UFUNUO KWA YOHANA

1 Ufunuo* kupitia Yesu Kristo, wenye Mungu alimupatia+ ili kuonyesha watumwa wake+ mambo yenye yanapaswa kutendeka karibuni. Naye alituma malaika wake na kupitia yeye akautoa kwa njia ya alama kwa mutumwa wake Yohana,+ 2 mwenye alitoa ushahidi juu ya neno lenye Mungu alitoa na juu ya ushahidi wenye Yesu Kristo alitoa, ndiyo, juu ya mambo yote yenye aliona. 3 Mwenye furaha ni ule mwenye anasoma kwa sauti na wale wenye wanasikia maneno ya unabii huu na wenye wanashika mambo yenye yameandikwa ndani,+ kwa maana wakati wenye uliwekwa uko karibu.

4 Yohana, kwa makutaniko saba (7)+ yenye kuwa katika jimbo la Asia:

Mukuwe na fazili zenye hazistahiliwe na amani kutoka kwa “Ule mwenye iko* na mwenye alikuwa na mwenye anakuja,”+ na kutoka kwa zile roho saba (7)+ zenye ziko mbele ya kiti chake cha ufalme, 5 na kutoka kwa Yesu Kristo, “Shahidi Muaminifu,”+ “muzaliwa wa kwanza kutoka kwa wafu,”+ na “Mutawala wa wafalme wa dunia.”+

Kwake yeye mwenye anatupenda+ na mwenye alituweka huru kutoka katika zambi zetu kupitia damu yake mwenyewe+— 6 na alitufanya tukuwe ufalme,+ makuhani+ kwa Mungu na Baba yake—ndiyo, kwake yeye kukuwe utukufu na nguvu milele. Amina.

7 Angalia! Anakuja na mawingu,+ na kila jicho litamuona, na wale wenye walimutoboa na mukuki; na makabila yote ya dunia yatajipiga-piga kwa huzuni kwa sababu yake.+ Ndiyo, Amina.

8 “Mimi ndiye Alfa na Omega,”*+ ni vile Yehova* Mungu anasema, “Ule mwenye iko* na mwenye alikuwa na mwenye anakuja, Mweza-Yote.”+

9 Mimi Yohana, ndugu yenu na mushiriki pamoja na ninyi katika taabu+ na ufalme+ na uvumilivu+ katika ushirika pamoja na Yesu,+ nilikuwa katika kisiwa chenye kuitwa Patmo kwa sababu ya kusema juu ya Mungu na kutoa ushahidi juu ya Yesu. 10 Kwa muongozo wa roho nilikuja kuwa katika siku ya Bwana, na nikasikia nyuma yangu sauti yenye nguvu kama ya tarumbeta, 11 ikisema: “Mambo yenye unaona, uyaandike katika kitabu cha kukunjwa kisha uyatume kwa yale makutaniko saba (7): katika Efeso,+ katika Smirna,+ katika Pergamamu,+ katika Tiatira,+ katika Sardi,+ katika Filadelfia,+ na katika Laodikia.”+

12 Nikageuka ili nimuone ule mwenye alikuwa anasema na mimi, na wakati niligeuka, nikaona vinara saba (7) vya taa vya zahabu,+ 13 na katikati ya vile vinara vya taa kulikuwa mutu fulani kama mwana wa binadamu,+ mwenye kuvaa nguo yenye kufika chini kwenye miguu na mwenye kuvaa kitambaa cha zahabu kuzunguka kifua chake. 14 Zaidi ya hayo, kichwa chake na nywele zake zilikuwa mweupe kama manyoya meupe ya kondoo, kama teluji, na macho yake yalikuwa kama mwali wa moto,+ 15 na miguu yake ilikuwa kama shaba safi+ wakati inawaka katika tanuru, na sauti yake ilikuwa kama sauti ya maji mengi. 16 Na alikuwa na nyota saba (7) katika mukono wake wa kuume,+ na kutoka katika kinywa chake upanga mukali, murefu, wenye makali pande mbili+ ulikuwa umechomoka, na sura yake ilikuwa* kama jua wakati linaangaza kabisa.+ 17 Wakati nilimuona, nikaanguka kwenye miguu yake kama vile nimekufa.

Na akaweka mukono wake wa kuume juu yangu na kusema: “Usiogope. Mimi ndiye wa Kwanza+ na wa Mwisho,+ 18 na mwenye kuishi,+ na nilikufa,+ lakini angalia! Ninaishi milele na milele,+ na niko na funguo za kifo na za Kaburi.*+ 19 Kwa hiyo andika mambo yenye uliona, na mambo yenye yako, na mambo yenye yatatendeka kisha haya. 20 Kuhusu siri takatifu ya zile nyota saba (7) zenye uliona katika mukono wangu wa kuume, na kuhusu vile vinara saba vya taa vya zahabu: Zile nyota saba zinamaanisha wale malaika wa yale makutaniko saba, na vile vinara saba vya taa vinamaanisha yale makutaniko saba.+

2 “Kwa malaika+ wa kutaniko lenye kuwa katika Efeso+ andika: Haya ndiyo mambo yenye anasema ule mwenye kushika zile nyota saba (7) katika mukono wake wa kuume, na kutembea kati ya vile vinara saba vya taa vya zahabu:+ 2 ‘Ninajua matendo yako, na kazi yako ya jasho na uvumilivu wako, na kwamba hauwezi kuvumilia watu wabaya, na kwamba unajaribu wale wenye wanasema kama wao ni mitume,+ lakini wao hawako mitume, na uliwavumbua kuwa waongo. 3 Wewe pia unaonyesha uvumilivu, na umeendelea kuvumilia kwa ajili ya jina langu+ na haujachoka.+ 4 Hata hivyo, niko na jambo hili juu yako, kwamba umeacha upendo wenye ulikuwa nao pale mwanzo.

5 “‘Kwa hiyo kumbuka ulianguka kutoka wapi, na utubu+ na ufanye matendo yenye ulifanya pale mwanzo. Kama haufanye vile, nitakuja kwako, na nitaondoa kinara chako cha taa+ kutoka mahali pake, kama hautubu.+ 6 Lakini, kuko jambo hili la muzuri lenye uko nalo: unachukia matendo ya zehebu* la Nikolao,+ yenye mimi pia ninachukia. 7 Ule mwenye kuwa na sikio asikie mambo yenye roho inaambia makutaniko:+ Ule mwenye atashinda+ nitamupatia ruhusa ya kula matunda ya ule muti wa uzima,+ wenye kuwa katika paradiso ya Mungu.’

8 “Na kwa malaika wa kutaniko lenye kuwa katika Smirna andika: Haya ndiyo mambo yenye anasema, ‘wa Kwanza na wa Mwisho,’+ mwenye alikufa na akakuwa muzima tena:+ 9 ‘Ninajua taabu yako na umaskini wako—lakini wewe ni tajiri+—na neno la kumutukana Mungu la wale wenye wanajiita Wayahudi na kwa kweli hawako Wayahudi, lakini wao ni sinagogi la Shetani.+ 10 Usiogope mateso yenye yako karibu kukupata.+ Angalia! Ibilisi ataendelea kutupa wamoja wenu katika gereza ili mujaribiwe kwa ukamili, na mutapata taabu kwa siku kumi (10). Ukuwe muaminifu hata kufikia kifo, na mimi nitakupatia taji la uzima.+ 11 Ule mwenye kuwa na sikio asikie+ mambo yenye roho inaambia makutaniko: Ule mwenye atashinda+ hataumizwa hata kidogo na kifo cha pili.’+

12 “Kwa malaika wa kutaniko lenye kuwa katika Pergamamu andika: Haya ndiyo mambo yenye anasema ule mwenye kuwa na ule upanga mukali, murefu na wenye makali pande mbili:+ 13 ‘Ninajua mahali unakaa, ni kusema, mahali kwenye kiti cha ufalme cha Shetani kiko; lakini ungali unaendelea kushika sana jina langu,+ na haukukana imani yako kwangu+ hata katika siku za Antipa, shahidi wangu muaminifu,+ mwenye aliuawa+ pembeni yenu, mahali Shetani anakaa.

14 “‘Lakini, niko na mambo kidogo juu yako, kwamba uko pale na wale wenye wanafuata fundisho la Balaamu,+ mwenye alifundisha Balaki+ kuweka kikwazo mbele ya wana wa Israeli, kula vitu vyenye vilitolewa zabihu kwa sanamu na kufanya uasherati.*+ 15 Kwa njia ileile, uko pia na wale wenye wanafuata fundisho la zehebu* la Nikolao.+ 16 Basi utubu. Kama hautubu, ninakuja kwako mbio, na nitapigana nao vita kwa ule upanga murefu wa kinywa changu.+

17 “‘Ule mwenye kuwa na sikio asikie mambo yenye roho inaambia makutaniko:+ Ule mwenye atashinda+ nitamupatia sehemu fulani ya mana yenye kufichwa,+ na nitamupatia jiwe la kidogo la mweupe, na kwenye jiwe hilo la kidogo kumeandikwa jina mupya lenye hakuna mutu yeyote mwenye analijua isipokuwa ule mwenye analipokea.’

18 “Kwa malaika wa kutaniko lenye kuwa katika Tiatira+ andika: Haya ndiyo mambo yenye Mwana wa Mungu anasema, mwenye macho yake ni kama mwali wa moto+ na mwenye miguu yake ni kama shaba safi:+ 19 ‘Ninajua matendo yako, na upendo wako na imani na utumishi na uvumilivu wako, na kwamba matendo yako ya karibuni yanapita mambo yenye ulifanya pale mwanzo.

20 “‘Lakini, niko na jambo hili juu yako, kwamba unavumilia ule mwanamuke Yezebeli,+ mwenye anajiita nabii, na anafundisha na kupotosha watumwa wangu wafanye uasherati*+ na kula vitu vyenye vilitolewa zabihu kwa sanamu. 21 Na nilimupatia wakati wa kutubu, lakini yeye hataki kutubu uasherati* wake. 22 Angalia! Niko karibu kumutupa katika kitanda cha ugonjwa, na wale wenye wanafanya uzinifu pamoja naye kuwatupa ­katika taabu kubwa, kama hawatatubu matendo yake. 23 Na nitaua watoto wake kwa pigo lenye kuua, na hivyo makutaniko yote yatajua kwamba mimi ndiye mwenye kuchunguza mawazo ya ndani kabisa* na mioyo, na nitamupatia kila mumoja wenu kulingana na matendo yake.+

24 “‘Lakini, ninaambia wale wengine kati yenu wenye kuwa katika Tiatira, wale wote wenye hawafuate fundisho hili, wale wenye hawakujua mambo yenye yanaitwa “mambo mazito ya Shetani”:+ Mimi siwaongezee ninyi muzigo mwingine wowote. 25 Hata hivyo, mushike sana kile chenye muko nacho mupaka wakati nitakuja.+ 26 Na ule mwenye atashinda na kushika matendo yangu mupaka mwisho, nitamupatia mamlaka juu ya mataifa,+ 27 na atachunga watu kwa fimbo ya chuma+ na hivyo watavunjwa vipande-vipande kama vyombo vya udongo, kama vile nimepokea kutoka kwa Baba yangu. 28 Na nitamupatia nyota ya asubui.+ 29 Ule mwenye kuwa na sikio asikie mambo yenye roho inaambia makutaniko.’

