Hesabu

16 Kisha Kora+ mwana wa Ishari,+ mwana wa Kohati,+ mwana wa Lawi,+ akaungana na Datani na Abiramu wana wa Eliabu,+ na Oni mwana wa Peleti, kutoka katikati ya wana wa Rubeni.+ 2 Wakasimama ili kumupinga Musa wao pamoja na wanaume Waisraeli mia mbili makumi tano (250), wakubwa wa mukusanyiko, wanaume wenye kuchaguliwa wa kutaniko, watu wa maana. 3 Kwa hiyo wakakusanyika ili kumupinga+ Musa na Haruni na kuwaambia: “Mumetuchokesha! Mukusanyiko wote ni mutakatifu,+ watu wote, na Yehova iko* katikati yao.+ Sababu gani, basi, munajiinua juu ya kutaniko la Yehova?”

4 Wakati Musa alisikia jambo hilo, mara moja akaanguka uso chini. 5 Kisha akamuambia Kora na watu wote wenye walimuunga mukono, “Asubui Yehova ataonyesha ni nani mwenye kuwa wake+ na ni nani mwenye kuwa mutakatifu na ni nani anapaswa kumukaribia,+ na mutu yeyote mwenye atachagua+ ni yeye atamukaribia. 6 Mufanye hivi: Mukamate vyetezo,+ Kora na wote wenye kukuunga mukono,+ 7 na kesho mutie moto ndani na kutia uvumba juu yake mbele ya Yehova, na mutu mwenye Yehova atachagua,+ ni yeye mutakatifu. Ninyi wana wa Lawi+ mumevuka mipaka!”

8 Kisha Musa akamuambia Kora: “Musikilize, tafazali, ninyi wana wa Lawi. 9 Je, munaona ni jambo la kidogo sana kwenu kwamba Mungu wa Israeli amewatenga na mukusanyiko wa Israeli+ na kuwaruhusu mumukaribie ili kufanya utumishi wa tabenakulo ya Yehova na kusimama mbele ya mukusanyiko ili kuwatumikia,+ 10 na kuwaleta karibu naye ninyi pamoja na ndugu zenu wote, wana wa Lawi? Je, ni lazima pia mujaribu kunyanganya ukuhani?+ 11 Kwa sababu hiyo, wewe na watu wote wenye kukuunga mukono wenye wanakusanyika pamoja munamupinga Yehova. Kuhusu Haruni, yeye ni nani ili mumunungunikie?”+

12 Kisha wakati fulani Musa akatuma ujumbe ili waite Datani na Abiramu+ wana wa Eliabu, lakini wakasema: “Hatutakuja! 13 Je, ni jambo la kidogo sana kwamba umetutosha katika inchi yenye kutiririka maziwa na asali ili utuue katika jangwa?+ Sasa, je, unataka pia kujifanya mutawala mwenye mamlaka yote juu yetu?* 14 Na tena, haujatuleta katika inchi yoyote yenye kutiririka maziwa na asali+ wala kutupatia uriti wa mashamba na mashamba ya mizabibu. Je, unataka kutoboa macho ya watu hawa? Sisi hatutakuja!”

15 Kwa hiyo Musa akakasirika sana na kumuambia Yehova: “Usikubali toleo lao la nafaka. Sijakamata hata punda wao mumoja, wala sijatendea mubaya hata mutu mumoja kati yao.”+

16 Kisha Musa akamuambia Kora: “Fika kesho mbele ya Yehova pamoja na watu wote wenye wanakuunga mukono, wewe na watu hao na Haruni. 17 Kila mumoja wenu anapaswa kukamata chetezo chake na kutia uvumba juu yake, na kila mumoja atapeleka chetezo chake mbele ya Yehova, vyetezo mia mbili makumi tano (250), pia wewe na Haruni, kila mumoja na chetezo chake.” 18 Kwa hiyo kila mumoja wao akakamata chetezo chake, na wakatia moto na uvumba juu ya vyetezo hivyo na kusimama kwenye muingilio wa hema ya mukutano pamoja na Musa na Haruni. 19 Wakati Kora alikuwa amekusanya watu wote wenye walimuunga mukono+ ili kumupinga Musa na Haruni kwenye muingilio wa hema ya mukutano, utukufu wa Yehova ukatokea mukusanyiko wote.+

20 Kisha Yehova akamuambia Musa na Haruni, 21 “Mujitenge na kikundi hiki, ili niwaharibu mara moja.”+ 22 Kwa hiyo, wakaanguka uso chini na kusema: “Ee Mungu, Mungu wa roho ya watu wote,*+ je, zambi ya mutu mumoja ikufanye ukasirikie mukusanyiko wote?”+

23 Kisha Yehova akamuambia Musa: 24 “Sema na mukusanyiko na uwaambie, ‘Mutoke kuzunguka pande zote za mahema ya Kora, Datani, na Abiramu!’”+

25 Kisha Musa akasimama na kuenda kwa Datani na Abiramu, na wazee+ wa Israeli wakaenda pamoja naye. 26 Akaambia mukusanyiko wote: “Tafazali, mutoke karibu na mahema ya watu hawa waovu na musiguse kitu chao chochote, ili musiharibiwe katika zambi yao yote.” 27 Mara moja wakatoka karibu na mahema ya Kora, Datani, na Abiramu, wakatoka kila upande, na Datani na Abiramu wakatoka inje, wakasimama kwenye muingilio wa mahema yao, pamoja na bibi zao, wana wao, na watoto wao wadogo.

