Hesabu

32 Sasa wana wa Rubeni+ na wana wa Gadi+ walikuwa na mifugo mingi sana, na wakaona kwamba inchi ya Yazeri+ na inchi ya Gileadi ilikuwa eneo la muzuri kwa ajili ya mifugo. 2 Kwa hiyo wana wa Gadi na wana wa Rubeni wakamuendea Musa, Eleazari kuhani, na wakubwa wa mukusanyiko na kusema: 3 “Ataroti, Diboni, Yazeri, Nimra, Heshboni,+ Eleale, Sebamu, Nebo,+ na Beoni,+ 4 inchi yenye Yehova alishinda mbele ya mukusanyiko wa Israeli,+ ni inchi ya muzuri kwa ajili ya mifugo, na watumishi wako wana mifugo mingi.”+ 5 Wakaendelea kusema, “Kama tumekubaliwa mbele ya macho yako, acha inchi hiyo ipewe watumishi wako kuwa uriti. Usituvukishe ngambo ya Yordani.”

6 Kisha Musa akaambia wana wa Gadi na wana wa Rubeni: “Je, itaomba ndugu zenu waende katika vita wakati ninyi munaendelea kukaa hapa? 7 Sababu gani munavunja moyo watu wa Israeli ili wasivuke kuingia katika inchi yenye hakika Yehova atawapatia? 8 Ni vile baba zenu walifanya wakati niliwatuma kutoka Kadesh-barnea ili waone inchi hiyo.+ 9 Wakati walipanda mupaka kwenye Bonde* la Eshkoli+ na kuona inchi hiyo, walivunja moyo watu wa Israeli ili wasiingie katika inchi yenye Yehova angewapatia.+ 10 Kasirani ya Yehova iliwaka siku hiyo na hivyo akaapa:+ 11 ‘Wanaume wenye walitoka Misri kuanzia miaka makumi mbili (20) na zaidi hawataona inchi+ yenye nilimuapia Abrahamu, Isaka, na Yakobo,+ kwa sababu hawakunifuata kwa moyo wote⁠— 12 isipokuwa Kalebu+ mwana wa Yefune, Mukenizi, na Yoshua+ mwana wa Nuni, kwa sababu wamemufuata Yehova kwa moyo wote.’+ 13 Kwa hiyo kasirani ya Yehova ikawaka juu ya Israeli na akawafanya watange-tange katika jangwa kwa miaka makumi ine (40),+ mupaka wakati kizazi chote chenye kilikuwa kinafanya uovu mbele ya macho ya Yehova kilifikia mwisho wake.+ 14 Na sasa ninyi mumesimama mahali pa baba zenu mukiwa kundi la watenda-zambi wenye wanaongeza kasirani yenye kuwaka ya Yehova juu ya Israeli. 15 Kama munageuka na kuacha kumufuata, hakika atawaacha tena katika jangwa, na mutaleta uharibifu juu ya watu hawa wote.”

16 Kisha wakati fulani wakamuendea tena na kusema: “Uturuhusu tujenge hapa mazizi* ya majiwe kwa ajili ya mifugo yetu na miji kwa ajili ya watoto wetu. 17 Lakini sisi tutaendelea kuwa tayari kwa ajili ya vita+ na tutaenda mbele ya Waisraeli mupaka wakati tutakuwa tumewafikisha mahali pao, wakati huo watoto wetu watakaa katika miji yenye ngome, wakiwa salama kutokana na wakaaji wa inchi. 18 Hatutarudia katika nyumba zetu mupaka wakati kila Mwisraeli atakuwa amepokea eneo lake kuwa uriti.+ 19 Kwa maana hatutapokea uriti pamoja nao ngambo ingine ya Yordani na kuendelea, kwa sababu tumepokea uriti wetu upande wa mashariki wa Yordani.”+