3 “Kwa malaika wa kutaniko lenye kuwa katika Sardi andika: Haya ndiyo mambo yenye anasema ule mwenye kuwa na zile roho saba (7) za Mungu+ na zile nyota saba:+ ‘Ninajua matendo yako, kwamba uko na jina* kwamba uko muzima, lakini umekufa.+ 2 Ukuwe macho,+ na utie nguvu vitu vyenye vinabakia vyenye vilikuwa karibu kufa, kwa maana mimi sikuona kama kazi zako ­zilikuwa zimefanywa kwa ukamili* mbele ya Mungu wangu. 3 Kwa hiyo, endelea kufikiria* namna ulipokea na namna ulisikia, na uendelee kuchunga jambo hilo, na utubu.+ Hakika kama hauamuke, nitakuja kama mwizi,+ na hautajua hata kidogo saa yenye nitakuja juu yako.+

4 “‘Hata hivyo, uko na watu kidogo* katika Sardi wenye hawakuchafua nguo zao,+ na watatembea pamoja na mimi wakiwa wamevaa nguo nyeupe,+ kwa sababu wanastahili. 5 Kwa hiyo, ule mwenye atashinda+ atavaa nguo nyeupe,+ na sitafuta hata kidogo jina lake katika kitabu cha uzima,+ lakini nitakubali jina lake mbele ya Baba yangu na mbele ya malaika wake.+ 6 Ule mwenye kuwa na sikio asikie mambo yenye roho inaambia makutaniko.’

7 “Kwa malaika wa kutaniko lenye kuwa katika Filadelfia andika: Haya ndiyo mambo yenye anasema ule mwenye kuwa mutakatifu,+ mwenye kuwa wa kweli,+ mwenye kuwa na funguo ya Daudi,+ mwenye anafungua hivi kwamba hakuna mutu mwenye atafunga na anafunga hivi kwamba hakuna mutu mwenye anafungua: 8 ‘Ninajua matendo yako—angalia! Nimeweka mbele yako mulango wenye kufunguliwa,+ wenye hakuna mutu anaweza kuufunga. Na ninajua kama uko na nguvu kidogo, na ulishika neno langu na haukukana jina langu. 9 Angalia! Nitafanya wale wa sinagogi la Shetani wenye wanasema ni Wayahudi hata kama hawako Wayahudi,+ lakini wanasema uongo—angalia! Nitawafanya wakuje na wainame mbele ya miguu yako na nitawafanya wajue kwamba nimekupenda wewe. 10 Kwa sababu ulishika neno juu ya uvumilivu wangu,*+ mimi pia nitakulinda katika ile saa ya jaribu+ yenye itakuja juu ya dunia yote yenye kuikaliwa na watu, ili kujaribu wale wenye wanakaa katika dunia. 11 Ninakuja mbio.+ Endelea kushika sana kile chenye uko nacho, ili mutu yeyote asichukue taji lako.+

12 “‘Ule mwenye atashinda—nitamufanya kuwa nguzo katika hekalu la Mungu wangu, na hatatoka ndani hata kidogo, na nitaandika juu yake jina la Mungu wangu+ na jina la muji wa Mungu wangu, Yerusalemu Mupya+ wenye unashuka kutoka mbinguni kwa Mungu wangu, na jina langu mwenyewe la mupya.+ 13 Ule mwenye kuwa na sikio asikie mambo yenye roho inaambia makutaniko.’

14 “Kwa malaika wa kutaniko lenye kuwa katika Laodikia+ andika: Haya ndiyo mambo yenye Amina+ anasema, shahidi+ muaminifu na wa kweli,+ mwanzo wa uumbaji wa Mungu:+ 15 ‘Ninajua matendo yako, kwamba wewe hauko baridi wala moto. Ningependa ukuwe baridi ao moto. 16 Basi kwa sababu wewe ni vuguvugu na hauko moto+ wala hauko baridi,+ nitakutapika kutoka katika kinywa changu. 17 Kwa sababu unasema, “Mimi ni tajiri,+ nimejipatia utajiri na sina lazima ya kitu chochote hata kidogo,” lakini haujue kwamba wewe ni mwenye taabu na wa kusikiliwa huruma na uko maskini na kipofu na uchi, 18 ninakushauri ununue kutoka kwangu zahabu yenye kusafishwa kwa moto ili ukuwe tajiri, na nguo nyeupe ili uvae na haya ya uchi wako isifunuliwe,+ na dawa ya macho ya kupakaa katika macho yako+ ili uweze kuona.+

19 “‘Wale wote wenye ninapenda, ninawakaripia na kuwatia nizamu.+ Basi ukuwe mwenye bidii na utubu.+ 20 Angalia! Nimesimama kwenye mulango na ninapiga hodi. Kama mutu yeyote anasikia sauti yangu na kufungua mulango, nitaingia ndani ya nyumba yake na kula chakula cha mangaribi pamoja naye, na yeye pamoja na mimi. 21 Ule mwenye atashinda+ nitamupatia ruhusa ya kukaa pamoja na mimi kwenye kiti changu cha ufalme,+ kama vile nilipata ushindi na nikakaa+ pamoja na Baba yangu kwenye kiti chake cha ufalme. 22 Ule mwenye kuwa na sikio asikie mambo yenye roho inaambia makutaniko.’”

4 Kisha mambo hayo nikaona, na angalia! mulango wenye kufunguliwa mbinguni, na sauti ya kwanza yenye nilisikia ikisema na mimi ilikuwa kama tarumbeta, yenye kusema: “Panda ukuje huku, na nitakuonyesha mambo yenye yanapaswa kutendeka.” 2 Kisha mambo hayo mara moja nikakuwa katika nguvu za roho, na angalia! kiti cha ufalme kilikuwa mahali pake mbinguni, na mutu fulani alikuwa amekaa kwenye kile kiti cha ufalme.+ 3 Na Ule mwenye kukaa alionekana kama jiwe la yaspi+ na jiwe nyekundu lenye samani, na kuzunguka kile kiti cha ufalme kulikuwa upinde wa mvua wenye kuonekana kama zumaridi.+

4 Kuzunguka kile kiti cha ufalme kulikuwa viti vya ufalme makumi mbili na ine (24), na kwenye vile viti vya ufalme niliona wazee makumi mbili na ine+ wamekaa wakiwa wamevaa nguo nyeupe, na juu ya vichwa vyao kulikuwa mataji ya zahabu. 5 Katika kile kiti cha ufalme kulikuwa kunatokea umeme wa radi+ na sauti na ngurumo za radi;+ na kulikuwa taa saba (7) za moto zenye kuwaka mbele ya kile kiti cha ufalme, na taa hizo zinamaanisha zile roho saba za Mungu.+ 6 Mbele ya kile kiti cha ufalme kulikuwa kitu fulani chenye kufanana bahari ya kioo,+ kama fuwele.

Katikati ya kile kiti cha ufalme* na kuzunguka kile kiti cha ufalme kulikuwa viumbe ine (4) vyenye uzima+ vyenye kujaa macho mbele na nyuma. 7 Kiumbe cha kwanza chenye uzima kilikuwa kama simba,+ na kiumbe cha pili chenye uzima kilikuwa kama ngombe-dume mudogo,+ na kiumbe cha tatu (3) chenye uzima+ kilikuwa na uso kama wa mwanadamu, na kiumbe cha ine (4) chenye uzima+ kilikuwa kama tai mwenye kuruka.+ 8 Na vile viumbe ine (4) vyenye uzima, kila kimoja cha viumbe hivyo kilikuwa na mabawa sita (6); vilikuwa vimejaa macho kuvizunguka na chini yavyo.+ Na bila kuacha, muchana na usiku, vinasema: “Mutakatifu, mutakatifu, mutakatifu ni Yehova*+ Mungu, Mweza-Yote, mwenye alikuwa na mwenye iko* na mwenye ana­kuja.”+

9 Kila wakati wenye vile viumbe vyenye uzima vinatoa utukufu na heshima na shukrani kwa Ule mwenye kukaa juu ya kile kiti cha ufalme, Ule mwenye kuishi milele na milele,+ 10 wale wazee makumi mbili na ine (24)+ wanaanguka chini mbele ya Ule mwenye kukaa juu ya kile kiti cha ufalme na wanamuabudu Ule mwenye kuishi milele na milele, na wanatupa mataji yao mbele ya kile kiti cha ufalme, wakisema: 11 “Unastahili, Yehova* Mungu wetu, kupokea utukufu+ na heshima+ na nguvu,+ kwa sababu uliumba vitu vyote,+ na kwa sababu ya mapenzi yako vilifikia kuwa na vikaumbwa.”

5 Na nikaona katika mukono wa kuume wa Ule mwenye kukaa kwenye kile kiti cha ufalme,+ kitabu cha kukunjwa chenye kuandikwa pande zote mbili,* ­chenye kufungwa kabisa kwa mihuri saba (7). 2 Na nikaona malaika mwenye nguvu akitangaza kwa sauti kubwa: “Ni nani mwenye anastahili kufungua kile kitabu cha kukunjwa na kuvunja mihuri yake?” 3 Lakini hakuna mutu yeyote mbinguni ao duniani ao chini ya dunia mwenye aliweza kufungua kile kitabu cha kukunjwa ao kuangalia ndani yake. 4 Nikalia sana kwa sababu hakuna mutu yeyote mwenye alipatikana mwenye alistahili kufungua kile kitabu cha kukunjwa ao kuangalia ndani yake. 5 Lakini mumoja wa wale wazee akaniambia: “Acha kulia. Angalia! Simba wa kabila la Yuda,+ muzizi+ wa Daudi,+ ameshinda+ ili afungue kile kitabu cha kukunjwa na mihuri yake saba (7).”

6 Na nikaona mwana-kondoo+ mwenye kuonekana kama vile amechinjwa,+ akiwa amesimama katikati ya kile kiti cha ufalme na ya vile viumbe ine (4) vyenye uzima na katikati ya wale wazee,+ akiwa na pembe saba (7) na macho saba, na macho hayo yanamaanisha zile roho saba za Mungu+ zenye zimetumwa katika dunia yote. 7 Mara moja akakuja na kukikamata kutoka katika mukono wa kuume wa Ule mwenye kukaa kwenye kile kiti cha ufalme.+ 8 Wakati alikamata kile kitabu cha kukunjwa, vile viumbe ine (4) vyenye uzima na wale wazee makumi mbili na ine (24)+ wakaanguka chini mbele ya Mwana-Kondoo, na kila mumoja alikuwa na kinubi na mabakuli ya zahabu yenye kujaa uvumba. (Uvumba huo unamaanisha sala za watakatifu.)+ 9 Na wanaimba wimbo mupya,+ wakisema: “Unastahili kukamata kile kitabu cha kukunjwa na kufungua mihuri yake, kwa maana ulichinjwa na kwa damu yako ukanunulia Mungu watu+ kutoka katika kila kabila na luga na watu na taifa,+ 10 na ukawafanya kuwa ufalme+ na makuhani kwa ajili ya Mungu wetu,+ na watatawala wakiwa wafalme+ juu ya dunia.”

11 Na nikaona, na nikasikia sauti ya malaika wengi kuzunguka kile kiti cha ufalme na vile viumbe vyenye uzima na wale wazee, na hesabu yao ilikuwa makumi ya maelfu ya makumi ya maelfu na maelfu ya maelfu,+ 12 na walikuwa wanasema kwa sauti kubwa: “Mwana-Kondoo mwenye alichinjwa+ anastahili kupokea uwezo na utajiri na hekima na nguvu na heshima na utukufu na baraka.”+

13 Na nikasikia kila kiumbe chenye kuwa mbinguni na duniani na chini ya dunia+ na katika bahari, na vitu vyote vyenye kuwa ndani ya hivyo, vikisema: “Kwa Ule mwenye kukaa juu ya kile kiti cha ufalme+ na kwa Mwana-Kondoo+ kukuwe baraka na heshima+ na utukufu na nguvu milele na milele.”+ 14 Vile viumbe ine (4) vyenye uzima vilikuwa vinasema: “Amina!” na wale wazee wakaanguka chini na kuabudu.

