Cha Pili cha Wafalme

18 Katika mwaka wa tatu (3) wa Hoshea+ mwana wa Ela mufalme wa Israeli, Hezekia+ mwana wa Mufalme Ahazi+ wa Yuda akakuwa mufalme. 2 Alikuwa na miaka makumi mbili na tano (25) wakati alikuwa mufalme, na alitawala kwa miaka makumi mbili na kenda (29) katika Yerusalemu. Jina la mama yake lilikuwa Abi* binti ya Zekaria.+ 3 Aliendelea kufanya mambo yenye yalikuwa sawa mbele ya macho ya Yehova,+ kama vile Daudi babu yake alikuwa amefanya.+ 4 Yeye ndiye aliondoa mahali pa juu,+ akavunja-vunja nguzo takatifu, na akakata ule muti mutakatifu.*+ Aliponda pia ule nyoka wa shaba mwenye Musa alikuwa ametengeneza;+ kwa maana mupaka wakati huo watu wa Israeli walikuwa wanachoma zabihu ili zitoe moshi kwa ajili yake na alikuwa anaitwa sanamu ya nyoka wa shaba.* 5 Alimutegemea Yehova+ Mungu wa Israeli; hakuna mufalme yeyote mwenye alikuwa kama yeye kati ya wafalme wote wa Yuda wenye walikuwa kisha yeye ao kati ya wale wenye walimutangulia. 6 Alishikamana kabisa na Yehova.+ Hakugeuka na kuacha kumufuata; aliendelea kushika amri zenye Yehova alikuwa amemupatia Musa. 7 Na Yehova alikuwa pamoja naye. Kila mahali kwenye alienda, alitenda kwa hekima. Alimuasi mufalme wa Ashuru na alikataa kumutumikia.+ 8 Alishinda pia Wafilisti+ mupaka Gaza na maeneo yake, kuanzia munara wa mulinzi mupaka kwenye muji wenye ngome.*

9 Katika mwaka wa ine (4) wa Mufalme Hezekia, ni kusema, mwaka wa saba (7) wa Hoshea+ mwana wa Ela mufalme wa Israeli, Mufalme Shalmanesa wa Ashuru alipanda na kuja ili kushambulia Samaria na akaanza kuizunguka kwa ajili ya vita.+ 10 Wakaikamata+ kwenye mwisho wa miaka tatu (3); katika mwaka wa sita (6) wa Hezekia, wenye ulikuwa mwaka wa kenda (9) wa Mufalme Hoshea wa Israeli, Samaria ilikamatwa. 11 Kisha mufalme wa Ashuru akakamata Israeli na kuwapeleka katika uhamisho+ kule Ashuru na akawakalisha katika Hala na Habori kwenye muto Gozani na katika miji ya Wamedi.+ 12 Ilikuwa vile kwa sababu hawakusikiliza sauti ya Yehova Mungu wao lakini waliendelea kuvunja agano lake, mambo yote yenye Musa mutumishi wa Yehova alikuwa ameamuru.+ Hawakusikiliza na hawakutii.

13 Katika mwaka wa kumi na ine (14) wa Mufalme Hezekia, Senakeribu mufalme wa Ashuru+ alipanda ili kushambulia miji yote yenye ngome ya Yuda na kuikamata.+ 14 Basi Mufalme Hezekia wa Yuda akatuma ujumbe huu kwa mufalme wa Ashuru kule Lakishi: “Nimekosea. Ondoka, usinishambulie, na nitatoa kila kitu chenye utaniomba.” Mufalme wa Ashuru akaomba Mufalme Hezekia wa Yuda alipe amande* ya talanta* mia tatu (300) za feza na talanta makumi tatu (30) za zahabu. 15 Basi Hezekia akatoa feza yote yenye ilikuwa katika nyumba ya Yehova na katika hazina za nyumba ya mufalme.+ 16 Wakati huo Hezekia alitosha* milango ya hekalu+ la Yehova na miimo yenye Mufalme Hezekia wa Yuda yeye mwenyewe alikuwa amefunika,*+ na akavipatia mufalme wa Ashuru.

17 Kisha mufalme wa Ashuru akatuma Tartani,* Rabsarisi,* na Rabshake* pamoja na jeshi kubwa kutoka Lakishi+ kuenda kwa Mufalme Hezekia kule Yerusalemu.+ Wakapanda kuenda Yerusalemu na wakasimama karibu na mufereji wa kiziwa cha maji cha juu, chenye kuwa kwenye njia kubwa ya kiwanja cha musafishaji wa nguo.+ 18 Wakati walimuita mufalme atoke inje, Eliakimu+ mwana wa Hilkia, mwenye alikuwa musimamizi wa nyumba,* Shebna+ mwandishi, na Yoa mwana wa Asafu karani wakakuja inje ili kukutana nao.

