Njia Mbalimbali za Kuhubiri Habari Njema

JUU Yesu alikuwa mutangazaji mwenye bidii wa habari njema, aliachia wafuasi wake mufano muzuri. Yeye njo alikuwaka anafuata watu kwao juu ya kuzungumuza nao na kuwafundisha mu nyumba zao na mahali pa watu wengi. (Mt. 9:35; 13:36; Lu. 8:1) Yesu alizungumuza na mutu mumoya-mumoya, alifundisha pia wanafunzi wake peke yao, na alihubiria pia vikundi vya watu wengi. (Mk. 4:10-13; 6:35-44; Yoh. 3:2-21) Alitumia kila nafasi yenye ilijitokeza ili kuzungumuza na watu maneno yenye kutia moyo na yenye kuleta tumaini. (Lu. 4:16-19) Hata wakati alikuwa na lazima ya kupumuzika na kujifurahisha, hakuacha nafasi yenye ilijitokeza ili kuhubiri ipite bure. (Mk. 6:30-34; Yoh. 4:4-34) Wakati tunasoma habari zenye kuwa mu Biblia juu ya kazi ya Yesu ya kuhubiri, ile inatusukuma tumuige, sawa vile mitume wake.​—Mt. 4:19, 20; Lu. 5:27, 28; Yoh. 1:43-45.

² Tuzungumuzie sasa njia mbalimbali zenye Wakristo wanatumia leo ili kufanya kazi yenye Yesu Kristo alianzisha, kumepita miaka 2 000 hivi.

³ Siye Mashahidi wa Yehova, tunajua faida ya kuhubiri kwa utaratibu habari njema ya Ufalme nyumba kwa nyumba. Hii njia, tumeitumia sana mupaka imefikia kuwa alama ya kututambulisha. Inatusaidia kuhubiria watu wengi mu wakati kidogo, na matokeo ya muzuri yenye tumepata inaonyesha wazi kama ni jambo ya hekima kuitumia. (Mt. 11:19; 24:14) Kuhubiri nyumba kwa nyumba, imekuwa njia ya muzuri ya kuonyesha kama tunapenda Yehova na pia jirani yetu.​—Mt. 22:34-40.

⁴ Njia ya kuhubiri nyumba kwa nyumba haikuanza leo na Mashahidi wa Yehova. Mutume Paulo alisema kama alifundisha mu nyumba za watu. Wakati alizungumuza na waangalizi wa kutaniko ya Efeso juu ya kazi yake ya kuhubiri, aliwaambia hivi: “Tangu siku ya kwanza yenye nilikanyanga katika jimbo la Asia, . . . sikuepuka kuwaambia ninyi jambo lolote lenye faida na kuwafundisha mbele ya watu wote na nyumba kwa nyumba.” Paulo alitumia hii njia na njia zingine ili ‘kutoa ushahidi kikamili kwa Wayahudi na Wagiriki pia juu ya kutubu kwa Mungu na kumuamini Bwana wetu Yesu.’ (Mdo. 20:18, 20, 21) Ile wakati, wafalme wa Roma walichochea watu kuabudu sanamu, na watu wengi walionekana kama ‘wanaogopa sana miungu.’ Ilikuwa lazima watu wamutafute haraka “Mungu mwenye alifanya ulimwengu na vitu vyote vyenye kuwa ndani,” Mungu mwenye ile wakati alikuwa “anatangazia wanadamu wote kila mahali kwamba wanapaswa kutubu.”​—Mdo. 17:22-31.

⁵ Leo, inaomba kuhubiri habari njema haraka sana kuliko zamani juu mwisho ya hii ulimwengu iko karibu sana. Kujua vile, inatuchochea kuongeza bidii mu kazi ya kuhubiri. Kuhubiri nyumba kwa nyumba, njo njia moya yenye imeonekana kuwa ya muzuri zaidi ya kutafuta watu wenye wako na njala ya ile kweli. Hii njia inaleta matokeo ya muzuri sawa vile tu ilikuwa mu wakati wa Yesu na wa mitume.​—Mk. 13:10.

