Kulingana na Yohana

1 Katika mwanzo Neno alikuwa,+ na Neno alikuwa pamoja na Mungu,+ na Neno alikuwa mungu.*+ 2 Huyo alikuwa pamoja na Mungu katika mwanzo. 3 Vitu vyote vilifanywa kupitia yeye,+ na bila yeye hakuna hata kitu kimoja chenye kilifanywa.

Kile chenye kimefanywa 4 kupitia yeye kilikuwa uzima, na uzima ulikuwa mwangaza wa wanadamu.+ 5 Na mwangaza unaangaza katika giza,+ lakini giza halikushinda mwangaza.

6 Kulitokea mutu mumoja mwenye alitumwa kama mwakilishi wa Mungu; jina lake lilikuwa Yohana.+ 7 Mutu huyo alikuja kama shahidi, ili atoe ushahidi juu ya mwangaza,+ kusudi watu wa namna zote waamini kupitia yeye. 8 Yeye hakukuwa mwangaza huo,+ lakini alipaswa kutoa ushahidi juu ya mwangaza huo.

9 Mwangaza wa kweli wenye unaangazia watu wa kila namna ulikuwa karibu kuja katika ulimwengu.+ 10 Alikuwa katika ulimwengu,+ na ulimwengu ulifanywa kupitia yeye,+ lakini ulimwengu haukumujua. 11 Alikuja kwa watu wake mwenyewe, lakini watu wake mwenyewe hawakumukubali. 12 Hata hivyo, wale wote wenye walimupokea, aliwapatia mamlaka ya kuwa watoto wa Mungu,+ kwa sababu walikuwa wanaonyesha imani katika jina lake.+ 13 Na hawakuzaliwa kutokana na damu ao kutokana na mapenzi ya mwili ao kutokana na mapenzi ya mwanadamu, lakini walizaliwa kutokana na Mungu.+

14 Basi Neno akakuwa mwili+ na akakaa kati yetu, na tukaona utukufu wake, utukufu kama wa mwana muzaliwa-pekee+ kutoka kwa baba; na alikuwa amekubaliwa sana na Mungu* na alikuwa amejaa kweli. 15 (Yohana alitoa ushahidi juu yake, ndiyo, alisema kwa sauti kubwa: “Huyu ndiye nilisema juu yake, ‘Ule mwenye anakuja nyuma yangu ametangulia mbele yangu, kwa maana alikuwa mbele yangu.’”)+ 16 Kwa maana sisi wote tulipokea kutokana na wingi wake, hata fazili zenye hazistahiliwe juu ya fazili zenye hazistahiliwe. 17 Kwa sababu Sheria ilitolewa kupitia Musa,+ fazili zenye hazistahiliwe+ na kweli vilikuja kupitia Yesu Kristo.+ 18 Hakuna mwanadamu mwenye amemuona Mungu wakati wowote;+ mungu muzaliwa-pekee+ mwenye kuwa pembeni ya*+ Baba ndiye ameeleza juu Yake.+

19 Huu ndio ushahidi wenye Yohana alitoa wakati Wayahudi walituma makuhani na Walawi kutoka Yerusalemu ili wamuulize: “Wewe ni nani?”+ 20 Na akakubali jambo hilo na hakulikana, kwa kusema: “Mimi siko Kristo.” 21 Na wakamuuliza: “Basi, wewe ni nani? Je, wewe ndiye Eliya?”+ Akajibu: “Haiko mimi.” “Je, wewe ndiye ule Nabii?”+ Akajibu: “Hapana!” 22 Basi wakamuambia: “Wewe ni nani? Tuambie ili tujibu wale wenye walitutuma. Unasema nini juu yako mwenyewe?” 23 Akasema: “Mimi ni sauti ya mutu mwenye kusema kwa sauti kubwa katika jangwa, ‘Munyooshe njia ya Yehova,’*+ kama vile nabii Isaya alisema.”+ 24 Sasa wale wenye walimuuliza maulizo walikuwa wametumwa na Wafarisayo. 25 Kwa hiyo wakamuuliza: “Basi, sababu gani unabatiza kama wewe hauko Kristo ao Eliya ao ule Nabii?” 26 Yohana akawajibu: “Mimi ninabatiza katika maji. Kuko mutu mwenye amesimama katikati yenu mwenye ninyi hamumujue, 27 ule mwenye anakuja nyuma yangu, mwenye sistahili kufungua kamba ya kiatu chake.”+ 28 Mambo hayo yalifanyika kule Betania ngambo ingine ya Yordani, kwenye Yohana alikuwa anabatizia.+