6 Na niliona wakati Mwana-Kondoo+ alifungua mumoja wa ile mihuri saba (7),+ na nikasikia kimoja cha vile viumbe ine (4) vyenye uzima+ kikisema kwa sauti kama ya mungurumo wa radi: “Kuja!” 2 Na nikaona, na angalia! farasi mweupe,+ na ule mwenye kukaa juu yake alikuwa na upinde; na akapewa taji,+ na akaenda akishinda na kukamilisha ushindi wake.+

3 Wakati alifungua muhuri wa pili, nikasikia kiumbe cha pili chenye uzima+ kikisema: “Kuja!” 4 Mwingine akatokea, farasi mwenye rangi ya moto, na ule mwenye kukaa juu yake akapewa ruhusa ya kutosha amani katika dunia ili watu wauane, na akapewa upanga mukubwa.+

5 Wakati alifungua muhuri wa tatu (3),+ nikasikia kiumbe cha tatu chenye uzima+ kikisema: “Kuja!” Na nikaona, na angalia! farasi mweusi, na ule mwenye kukaa juu yake alikuwa na mizani* katika mukono wake. 6 Na nikasikia kitu kama sauti katikati ya vile viumbe ine (4) vyenye uzima kikisema: “Kwati* moja ya ngano kwa dinari* moja+ na vibaba tatu (3) vya shayiri kwa dinari moja; na usiharibishe divai na mafuta ya zeituni.”+

7 Wakati alifungua muhuri wa ine (4), nikasikia sauti ya kiumbe cha ine chenye uzima+ kikisema: “Kuja!” 8 Na nikaona, na angalia! farasi wa rangi ya majivu, na ule mwenye kukaa juu yake alikuwa na jina Kifo. Na Kaburi* lilikuwa linamufuata karibu-karibu. Na wakapewa mamlaka juu ya sehemu moja ya ine (1/4) ya dunia, ili kuua kwa upanga murefu na kwa upungufu wa chakula+ na kwa pigo lenye kuua na kwa wanyama wa pori wa dunia.+

9 Wakati alifungua muhuri wa tano (5), nikaona chini ya mazabahu+ nafsi*+ za wale wenye waliuawa kwa sababu ya neno la Mungu na kwa sababu ya ushahidi wenye walikuwa wametoa.+ 10 Wakasema kwa sauti kubwa: “Bwana Mwenye Mamlaka Makubwa Zaidi, mutakatifu na wa kweli,+ utajizuia mupaka wakati gani kuhukumu na kulipiza kisasi cha damu yetu juu ya wale wenye wanakaa katika dunia?”+ 11 Na kila mumoja wao akapewa kanzu ya mweupe,+ na wakaambiwa wapumuzike tena kwa wakati kidogo, mupaka hesabu ijazwe ya watumwa wenzao na ndugu zao wenye walikuwa karibu kuuawa kama vile wao waliuawa.+

12 Na nikaona wakati alifungua muhuri wa sita (6), na tetemeko kubwa la inchi likatokea; na jua likakuwa mweusi kama nguo ya gunia ya manyoya,* na mwezi wote ukakuwa kama damu,+ 13 na nyota za mbinguni zikaanguka juu ya dunia kama vile wakati muti wa tini wenye kutikiswa na upepo mukali unaangusha tini zake za mubichi. 14 Na mbingu ikaondoka kama kitabu cha kukunjwa chenye kinakunjwa,+ na kila mulima na kila kisiwa vikaondolewa mahali pake.+ 15 Halafu wafalme wa dunia, maofisa wakubwa, makamanda wa kijeshi, matajiri, watu wenye nguvu, kila mutumwa, na kila mutu huru wakajificha katika mapango na katika miamba ya milima.+ 16 Na wanaendelea kuambia milima na miamba: “Mutuangukie+ na mutufiche kutoka kwenye uso wa Ule mwenye anakaa kwenye kile kiti cha ufalme+ na kutoka kwenye kasirani kali ya Mwana-Kondoo,+ 17 kwa sababu siku kubwa ya kasirani yao kali imekuja,+ na ni nani mwenye anaweza kusimama?”+

7 Kisha mambo hayo nikaona malaika ine (4) wamesimama juu ya pembe ine za dunia, wakishika kwa nguvu zile pepo ine za dunia ili upepo wowote usipite juu ya dunia ao juu ya bahari ao juu ya muti wowote. 2 Na nikaona malaika mwingine akipanda kutoka mashariki, akiwa na muhuri wa Mungu mwenye kuishi; na akaita kwa sauti kubwa wale malaika ine (4) wenye walipewa ruhusa ya kuumiza dunia na bahari, 3 akisema: “Musiumize dunia ao bahari ao miti, mupaka wakati tutakuwa tumetia muhuri+ watumwa wa Mungu wetu katika mapaji ya nyuso zao.”+

4 Na nikasikia hesabu ya wale wenye walitiwa muhuri, elfu mia moja makumi ine na ine (144000),+ wenye walitiwa muhuri kutoka kila kabila la wana wa Israeli:+

9 Kisha mambo hayo nikaona, na angalia! kundi kubwa la watu, wenye hakuna mutu mwenye aliweza kuhesabia, kutoka mataifa yote na makabila na vikundi vya watu na luga,+ wamesimama mbele ya kile kiti cha ufalme na mbele ya Mwana-Kondoo, wakiwa wamevaa kanzu za mweupe;+ na kulikuwa matawi ya mitende katika mikono yao.+ 10 Na wanaendelea kusema kwa sauti kubwa: “Wokovu wetu unatoka kwa Mungu wetu, mwenye kukaa kwenye kiti cha ufalme,+ na kwa Mwana-Kondoo.”+

11 Malaika wote walikuwa wamesimama kuzunguka kile kiti cha ufalme na wale wazee+ na vile viumbe ine (4) vyenye uzima, na wakapiga magoti na kuinama mupaka chini mbele ya kile kiti cha ufalme na wakamuabudu Mungu, 12 wakisema: “Amina! Sifa na utukufu na hekima na shukrani na heshima na uwezo na nguvu vikuwe kwa Mungu wetu milele na milele.+ Amina.”

13 Halafu mumoja wa wale wazee akaniuliza: “Hawa wenye kuvaa kanzu za mweupe,+ ni nani na walitoka wapi?” 14 Basi mara moja nikamuambia: “Bwana wangu, wewe ndiye unajua.” Na akaniambia: “Hawa ndio wale wenye wanatoka katika ile taabu kubwa,+ na wamefua kanzu zao na kuzifanya mweupe katika damu ya Mwana-Kondoo.+ 15 Ndiyo sababu wako mbele ya kile kiti cha ufalme cha Mungu, na wanamutolea utumishi mutakatifu muchana na usiku katika hekalu lake; na Ule mwenye kukaa kwenye kiti cha ufalme+ atatandika hema yake juu yao.+ 16 Hawatakuwa na njaa na hawatakuwa na kiu tena, na jua halitawachoma ao joto lolote lenye kuunguza,+ 17 kwa sababu Mwana-Kondoo,+ mwenye kuwa katikati ya kile kiti cha ufalme, atawachunga+ na kuwaongoza kwenye chemchemi za maji* ya uzima.+ Na Mungu atapanguza kila chozi katika macho yao.”+

8 Wakati alifungua+ muhuri wa saba (7),+ kukakuwa kimya mbinguni kwa karibu nusu saa. 2 Na nikaona wale malaika saba (7)+ wenye kusimama mbele ya Mungu, na wakapewa tarumbeta saba.

3 Malaika mwingine, akiwa ameshika chombo cha uvumba* cha zahabu, akafika na kusimama kwenye mazabahu,+ na akapewa kiasi kikubwa cha uvumba+ ili autoe pamoja na sala za watakatifu wote juu ya mazabahu ya zahabu+ yenye ilikuwa mbele ya kile kiti cha ufalme. 4 Moshi wa uvumba kutoka kwenye mukono wa ule malaika ukapanda pamoja na sala+ za watakatifu mbele ya Mungu. 5 Lakini mara moja malaika huyo akakamata kile chombo cha uvumba, na akakijaza sehemu ya moto ya mazabahu na kukitupa katika dunia. Na kukatokea mingurumo ya radi na sauti na miangaza ya umeme wa radi+ na tetemeko la inchi. 6 Na wale malaika saba (7) wenye walikuwa na tarumbeta saba+ wakajitayarisha kuzipiga.

7 Malaika wa kwanza akapiga tarumbeta yake. Kukakuwa mvua ya majiwe na moto wenye kuchanganywa na damu, na ukatupwa katika dunia;+ na sehemu moja ya tatu (1/3) ya dunia ikateketezwa kwa moto, na sehemu moja ya tatu ya miti ikateketezwa kwa moto, na mimea yote ya mubichi ikateketezwa kwa moto.+

8 Malaika wa pili akapiga tarumbeta yake. Na kitu fulani kama mulima mukubwa wenye kuwaka moto kikatupwa ndani ya bahari.+ Na sehemu moja ya tatu (1/3) ya bahari ikakuwa damu;+ 9 na sehemu moja ya tatu (1/3) ya viumbe vyenye uzima* vya bahari ikakufa,+ na sehemu moja ya tatu ya mashua* ikavunjika-vunjika.

10 Malaika wa tatu (3) akapiga tarumbeta yake. Na nyota kubwa yenye kuwaka kama taa ikaanguka kutoka mbinguni, na ikaanguka juu ya sehemu moja ya tatu (1/3) ya mito na juu ya chemchemi za maji.*+ 11 Jina la nyota hiyo ni Pakanga. Na sehemu moja ya tatu (1/3) ya maji ikageuka kuwa pakanga, na watu wengi wakakufa kutokana na maji hayo, kwa sababu yalikuwa yamefanywa kuwa machungu.+

12 Malaika wa ine (4) akapiga tarumbeta yake. Na sehemu moja ya tatu (1/3) ya jua ikapigwa+ na sehemu moja ya tatu ya mwezi na sehemu moja ya tatu ya nyota, ili sehemu moja ya tatu ya hizo itiwe giza+ na muchana usikuwe na mwangaza kwa sehemu moja ya tatu yake, na usiku vilevile.

13 Na nikaona, na nikasikia tai anaruka katikati ya mbingu akisema kwa sauti kubwa: “Ole, ole, ole+ wao wenye kukaa katika dunia kwa sababu ya milio ingine ya tarumbeta za wale malaika watatu (3) wenye wako karibu kupiga tarumbeta zao!”+

9 Malaika wa tano (5) akapiga tarumbeta yake.+ Na nikaona nyota yenye ilikuwa imeanguka kutoka mbinguni mupaka duniani, na akapewa funguo ya shimo la abiso.+ 2 Akafungua shimo la abiso, na moshi ukapanda kutoka katika lile shimo kama moshi wa tanuru kubwa, na jua likatiwa giza,+ pia hewa, kwa moshi wa lile shimo. 3 Na nzige wakatoka katika ule moshi wakakuja katika dunia,+ na wakapewa mamlaka, mamlaka kama ile yenye nge wa dunia wako nayo. 4 Wakaambiwa wasiharibishe majani ya dunia ao mumea wowote mubichi ao muti wowote, isipokuwa tu watu wenye hawana muhuri wa Mungu kwenye mapaji ya nyuso zao.+

5 Na nzige hao walipewa ruhusa, hapana ya kuwaua, lakini ya kuwatesa kwa miezi tano (5), na mateso yao yalikuwa kama mateso ya mutu wakati anaumwa na nge.+ 6 Katika siku hizo watu watatafuta kifo lakini hawatakipata hata kidogo, na watatamani kufa, lakini kifo kitawakimbia.

7 Na wale nzige walionekana kama farasi wenye walitayarishwa kwa ajili ya vita;+ juu ya vichwa vyao kulikuwa kitu chenye kuonekana kama mataji ya zahabu, na nyuso zao zilikuwa kama nyuso za wanadamu, 8 lakini walikuwa na nywele kama nywele za wanamuke. Na meno yao yalikuwa kama ya simba,+ 9 na walikuwa na mabamba ya kifua kama mabamba ya kifua ya chuma. Na sauti ya mabawa yao ilikuwa kama sauti ya magari ya farasi yenye kukimbia kuenda katika vita.+ 10 Pia, wako na mikia yenye miiba kama nge, na katika mikia yao kuko mamlaka yao ya kuumiza watu kwa miezi tano (5).+ 11 Wako na mufalme juu yao, ule malaika wa abiso.+ Katika Kiebrania jina lake ni Abadoni,* lakini katika Kigiriki jina lake ni Apo­lioni.*

12 Ole moja imepita. Angalia! Ole mbili zaidi+ zinakuja kisha mambo haya.

13 Malaika wa sita (6)+ akapiga tarumbeta yake.+ Na nikasikia sauti moja kutoka katika zile pembe za mazabahu ya zahabu+ yenye kuwa mbele ya Mungu 14 ikimuambia malaika wa sita (6) mwenye alikuwa na tarumbeta: “Fungua malaika ine (4) wenye wamefungwa kwenye muto mukubwa Efrati.”+ 15 Na wale malaika ine (4), wenye wametayarishwa kwa ajili ya ile saa na siku na mwezi na mwaka wakafunguliwa ili waue sehemu moja ya tatu (1/3) ya watu.

