Danieli

8 Katika mwaka wa tatu (3) wa ufalme wa Mufalme Belshaza,+ maono yalinitokea, mimi, Danieli, kisha yale yenye yalinitokea pale mwanzo.+ 2 Niliona maono, na wakati niliona nilikuwa katika ngome* ya Shushani,*+ yenye kuwa katika jimbo la* Elamu;+ niliona maono, na nilikuwa pembeni ya mufereji wa Ulai. 3 Wakati niliinua macho yangu, angalia! kulikuwa kondoo-dume+ mwenye kusimama mbele ya mufereji huo, na alikuwa na pembe mbili.+ Pembe hizo mbili zilikuwa za murefu, lakini moja ilikuwa ya murefu zaidi kuliko ingine, na ile yenye ilikuwa ya murefu zaidi ilitokea kisha wakati fulani.+ 4 Nikaona ule kondoo-dume akishambulia kuelekea mangaribi, kaskazini, na kusini, na hakuna munyama yeyote wa pori mwenye aliweza kusimama mbele yake, na hakuna mutu yeyote mwenye angeweza kuokoa kutoka katika nguvu zake.*+ Alifanya vile alipenda na kujitukuza.

5 Wakati niliendelea kuona, angalia! kulikuwa mbuzi-dume+ mwenye alikuwa anakuja kutoka upande wa mangaribi akivuka juu ya uso wa dunia yote bila kugusa udongo. Na mbuzi huyo alikuwa na pembe yenye kuonekana waziwazi kati ya macho yake.+ 6 Alikuwa anakuja kuelekea ule kondoo-dume mwenye pembe mbili mwenye nilikuwa nimeona amesimama mbele ya ule mufereji; alikuwa anakimbia kumuelekea akiwa na kasirani ya nguvu.

7 Nilimuona akimukaribia ule kondoo-dume, na alikuwa amejaa uchungu kumuelekea. Akamupiga ule kondoo-dume na kumuangusha chini na akavunja pembe zake mbili, na kondoo-dume hakukuwa na nguvu za kusimama mbele yake. Akamuangusha ule kondoo-dume chini na kumukanyanga, na hakuna mutu yeyote mwenye aliweza kumuokoa kutoka katika nguvu zake.*

8 Kisha ule mbuzi-dume akajitukuza sana, lakini wakati tu alikuwa na nguvu, ile pembe kubwa ikavunjwa; kisha mahali pake kukatokea pembe ine (4) zenye kuonekana waziwazi pa nafasi ya ile moja, kuelekea pepo ine za mbingu.+

9 Katika moja ya pembe hizo kukatokea pembe ingine, ya kidogo, na ikakomaa sana kuelekea kusini na kuelekea mashariki* na kuelekea lile Pambo.*+ 10 Ikaendelea kuwa kubwa mupaka ikafikia jeshi la mbinguni, na ikafanya sehemu fulani ya jeshi hilo na sehemu fulani ya nyota zianguke katika dunia, na ikazikanyanga. 11 Ikajitukuza hata juu ya Mukubwa wa jeshi, na ikaondoa kutoka kwake zabihu ya kuendelea, na nafasi yenye iliwekwa ya patakatifu pake ikatupwa chini.+ 12 Na jeshi likatolewa, pamoja na zabihu ya kuendelea, kwa sababu ya makosa; na iliendelea kutupa kweli katika dunia, na ikatenda na kupata matokeo ya muzuri.

13 Na nikasikia mutakatifu mumoja akisema, na mutakatifu mwingine akamuambia ule mwenye alikuwa anasema: “Maono ya zabihu ya kuendelea na ya makosa yenye kuleta uharibifu yataendelea mupaka wakati gani,+ na kufanya mahali patakatifu na pia vitu vya jeshi vikanyangwe-kanyangwe?” 14 Kwa hiyo akaniambia: “Mupaka mangaribi na asubui elfu mbili mia tatu (2 300); na mahali patakatifu hakika patarudishwa katika hali yake yenye inastahili.”

15 Wakati mimi, Danieli, nilikuwa ninaona maono hayo na kutafuta kuyaelewa, kwa kushitukia nikaona mbele yangu mutu fulani amesimama mwenye alionekana kama mwanadamu. 16 Kisha nikasikia sauti ya mutu katikati ya Ulai,+ na alisema kwa sauti kubwa: “Gabrieli,+ elewesha mutu huyo mambo yenye aliona.”+ 17 Kwa hiyo akakuja karibu na mahali nilikuwa ninasimama, lakini wakati alikuja niliogopa sana na hivyo nikapiga magoti na kuinama mupaka chini. Akaniambia: “Elewa, Ee mwana wa binadamu, kwamba maono hayo ni ya wakati wa mwisho.”+ 18 Lakini wakati alikuwa anasema na mimi, nilipatwa na usingizi muzito nikiwa nimelala uso chini. Basi akanigusa na kunisimamisha mahali nilikuwa nimesimama.+ 19 Kisha akasema: “Angalia, ninakuelewesha mambo yenye yatatokea katika wakati wa mwisho wa lawama, kwa sababu mambo hayo ni ya wakati wa mwisho wenye uliwekwa.+

20 “Ule kondoo-dume mwenye pembe mbili mwenye uliona anafananisha wafalme wa Umedi na Uajemi.+ 21 Ule mbuzi-dume mwenye manyoya anafananisha mufalme wa Ugiriki;+ na ile pembe kubwa yenye ilikuwa kati ya macho yake inafananisha mufalme wa kwanza.+ 22 Na sasa ile pembe yenye ilivunjwa, na hivyo pembe ine (4) zikasimama pa nafasi yake,+ kuko falme ine zenye zitasimama kutoka taifa lake, lakini hapana kwa nguvu zake.

23 “Na katika kipindi cha mwisho cha ufalme wao, wakati wakosaji watafikia mwisho,* mufalme mwenye kuonekana kuwa mukali mwenye kuelewa maneno magumu* atasimama. 24 Nguvu zake zitakuwa nyingi, lakini hapana kupitia nguvu zake mwenyewe. Ataleta uharibifu kwa njia ya ajabu,* na atafanikiwa na kutenda kwa njia yenye matokeo. Ataharibu wenye nguvu, pia kikundi cha watu chenye kufanyizwa na watakatifu.+ 25 Na kwa ujanja wake atatumia udanganyifu ili apate matokeo ya muzuri; na katika moyo wake atajitukuza; na katika kipindi cha usalama* ataharibu watu wengi. Na atasimama hata ili kumupinga Mukubwa wa wakubwa, lakini atavunjwa bila mukono wa mwanadamu.

26 “Yale maneno yenye yalisemwa katika maono juu ya mangaribi na asubui ni ya kweli, lakini unapaswa kuweka maono hayo kuwa siri, kwa maana ni ya wakati wa siku nyingi kuanzia sasa.”*+

27 Lakini mimi, Danieli, nilijisikia nimechoka na niligonjwa kwa siku fulani.+ Kisha nikasimama na kuendelea na kazi ya mufalme;+ lakini nikaganda kwa sababu ya mambo yenye niliona, na hakuna mutu mwenye angeweza kuyaelewa.+