Kutoka

25 Kisha Yehova akamuambia Musa: 2 “Ambia watu wa Israeli wanifanyie muchango; munapaswa kukusanya muchango wangu kutoka kwa kila mutu mwenye moyo wake unamuchochea.+ 3 Huu ndio muchango wenye utapokea kutoka kwao: zahabu,+ feza,+ shaba,+ 4 uzi ya rangi ya bluu, manyoya ya kondoo ya rangi ya zambarau,* kitambaa cha rangi nyekundu yenye kungaa,* kitani kizuri, manyoya ya mbuzi, 5 ngozi za kondoo-dume zenye kutiwa rangi nyekundu, ngozi za sili,* mbao za muti wa mugunga,*+ 6 mafuta kwa ajili ya taa,+ zeri kwa ajili ya mafuta ya kutia mafuta+ na uvumba wenye marashi,+ 7 na majiwe ya shohamu na majiwe mengine ya kuweka kwenye efodi+ na kifuko cha kifua.+ 8 Watanifanyia patakatifu, na mimi nitakaa kati yao.+ 9 Mutaifanya, tabenakulo na vyombo vyake vyote, kwa kufuata kabisa na mufano wenye ninakuonyesha.+

10 “Watafanya sanduku la mbao za muti wa mugunga* lenye urefu wa mikono mbili na nusu* na upana wa mukono mumoja na nusu na urefu kuenda juu wa mukono mumoja na nusu.+ 11 Kisha utafunika sanduku hilo kwa zahabu safi.+ Utalifunika ndani na inje, na utatengeneza ukingo wa zahabu kulizunguka pande zote.+ 12 Na utalitengenezea pete ine (4) za zahabu na kuzifunga juu ya miguu yake ine, pete mbili upande mumoja na pete mbili upande wa pili. 13 Na utatengeneza fito za muti wa mugunga* na kuzifunika zahabu.+ 14 Utapitisha fito hizo ndani ya zile pete zenye kuwa kwenye pande za Sanduku ili kubeba Sanduku hilo. 15 Fito hizo za miti zitabakia ndani ya pete za Sanduku; hazipaswe kuondolewa kwenye Sanduku.+ 16 Utaweka ndani ya Sanduku hilo Ushuhuda wenye nitakupatia.+

17 “Utatengeneza kifuniko cha zahabu safi chenye urefu wa mikono mbili na nusu na upana wa mukono mumoja na nusu.+ 18 Utatengeneza makerubi wawili wa zahabu; utawatengeneza kwa kutumia nyundo* juu ya miisho mbili ya kifuniko hicho.+ 19 Tengeneza makerubi juu ya miisho mbili, kerubi mumoja kwenye kila mwisho wa kifuniko. 20 Makerubi hao watanyoosha mabawa yao mbili kuelekea juu, na kufunika kifuniko kwa kivuli cha mabawa yao,+ na wataangaliana. Nyuso za makerubi hao zitakuwa zenye kuangalia kifuniko. 21 Utaweka kifuniko hicho+ juu ya Sanduku, na ndani ya Sanduku utaweka Ushuhuda wenye nitakupatia. 22 Nitakutokea pale na nitazungumuza na wewe kutoka juu ya kifuniko hicho.+ Kutoka katikati ya hao makerubi wawili wenye kuwa juu ya sanduku la Ushuhuda, nitakujulisha amri zote zenye nitapatia Waisraeli.

23 “Pia utatengeneza meza+ ya mbao za muti wa mugunga* yenye urefu wa mikono mbili na upana wa mukono mumoja na urefu kuenda juu wa mukono mumoja na nusu.+ 24 Utaifunika kwa zahabu safi na utatengeneza ukingo wa zahabu kuizunguka. 25 Utatengeneza mupaka wenye kuinuka wenye upana wa kiganja kimoja* cha mukono kuizunguka na ukingo wa zahabu kuzunguka mupaka huo. 26 Utaitengenezea pete ine (4) za zahabu na kuzitia kwenye pembe ine, mahali kila muguu wa miguu hiyo ine ulikuwa umeunganishwa. 27 Pete hizo zitakuwa karibu na mupaka huo wenye kuinuka ili fito za kubebea meza hiyo zipitishwe ndani ya pete hizo. 28 Utatengeneza fito za muti wa mugunga* na kuzifunika kwa zahabu na watu watazitumia ili kubebea meza hiyo.

29 “Pia utatengeneza sahani zake, vikombe vyake, na mitungi yake na mabakuli yenye watatumia ili kumwanga matoleo ya kinywaji. Utatengeneza vyombo hivyo kwa zahabu safi.+ 30 Na utatia mikate ya wonyesho juu ya meza hiyo ili ikuwe mbele yangu kila wakati.+

31 “Utatengeneza kinara cha taa+ kwa zahabu safi. Kinara hicho cha taa kitatengenezwa kwa kutumia nyundo.* Sehemu yake ya chini, shina lake, matawi yake, vikombe vyake, mafundo yake, na maua yake yatakuwa kitu kimoja.+ 32 Na matawi sita (6) yatatoka kwenye pande zote za kinara hicho na kupanda juu, matawi tatu (3) yatatoka upande mumoja na matawi tatu yatatoka upande mwingine. 33 Vikombe tatu (3) vyenye umbo ya maua ya muti wa lozi vitakuwa kwenye kila moja la matawi, pamoja na mafundo na maua yenye kufuatana, na vikombe tatu vyenye umbo ya maua ya muti wa lozi kwenye matawi mengine, pamoja na mafundo na maua yenye kufuatana. Ni vile matawi hayo sita (6) yatatoka katika shina la kinara hicho na kupanda juu. 34 Kwenye shina la kinara hicho cha taa kuko vikombe ine (4) vyenye umbo ya maua ya muti wa lozi, pamoja na mafundo yake na maua yake yenye kufuatana. 35 Kutakuwa fundo moja chini ya matawi mbili ya kwanza yenye kutoka kwenye shina na kupanda juu na kutakuwa fundo moja chini ya matawi mbili yenye kufuata na fundo moja chini ya matawi mbili yenye kufuata, kwa ajili ya matawi sita (6) yenye kutoka kwenye shina na kupanda juu. 36 Mafundo na matawi na kinara chote cha taa vinapaswa kuwa kitu kimoja cha zahabu safi, chenye kilitengenezwa kwa kutumia nyundo.*+ 37 Utatengeneza taa saba (7) kwa ajili ya kinara hicho, na wakati taa hizo zinawashwa zitaangazia nafasi yenye kuwa mbele ya kinara hicho.+ 38 Vifaa vyake vya kushikia tambi* na vyetezo vyake vitatengenezwa kwa zahabu safi.+ 39 Kinara hicho pamoja na vyombo vyake vyote vitatengenezwa kwa talanta moja* ya zahabu safi. 40 Uhakikishe kwamba unatengeneza vitu hivyo kulingana na mufano wavyo wenye ulionyeshwa kwenye mulima.+