16 Hesabu ya majeshi ya wapanda-farasi ilikuwa makumi mbili ya maelfu ya makumi ya maelfu;* nilisikia hesabu yao. 17 Na ni hivi niliona wale farasi katika maono na wale wenye kukaa juu yao: Walikuwa na mabamba ya kifua ya rangi nyekundu ya moto na ya bluu ya hayasinti na ya manjano ya kiberiti, na vichwa vya wale farasi vilikuwa kama vichwa vya simba,+ na moto na moshi na kiberiti vilitoka katika vinywa vyao. 18 Sehemu moja ya tatu (1/3) ya watu iliuawa kwa yale mapigo tatu (3), kwa ule moto na moshi na kiberiti vyenye vilitoka katika vinywa vyao. 19 Kwa maana mamlaka ya wale farasi iko katika vinywa vyao na katika mikia yao, kwa maana mikia yao ni kama nyoka na iko na vichwa, na wanaitumia ili kuumiza.

20 Lakini watu wengine wenye walibakia wenye hawakuuawa kwa yale mapigo hawakutubu matendo ya mikono yao; hawakuacha kuabudu pepo wachafu na sanamu za zahabu na feza na shaba na majiwe na miti, zenye haziwezi kuona ao kusikia ao kutembea.+ 21 Na hawakutubu mauaji yao ao mazoea yao ya kupashana habari na pepo wachafu ao uasherati* wao ao wizi wao.

10 Na nikaona malaika mwingine mwenye nguvu akishuka kutoka mbinguni, amepambwa* wingu, na upinde wa mvua ulikuwa juu ya kichwa chake, na uso wake ulikuwa kama jua,+ na miguu yake ilikuwa kama nguzo za moto, 2 na katika mukono wake alikuwa na kitabu kidogo cha kukunjwa chenye kufunguliwa. Na akaweka muguu wake wa kuume juu ya bahari, lakini muguu wake wa kushoto juu ya dunia, 3 na akalalamika kwa sauti kubwa kama vile wakati simba ananguruma.+ Na wakati alilalamika kwa sauti kubwa, sauti za ile mingurumo saba (7)+ zikasema.

4 Sasa wakati ile mingurumo saba (7) ilisema, nilikuwa karibu kuandika; lakini nikasikia sauti kutoka mbinguni+ ikisema: “Tia muhuri mambo yenye ile mingurumo saba ilisema, na usiyaandike.” 5 Malaika mwenye niliona amesimama juu ya bahari na juu ya dunia akainua mukono wake wa kuume kuelekea mbinguni, 6 na akaapa kwa Ule mwenye anaishi milele na milele,+ mwenye aliumba mbingu na vitu vyenye kuwa ndani yake na dunia na vitu vyenye kuwa ndani na bahari na vitu vyenye kuwa ndani:+ “Hakutakuwa tena kukawia. 7 Lakini katika siku zenye ule malaika wa saba (7)+ atakuwa karibu kupiga tarumbeta yake,+ ile siri takatifu+ yenye Mungu alitangaza kuwa habari njema kwa watumwa wake mwenyewe wenye kuwa manabii+ kwa kweli itafikishwa kwenye mwisho wake.”

8 Na nikasikia sauti kutoka mbinguni+ ikisema tena na mimi na kuniambia: “Uende, ukamate kile kitabu cha kukunjwa chenye kufunguliwa chenye kuwa katika mukono wa malaika mwenye amesimama juu ya bahari na juu ya dunia.”+ 9 Nikaenda kwa ule malaika na kumuambia anipatie kile kitabu kidogo cha kukunjwa. Akaniambia: “Kikamate na ukikule,+ na kitafanya tumbo lako likuwe na uchungu, lakini katika kinywa chako kitakuwa kitamu kama asali.” 10 Nikakamata kile kitabu kidogo cha kukunjwa kutoka katika mukono wa ule malaika na nikakikula,+ na katika kinywa changu kilikuwa kitamu kama asali,+ lakini kisha kukikula, tumbo langu likakuwa na uchungu. 11 Na wakaniambia: “Unapaswa kutoa tena unabii juu ya vikundi vya watu na mataifa na luga na wafalme wengi.”

11 Na nikapewa utete wenye kufanana na fimbo,*+ na nikaambiwa: “Simama upime patakatifu pa hekalu la Mungu na mazabahu na wale wenye wanaabudu ndani yake. 2 Lakini kiwanja chenye kuwa inje ya patakatifu pa hekalu, ukiache na usikipime, kwa sababu kimepewa mataifa, na watakanyanga ule muji mutakatifu+ chini ya miguu yao kwa miezi makumi ine na mbili (42).+ 3 Nitafanya mashahidi wangu wawili watoe unabii kwa siku elfu moja mia mbili makumi sita (1260) wakiwa wamevaa nguo za magunia.” 4 Hao wanafananishwa na ile miti mbili ya mizeituni+ na vile vinara mbili vya taa+ na wamesimama mbele ya Bwana wa dunia.+

5 Kama mutu yeyote anataka kuwaumiza, moto unatoka katika vinywa vyao na kuteketeza maadui wao. Kama mutu yeyote anataka kuwaumiza, ni vile anapaswa kuuawa. 6 Hawa wako na mamlaka ya kufunga anga*+ ili mvua yoyote isinyeshe+ katika siku zao za kutoa unabii, na wako na mamlaka juu ya maji ili kuyageuza kuwa damu+ na kupiga dunia kwa kila namna ya pigo mara nyingi vile wanapenda.

7 Wakati watakuwa wamemaliza kutoa ushahidi, ule munyama wa pori mwenye anapanda kutoka katika abiso atapigana nao vita na atawashinda na kuwaua.+ 8 Na maiti zao zitakuwa kwenye barabara kubwa ya ule muji mukubwa wenye katika maana ya kiroho unaitwa Sodoma na Misri, kwenye pia Bwana wao aliuawa kwenye muti. 9 Na wale wa vikundi vya watu na makabila na luga na mataifa wataangalia maiti zao kwa siku tatu na nusu,+ na hawaruhusu maiti zao ziwekwe katika kaburi. 10 Na wale wenye wanakaa katika dunia wanafurahi juu yao na wanashangilia, na watatumiana zawadi, kwa sababu wale manabii wawili walitesa wale wenye wanakaa katika dunia.

11 Kisha zile siku tatu na nusu, roho ya uzima kutoka kwa Mungu ikaingia ndani yao,+ wakasimama kwa miguu yao, na woga mukubwa ukaingia wale wenye waliwaona. 12 Na wakasikia sauti kubwa kutoka mbinguni ikiwaambia: “Mupande mukuje huku.” Na wakapanda kuingia mbinguni katika wingu, na maadui wao wakawaona.* 13 Katika saa ile tetemeko kubwa la inchi likatokea, na sehemu moja ya kumi (1/10) ya muji ikaanguka; na watu elfu saba (7000) waliuawa na tetemeko hilo la inchi, na wale wengine wakakuwa na woga na wakamupatia Mungu wa mbinguni utukufu.

14 Ole ya pili+ imepita. Angalia! Ole ya tatu (3) inakuja mbio.

15 Malaika wa saba (7) akapiga tarumbeta yake.+ Na sauti kubwa zikasikiwa mbinguni, zikisema: “Ufalme wa ulimwengu umekuwa Ufalme wa Bwana wetu+ na wa Kristo wake,+ na atatawala akiwa mufalme milele na milele.”+

16 Na wale wazee makumi mbili na ine (24)+ wenye walikuwa wamekaa kwenye viti vyao vya ufalme mbele ya Mungu wakapiga magoti na kuinama mupaka chini na wakamuabudu Mungu, 17 wakisema: “Tunakushukuru wewe, Yehova* Mungu, Mweza-Yote, ule mwenye iko*+ na mwenye alikuwa, kwa sababu umechukua nguvu yako kubwa na umeanza kutawala ukiwa mufalme.+ 18 Lakini mataifa wakakuwa na kasirani kali, na kasirani kali yako mwenyewe ikakuja, na wakati wenye uliwekwa ukafika kwa ajili ya kuhukumiwa kwa wafu na kupatia zawabu+ watumwa wako manabii+ na watakatifu na wale wenye wanaogopa jina lako, wadogo na wakubwa, na kuharibu wale wenye wanaharibu dunia.”+

19 Na patakatifu pa hekalu la Mungu penye kuwa mbinguni pakafunguliwa, na sanduku la agano lake likaonekana katika patakatifu pa hekalu lake.+ Na kukatokea miangaza ya umeme wa radi na sauti na mingurumo ya radi na tetemeko la inchi na mvua kubwa ya majiwe.

12 Kisha alama kubwa ikaonekana mbinguni: Mwanamuke mumoja+ alikuwa amepambwa* jua, na mwezi ulikuwa chini ya miguu yake, na juu ya kichwa chake kulikuwa taji la nyota kumi na mbili (12), 2 na alikuwa na mimba. Na alikuwa analia katika maumivu yake na katika uchungu wake wa kuzaa.

3 Alama ingine ikaonekana mbinguni. Angalia! Nyoka mukubwa wa rangi ya moto,+ mwenye vichwa saba (7) na pembe kumi (10) na mataji* saba juu ya vichwa vyake; 4 na mukia wake unakokota sehemu moja ya tatu (1/3) ya nyota+ za mbinguni, na akazitupa chini katika dunia.+ Na ule nyoka mukubwa akaendelea kusimama mbele ya ule mwanamuke+ mwenye alikuwa karibu kuzaa, ili wakati atazaa, ameze mutoto wake.

5 Na ule mwanamuke akamuzaa mwana,+ mwanaume, mwenye atachunga mataifa yote kwa fimbo ya chuma.+ Na mutoto wake akanyakuliwa* mupaka kwa Mungu na kwenye kiti chake cha ufalme. 6 Na ule mwanamuke akakimbilia katika jangwa, kwenye iko* na mahali kwenye kulitayarishwa na Mungu na kwenye watamukulisha kwa siku elfu moja mia mbili makumi sita (1260).+

7 Na mara moja vita ikatokea mbinguni: Mikaeli*+ na malaika wake wakapigana na ule nyoka mukubwa, na ule nyoka mukubwa na malaika wake wakapigana 8 lakini hawakushinda,* na mahali hapakupatikana tena mbinguni kwa ajili yao. 9 Basi ule nyoka mukubwa+ akatupwa chini, ule nyoka wa zamani,+ mwenye kuitwa Ibilisi+ na Shetani,+ mwenye anapotosha dunia yote yenye kuikaliwa na watu;+ akatupwa chini katika dunia,+ na malaika wake wakatupwa chini pamoja naye. 10 Nikasikia sauti kubwa mbinguni ikisema:

“Sasa kumekuwa wokovu+ na nguvu na Ufalme wa Mungu wetu+ na mamlaka ya Kristo wake, kwa sababu mushitaki wa ndugu zetu ametupwa chini, mwenye anawashitaki muchana na usiku mbele ya Mungu wetu!+ 11 Na wakamushinda+ kwa sababu ya damu ya Mwana-Kondoo+ na kwa sababu ya neno lao la kutoa ushahidi,+ na hawakupenda nafsi zao*+ hata wakati walipambana na kifo. 12 Kwa sababu hiyo mufurahi, ninyi mbingu na ninyi wenye kukaa ndani yake! Ole wa dunia na wa bahari,+ kwa sababu Ibilisi ameshuka kwenu, akiwa na kasirani kali, akijua kwamba iko* na kipindi kifupi cha wakati.”+