28 Kisha Musa akasema: “Kupitia jambo hili mutajua kama Yehova amenituma nifanye mambo haya yote, kama hayatoke katika moyo wangu:* 29 Kama watu hawa wanakufa namna wanadamu wengine wote wanakufaka na kama azabu yao inakuwa sawa na ile ya wanadamu wengine wote, basi Yehova hakunituma.+ 30 Lakini kama Yehova anawatendea jambo fulani lenye haliko la kawaida na udongo ufunguke* na kuwameza na vitu vyao vyote na washuke katika Kaburi* wakiwa wazima, mutajua kwa kweli kama watu hawa wamemukosea Yehova heshima.”

31 Wakati alimaliza tu kusema maneno hayo yote, udongo wenye ulikuwa chini yao ukapasuka.+ 32 Na dunia ikafunguka* na kumeza watu hao, pamoja na watu wa nyumba zao na watu wote wa Kora+ na vitu vyao vyote. 33 Kwa hiyo watu hao pamoja na watu wao wote wakaingia katika Kaburi* wakiwa wazima, na dunia ikawafunika, basi hawakukuwa tena katikati ya kutaniko.+ 34 Waisraeli wote wenye walikuwa wamewazunguka wakakimbia wakati walisikia kilio chao, kwa maana walisema: “Tunaogopa dunia isitumeze!” 35 Kisha moto ukatoka kwa Yehova+ na kuteketeza wale wanaume mia mbili makumi tano (250) wenye walikuwa wanatoa uvumba.+

36 Sasa Yehova akamuambia Musa: 37 “Umuambie Eleazari mwana wa Haruni kuhani atoshe vyetezo+ katika moto, kwa sababu ni vitakatifu. Umuambie pia asambaze moto huo mbali kidogo. 38 Vyetezo vya wanaume wenye waliuawa kwa sababu ya zambi yao* vinapaswa kufanywa kuwa mabamba membamba ya metali ili kufunika mazabahu,+ kwa sababu walivipeleka mbele ya Yehova, na vikakuwa vitakatifu. Vinapaswa kuwa alama kwa Waisraeli.’”+ 39 Kwa hiyo Eleazari kuhani akakamata vyetezo vya shaba vyenye vililetwa na wale wenye walikuwa wameteketezwa kwa moto, na akavipiga-piga ili vifunike mazabahu, 40 kama vile Yehova alikuwa amemuambia kupitia Musa. Hilo lilikumbusha Waisraeli kwamba mutu yeyote mwenye haruhusiwe* mwenye haiko muzao wa Haruni hapaswe kukaribia ili kuchoma uvumba mbele ya Yehova+ na kwamba mutu yeyote hapaswe kuwa kama Kora na wale wenye walimuunga mukono.+

41 Siku yenye ilifuata, mukusanyiko wote wa Waisraeli ukaanza kunungunikia Musa na Haruni,+ na kusema: “Ninyi wawili mumeua watu wa Yehova.” 42 Wakati mukusanyiko ulikuwa umekusanyika ili kupinga Musa na Haruni, basi waligeuka kuelekea hema ya mukutano, na angalia! wingu lilifunika hema hiyo, na utukufu wa Yehova ukaanza kuonekana.+

43 Musa na Haruni wakaenda mbele ya hema ya mukutano,+ 44 na Yehova akamuambia Musa: 45 “Ninyi wanaume, mujitenge na mukusanyiko huu, kusudi niwaharibu mara moja.”+ Kwa hiyo wakaanguka uso chini.+ 46 Kisha Musa akamuambia Haruni, “Kamata chetezo na utie moto ndani yake kutoka katika mazabahu+ na utie uvumba juu yake na uende haraka kwenye mukusanyiko na ufunike zambi kwa ajili yao,+ kwa sababu kasirani imetoka kwa Yehova. Pigo limeanza!” 47 Mara moja Haruni akakamata chetezo, kama vile Musa alikuwa amemuambia, na akakimbia katikati ya kutaniko, na angalia! pigo lilikuwa limeanza kati ya watu. Kwa hiyo akatia uvumba juu ya chetezo na kuanza kufunika zambi kwa ajili ya watu. 48 Akaendelea kusimama katikati ya wafu na wazima, na mwishowe pigo hilo likaisha. 49 Watu wenye walikufa kutokana na pigo hilo walikuwa elfu kumi na ine na mia saba (14 700), zaidi ya wale wenye walikufa kwa sababu ya Kora. 50 Mwishowe wakati Haruni alirudia kwa Musa kwenye muingilio wa hema ya mukutano, pigo hilo lilikuwa limesimamishwa.