Waamuzi

16 Siku moja Samsoni alienda Gaza, akaona kule kahaba mumoja, na akaingia katika nyumba yake. 2 Watu wa Gaza wakaambiwa: “Samsoni amekuja hapa.” Basi wakazunguka mahali pale na wakamuvizia usiku wote katika mulango mukubwa wa muji. Wakakaa kimya usiku wote, wakijiambia: “Wakati mwangaza wa asubui utatokea, tutamuua.”

3 Lakini Samsoni akaendelea kulala mupaka katikati ya usiku. Kisha akaamuka katikati ya usiku na kushika milango ya mulango mukubwa wa muji na miimo yake mbili na kuingoa pamoja na pingo.* Akavitia kwenye mabega yake na kuvibeba mupaka kwenye kichwa cha mulima wenye kuangaliana na Hebroni.

4 Kisha akapenda mwanamuke fulani katika Bonde* la Soreki, mwenye aliitwa Delila.+ 5 Basi mabwana wa Wafilisti wakaenda kwa mwanamuke huyo na kumuambia: “Umushawishi+ ili ujue ni nini inafanya akuwe na nguvu nyingi kama hizo na namna tunaweza kumushinda na kumufunga na kumunyenyekeza. Na kila mumoja wetu atakupatia vipande elfu moja na mia moja (1 100) vya feza.”

6 Kisha wakati fulani Delila akamuambia Samsoni: “Tafazali uniambie nguvu zako nyingi zinatokana na nini na ni nini inaweza kutumiwa ili kukufunga na kukunyenyekeza.” 7 Samsoni akamuambia: “Kama wananifunga kwa kamba saba (7) za mubichi za upinde,* nitakuwa muzaifu kama mwanadamu wa kawaida.” 8 Basi mabwana wa Wafilisti wakamuletea mwanamuke huyo kamba saba (7) za mubichi za upinde zenye zilikuwa hazijakaushwa, na akamufunga nazo. 9 Sasa wakaweka watu wa kuvizia katika chumba cha ndani, basi Delila akamuambia kwa sauti kubwa: “Samsoni, Wafilisti wamekuja kukushambulia!” Halafu akakata kamba hizo kwa wepesi kama vile uzi ya kitani* inakatika wakati inaguswa na moto.+ Na siri ya nguvu zake haikujulikana.

10 Kisha Delila akamuambia Samsoni: “Angalia! Umenichezea na kunidanganya. Sasa uniambie tafazali, unaweza kufungwa na nini.” 11 Kwa hiyo akamuambia: “Kama wananifunga kwa kamba mupya zenye hazijatumiwa kufanya kazi, nitakuwa muzaifu kama mwanadamu wa kawaida.” 12 Kwa hiyo Delila akakamata kamba mupya akamufunga nazo na akasema kwa sauti kubwa: “Samsoni, Wafilisti wamekuja kukushambulia!” (Wakati huo wote watu wa kumuvizia walikuwa wamewekwa katika chumba cha ndani.) Kisha akakata kamba hizo kutoka kwenye mikono yake kama nyuzi.+

13 Kisha Delila akamuambia Samsoni: “Mupaka sasa umenichezea na kunidanganya.+ Uniambie unaweza kufungwa na nini.” Basi akamuambia: “Kama unasuka pamoja misuko saba (7) ya nywele zangu kwa uzi ya murefu yenye kutoka juu kuenda chini.”* 14 Basi akakaza misuko hiyo kwa kipande cha muti na kusema kwa sauti kubwa: “Samsoni, Wafilisti wamekuja kukushambulia!” Basi akaamuka katika usingizi wake na kungoa kile kipande cha muti cha kifaa cha kusukia nguo na ile uzi ya murefu yenye kutoka juu kuenda chini.*

15 Sasa Delila akamuambia: “Namna gani unaweza kusema ‘Ninakupenda,’+ wakati moyo wako hauko pamoja na mimi? Hii ni mara ya tatu (3) unanichezea na haujaniambia nguvu zako nyingi zinatokana na nini.”+ 16 Kwa sababu siku kwa siku Delila aliendelea kumusumbua na kumukaza, alichoka* mupaka akatamani kufa.+ 17 Basi mwishowe akamufunulia moyo wake na kumuambia: “Wembe haujagusa kichwa changu hata siku moja, kwa sababu niko Munaziri wa Mungu tangu kuzaliwa.*+ Nikinyolewa, nguvu zangu zitanitoka na nitakuwa muzaifu na kuwa kama wanadamu wengine wote.”