13 Sasa wakati ule nyoka mukubwa aliona kwamba ametupwa chini katika dunia,+ alimutesa ule mwanamuke+ mwenye alizaa mutoto mwanaume. 14 Lakini ule mwanamuke akapewa mabawa mbili ya tai mukubwa,+ ili aruke kuenda katika jangwa mahali pake, kwenye atakulishwa kwa wakati na nyakati na nusu ya wakati*+ mbali na uso wa ule nyoka.+

15 Na ule nyoka akatapika maji kama muto kutoka katika kinywa chake nyuma ya ule mwanamuke, ili kumuzamisha katika muto huo. 16 Lakini dunia ikakuja kumusaidia ule mwanamuke, na dunia ikafungua kinywa chake na kumeza ule muto wenye ule nyoka mukubwa alitapika kutoka katika kinywa chake. 17 Basi ule nyoka mukubwa akakuwa na kasirani kali kumuelekea ule mwanamuke, na akaenda kupigana vita na wale wenye kubakia wa uzao wa* ule mwanamuke,+ wenye wanashika amri za Mungu na wenye wako na kazi ya kutoa ushahidi juu ya Yesu.+

13 Na akasimama* wima juu ya muchanga wa bahari.

Na nikaona munyama wa pori+ akipanda kutoka katika bahari,+ mwenye pembe kumi (10) na vichwa saba (7), na mataji* kumi juu ya pembe zake, lakini juu ya vichwa vyake kulikuwa majina ya kumutukana Mungu. 2 Sasa ule munyama wa pori mwenye niliona alikuwa kama chui, lakini miguu yake ilikuwa kama miguu ya dubu, na kinywa chake kilikuwa kama kinywa cha simba. Na ule nyoka mukubwa+ akamupatia ule munyama nguvu zake na kile kiti chake cha ufalme na mamlaka makubwa.+

3 Nikaona kwamba kimoja kati ya vichwa vyake kilionekana kama vile kimeumizwa mubaya sana, lakini kidonda chake chenye kinaweza kuua kilikuwa kimepona,+ na dunia yote ikamufuata ule munyama wa pori kwa mushangao. 4 Na wakamuabudu ule nyoka mukubwa kwa sababu alimupatia ule munyama wa pori mamlaka, na wakamuabudu ule munyama wa pori kwa maneno haya: “Ni nani mwenye kuwa kama huyu munyama wa pori, na ni nani mwenye anaweza kupigana naye?” 5 Akapewa kinywa chenye kusema mambo makubwa na maneno ya kumutukana Mungu, na akapewa mamlaka ya kutenda kwa miezi makumi ine na mbili (42).+ 6 Na akafungua kinywa chake kwa maneno ya kumutukana+ Mungu ili kutukana jina lake na makao yake, na hata wale wenye wanakaa mbinguni.+ 7 Akapewa ruhusa ya kupigana vita na watakatifu na kuwashinda,+ na akapewa mamlaka juu ya kila kabila na watu na luga na taifa. 8 Na wale wote wenye wanakaa katika dunia watamuabudu. Tangu kuwekwa musingi wa ulimwengu, hakuna hata moja la majina yao lenye limeandikwa katika kitabu cha kukunjwa cha uzima+ cha Mwana-Kondoo mwenye alichinjwa.+

9 Kama mutu yeyote iko* na sikio, asikie.+ 10 Kama mutu yeyote amekusudiwa kuenda katika utekwa, ataenda katika utekwa. Kama mutu yeyote ataua kwa upanga,* anapaswa kuuawa kwa upanga.+ Ni hapa watakatifu+ wanahitaji kuwa na uvumilivu+ na imani.+

11 Kisha nikaona munyama mwingine wa pori akipanda kutoka katika dunia, na alikuwa na pembe mbili kama mwana-kondoo, lakini akaanza kusema kama ule nyoka mukubwa.+ 12 Anatumia mamlaka yote ya ule munyama wa pori wa kwanza+ mbele ya macho yake. Na anafanya dunia na wale wenye wanakaa katika dunia wamuabudu ule munyama wa pori wa kwanza, mwenye kidonda chake chenye kinaweza kuua kilipona.+ 13 Na anafanya alama kubwa, anafanya hata moto ushuke kutoka mbinguni mupaka duniani mbele ya macho ya wanadamu.

14 Anapotosha wale wenye wanakaa katika dunia, kwa sababu ya alama zenye aliruhusiwa kufanya mbele ya macho ya ule munyama wa pori, na wakati uleule anaambia wale wenye wanakaa katika dunia watengeneze sanamu+ ya ule munyama wa pori mwenye alikuwa na pigo la upanga lakini bado akapona.+ 15 Na akaruhusiwa kupatia pumuzi* ile sanamu ya munyama wa pori, kusudi ile sanamu ya munyama wa pori iweze kusema na pia kufanya wale wenye wanakataa kuabudu ile sanamu ya munyama wa pori wauawe.

16 Analazimisha watu wote​​—wadogo na wakubwa, matajiri na maskini, watu wenye kuwa huru na watumwa​—ili wote watiwe alama kwenye mukono wao wa kuume ao kwenye paji la uso wao,+ 17 na kwamba mutu yeyote asiweze kununua ao kuuzisha isipokuwa tu mutu mwenye kuwa na ile alama, jina+ la ule munyama wa pori ao namba ya jina lake.+ 18 Ni hapa hekima inahitajiwa: Ule mwenye kuwa na ufahamu afanye hesabu ya namba ya ule munyama wa pori, kwa maana ni namba ya mwanadamu, na namba yake ni mia sita makumi sita na sita (666).+

14 Kisha nikaona, na angalia! Mwana-Kondoo+ amesimama juu ya Mulima Sayuni,+ na pamoja naye watu elfu mia moja makumi ine na ine (144000)+ wenye kuwa na jina lake na jina la Baba yake+ likiwa limeandikwa kwenye mapaji ya nyuso zao. 2 Nikasikia sauti kutoka mbinguni kama sauti ya maji mengi na kama sauti ya mungurumo mukubwa wa radi; na sauti yenye nilisikia ilikuwa kama sauti ya waimbaji wenye wanafuatanisha sauti zao wakipiga vinubi vyao. 3 Na wanaimba wimbo kama vile ni wimbo mupya+ mbele ya kile kiti cha ufalme na mbele ya vile viumbe ine (4) vyenye uzima+ na wale wazee,+ na hakuna mutu yeyote mwenye aliweza kujifunza kwa ukamili wimbo ule isipokuwa tu wale watu elfu mia moja makumi ine na ine (144000),+ wenye wamenunuliwa kutoka katika dunia. 4 Hao ndio wale wenye hawakujichafua na wanamuke; kwa kweli, wao ni mabikira.+ Hao ndio wale wenye wanaendelea kumufuata Mwana-Kondoo kila mahali anaenda.+ Hao walinunuliwa+ kutoka kati ya wanadamu wakiwa matunda ya kwanza+ kwa ajili ya Mungu na kwa ajili ya Mwana-Kondoo, 5 na hakuna uongo wenye ulipatikana katika vinywa vyao; hawana ka­soro.+

6 Na nikaona malaika mwingine akiruka katikati ya mbingu,* na alikuwa na habari njema ya milele ili aitangaze kwa wale wenye wanakaa katika dunia, kwa kila taifa na kabila na luga na watu.+ 7 Alikuwa anasema kwa sauti kubwa: “Mumuogope Mungu na kumupatia utukufu, kwa sababu saa ya hukumu yake imefika,+ kwa hiyo mumuabudu Ule mwenye alifanya mbingu na dunia na bahari+ na chemchemi za maji.”*

8 Na mwingine, malaika wa pili, akafuata, akisema: “Ameanguka! Babiloni Mukubwa+ ameanguka,+ ule mwenye alifanya mataifa yote yakunywe divai ya tamaa kubwa* ya uasherati* wake!”+

9 Malaika mwingine, wa tatu (3), akawafuata, akisema kwa sauti kubwa: “Kama mutu yeyote anamuabudu ule munyama wa pori+ na sanamu yake na anapokea alama kwenye paji la uso wake ao kwenye mukono wake,+ 10 yeye pia atakunywa divai ya kasirani ya Mungu yenye inamwangwa bila kuchanganywa na kitu ndani ya kikombe cha kasirani Yake kali,+ na atateswa kwa moto na kiberiti+ mbele ya macho ya malaika watakatifu na mbele ya macho ya Mwana-Kondoo. 11 Na moshi wa kuteswa kwao unapanda milele na milele,+ na hawana pumuziko muchana na usiku, wale wenye wanamuabudu ule munyama wa pori na sanamu yake na mutu yeyote mwenye anapokea alama ya jina lake.+ 12 Ni hapa watakatifu wanahitaji kuwa na uvumilivu,+ wale wenye wanashika amri za Mungu na kushika imara imani+ ya Yesu.”

13 Na nikasikia sauti kutoka mbinguni ikisema, “Andika: Wenye furaha ni wafu wenye wanakufa katika umoja na Bwana+ tangu wakati huu na kuendelea. Ndiyo, roho inasema, wapumuzike kutokana na kazi yao ya nguvu, kwa maana mambo yenye walifanya yanawasindikiza.”

14 Kisha nikaona, na angalia! wingu la mweupe, na mutu fulani kama mwana wa binadamu alikuwa amekaa juu ya wingu hilo,+ akiwa na taji la zahabu juu ya kichwa chake na mundu* mukali katika mukono wake.

15 Malaika mwingine akatokea katika patakatifu pa hekalu, akiita kwa sauti kubwa ule mwenye alikuwa anakaa juu ya lile wingu: “Tia mundu* wako na uvune, kwa sababu saa ya kuvuna imefika, kwa maana mavuno ya dunia yameivya kabisa.”+ 16 Na ule mwenye kukaa juu ya wingu akapitisha mundu* wake katika dunia, na dunia ikavunwa.

17 Tena malaika mwingine akatokea katika patakatifu pa hekalu penye kuwa mbinguni, na yeye pia alikuwa na mundu* mukali.

18 Tena malaika mwingine akatokea katika mazabahu, na alikuwa na mamlaka juu ya moto. Na akaita kwa sauti kubwa ule mwenye alikuwa na mundu* mukali, akisema: “Tia mundu wako mukali ukusanye mafungu-mafungu ya muzabibu wa dunia, kwa maana zabibu zake zimeivya.”+ 19 Ule malaika akapitisha mundu* wake katika dunia na kukusanya muzabibu wa dunia, na akautupa ndani ya kikamulio kikubwa cha divai cha kasirani ya Mungu.+ 20 Kile kikamulio cha divai kikakanyangiwa inje ya muji, na damu ikatoka katika kile kikamulio cha divai hata kufikia juu kwenye lijamu* za farasi umbali wa stadia elfu moja mia sita (1600).*

15 Na nikaona mbinguni alama ingine, kubwa na ya ajabu, malaika saba (7)+ wenye mapigo saba. Hayo ndiyo ya mwisho, kwa sababu kupitia hayo kasirani ya Mungu inafikia mwisho.+

2 Na nikaona kitu kama bahari ya kioo+ yenye kuchanganywa na moto, na wale wenye wanamushinda+ ule munyama wa pori na sanamu yake+ na ile namba ya jina lake+ walikuwa wamesimama pembeni ya ile bahari ya kioo, wakiwa wameshika vinubi vya Mungu. 3 Walikuwa wanaimba wimbo wa Musa+ mutumwa wa Mungu na wimbo wa Mwana-Kondoo,+ wakisema:

“Matendo yako ni makubwa na ya ajabu,+ Yehova* Mungu, Mweza-Yote.+ Njia zako ni za haki na za kweli,+ Mufalme wa umilele.+ 4 Ni nani mwenye kwa kweli hatakuogopa wewe, Yehova,* na kutukuza jina lako, kwa kuwa wewe peke yako ni mushikamanifu?+ Kwa maana mataifa yote yatakuja na kuabudu mbele yako,+ kwa sababu amri zako za haki zimefunuliwa.”