⁶ Kulingana na uwezo wako, uko najikaza kuhubiri kabisa nyumba kwa nyumba? Kama ni vile, ukuwe hakika kama uko namufurahisha Yehova. (Eze. 9:11; Mdo. 20:35) Pengine hauna uwezo wa kuhubiri nyumba kwa nyumba kwa sababu ya afya, ao juu serikali ya inchi yako inakataza kazi ya Mashahidi wa Yehova. Ao pengine unasikiaka haya, na unaonaka kama ni nguvu sana kwako kuanzisha mazungumuzo na watu wenye haujue. Njo maana kila wakati unahubiri nyumba kwa nyumba unakuwaka na woga. Hata vile, usivunjike moyo. (Kut. 4:10-12) Hauko weye peke, ndugu na dada zako wengi mu maeneo ingine wako napambana na hali za vile.

⁷ Yesu alitoleaka wanafunzi wake hii ahadi: “Muangalie! niko pamoja na ninyi sikuzote mupaka umalizio wa mupangilio wa mambo.” (Mt. 28:20) Ile ahadi, iko natutia nguvu leo mu kazi ya kufanya wanafunzi. Tunajisikia sawa mutume Paulo, wakati alisema hivi: “Kwa mambo yote niko na nguvu kupitia ule mwenye ananipatia nguvu.” (Flp. 4:13) Fanya yako yote juu ufaidike na mipango yenye kutaniko imekamata kuhusu kuhubiri nyumba kwa nyumba. Kama unahubiri na wengine, watakutia moyo na kukusaidia. Umuombe Yehova akusaidie kushinda kila kizuizi yenye unaweza kukutana nayo, na ujikaze kuwa muhubiri mwenye bidii wa habari njema.​—1 Yo. 5:14.

⁸ Wakati unazungumuza na wengine juu ya habari njema, unapata nafasi ya kuwaambia ‘sababu ya tumaini yenye uko nayo.’ (1 Pe. 3:15) Utaelewa muzuri zaidi tofauti kati ya watu wenye wako na tumaini ya Ufalme na wale wenye hawana tumaini. (Isa. 65:13, 14) Kujua kama umetii amri ya Yesu ya ‘kuacha mwangaza wako uangaze,’ itafanya ukuwe na furaha, na unaweza hata kuwa na pendeleo ya kusaidia wengine wajue Yehova na ile kweli yenye kuongoza kwenye uzima wa milele.​—Mt. 5:16; Yoh. 17:3; 1 Ti. 4:16.

⁹ Mipango imefanywa juu kazi ya kuhubiri nyumba kwa nyumba ifanywe Siku ya Posho na Siku ya Yenga, na pia mu siku zingine za juma. Makutaniko fulani, inafanya mipango ya kuhubiri nyumba kwa nyumba mangaribi, mu maeneo yenye ni nguvu kukuta watu kwao muchana. Watu wanaweza kuwa tayari zaidi kupokea wageni kisha midi ao mangaribi kuliko asubui.

¹⁰ Yesu aliambia wanafunzi wake ‘watafute’ wale wenye kustahili. (Mt. 10:11) Zaidi ya kuhubiri nyumba kwa nyumba, Yesu alitumia njia zingine ili kutafuta wale wenye kustahili. Alikuwa anahubiri wakati alipanga kufanya vile na kila mara wakati nafasi ya kuhubiri ilijitokeza. (Lu. 8:1; Yoh. 4:7-15) Mitume pia walihubiria watu mu maeneo mbalimbali.​—Mdo. 17:17; 28:16, 23, 30, 31.

¹¹ Leo pia, kusudi yetu ni kuhubiria kila mutu ujumbe wa Ufalme kadiri inawezekana. Ile inamaanisha kuiga njia zenye Yesu na mitume wake walitumia mu kazi ya kufanya wanafunzi. Inamaanisha pia kuhubiri kwa kujipatanisha na wakati na hali mbalimbali za watu wa mu eneo yetu. (1 Ko. 7:31) Kwa mufano, wahubibiri wengi wamepata matokeo ya muzuri kwa kuenda hubiria watu mu maeneo ya biashara. Mu inchi mingi, wahubiri wamepata matokeo ya muzuri kwa kuhubiri mu barabara, mu mabustani (jardins), ku parking, ao fasi zingine kwenye watu wanaweza kupatikana. Makutaniko fulani inaweka vichapo ku meza ao ku prezantware mu eneo yao. Tena, mu miji mikubwa, biro ya tawi inaweza kupanga kampanye ya pekee ili ndugu na dada, kutoka mu makutaniko mbalimbali, wahubiri mu maeneo kwenye watu wengi wanatembea na miguu. Ile inasaidia watu wenye hawapatikanake kwao wakati wahubiri wanapita, wasikie habari njema.

