Kutoka

14 Sasa Yehova akamuambia Musa: 2 “Ambia Waisraeli kwamba wanapaswa kurudia nyuma na kupiga kambi mbele ya Pihahiroti, katikati ya Migdoli na bahari, kuangaliana na Baal-sefoni.+ Mutapiga kambi mbele ya mahali pale karibu na bahari. 3 Kisha Farao atasema kuhusu Waisraeli, ‘Wanatanga-tanga kwa sababu wamevurugika katika inchi. Jangwa limewafungia ndani wasiweze kutoka.’ 4 Nitaacha moyo wa Farao ukuwe mugumu,+ na atawafuatilia, na mimi nitajitukuza kupitia Farao na jeshi lake lote;+ na hakika Wamisri watajua kwamba mimi ni Yehova.”+ Basi ni vile Waisraeli walifanya.

5 Kisha wakati fulani mufalme wa Misri akaambiwa kwamba watu wamekimbia. Mara moja moyo wa Farao na wa watumishi wake ukabadilika kuhusu watu hao,+ na wakasema: “Sababu gani tumefanya jambo hili na kuruhusu Israeli waache kututumikia kama watumwa?” 6 Kwa hiyo akatayarisha magari yake ya vita, na akaenda pamoja na watu wake.+ 7 Akakamata magari mia sita (600) yenye yalikuwa ya pekee na magari mengine yote ya Misri, na kila gari lilikuwa na wapiganaji-vita. 8 Kwa hiyo Yehova akaacha moyo wa Farao mufalme wa Misri ukuwe mugumu, na Farao akafuatilia Waisraeli, wakati Waisraeli walikuwa wanatoka katika inchi bila woga.*+ 9 Wamisri wakawafuatilia,+ na farasi wote wa magari ya Farao na maaskari wake wapanda-farasi na jeshi lake wakawafikia Waisraeli wakati walikuwa wanapiga kambi pembeni ya bahari, karibu na Pihahiroti, mbele ya Baal-sefoni.

10 Wakati Farao alikaribia, Waisraeli wakainua macho yao na kuona Wamisri wanawafuatilia. Waisraeli wakaogopa sana na wakaanza kumulilia Yehova.+ 11 Wakamuambia Musa: “Je, ni kwa sababu hakuna makaburi katika Misri ndiyo sababu umetuleta hapa ili tukufe katika jangwa?+ Ni jambo gani hili umetutendea kwa kututosha Misri? 12 Je, haiko jambo hili tulikuambia kule Misri wakati tulisema, ‘Utuache tutumikie Wamisri’? Kwa maana ni muzuri zaidi kwa upande wetu tutumikie Wamisri kuliko kufa katika jangwa.”+ 13 Kisha Musa akaambia watu: “Musiogope.+ Musimame imara na muone wokovu wenye Yehova atafanya kwa ajili yenu leo.+ Kwa maana Wamisri wenye munaona leo, hamutawaonaka tena.+ 14 Yehova mwenyewe atawapigania ninyi,+ na ninyi mutakaa kimya.”

15 Sasa Yehova akamuambia Musa: “Sababu gani unaendelea kunililia? Ambia Waisraeli wavunje kambi. 16 Sasa wewe, inua fimbo yako na unyooshe mukono wako juu ya bahari na uitenganishe, ili Waisraeli wapite katikati ya bahari juu ya inchi kavu. 17 Lakini mimi, nitaacha mioyo ya Wamisri ikuwe migumu, ili Wamisri waingie ndani nyuma ya Waisraeli; katika njia hiyo nitajitukuza kupitia Farao na jeshi lake lote, magari yake ya vita, na maaskari wake wapanda-farasi.+ 18 Na hakika Wamisri watajua kwamba mimi ni Yehova wakati nitajitukuza kupitia Farao, magari yake ya vita, na maaskari wake wapanda-farasi.”+

19 Kisha malaika wa Mungu wa kweli+ mwenye alikuwa anaenda mbele ya kambi ya Israeli akaondoka na kuenda nyuma yao, na nguzo ya wingu yenye ilikuwa mbele yao ikaenda nyuma na ikasimama nyuma yao.+ 20 Basi nguzo hiyo ikasimama kati ya kambi ya Wamisri na kambi ya Israeli.+ Kwenye upande mumoja, nguzo hiyo ilikuwa wingu lenye giza. Kwenye upande mwingine, nguzo hiyo ilikuwa inaangaza usiku.+ Kwa hiyo kambi hii haikukaribia ile kambi ingine usiku wote.

21 Sasa Musa akanyoosha mukono wake juu ya bahari;+ na Yehova akasukuma bahari nyuma usiku wote kwa upepo wenye nguvu wa mashariki, akageuza bonde la bahari kuwa inchi kavu,+ na maji yakagawanyika.+ 22 Kwa hiyo Waisraeli wakapita katikati ya bahari juu ya inchi kavu,+ na maji yalifanyiza ukuta kwenye upande wao wa kuume na kwenye upande wao wa kushoto.+ 23 Wamisri wakawafuatilia, na farasi wote wa Farao, magari yake ya vita, na maaskari wake wapanda-farasi wakaanza kuingia nyuma ya Waisraeli katikati ya bahari.+ 24 Wakati wa kesha la asubui,* Yehova akaangalia kambi ya Wamisri kutoka ndani ya ile nguzo ya moto na wingu,+ naye akatia muvurugo katika kambi ya Wamisri. 25 Akaendelea kuondoa magurudumu* kwenye magari yao na kwa hiyo walikuwa wanayaendesha kwa shida, na Wamisri wakasema: “Tukimbie ili tusikaribie hata kidogo Israeli, kwa sababu Yehova anapigana na Wamisri kwa ajili ya Israeli.”+

26 Kisha Yehova akamuambia Musa: “Nyoosha mukono wako juu ya bahari ili maji yarudie na kufunika Wamisri, magari yao ya vita, na maaskari wao wapanda-farasi.” 27 Mara moja Musa akanyoosha mukono wake juu ya bahari, na kadiri asubui ilifika, bahari ikarudia katika hali yake ya kawaida. Wakati Wamisri walikuwa wanakimbia bahari, Yehova akakunguta Wamisri katikati ya bahari.+ 28 Maji yakarudia na kufunika magari ya vita na maaskari wapanda-farasi, na jeshi lote la Farao lenye lilikuwa limeingia ndani ya bahari nyuma ya Waisraeli.+ Hakuna hata mumoja kati ya Wamisri mwenye aliokoka.+

29 Lakini Waisraeli wakatembea juu ya inchi kavu katika bonde la bahari,+ na maji yalifanyiza ukuta kwenye upande wao wa kuume na kwenye upande wao wa kushoto.+ 30 Hivyo Yehova akaokoa Israeli siku hiyo katika mukono wa Wamisri,+ na Israeli wakaona maiti za Wamisri pembeni ya bahari. 31 Pia Israeli wakaona uwezo mukubwa* wenye Yehova alitumia juu ya Wamisri, na watu wakaanza kumuogopa Yehova na kumuamini Yehova na Musa mutumishi wake.+