5 Kisha mambo hayo nikaona, na patakatifu pa hema ya ushahidi+ pakafunguliwa mbinguni,+ 6 na wale malaika saba (7) wenye mapigo saba+ wakatokea katika patakatifu, wakiwa wamevaa nguo ya kitani safi, chenye kungaa na wakiwa wamevaa vitambaa vya zahabu kuzunguka vifua vyao. 7 Kimoja cha vile viumbe ine (4) vyenye uzima kikapatia wale malaika saba (7) mabakuli saba ya zahabu yenye kujaa kasirani ya Mungu,+ mwenye anaishi milele na milele. 8 Na patakatifu pakajaa moshi kwa sababu ya utukufu wa Mungu+ na kwa sababu ya nguvu zake, na hakuna mutu yeyote mwenye aliweza kuingia patakatifu mupaka wakati yale mapigo saba (7)+ ya wale malaika saba yalimalizika.

16 Na nikasikia sauti kubwa kutoka katika patakatifu+ ikiambia wale malaika saba (7): “Muende mumwange juu ya dunia yale mabakuli saba ya kasirani ya Mungu.”+

2 Malaika wa kwanza akaenda na kumwanga bakuli lake juu ya dunia.+ Na kidonda chenye kuumiza na chenye kuwa hatari+ kikapata watu wenye walikuwa na alama ya ule munyama wa pori+ na wenye walikuwa wanaabudu sanamu yake.+

3 Malaika wa pili akamwanga bakuli lake ndani ya bahari.+ Na ikakuwa damu+ kama damu ya mwanadamu mwenye alikufa, na kila kiumbe chenye uzima kikakufa,* ndiyo, vitu vyenye kuwa ndani ya bahari.+

4 Malaika wa tatu (3) akamwanga bakuli lake ndani ya mito na chemchemi za maji.*+ Na zikakuwa damu.+ 5 Nikasikia malaika mwenye kuwa juu ya maji akisema: “Wewe, Mwenye uko na mwenye ulikuwa,+ Mwenye kuwa mushikamanifu,+ wewe ni mwenye haki, kwa maana umetoa hukumu hizi,+ 6 kwa sababu walimwanga damu ya watakatifu na ya manabii,+ na umewapatia damu wakunywe;+ wanastahili jambo hilo.”+ 7 Na nikasikia mazabahu ikisema: “Ndiyo, Yehova* Mungu, Mweza-Yote,+ hukumu zako ni za kweli na za haki.”*+

8 Malaika wa ine (4) akamwanga bakuli lake juu ya jua,+ na jua likapewa ruhusa ya kuunguza watu kwa moto. 9 Na wale watu wakaunguzwa na joto hilo kali, lakini wakatukana jina la Mungu, mwenye kuwa na mamlaka juu ya mapigo haya, na hawakutubu na kumupatia utukufu.

10 Malaika wa tano (5) akamwanga bakuli lake juu ya kiti cha ufalme cha ule munyama wa pori. Na ufalme wake ukatiwa giza,+ na wakaanza kutafuna ndimi zao kwa sababu ya maumivu yao, 11 lakini wakamutukana Mungu wa mbinguni kwa sababu ya maumivu yao na vidonda vyao, na hawakutubu matendo yao.

12 Malaika wa sita (6) akamwanga bakuli lake juu ya muto mukubwa Efrati,+ na maji yake yakakauka+ ili kutayarisha njia kwa ajili ya wafalme+ wenye wanatoka mashariki.

13 Na nikaona maneno machafu tatu (3) yenye yaliongozwa na roho wachafu yenye yalionekana kama vyura yakitoka katika kinywa cha ule nyoka mukubwa+ na katika kinywa cha ule munyama wa pori na katika kinywa cha ule nabii wa uongo. 14 Kwa kweli, hayo ni maneno yenye yanaongozwa na pepo wachafu na yanafanya alama,+ na yanaenda kwa wafalme wa dunia yote yenye kuikaliwa na watu, ili kuwakusanya pamoja kwa ajili ya vita+ ya ile siku kubwa ya Mungu Mweza-Yote.+

15 “Angalia! Ninakuja kama mwizi.+ Mwenye furaha ni ule mwenye anakaa macho+ na kuchunga nguo zake za inje, ili asitembee uchi na watu waangalie haya yake.”+

16 Na yakawakusanya pamoja mahali kwenye kunaitwa katika Kiebrania Armagedoni.*+

17 Malaika wa saba (7) akamwanga bakuli lake juu ya hewa. Halafu sauti kubwa ikatoka katika patakatifu+ katika kile kiti cha ufalme, ikisema: “Imefanyika!” 18 Na kukakuwa miangaza ya umeme wa radi na sauti na mingurumo ya radi, na kukatokea tetemeko kubwa la inchi lenye halifanane na tetemeko lolote lenye limekwisha kutokea tangu wanadamu wakuwe katika dunia,+ tetemeko hilo la inchi lilienea sana na lilikuwa kubwa sana. 19 Ule muji mukubwa+ ukapasuka na kuwa sehemu tatu (3), na miji ya mataifa ikaanguka; na Babiloni Mukubwa+ akakumbukwa mbele ya Mungu, ili kumupatia kikombe cha divai cha hasira ya kasirani yake kali.+ 20 Pia, kila kisiwa kikakimbia, na milima haikupatikana.+ 21 Halafu mvua kubwa ya majiwe, kila jiwe likiwa na uzito wa karibu talanta moja,* ikanyesha kutoka mbinguni juu ya watu,+ na watu wakamutukana Mungu kwa sababu ya lile pigo la mvua ya ­majiwe,+ kwa kuwa pigo hilo lilikuwa kubwa ajabu.

17 Mumoja wa wale malaika saba (7) wenye walikuwa na mabakuli saba+ akakuja na kuniambia: “Kuja, nitakuonyesha hukumu juu ya ule kahaba mukubwa mwenye anakaa juu ya maji mengi,+ 2 mwenye wafalme wa dunia walifanya uasherati*+ naye, na wakaaji wa dunia walileweshwa kwa divai ya uasherati* wake.”+

3 Na akanichukua katika nguvu za roho na kunipeleka katika jangwa. Na nikaona mwanamuke mumoja amekaa juu ya munyama wa pori mwenye rangi nyekundu yenye kungaa, mwenye kujaa majina ya kumutukana Mungu na mwenye alikuwa na vichwa saba (7) na pembe kumi (10). 4 Ule mwanamuke alikuwa amevaa nguo ya rangi ya zambarau+ na nyekundu yenye kungaa, na alikuwa amepambwa kwa zahabu na majiwe yenye samani na lulu,+ na katika mukono wake alikuwa na kikombe cha zahabu chenye kujaa machukizo na mambo machafu ya uasherati* wake. 5 Kwenye paji la uso wake kulikuwa kumeandikwa jina, fumbo: “Babiloni Mukubwa, mama wa makahaba+ na wa machukizo ya dunia.”+ 6 Na nikaona kwamba ule mwanamuke alikuwa amelewa damu ya watakatifu na damu ya mashahidi wa Yesu.+

Basi, wakati nilimuona nilishangaa sana. 7 Kwa hiyo ule malaika akaniambia: “Sababu gani ulishangaa? Nitakuambia fumbo la ule mwanamuke+ na la ule munyama wa pori mwenye anamubeba na mwenye kuwa na vile vichwa saba (7) na zile pembe kumi (10):+ 8 Munyama wa pori mwenye uliona alikuwa, lakini haiko, na bado anakaribia kupanda kutoka katika abiso,+ na ataenda kwenye uharibifu. Na wakaaji wa dunia—wale wenye majina yao hayakuandikwa katika kitabu cha kukunjwa cha uzima+ tangu kuwekwa musingi wa ulimwengu—watashangaa wakati wataona namna ule munyama wa pori alikuwa, lakini haiko, na bado atakuwa tena.

9 “Ni hapa akili yenye kuwa na hekima inahitajiwa: Vile vichwa saba (7)+ vinamaanisha milima saba, yenye ule mwanamuke anakaa juu yake. 10 Na kuko wafalme saba (7): Watano (5) wameanguka, mumoja iko,* na ule mwingine bado hajafika; lakini wakati atafika, anapaswa kukaa wakati kidogo. 11 Na ule munyama wa pori mwenye alikuwa lakini haiko,+ yeye pia ni mufalme wa munane (8), lakini anatokana na wale saba (7), na anaenda kwenye uharibifu.

12 “Pembe kumi (10) zenye uliona zinamaanisha wafalme kumi wenye bado hawajapokea ufalme, lakini wanapokea mamlaka wakiwa wafalme kwa saa moja pamoja na ule munyama wa pori. 13 Hawa wako na wazo moja, kwa hiyo wanapatia ule munyama wa pori nguvu na mamlaka yao. 14 Hawa watapigana na Mwana-Kondoo,+ lakini kwa sababu yeye ni Bwana wa mabwana na Mufalme wa wafalme,+ Mwana-Kondoo atawashinda.+ Pia, wale wenye kuwa pamoja naye wenye waliitwa na kuchaguliwa na wenye kuwa waaminifu watawashinda.”+

15 Akaniambia: “Yale maji yenye uliona, kwenye ule kahaba amekaa, yanamaanisha vikundi vya watu na watu wengi na mataifa na luga.+ 16 Na zile pembe kumi (10)+ zenye uliona, na ule munyama wa pori,+ hawa watamuchukia ule kahaba+ na kumuacha bila kitu na uchi, na watakula nyama yake na kumuteketeza kabisa kwa moto.+ 17 Kwa maana Mungu alitia jambo hilo ndani ya mioyo yao ili kutimiza wazo lake,+ ndiyo, kutimiza lile wazo lao moja kwa kumupatia ule munyama wa pori ufalme wao,+ mupaka wakati maneno ya Mungu yatakuwa yametimizwa. 18 Na ule mwanamuke+ mwenye uliona anamaanisha ule muji mukubwa wenye kuwa na ufalme juu ya wafalme wa dunia.”

18 Kisha mambo hayo nikaona malaika mwingine akishuka kutoka mbinguni, mwenye mamlaka makubwa, na dunia ikaangaziwa kwa utukufu wake. 2 Na akasema kwa sauti kubwa yenye nguvu: “Ameanguka! Babiloni Mukubwa ameanguka,+ na amekuwa makao ya pepo wachafu na mahali pa kujificha pa kila roho muchafu* na kila ndege muchafu mwenye anachukiwa!+ 3 Kwa maana, kwa sababu ya divai ya tamaa kubwa* ya uasherati* wake, mataifa yote yamenaswa,+ na wafalme wa dunia walifanya uasherati naye,+ na wafanyabiashara* wa dunia walikuwa matajiri kutokana na nguvu za maisha yake ya raha ya bila haya.”

4 Na nikasikia sauti ingine kutoka mbinguni ikisema: “Mutoke kwake, watu wangu,+ kama hamutaki kushiriki pamoja naye katika zambi zake, na kama hamutaki kupokea sehemu ya mapigo yake.+ 5 Kwa maana zambi zake zimekusanyika pamoja mupaka mbinguni,+ na Mungu amekumbuka matendo yake ya kukosa haki.*+ 6 Mumulipe kama vile alitendea wengine,+ ndiyo, mumulipe mara mbili juu ya mambo yenye alitenda;+ katika kikombe+ chenye alichanganya, mumufanyie muchanganyiko mara mbili.+ 7 Kwa kadiri alijitukuza na kuishi maisha ya raha yenye haina haya, kwa kadiri hiyo mumupatie mateso na maombolezo. Kwa maana anaendelea kusema katika moyo wake: ‘Ninakaa nikiwa malkia, mimi siko mujane, na sitaona maombolezo hata kidogo.’+ 8 Hiyo ndiyo sababu mapigo yake yatakuja katika siku moja, kifo na kuomboleza na njaa, naye atateketezwa kabisa kwa moto,+ kwa sababu Yehova* Mungu, mwenye alimuhukumu, ni mwenye nguvu.+

9 “Na wafalme wa dunia wenye walifanya uasherati* naye na kuishi naye maisha ya raha ya bila haya watalia na kujipiga-piga kwa huzuni juu yake wakati wataona moshi wenye kutokana na kuteketea kwake. 10 Watasimama mbali kwa sababu ya kuogopa kuteseka kwake, na watasema: ‘Ole, ole, wewe muji mukubwa,+ Babiloni wewe muji wenye nguvu, kwa sababu katika saa moja hukumu yako imefika!’

