) na vikalio makumi mbili vya shaba. Kulabu* za nguzo hizo na vibanio* vyake vitakuwa vya feza. 11 Mapazia yenye kuninginia ya upande wa kaskazini yatakuwa pia na urefu wa mikono mia moja (100), pamoja na nguzo zake makumi mbili (20) na vikalio vyake makumi mbili vya shaba, lakini kulabu* za nguzo hizo na vibanio* vyake vitakuwa vya feza. 12 Kwenye upande wa mangaribi kutakuwa mapazia yenye kuninginia ya mikono makumi tano (50) kwa ajili ya upana wa kiwanja, na nguzo kumi (10) na vikalio kumi. 13 Upana wa kiwanja kwenye upande wa mashariki kuelekea mahali jua linatokea utakuwa wa mikono makumi tano (50). 14 Kutakuwa mapazia yenye kuninginia yenye urefu wa mikono kumi na tano (15) kwenye upande mumoja, pamoja na nguzo tatu (3) na vikalio tatu.+ 15 Na kwenye upande mwingine, kutakuwa mapazia yenye kuninginia ya mikono kumi na tano (15), pamoja na nguzo tatu (3) na vikalio tatu.

16 “Muingilio wa kiwanja utakuwa na kitambaa cha kuficha* chenye urefu wa mikono makumi mbili (20) chenye kutengenezwa kwa uzi ya rangi ya bluu, manyoya ya kondoo ya rangi ya zambarau, kitambaa cha rangi nyekundu yenye kungaa, na kitani kizuri chenye kusukwa-sukwa na kufumwa pamoja,+ na nguzo ine (4) na vikalio vyake ine.+ 17 Nguzo zote zenye kuzunguka kiwanja hicho zitakuwa na viunganishi vya feza na kulabu* za feza, lakini vikalio vya nguzo hizo vitakuwa vya shaba.+ 18 Kiwanja hicho kitakuwa na urefu wa mikono mia moja (100),+ upana wa mikono makumi tano (50), na urefu kuenda juu wa mikono tano (5), na kitatengenezwa kwa kitani kizuri chenye kusukwa-sukwa, na kitakuwa na vikalio vya shaba. 19 Vyombo na vitu vyote vyenye vitatumiwa katika utumishi wa tabenakulo, pamoja na misumari yote ya hema na misumari yote ya kiwanja, vitakuwa vya shaba.+

20 “Utaamuru Waisraeli wakuletee mafuta safi ya zeituni zenye zilipondwa kwa ajili ya mwangaza, ili taa ziendelee kuwaka kila wakati.+ 21 Katika hema ya mukutano, inje ya pazia lenye kuwa karibu na Ushuhuda,+ Haruni na wana wake watafanya mipango ili taa hizo ziendelee kuwaka kuanzia mangaribi mupaka asubui mbele ya Yehova.+ Hiyo ni sheria ya kudumu yenye Waisraeli wanapaswa kushika katika vizazi vyao vyote.+