Zekaria

14 “Angalia! Siku inakuja, siku ya Yehova, wakati vitu vyenye vilichukuliwa kwako* katika vita vitagawanywa katikati yako. 2 Nitakusanya mataifa yote juu ya Yerusalemu kwa ajili ya vita; na muji utakamatwa na vitu vyenye kuwa katika nyumba vitanyanganywa na wanamuke watalalwa kinguvu. Na nusu ya muji itapelekwa katika uhamisho, lakini wenye watabakia kati ya watu hawataondolewa katika muji.

3 “Yehova ataenda na kupigana vita na mataifa hayo+ kama vile wakati anapigana katika siku ya pigano.+ 4 Katika siku hiyo miguu yake itasimama kwenye Mulima wa Mizeituni,+ wenye kuwa mbele ya Yerusalemu kwenye upande wa mashariki; na Mulima wa Mizeituni utagawanyika mara mbili, kuanzia mashariki* mupaka mangaribi,* na kufanya bonde kubwa sana; na nusu ya mulima huo itasogea kaskazini, na nusu ingine itasogea kusini. 5 Mutakimbilia kwenye bonde la milima yangu, kwa maana bonde la milima hiyo litafika mupaka Aseli. Mutakimbia, kama vile mulikimbia kwa sababu ya tetemeko la inchi katika siku za Mufalme Uzia wa Yuda.+ Na Yehova Mungu wangu atakuja, na watakatifu wote watakuwa pamoja naye.+

6 “Katika siku hiyo hakutakuwa mwangaza wenye samani+—vitu vitaganda.* 7 Na itakuwa siku moja yenye inajulikana kuwa ni ya Yehova.+ Haitakuwa muchana, na haitakuwa usiku; na wakati wa mangaribi kutakuwa mwangaza. 8 Katika siku hiyo maji ya uzima+ yatatiririka kutoka Yerusalemu,+ nusu yake itaelekea kwenye bahari ya mashariki*+ na nusu itaelekea kwenye bahari ya mangaribi.*+ Itakuwa vile katika kipindi cha joto na katika kipindi cha baridi. 9 Na Yehova atakuwa Mufalme juu ya dunia yote.+ Katika siku hiyo Yehova atakuwa mumoja,+ na jina lake litakuwa moja.+

10 “Inchi yote itakuwa kama Araba,+ kuanzia Geba+ mupaka Rimoni+ upande wa kusini wa Yerusalemu; na itainuka na kuikaliwa na watu katika mahali pake,+ kutoka Mulango Mukubwa wa Benyamini+ mupaka mahali pa Mulango Mukubwa wa Kwanza, mupaka kwenye Mulango Mukubwa wa Pembe, na kutoka Munara wa Hananeli+ mupaka kwenye vikamulio vya divai vya mufalme.* 11 Na watu watakaa ndani yake; na hakutakuwa tena laana ya uharibifu hata siku moja,+ na Yerusalemu itakaliwa katika usalama.+

12 “Na hili ndilo pigo lenye Yehova atatumia ili kupiga vikundi vyote vya watu wenye wanafanya vita juu ya Yerusalemu:+ Miili yao itaoza wakiwa wenye kusimama kwa miguu yao, macho yao yataoza katika matundu yake, na ndimi zao zitaoza katika vinywa vyao.

13 “Katika siku hiyo muvurugo kutoka kwa Yehova utaenea kati yao; na kila mutu atashika mukono wa mwenzake, na mukono wake utakuja juu ya mukono wa mwenzake.*+ 14 Yuda pia itaingia katika vita kule Yerusalemu; na utajiri wa mataifa yote ya pembeni-pembeni utakusanywa, zahabu, feza, na nguo kwa wingi sana.+

15 “Na pigo kama hilo litakuja pia juu ya farasi, nyumbu, ngamia, punda, na mifugo yote yenye kuwa katika kambi hizo.

16 “Mutu yeyote mwenye anabakia kati ya mataifa yote yenye yanakuja kushambulia Yerusalemu atapanda kila mwaka+ ili kumuinamia* Mufalme, Yehova wa majeshi,+ na kufanya Sikukuu ya Vibanda.*+ 17 Lakini kama familia yoyote kati ya familia zenye kuwa katika dunia haipande kuenda Yerusalemu ili kuinama mbele ya Mufalme, Yehova wa majeshi, mvua haitanyesha juu yao.+ 18 Na kama familia ya Misri haipande na haiingie ndani, hawatapata mvua. Tofauti na hilo, watapata pigo lenye Yehova anatumia ili kupiga mataifa yenye hayapande ili kufanya Sikukuu ya Vibanda. 19 Hiyo ndiyo itakuwa azabu kwa ajili ya zambi ya Misri na zambi ya mataifa yote yenye hayapande ili kufanya Sikukuu ya Vibanda.

20 “Katika siku hiyo maneno ‘Utakatifu ni wa Yehova!’+ yataandikwa kwenye kengele za farasi. Na vyungu vya kupikia*+ vyenye kuwa katika nyumba ya Yehova vitakuwa kama mabakuli+ yenye kuwa mbele ya mazabahu. 21 Na kila chungu cha kupikia* chenye kuwa katika Yerusalemu na katika Yuda kitakuwa kitakatifu na kitakuwa cha Yehova wa majeshi, na wale wote wenye wanatoa zabihu wataingia na kutumia vimoja kati ya vyungu hivyo ili kutokoteshea ndani. Katika siku hiyo hakutakuwa tena Mukanaani* katika nyumba ya Yehova wa majeshi.”+