Cha Kwanza cha Samweli

18 Wakati tu Daudi alimaliza kuzungumuza na Sauli, Yonatani+ na Daudi wakaunganishwa katika urafiki wa karibu sana,* na Yonatani akaanza kumupenda kama vile alijipenda mwenyewe.*+ 2 Kuanzia siku hiyo, Sauli akamuchunga Daudi kwake, na hakumuruhusu arudie katika nyumba ya baba yake.+ 3 Na Yonatani na Daudi wakafanya agano,+ kwa sababu alimupenda kama vile alijipenda mwenyewe.*+ 4 Yonatani akatosha koti yake yenye haina mikono yenye alikuwa anavaa na kuipatia Daudi, pamoja na nguo zake za kijeshi, upanga wake, upinde wake, na mukaba* wake. 5 Daudi akaanza kutoka na alipata matokeo ya muzuri*+ kila mahali kwenye Sauli alikuwa anamutuma. Kwa hiyo Sauli akamuweka asimamie wanaume wa vita,+ na jambo hilo likawafurahisha watu wote na pia watumishi wa Sauli.

6 Wakati Daudi na watu wengine walikuwa wanarudia kisha kupiga na kuua Wafilisti, wanamuke walikuwa wanatoka katika miji yote ya Israeli wakiimba+ na kucheza dansi ili kukutana na Mufalme Sauli kwa ngoma za kidogo,*+ kwa kushangilia, na kwa udi. 7 Wanamuke hao wenye walikuwa wanashangilia walikuwa wanaimba hivi:

“Sauli amepiga na kuua maelfu yake,

Na Daudi makumi yake ya maelfu.”+

8 Sauli akakasirika sana,+ na wimbo huo haukumupendeza, kwa sababu alisema: “Wamemupatia Daudi makumi ya maelfu, lakini mimi wamenipatia maelfu. Jambo lenye linabakia tu ni kumupatia ufalme!”+ 9 Kuanzia siku hiyo, Sauli alikuwa anamuangalia Daudi na jicho la mubaya.

10 Siku yenye ilifuata, roho ya mubaya kutoka kwa Mungu ikamuvamia Sauli,+ na akaanza kutenda kwa njia yenye kushangaza* ndani ya nyumba, wakati huo Daudi alikuwa anapiga muziki kwa kinubi+ kama vile alikuwa anafanya nyakati zingine. Sauli alikuwa na mukuki katika mukono wake,+ 11 na akatupa mukuki huo,+ akisema katika moyo wake: ‘Nitamupigilia Daudi kwenye ukuta!’ Lakini Daudi alimukwepa mara mbili. 12 Basi Sauli akamuogopa Daudi kwa sababu Yehova alikuwa pamoja naye+ lakini alikuwa amemuacha Sauli.+ 13 Kwa hiyo Sauli akamuondoa mbele yake na kumuweka kuwa mukubwa wa elfu (1 000), na Daudi alikuwa anaongoza jeshi katika vita.*+ 14 Daudi akaendelea kupata matokeo ya muzuri*+ katika mambo yote yenye alifanya, na Yehova alikuwa pamoja naye.+ 15 Na wakati Sauli aliona kwamba Daudi anapata matokeo ya muzuri sana, akaanza kumuogopa. 16 Lakini watu wote wa Israeli na Yuda walimupenda Daudi, kwa sababu alikuwa anawaongoza katika mapambano yao ya kijeshi.

17 Kisha wakati fulani Sauli akamuambia Daudi: “Merabu+ binti yangu mukubwa ndiye huyu. Nitakupatia yeye akuwe bibi yako.+ Lakini, unapaswa kuendelea kuonyesha uhodari wako kwa ajili yangu na kupigana vita za Yehova.”+ Kwa maana Sauli alisema katika moyo wake: ‘Mukono wangu usikuje juu yake. Acha mukono wa Wafilisti umupige.”+ 18 Basi Daudi akamuambia Sauli: “Mimi ni nani na watu wa jamaa yangu ni nani, familia ya baba yangu katika Israeli, ili nikuwe mwana-mukwe wa mufalme?”+ 19 Lakini, wakati muda ulifika wa kumupatia Daudi Merabu binti ya Sauli, tayari Merabu alikuwa amepewa kwa Adrieli+ Mumeholati ili akuwe bibi yake.

20 Sasa Mikali binti ya Sauli+ alikuwa anamupenda Daudi, na Sauli akajulishwa jambo hilo, na likamupendeza. 21 Kwa hiyo Sauli akasema: “Nitamupatia Daudi binti huyo ili akuwe mutego kwake, na ili mukono wa Wafilisti ukuje juu yake.”+ Kisha Sauli akamuambia Daudi mara ya pili: “Utafanya mapatano ya ndoa pamoja na mimi* leo.” 22 Tena, Sauli akaamuru watumishi wake: “Muzungumuze na Daudi kwa uficho na kusema, ‘Angalia! Mufalme anakufurahia, na watumishi wake wote wanakupenda sana. Basi sasa fanya mapatano ya ndoa pamoja na mufalme.’” 23 Wakati watumishi wa Sauli walimuambia Daudi mambo hayo, Daudi alisema: “Je, ni jambo la kidogo kwenu kwa mutu maskini na mwenye haheshimiwe sana kama mimi kufanya mapatano ya ndoa pamoja na mufalme?”+ 24 Kisha watumishi wa Sauli wakamuletea habari hii: “Haya ndiyo maneno yenye Daudi alisema.”

25 Kwa hiyo Sauli akasema: “Mutamuambia Daudi hivi: ‘Mufalme hataki mali yoyote+ ya kuoa isipokuwa magovi* mia moja (100)+ ya Wafilisti, ili kulipiza kisasi juu ya maadui wa mufalme.’” Kwa maana Sauli alikuwa anafanya mupango ili Daudi aanguke kupitia mukono wa Wafilisti. 26 Basi watumishi wake wakamuambia Daudi maneno hayo, na ikamupendeza Daudi kufanya mapatano ya ndoa pamoja na mufalme.+ Mbele wakati wenye ulipangwa ufike, 27 Daudi akaenda pamoja na wanaume wake na kupiga na kuua wanaume Wafilisti mia mbili (200), na Daudi akamuletea mufalme hesabu ya kuenea ya magovi* yao, ili afanye mapatano ya ndoa pamoja na mufalme. Kwa hiyo, Sauli akamupatia Daudi Mikali binti yake akuwe bibi yake.+ 28 Sauli akatambua kwamba Yehova alikuwa pamoja na Daudi+ na kwamba Mikali binti yake alimupenda Daudi.+ 29 Jambo hilo likamufanya Sauli amuogope Daudi hata zaidi, na Sauli akakuwa adui ya Daudi maisha yake yote.+

30 Wakubwa wa Wafilisti walikuwa wanaenda katika vita, lakini kadiri walikuwa wanaenda, Daudi aliendelea kupata matokeo ya muzuri* kuliko watumishi wote wa Sauli;+ na jina lake liliheshimiwa sana.+