11 “Pia, wafanyabiashara wa dunia wanalia na kuomboleza juu yake, kwa sababu hakuna mutu yeyote wa kununua tena biashara yao yenye kujaa, 12 biashara yenye kujaa zahabu, feza, majiwe yenye samani, lulu, nguo ya kitani kizuri, nguo ya rangi ya zambarau, hariri, na nguo ya rangi nyekundu yenye kungaa; na kila kitu chenye kutengenezwa kwa miti yenye harufu ya muzuri; na kila aina ya kitu chenye kutengenezwa kwa pembe za tembo, na kwa mbao za samani, shaba, chuma, na marumaru; 13 pia mudalasini, manukato ya Kihindi, uvumba, mafuta yenye marashi, ubani, divai, mafuta ya zeituni, unga muzuri, ngano, ngombe, kondoo, farasi, magari, watumwa, na uzima wa wanadamu.* 14 Ndiyo, tunda la muzuri lenye ulitamani* limekuacha, na vyakula vyote vitamu na vitu vyenye kupendeza vimepotea kutoka kwako, na havitapatikana tena hata kidogo.

15 “Wafanyabiashara wenye waliuzisha vitu hivyo, wenye walipata utajiri kutokana naye, watasimama mbali kwa sababu ya kuogopa kuteseka kwake na watalia na kuomboleza, 16 wakisema: ‘Ole, ole, ule muji mukubwa, wenye kuvaa nguo ya kitani kizuri, zambarau, na nguo nyekundu yenye kungaa na wenye kupambwa sana kwa mapambo ya zahabu, majiwe yenye samani, na lulu,+ 17 kwa sababu katika saa moja mali nyingi vile zimehari­biwa!’

“Na kila kapiteni wa mashua* na kila mutu mwenye anasafiri katika bahari na watumishi wa mashua na wale wote wenye wanaishi kupitia bahari walisimama mbali 18 na wakalia kwa sauti kubwa wakati uleule wakiangalia moshi wenye kutokana na kuteketezwa kwake: ‘Ni muji gani wenye kuwa kama ule muji mukubwa?’ 19 Wakatupa mavumbi juu ya vichwa vyao na wakapandisha sauti, wakilia na kuomboleza, na wakasema: ‘Ole, ole, ule muji mukubwa, wenye wale wote wenye walikuwa na mashua* katika bahari walikuwa matajiri kutokana na utajiri wake, kwa sababu katika saa moja ameharibiwa!’+

20 “Mufurahi juu yake, ninyi mbingu,+ pia ninyi watakatifu+ na mitume na manabii, kwa sababu Mungu ametangaza hukumu juu yake kwa ajili yenu!”+

21 Na malaika mwenye nguvu akainua jiwe lenye lilikuwa kama jiwe kubwa la kusagia na akalitupa katika bahari, na kusema: “Ni vile Babiloni ule muji mukubwa utatupwa kwa nguvu sana, na hautapatikana tena hata kidogo.+ 22 Na sauti ya waimbaji wenye wanafuatanisha sauti zao kwa kinubi, ya wapiga-muziki, ya wapiga-filimbi, na ya wapiga-tarumbeta haitasikiwa tena ndani yako hata kidogo. Na hakuna fundi mwenye anafanya kazi yoyote mwenye atapatikana tena ndani yako, na hakuna sauti ya jiwe la kusagia yenye itasikiwa tena ndani yako. 23 Hakuna mwangaza wa taa wenye utaangaza tena ndani yako, na hakuna sauti ya bwana-arusi na ya bibi-arusi yenye itasikiwa tena ndani yako; kwa maana wafanyabiashara wako walikuwa watu wenye vyeo vya juu wa dunia, na kupitia mazoea yako ya kupashana habari na pepo wachafu+ mataifa yote yalipotoshwa. 24 Ndiyo, ndani yake ilipatikana damu ya manabii na ya watakatifu+ na ya wale wote wenye wameuawa katika dunia.”+

19 Kisha mambo hayo nikasikia kitu kama sauti kubwa ya kikundi kikubwa mbinguni. Walisema: “Mumusifu Yah!*+ Wokovu na utukufu na nguvu ni za Mungu wetu, 2 kwa sababu hukumu zake ni za kweli na za haki.+ Kwa maana ameleta hukumu juu ya ule kahaba mukubwa mwenye alipotosha dunia kwa uasherati* wake, na amelipiza kisasi damu ya watumwa wake yenye kuwa katika mukono wake.”*+ 3 Na mara moja wakasema kwa mara ya pili: “Mumusifu Yah!*+ Na moshi kutoka kwake unaendelea kupanda milele na milele.”+

4 Na wale wazee makumi mbili na ine (24)+ na vile viumbe ine (4) vyenye uzima+ vikaanguka chini na kumuabudu Mungu mwenye kukaa kwenye kiti cha ufalme, na kusema: “Amina! Mumusifu Yah!”*+

5 Pia, sauti ikatoka katika kile kiti cha ufalme na kusema: “Muendelee kumusifu Mungu wetu, ninyi wote watumwa wake+ wenye munamuogopa, wadogo na wakubwa.”+

6 Na nikasikia kitu kama sauti ya kikundi kikubwa na kama sauti ya maji mengi na kama sauti ya mingurumo mizito ya radi. Wakasema: “Mumusifu Yah,*+ kwa sababu Yehova* Mungu wetu, Mweza-Yote,+ ameanza kutawala akiwa mufalme!+ 7 Tushangilie na kufurahi sana na tumupatie utukufu, kwa sababu ndoa ya Mwana-Kondoo imefika na bibi yake amejitayarisha. 8 Ndiyo, ameruhusiwa kuvaa nguo ya kitani kizuri, chenye kungaa, safi—kwa maana nguo ya kitani kizuri inamaanisha matendo ya haki ya watakatifu.”+

9 Na ananiambia, “Andika: Wenye furaha ni wale wenye walialikwa kwenye chakula cha mangaribi cha ndoa ya Mwana-Kondoo.”+ Tena, ananiambia: “Hayo ndiyo maneno ya kweli ya Mungu.” 10 Halafu nikaanguka chini mbele ya miguu yake ili kumuabudu. Lakini ananiambia: “Fanya angalisho! Usifanye vile!+ Mimi ni mutumwa tu kama wewe na kama ndugu zako wenye wako na kazi ya kutoa ushahidi juu ya Yesu.+ Abudu Mungu!+ Kwa maana kutoa ushahidi juu ya Yesu ndilo kusudi la unabii.”+

11 Nikaona mbingu imefunguliwa, na angalia! farasi mweupe.+ Na ule mwenye kukaa juu yake anaitwa Muaminifu+ na wa Kweli,+ na anahukumu na kupigana vita ya haki.+ 12 Macho yake ni mwali wa moto,+ na juu ya kichwa chake kuko mataji* mengi. Iko* na jina lenye limeandikwa lenye hakuna mutu yeyote mwenye analijua isipokuwa yeye mwenyewe, 13 na amevaa nguo ya inje yenye kutiwa damu,* na jina lenye anaitwa ni Neno+ la Mungu. 14 Pia, majeshi katika mbingu yalikuwa yanamufuata juu ya farasi weupe, na yalikuwa yamevaa nguo ya kitani kizuri, cheupe, safi. 15 Na kutoka katika kinywa chake upanga murefu mukali unachomoka,+ wenye utatumiwa kupiga mataifa, na atawachunga kwa fimbo ya chuma.+ Zaidi ya hayo, anakanyanga kikamulio cha divai cha hasira ya kasirani kali ya Mungu Mweza-Yote.+ 16 Na kwenye nguo yake ya inje, ndiyo, kwenye paja lake, iko* na jina lenye limeandikwa, Mufalme wa wafalme na Bwana wa ma­bwana.+

17 Nikaona pia malaika amesimama katika jua, na akaita kwa sauti kubwa na kuambia ndege wote wenye wanaruka katikati ya mbingu:* “Mukuje hapa, mukusanyike pamoja kwenye chakula cha mangaribi cha Mungu,+ 18 ili mukule nyama za wafalme na nyama za makamanda wa jeshi na nyama za watu wenye nguvu+ na nyama za farasi na za wale wenye kukaa juu yao,+ na nyama za wote, za watu huru na vilevile za watumwa na za wadogo na wakubwa.”

19 Na nikamuona ule munyama wa pori na wafalme wa dunia na majeshi yao wamekusanyika pamoja ili kupigana vita na ule mwenye kukaa juu ya farasi na jeshi lake.+ 20 Na ule munyama wa pori akakamatwa, na pamoja naye ule nabii wa uongo+ mwenye alifanya mbele yake alama zenye alitumia ili kupotosha wale wenye walipokea alama ya ule munyama wa pori+ na wale wenye kuabudu sanamu yake.+ Wakiwa wangali wazima, wote wawili walitupwa ndani ya ziwa la moto lenye linawaka kwa kiberiti.+ 21 Lakini wale wengine wakauawa kwa ule upanga murefu wenye unachomoka kutoka katika kinywa cha ule mwenye kukaa juu ya farasi.+ Na ndege wote wakashiba nyama zao.+

20 Na nikaona malaika akishuka kutoka mbinguni akiwa na funguo ya abiso+ na munyororo mukubwa katika mukono wake. 2 Akamukamata ule nyoka mukubwa,+ ule nyoka wa zamani,+ ambaye ni Ibilisi+ na Shetani,+ na akamufunga kwa miaka elfu moja (1000). 3 Na akamutupa ndani ya abiso+ na kuifunga na kutia muhuri juu yake, ili asipotoshe mataifa tena mupaka wakati ile miaka elfu moja (1000) itaisha. Kisha mambo hayo anapaswa kufunguliwa kwa wakati kidogo.+

4 Na nikaona viti vya ufalme, na wale wenye kukaa kwenye viti hivyo wakapewa mamlaka ya kuhukumu. Ndiyo, niliona nafsi* za wale wenye waliuawa* kwa sababu ya ushahidi wenye walitoa juu ya Yesu na kwa sababu ya kusema juu ya Mungu, na wale wenye hawakumuabudu ule munyama wa pori ao sanamu yake na hawakupokea ile alama kwenye paji la uso wao na kwenye mukono wao.+ Na wakakuwa wazima na wakatawala wakiwa wafalme pamoja na Kristo+ kwa miaka elfu moja (1000). 5 (Wale wafu wengine+ hawakukuwa wazima mupaka wakati ile miaka elfu moja (1000) iliisha.) Huo ndio ufufuo wa kwanza.+ 6 Mwenye furaha na mutakatifu ni kila mutu mwenye kuwa na sehemu katika ufufuo wa kwanza;+ kifo cha pili+ hakina mamlaka+ juu ya hao, lakini watakuwa makuhani+ wa Mungu na wa Kristo, na watatawala wakiwa wafalme pamoja naye ile miaka elfu moja (1000).+

7 Sasa wakati tu ile miaka elfu moja (1000) itakuwa imeisha, Shetani atafunguliwa kutoka katika gereza lake, 8 na ataenda kupotosha yale mataifa yenye kuwa katika pembe ine (4) za dunia, Gogu na Magogu, ili kuwakusanya pamoja kwa ajili ya vita. Hesabu yao ni kama muchanga wa bahari. 9 Na wakaenda katika dunia yote na kuzunguka kambi ya watakatifu na ule muji wenye kupendwa. Lakini moto ukashuka kutoka mbinguni na ukawateketeza.+ 10 Na Ibilisi mwenye alikuwa anawapotosha alitupwa ndani ya lile ziwa la moto na kiberiti, kwenye wote wawili, ule munyama wa pori+ na pia ule nabii wa uongo, tayari walikuwa;+ na watateswa* muchana na usiku milele na milele.