18 Wakati Delila aliona kwamba Samsoni amemufunulia moyo wake, mara moja akaita mabwana wa Wafilisti,+ na kusema: “Mupande mara hii, kwa maana amenifunulia moyo wake.” Na mabwana wa Wafilisti wakakuja kwa Delila, wakaleta zile feza. 19 Basi akamulalisha Samsoni kwenye magoti yake; halafu akaita mutu ili amunyoe ile misuko saba (7) ya kichwa chake. Kisha Delila akaanza kumutawala, kwa maana nguvu zake zilikuwa zinamutoka. 20 Kisha Delila akasema kwa sauti kubwa: “Samsoni, Wafilisti wamekuja kukushambulia!” Akaamuka katika usingizi wake na kusema: “Nitatoka inje kama zile nyakati zingine+ na kuponyoka.” Lakini hakujua kwamba Yehova alikuwa amemuacha. 21 Basi Wafilisti wakamukamata na kungoa macho yake. Kisha wakamushusha mupaka Gaza na kumufunga kwa pingu mbili za shaba, na akakuwa mutu wa kusaga nafaka katika gereza. 22 Lakini nywele za kichwa chake zikaanza kuota tena kisha yeye kunyolewa.+

23 Mabwana wa Wafilisti wakakusanyika pamoja ili kutoa zabihu kubwa kwa mungu wao Dagoni+ na kushangilia, kwa maana walikuwa wanasema: “Mungu wetu ametia adui yetu Samsoni katika mukono wetu!” 24 Wakati watu walimuona, wakamusifu mungu wao na kusema: “Mungu wetu ametia adui yetu katika mukono wetu, ule mwenye aliharibu inchi yetu+ na kuua watu wetu wengi.”+

25 Kwa sababu mioyo yao ilichangamuka, wakasema: “Mumuite Samsoni ili atufurahishe.” Basi wakamuita Samsoni kutoka katika gereza ili awafurahishe; wakamusimamisha katikati ya nguzo. 26 Kisha Samsoni akamuambia kijana mudogo mwenye alikuwa anamushika mukono: “Uniache niguse nguzo zenye kutegemeza nyumba hii, ili niziegemee.” 27 (Lakini nyumba hiyo ilikuwa imejaa wanaume na wanamuke. Na mabwana wote wa Wafilisti walikuwa pale, na kwenye dari kulikuwa watu karibu elfu tatu [3 000], wanaume na wanamuke, wenye walikuwa wanamuangalia Samsoni wakati alikuwa anawafurahisha.)

28 Sasa Samsoni+ akamuita Yehova akisema: “Bwana Mwenye Mamlaka Makubwa Zaidi Yehova, unikumbuke, tafazali, na kunitia nguvu,+ tafazali, mara hii moja tu, Ee Mungu, na uache nilipize kisasi juu ya Wafilisti kwa ajili ya moja ya macho yangu mbili.”+

29 Samsoni akashika nguzo mbili za katikati zenye zilitegemeza nyumba hiyo, na akaegemea moja kwa mukono wa kuume na ile ingine kwa mukono wa kushoto. 30 Samsoni akasema kwa sauti kubwa: “Acha nikufe* pamoja na Wafilisti!” Kisha akasukuma nguzo hizo kwa nguvu zake zote, na nyumba hiyo ikaangukia mabwana na watu wote wenye walikuwa ndani.+ Kwa hiyo watu wenye aliua wakati wa kifo chake wakakuwa wengi kuliko wenye alikuwa ameua wakati wa maisha yake.+

31 Kisha wakati fulani ndugu zake na watu wote wa familia ya baba yake wakashuka kumukamata. Wakamupandisha na kumuzika kati ya Sora+ na Eshtaoli katika kaburi la Manoa+ baba yake. Na Samsoni alikuwa amehukumu Israeli kwa miaka makumi mbili (20).+