¹² Wakati tunahubiri mu maeneo yenye kuwa na watu wengi, na kisha tunakutana na mutu mwenye anapendezwa, tunaweza kuangalia kichapo ya kumupatia. Juu ya kumusaidia aendelee kupendezwa, unaweza kumupatia adrese ao namba yako ya telefone na kupanga kumurudilia. Unaweza pia kumuonyesha site yetu jw.org ao kumupatia adrese ya karibu sana kwenye mikutano ya Kikristo inafanyika. Utaona kama kuhubiri mu maeneo yenye kuwa na watu wengi ni njia ya muzuri ya kukusaidia kupanua utumishi wako.

¹³ Lakini, zaidi ya kutangaza habari njema, kuko mambo ingine yenye Wakristo wanaombwa kufanya. Juu uweze kusaidia watu wakubali kweli yenye inaongoza kwenye uzima, inaomba kurudilia tena na tena wale wenye walipendezwa ili wafanye maendeleo na wakuwe Wakristo wenye kukomala kiroho.

¹⁴ Yesu aliambia hivi wafuasi wake: “Mutakuwa mashahidi wangu . . . mupaka kwenye sehemu ya mbali zaidi ya dunia.” (Mdo. 1:8) Lakini aliwaambia pia hivi: “Kwa hiyo, muende, na mufanye wanafunzi kutoka kwa watu wa mataifa yote, . . . muwafundishe kushika mambo yote yenye nimewaamuru ninyi.” (Mt. 28:19, 20) Kurudilia watu wenye kupendezwa kunaweza kutuletea furaha mu kazi ya Yehova. Watu wenye wanapendezwa na habari njema wakati unawatembelea kwa mara ya kwanza, wanaweza pia kufurahia wakati unawarudilia. Kwa hiyo, wakati unazungumuza nao juu ya habari zingine zenye kuwa mu Biblia, ile inaweza kufanya wamuamini Mungu zaidi na watambue uhitaji wao wa kiroho. (Mt. 5:3) Kama unajitayarisha muzuri na unafanya mipango ya kurudilia watu wenye walipendezwa, unaweza kuanzisha funzo ya Biblia. Na kwa kawaida, ni ile njo inapaswa kuwa kusudi yetu wakati tuko narudilia watu wenye walipendezwa. Wakati tunafanya vile, hatupande tu mbegu, lakini pia tunaimuangia maji.​—1 Ko. 3:6.

¹⁵ Wahubiri fulani wanaweza kuona kama ni nguvu kurudilia watu wenye walipendezwa. Pengine umezoea kuhubiria watu habari njema kwa kusema maneno kidogo tu, na umefurahia ile njia. Lakini, unaweza kuona kama ni nguvu kurudilia mutu mwenye alipendezwa juu muzungumuze naye tena kuhusu Biblia. Siri ni kujitayarisha tu muzuri. Tumikisha mapendekezo yenye inatolewa ku mukutano ya katikati ya juma. Unaweza pia kuomba muhubiri mwenye uzoefu akusindikize.

¹⁶ Siku moya, mweneza-injili Filipo aliona mwanaume moya, mwenye alikubali dini ya Wayahudi, na iko anasoma Neno ya Mungu. Filipo alimuulizaka hivi: “Je, kweli unajua mambo yenye unasoma?” Ule mwanaume akamujibu hivi: “Kwa kweli, ninaweza kujua namna gani kama mutu fulani haniongoze?” Hii habari yenye kuwa mu Biblia, mu Matendo sura ya 8, inasema kama Filipo alitumia andiko yenye ule mwanaume alikuwa anasoma ili ‘kumutangazia habari njema juu ya Yesu.’ (Mdo. 8:26-36) Hatujue Filipo alipitisha saa ngapi na ule mwanaume, lakini Filipo alimuelezea habari njema mupaka ule mwanaume akaamini na kuomba abatizwe. Na akafikia kuwa mwanafunzi wa Yesu Kristo.

¹⁷ Leo, watu wengi hawajue kabisa-kabisa mambo yenye Biblia inazungumuzia. Njo maana, inaomba kurudilia mutu tena na tena na kumufundisha mambo mingi zaidi kwa muda wa majuma, miezi, mwaka ao hata zaidi juu akuwe na imani ya nguvu na astahili kubatizwa. Lakini ujue kama utapata baraka mingi ikiwa unasaidia kwa uvumilivu na kwa upendo watu wenye kustahili kuwa wanafunzi; Yesu alisema kama: “Kuko furaha zaidi katika kutoa kuliko katika kupokea.”​—Mdo. 20:35.