11 Na nikaona kiti cha ufalme kikubwa cheupe na Ule mwenye kukaa juu yake.+ Dunia na mbingu zikakimbia kutoka mbele yake,+ na nafasi yoyote haikupatikana kwa ajili yazo. 12 Na nikaona wafu, wakubwa na wadogo, wamesimama mbele ya kile kiti cha ufalme, na vitabu vya kukunjwa vikafunguliwa. Lakini kitabu kingine cha kukunjwa kikafunguliwa; hicho ni kitabu cha kukunjwa cha uzima.+ Wafu wakahukumiwa kupatana na yale mambo yenye kuandikwa katika vile vitabu vya kukunjwa kulingana na matendo yao.+ 13 Na bahari ikatoa wafu wenye walikuwa ndani yake, na kifo na Kaburi* vikatoa wafu wenye walikuwa ndani yavyo, na walihukumiwa kila mumoja kulingana na matendo yake.+ 14 Na kifo na Kaburi* vikatupwa ndani ya lile ziwa la moto.+ Hilo linamaanisha kifo cha pili,+ lile ziwa la moto.+ 15 Zaidi ya hayo, kila mutu mwenye hakupatikana ameandikwa katika kile kitabu cha uzima+ alitupwa ndani ya lile ziwa la moto.+

21 Na nikaona mbingu mupya na dunia mupya;+ kwa maana mbingu ya kwanza na dunia ya kwanza vilikuwa vimepita,+ na bahari+ haiko tena. 2 Nikaona pia ule muji mutakatifu, Yerusalemu Mupya, ukishuka kutoka mbinguni kwa Mungu+ na umetayarishwa kama bibi-arusi mwenye alipambwa kwa ajili ya bwana yake.+ 3 Halafu nikasikia sauti kubwa kutoka katika kile kiti cha ufalme ikisema: “Angalia! Hema ya Mungu iko pamoja na wanadamu, na atakaa pamoja nao, na watakuwa watu wake. Na Mungu mwenyewe atakuwa pamoja nao.+ 4 Na atapanguza kila chozi katika macho yao,+ na kifo hakitakuwa tena,+ wala maombolezo wala kilio wala maumivu havitakuwa tena.+ Mambo ya zamani yamepita kabisa.”

5 Na Ule mwenye kukaa kwenye kiti cha ufalme+ akasema: “Angalia! Ninafanya vitu vyote kuwa vipya.”+ Tena anasema: “Andika, kwa maana maneno haya ni ya uaminifu* na ya kweli.” 6 Na akaniambia: “Yamefanyika! Mimi ndiye Alfa na Omega,* mwanzo na mwisho.+ Kila mutu mwenye kuwa na kiu nitamupatia maji bure* kutoka kwenye chemchemi ya maji* ya uzima.+ 7 Kila mutu mwenye anashinda atariti vitu hivi, na nitakuwa Mungu wake naye atakuwa mwana wangu. 8 Lakini wale wenye woga na wale wenye hawana imani+ na wale wenye kuchukiza katika uchafu wao na wauaji+ na waasherati*+ na wale wenye wanazoea kupashana habari na pepo wachafu na waabudu-sanamu na waongo wote,+ fungu lao litakuwa ndani ya lile ziwa lenye linawaka moto na kiberiti.+ Hili linamaanisha kifo cha pili.”+

9 Mumoja wa wale malaika saba (7) wenye walikuwa na mabakuli saba yenye yalikuwa yanajaa mapigo saba ya mwisho,+ akakuja na kuniambia: “Kuja, na nitakuonyesha bibi-arusi, bibi ya Mwana-Kondoo.”+ 10 Basi akanichukua katika nguvu za roho na kunipeleka kwenye mulima mukubwa na murefu sana, na akanionyesha ule muji mutakatifu Yerusalemu ukishuka kutoka mbinguni kwa Mungu+ 11 na ukiwa na utukufu wa Mungu.+ Mwangaza wake ulikuwa kama jiwe lenye samani zaidi, kama jiwe la yaspi lenye kungaa kwa uangavu kama fuwele.+ 12 Ulikuwa na ukuta mukubwa na murefu sana na ulikuwa na milango mikubwa kumi na mbili (12), na malaika kumi na mbili kwenye milango hiyo mikubwa, na kwenye milango hiyo mikubwa kulikuwa kumeandikwa majina ya makabila kumi na mbili ya wana wa Israeli. 13 Upande wa mashariki kulikuwa milango mikubwa tatu (3), upande wa kaskazini milango mikubwa tatu, upande wa kusini milango mikubwa tatu, na upande wa mangaribi milango mikubwa tatu.+ 14 Ukuta wa ule muji ulikuwa pia na majiwe ya musingi kumi na mbili (12), na juu ya majiwe hayo kulikuwa majina kumi na mbili ya mitume kumi na mbili+ wa Mwana-Kondoo.

15 Sasa ule mwenye alikuwa anasema na mimi alikuwa ameshika utete wa zahabu kuwa kipimo ili apime ule muji na milango yake mikubwa na ukuta wake.+ 16 Na ule muji uko na pande ine zenye kuwa sawasawa,* na urefu wake ni mukubwa kama upana wake. Na akapima ule muji kwa ule utete, stadia elfu kumi na mbili (12000);* urefu wake na upana wake na urefu wake kuenda juu ni sawa. 17 Pia, akapima ukuta wake, mikono mia moja makumi ine na ine (144),* kulingana na kipimo cha mwanadamu, na wakati uleule kipimo cha malaika. 18 Basi ule ukuta ulitengenezwa kwa yaspi,+ na muji ulikuwa zahabu safi kama kioo safi. 19 Misingi ya ukuta wa muji ilikuwa imepambwa kwa kila namna ya jiwe lenye samani: musingi wa kwanza ulikuwa yaspi, wa pili yakuti, wa tatu (3) kalkedoni, wa ine (4) zumaridi, 20 wa tano (5) sardoniksi, wa sita (6) sardio, wa saba (7) krisolito, wa ­munane (8) ­beroli, wa kenda (9) topazi, wa kumi (10) krisopraso, wa kumi na moja (11) hayasinti, wa kumi na mbili (12) ametisto. 21 Pia, ile milango mikubwa kumi na mbili (12) ilikuwa lulu kumi na mbili; kila mulango mukubwa ulitengenezwa kwa lulu moja. Na barabara kubwa ya muji ilikuwa zahabu safi, kama kioo chenye kuonyesha upande mwingine.

22 Sikuona hekalu ndani yake, kwa maana Yehova* Mungu Mweza-Yote+ ndiye hekalu lake, na pia Mwana-Kondoo. 23 Na ule muji hauna lazima ya jua wala mwezi ili kuuangazia, kwa maana utukufu wa Mungu uliuangazia,+ na taa yake ilikuwa ule Mwana-Kondoo.+ 24 Na mataifa yatatembea kupitia mwangaza wake,+ na wafalme wa dunia wataleta utukufu wao ndani yake. 25 Milango yake mikubwa haitafungwa muchana hata kidogo, kwa maana usiku hautakuwa kule.+ 26 Na wataleta utukufu na heshima ya mataifa ndani yake.+ 27 Lakini kitu chochote kichafu na mutu yeyote mwenye anafanya mambo yenye kuchukiza na ya udanganyifu hataingia ndani yake hata kidogo;+ wenye wataingia ni wale tu wenye waliandikwa katika kile kitabu cha kukunjwa cha uzima cha Mwana-Kondoo.+

22 Na akanionyesha muto wa maji ya uzima,+ wenye kungaa kama fuwele, ukitiririka kutoka katika kiti cha ufalme cha Mungu na cha Mwana-Kondoo,+ 2 ukiteremuka katikati ya barabara yake kubwa. Pande zote mbili za ule muto kulikuwa miti ya uzima yenye kuzaa mazao kumi na mbili (12) ya matunda, ikizaa matunda yake kila mwezi. Na majani ya ile miti yalikuwa ya kuponyesha ma­taifa.+

3 Na hakutakuwa tena laana yoyote. Lakini kiti cha ufalme cha Mungu na cha Mwana-Kondoo+ kitakuwa katika muji huo, na watumwa wake watamutolea utumishi mutakatifu; 4 na wataona uso wake,+ na jina lake litakuwa kwenye mapaji ya nyuso zao.+ 5 Pia, usiku hautakuwa tena,+ na hawana lazima ya mwangaza wa taa wala mwangaza wa jua, kwa maana Yehova* Mungu ataangaza mwangaza juu yao,+ na watatawala wakiwa wafalme milele na milele.+

6 Akaniambia: “Maneno haya ni ya uaminifu* na ya kweli;+ ndiyo, Yehova,* Mungu mwenye aliongoza manabii kwa roho,+ ametuma malaika wake ili kuonyesha watumwa wake mambo yenye yanapaswa kutendeka karibuni. 7 Angalia! Ninakuja mbio.+ Mwenye furaha ni mutu yeyote mwenye anashika maneno ya unabii wa kitabu hiki cha kukunjwa.”+

8 Ndiyo, mimi Yohana, ndiye nilikuwa ninasikia na kuona mambo haya. Wakati niliyasikia na kuyaona, nilianguka chini ili kuabudu kwenye miguu ya ule malaika mwenye alikuwa ananionyesha mambo haya. 9 Lakini yeye akaniambia: “Fanya angalisho! Usifanye vile! Mimi ni mutumwa tu kama wewe na kama ndugu zako manabii na kama wale wenye wanashika maneno ya kitabu hiki cha kukunjwa. Abudu Mungu.”+

10 Tena akaniambia: “Usitie muhuri maneno ya unabii wa kitabu hiki cha kukunjwa, kwa maana wakati wenye uliwekwa uko karibu. 11 Ule mwenye haiko mwenye haki aendelee katika ukosefu wa haki, na mwenye uchafu aendelee katika uchafu wake; lakini mwenye haki aendelee katika haki, na mutakatifu aendelee katika utakatifu.

12 “‘Angalia! Ninakuja mbio, na zawabu yenye ninatoa iko pamoja na mimi, ili kulipa kila mumoja kulingana na matendo yake.+ 13 Mimi ndiye Alfa na Omega,*+ wa kwanza na wa mwisho, mwanzo na mwisho. 14 Wenye furaha ni wale wenye wanafua kanzu zao,+ ili wakuwe na mamlaka ya kuenda kwenye miti ya uzima+ na waweze kuingia katika muji kupitia milango yake mikubwa.+ 15 Inje kuko imbwa* na wale wenye wanazoea kupashana habari na pepo wachafu na waasherati* na wauaji na waabudu-sanamu na kila mutu mwenye anapenda uongo na mwenye anazoea kusema uongo.’+

16 “‘Mimi, Yesu, nilimutuma malaika wangu kuwatolea ushahidi juu ya mambo haya kwa ajili ya makutaniko. Mimi ndiye muzizi na uzao wa Daudi+ na nyota ya asubui yenye kungaa.’”+

17 Na roho na bibi-arusi+ wanaendelea kusema, “Kuja!” na kila mutu mwenye anasikia aseme, “Kuja!” na kila mutu mwenye kuwa na kiu akuje;+ kila mutu mwenye anataka achukue maji ya uzima bure.+

18 “Ninamutolea ushahidi kila mutu mwenye anasikia maneno ya unabii wa kitabu hiki cha kukunjwa: Kama mutu yeyote anaongeza kwenye mambo haya,+ Mungu atamuongezea mapigo yenye yameandikwa katika kitabu hiki cha kukunjwa;+ 19 na kama mutu yeyote anaondoa neno lolote katika maneno ya kitabu cha kukunjwa cha unabii huu, Mungu ataondoa fungu lake katika ile miti ya uzima+ na katika ule muji mutakatifu,+ mambo yenye yameandikwa katika kitabu hiki cha kukunjwa.

20 “Ule mwenye anatoa ushahidi juu ya mambo haya anasema, ‘Ndiyo, ninakuja mbio.’”+

“Amina! Kuja, Bwana Yesu.”

21 Fazili zenye hazistahiliwe za Bwana Yesu zikuwe pamoja na watakatifu.