29 Siku yenye ilifuata alimuona Yesu anakuja kwake, na akasema: “Ona, Mwana-Kondoo+ wa Mungu mwenye anatosha zambi+ ya ulimwengu!+ 30 Huyu ndiye nilisema juu yake: ‘Kuko mwanaume mwenye anakuja nyuma yangu mwenye ametangulia mbele yangu, kwa maana alikuwa mbele yangu.’+ 31 Hata mimi sikumujua, lakini nilikuja kubatiza katika maji ili afunuliwe kwa Israeli.”+ 32 Yohana pia alitoa ushahidi, kwa kusema: “Niliona roho ikishuka kama njiwa kutoka mbinguni, na ikakaa juu yake.+ 33 Hata mimi sikumujua, lakini Ule mwenye alinituma nibatize katika maji aliniambia: ‘Mutu yeyote mwenye utaona roho inashuka na kukaa juu yake,+ huyo ndiye mwenye anabatiza katika roho takatifu.’+ 34 Na mimi nimeona, na nimetoa ushahidi kwamba huyo ndiye Mwana wa Mungu.”+

35 Tena siku yenye ilifuata, Yohana alikuwa amesimama pamoja na wawili kati ya wanafunzi wake, 36 na wakati aliangalia Yesu anapita, akasema: “Ona, Mwana-Kondoo+ wa Mungu!” 37 Wakati wanafunzi hao wawili walisikia anasema vile, wakamufuata Yesu. 38 Kisha Yesu akageuka, na wakati aliona wanamufuata, akawauliza: “Munatafuta nini?” Wakamuambia: “Rabi (neno lenye wakati linatafsiriwa linamaanisha, “Mwalimu”), unakaa wapi?” 39 Akawaambia: “Mukuje na mutaona.” Basi wakaenda na kuona mahali alikuwa anakaa, na wakakaa pamoja naye siku hiyo; ilikuwa karibu saa ya kumi (10).* 40 Andrea,+ ndugu ya Simoni Petro, alikuwa mumoja wa wale wawili wenye walisikia mambo yenye Yohana alisema na akamufuata Yesu. 41 Kwanza alimupata Simoni ndugu yake na kumuambia: “Tumemupata Masiya”+ (neno lenye wakati linatafsiriwa linamaanisha, “Kristo”), 42 kisha akamupeleka kwa Yesu. Wakati Yesu alimuona, akasema: “Wewe ni Simoni,+ mwana wa Yohana; utaitwa Kefa” (jina lenye linatafsiriwa, “Petro”).+

43 Siku yenye ilifuata alitaka kutoka na kuenda Galilaya. Basi Yesu akamupata Filipo+ na kumuambia: “Kuwa mufuasi wangu.” 44 Sasa Filipo alikuwa wa Betsaida, muji wa Andrea na Petro. 45 Filipo akamukuta Natanaeli+ na kumuambia: “Tumemupata ule mwenye Musa, katika Sheria, na Manabii waliandika juu yake: Yesu, mwana wa Yosefu,+ kutoka Nazareti.” 46 Lakini Natanaeli akamuambia: “Je, kuko kitu kizuri chenye kinaweza kutoka Nazareti?” Filipo akamuambia: “Kuja na uone.” 47 Yesu akamuona Natanaeli anakuja kwenye alikuwa, na akasema hivi juu yake: “Ona, Mwisraeli wa kweli mwenye hana udanganyifu ndani yake.”+ 48 Natanaeli akamuuliza: “Umenijua namna gani?” Yesu akamujibu: “Mbele Filipo akuite, wakati ulikuwa chini ya muti wa tini, nilikuona.” 49 Natanaeli akamuambia: “Rabi, wewe ni Mwana wa Mungu, wewe ni Mufalme wa Israeli.”+ 50 Yesu akamuambia: “Je, unaamini kwa sababu nimekuambia nilikuona chini ya muti wa tini? Utaona mambo makubwa kuliko haya.” 51 Kisha akamuambia: “Kwa kweli kabisa ninawaambia ninyi, mutaona mbingu imefunguliwa na malaika wa Mungu wakipanda na kushuka kwenye Mwana wa binadamu iko.”*+