19 Basi Rabshake akawaambia: “Tafazali, mumuambie Hezekia, ‘Mufalme mukubwa, mufalme wa Ashuru, anasema: “Musingi wa tumaini lako ni nini?+ 20 Unasema, ‘Niko na ufundi na nguvu za kupigana vita,’ lakini hayo ni maneno yenye hayana maana. Unamutegemea nani, na hivyo unapima kuniasi mimi?+ 21 Angalia! Unategemea musaada wa utete huu wenye kupondekana, Misri,+ wenye kama mutu anauegemea utaingia katika mukono wake na kuutoboa. Ni vile Farao mufalme wa Misri iko* kwa wale wote wenye wanamutegemea. 22 Na kama unaniambia, ‘Tunamutegemea Yehova Mungu wetu,’+ je, haiko yeye ndiye mwenye Hezekia ameondoa mahali pake pa juu na mazabahu zake,+ na wakati huohuo anaambia Yuda na Yerusalemu, ‘Munapaswa kuinama mbele ya mazabahu hii katika Yerusalemu’?”’+ 23 Basi sasa, tafazali, fanya mapatano haya ya kupinga pamoja na bwana wangu mufalme wa Ashuru: Nitakupatia farasi elfu mbili (2 000) na tutaona kama unaweza kupata wapanda-farasi wa kuenea kwa ajili yao.+ 24 Basi, namna gani unaweza kumurudisha nyuma hata gavana mumoja mwenye kuwa mudogo zaidi kati ya watumishi wa bwana wangu, na wakati huohuo unategemea Misri kwa ajili ya magari na kwa ajili ya wapanda-farasi? 25 Sasa je, nimepanda kuja kupigana na mahali hapa ili kupaharibu bila ruhusa kutoka kwa Yehova? Yehova mwenyewe aliniambia, ‘Panda uende kupigana na inchi hii na uiharibu.’”

26 Halafu Eliakimu mwana wa Hilkia, na Shebna+ na Yoa wakamuambia Rabshake:+ “Tafazali, sema na watumishi wako katika luga ya Kiaramu,*+ kwa maana tunaweza kuielewa; usiseme na sisi katika luga ya Wayahudi katika masikio ya watu wenye kuwa kwenye ukuta.”+ 27 Lakini Rabshake akawaambia: “Je, bwana wangu amenituma nikuambie maneno haya wewe tu na bwana wako? Je, haiko pia kwa watu wenye wanakaa juu ya ukuta, wenye watakula mavi yao wenyewe na kunywa mukojo wao wenyewe pamoja na ninyi?”

28 Kisha Rabshake akasimama na kuita kwa sauti kubwa katika luga ya Wayahudi, na kusema: “Musikie neno la mufalme mukubwa, mufalme wa Ashuru.+ 29 Mufalme anasema hivi: ‘Musiache Hezekia awadanganye, kwa maana hawezi kuwaokoa ninyi kutoka katika mukono wangu.+ 30 Na musiache Hezekia awafanye mumutegemee Yehova kwa kusema: “Hakika Yehova atatuokoa, na muji huu hautatiwa katika mukono wa mufalme wa Ashuru.”+ 31 Musimusikilize Hezekia, kwa maana mufalme wa Ashuru anasema hivi: “Mufanye amani pamoja na mimi na mujitie katika mukono wangu,* na kila mumoja wenu atakula matunda ya muzabibu wake mwenyewe na matunda ya muti wake mwenyewe wa tini na kunywa maji ya tangi lake mwenyewe, 32 mupaka wakati nitakuja na kuwapeleka katika inchi yenye kuwa kama inchi yenu wenyewe,+ inchi yenye nafaka na divai mupya, inchi yenye mukate na mashamba ya mizabibu, inchi yenye mizeituni na asali. Kisha mutaishi na hamutakufa. Musimusikilize Hezekia, kwa maana anawapotosha kwa kusema, ‘Yehova atatuokoa.’ 33 Je, kuko mungu yeyote kati ya miungu ya mataifa mwenye amekwisha kuokoa inchi yake kutoka katika mukono wa mufalme wa Ashuru? 34 Iko wapi miungu ya Hamati+ na Arpadi? Iko wapi miungu ya Sefarvaimu,+ Hena, na Iva? Je, imeokoa Samaria kutoka katika mukono wangu?+ 35 Ni nani kati ya miungu yote ya inchi mbalimbali mwenye ameokoa inchi yake kutoka katika mukono wangu, ili Yehova aokoe Yerusalemu kutoka katika mukono wangu?”’”+

36 Lakini watu wakabakia kimya na hawakumujibu neno lolote, kwa maana amri ya mufalme ilikuwa, “Hamupaswe kumujibu.”+ 37 Lakini Eliakimu mwana wa Hilkia, mwenye alikuwa musimamizi wa nyumba,* Shebna mwandishi, na Yoa mwana wa Asafu karani wakakuja kwa Hezekia nguo zao zikiwa zimepasuliwa na wakamuambia maneno ya Rabshake.