Zekaria

13 “Katika siku hiyo kisima kitafunguliwa kwa ajili ya nyumba ya Daudi na wakaaji wa Yerusalemu ili kusafisha zambi na uchafu.+

2 “Katika siku hiyo,” ni vile Yehova wa majeshi anasema, “nitafuta majina ya sanamu kutoka katika inchi,+ na hayatakumbukwa tena; na nitaondoa katika inchi manabii+ na roho ya uchafu. 3 Na kama mutu anatoa unabii tena, baba yake na mama yake wenye walimuzaa watamuambia, ‘Hautaishi, kwa sababu umesema uongo katika jina la Yehova.’ Na baba yake na mama yake wenye walimuzaa watamutoboa kwa sababu anatoa unabii.+

4 “Katika siku hiyo kila nabii atasikilia maono yake haya wakati anatoa unabii; na hawatavaa nguo ya pekee ya manyoya+ ili kudanganya. 5 Na atasema, ‘Mimi siko nabii. Mimi ni mutu mwenye kulima udongo, kwa sababu mutu fulani alininunua wakati nilikuwa mudogo.’ 6 Na kama mutu fulani anamuuliza, ‘Vidonda hivi vyenye kuwa katikati ya mabega yako* ni vya nini?’ atajibu, ‘Nilipata vidonda wakati nilikuwa katika nyumba ya marafiki wangu.’”*

 7 “Ee upanga, amuka ushambulie muchungaji wangu,+

Ushambulie mutu mwenye ni mwenzangu,” ni vile Yehova wa majeshi anasema.

“Piga muchungaji,+ na kundi litawanyike;*+

Na nitageuza mukono wangu juu ya wale wenye kuwa wa hali ya chini.”

 8 “Na katika inchi yote,” ni vile Yehova anasema,

“Sehemu mbili ndani yake zitakatwa na kuangamia;*

Na sehemu moja ya tatu (1/3) itaachwa ndani yake.

 9 Na nitaleta sehemu hiyo moja ya tatu (1/3) kupitia moto;

Na nitawasafisha kama vile feza inasafishwa,

Na kuwajaribu kama vile zahabu inajaribiwa.+

Na wataitia jina langu,

Na nitawajibu.

Nitasema, ‘Ni watu wangu,’+

Na watasema, ‘Yehova ni Mungu wetu.’”