20 Musa akawajibu: “Kama mutafanya hivi: Kama mutakamata silaha mbele ya Yehova kwa ajili ya vita;+ 21 na kama kila mumoja wenu atakamata silaha na kuvuka Yordani mbele ya Yehova wakati anafukuza maadui wake kutoka mbele yake+ 22 mupaka wakati inchi itatiishwa mbele ya Yehova,+ kisha munaweza kurudia+ na hamutakuwa na hatia mbele ya Yehova na Israeli. Basi inchi hiyo itakuwa uriti wenu mbele ya Yehova.+ 23 Lakini kama hamufanye vile, mutakuwa mumemutendea Yehova zambi. Katika hali hiyo, mujue kwamba zambi yenu itawapata. 24 Kwa hiyo munaweza kujenga miji kwa ajili ya watoto wenu na mazizi* kwa ajili ya makundi yenu,+ lakini munapaswa kufanya mambo yenye mumeahidi.”

25 Wana wa Gadi na wana wa Rubeni wakamuambia Musa hivi: “Watumishi wako watafanya kama vile bwana wangu anaamuru. 26 Watoto wetu, bibi zetu, mifugo yetu, wanyama wetu wote wa kufugwa watabakia pale katika miji ya Gileadi,+ 27 lakini watumishi wako watavuka, kila mwanaume mwenye kubeba silaha ili kupigana vita mbele ya Yehova,+ kama vile bwana wangu anasema.”

28 Kwa hiyo Musa akatoa amri juu yao kwa Eleazari kuhani, Yoshua mwana wa Nuni, na vichwa vya jamaa za upande wa baba za makabila ya Israeli. 29 Musa akawaambia: “Kama wana wa Gadi na wana wa Rubeni wanavuka Yordani pamoja na ninyi, kila mwanaume mwenye kubeba silaha ili kupigana vita mbele ya Yehova, na kama inchi inatiishwa mbele yenu, basi mutawapatia inchi ya Gileadi kuwa uriti.+ 30 Lakini kama hawakamate silaha na kuvuka pamoja na ninyi, basi wataishi kati yenu katika inchi ya Kanaani.”

31 Basi wana wa Gadi na wana wa Rubeni wakajibu: “Watumishi wako watafanya mambo yenye Yehova amewaambia. 32 Tutakamata silaha na kuvuka kuingia inchi ya Kanaani mbele ya Yehova,+ lakini uriti wetu utakuwa ngambo hii ya Yordani.” 33 Kwa hiyo Musa akawapatia—wana wa Gadi, wana wa Rubeni,+ na nusu ya kabila la Manase+ mwana wa Yosefu—ufalme wa Sihoni+ mufalme wa Waamori na ufalme wa Ogu+ mufalme wa Bashani, inchi ya miji yake katika maeneo hayo, na miji ya inchi yenye kuizunguka.

34 Na wana wa Gadi wakajenga* Diboni,+ Ataroti,+ Aroeri,+ 35 Atrot-shofani, Yazeri,+ Yogbeha,+ 36 Bet-nimra,+ Bet-harani,+ miji yenye ngome, na wakajenga mazizi* ya majiwe kwa ajili ya makundi. 37 Na wana wa Rubeni wakajenga Heshboni,+ Eleale,+ Kiriataimu,+ 38 Nebo,+ na Baal-meoni+—majina ya miji hiyo yalibadilishwa—na Sibma; na wakaanza kupatia miji yenye walijenga upya majina ya mupya.

39 Wana wa Makiri+ mwana wa Manase walishambulia inchi ya Gileadi na wakaikamata na kufukuza Waamori wenye walikuwa katika inchi hiyo. 40 Kwa hiyo Musa akamupatia Makiri mwana wa Manase inchi ya Gileadi, na akaanza kukaa katika inchi hiyo.+ 41 Na Yairi mwana wa Manase akawashambulia na akakamata vijiji vyao vya mahema, na akaanza kuviita Hawot-yairi.*+ 42 Na Noba akashambulia na kukamata muji wa Kenati na miji yake ya pembeni-pembeni,* na akaanza kuuita Noba, jina lake mwenyewe.