¹⁸ Bila shaka, juu ya kuongoza funzo ya Biblia, unaweza kupenda kutumia kichapo kimoya kati ya vichapo vyenye vimetayarishwa juu ya kujifunza na watu Biblia. Kufuata mashauri yenye tunapata ku mukutano wa katikati ya juma na kuhubiri na walimu wenye uzoefu, kutakusaidia uongoze mafunzo yenye kufanya maendeleo kwa kuwasaidia wafikie kuwa wanafunzi wa Yesu Kristo.

¹⁹ Kama unapenda kupata musaada juu ujue namna ya kuanzisha na kuongoza funzo ya Biblia, usisite kuzungumuza na mumoya kati ya waangalizi ao Shahidi mwingine mwenye iko na uzoefu wa kuongoza mafunzo ya Biblia. Mapendekezo yenye tunapata mu Buku ya Mukutano Utumishi na Maisha na maonyesho yenye tunafuata ku mukutano, itakusaidia pia. Umutegemee Yehova, na umuambie kupitia sala kama unapenda kupata funzo ya Biblia na kuiongoza. (1 Yo. 3:22) Kwa hiyo, kama inawezekana, ujiwekee muradi wa kuongoza hata funzo moya ya Biblia, hata kama unaweza kuwa na mafunzo fulani yenye unaongozaka mu familia yako. Wakati unakuwa na mafunzo ya Biblia ya kuongoza, furaha yako mu mahubiri itaongezeka.

²⁰ Wakati tunasaidia watu wamujue Yehova Mungu na kuwa wanafunzi wa Yesu Kristo, wanakuwa sehemu ya kutaniko. Wanafunzi wa Biblia watafanya maendeleo na kukomala kiroho kama wanaelewa muzuri tengenezo ya Yehova na kutumika pamoya nayo. Ni lazima kuwafundisha namna ya kufanya vile. Video zetu na broshua Ni Nani Wanafanya Mapenzi ya Yehova Leo? vimetayarishwa juu ya ile kusudi. Habari fulani zenye kuwa mu Sura ya 4 ya hii kitabu zinaweza pia kusaidia.

²¹ Wakati tu unaanza kuzungumuza na mutu juu ya Biblia, umusaidie aelewe kama Yehova iko na tengenezo yenye anatumiaka juu habari njema ihubiriwe mu dunia yote. Umuonyeshe faida ya vichapo vyetu vyenye vinasaidia watu kujifunza Biblia, na umuelezee kama vinachapishwa na kugawanywa mu dunia yote na wafanyakazi wa kujipendea wenye wamejitoa kwa Mungu. Umualike mwanafunzi wako wa Biblia ku mikutano yetu yenye tunafanyaka ku Jumba ya Ufalme. Umuelezee namna tunaifanyaka, na umutambulishe kwa ndugu na dada mu kutaniko. Ni muzuri pia umusaidie ajuane na Mashahidi wengine ku mikusanyiko yetu mikubwa. Ku ile mikusanyiko na ku matukio ingine, uache mwanafunzi ajionee yeye peke namna watumishi wa Yehova wanaonyeshaka upendo, wenye njo alama ya kutambulisha Wakristo wa kweli. (Yoh. 13:35) Wakati mutu mwenye kupendezwa anaendelea kufurahia tengenezo ya Yehova, ile itafanya amukaribie Yehova zaidi.

²² Wakristo wa kwanza walikuwa wahubiri wenye bidii wa Neno ya Mungu. Walijifanyia kopi za Maandiko zenye walitumia ili kujifunza kipekee na mu makutaniko. Walitia wengine moyo wasome Neno ya Mungu ya kweli. Zile kopi ziliandikwa na mukono na zilikuwa za kidogo, njo maana walizichunga muzuri sana. (Kol. 4:16; 2 Ti. 2:15; 3:14-17; 4:13; 1 Pe. 1:1) Leo, Mashahidi wa Yehova wanatumia mashini za sasa ili kuchapisha mamilioni ya Biblia na mamilioni ya vichapo vyenye vinasaidia watu kujifunza Biblia. Wanachapisha pia trakte, broshua, vitabu, na magazeti mu luga mingi.

²³ Wakati unahubiria watu habari njema, usikose kutumia vichapo vyenye tengenezo ya Yehova inatutolea ili kusaidia watu wajifunze Biblia. Kukumbuka kila wakati faida yenye umepata juu ya kusoma na kujifunza vichapo vya Mashahidi wa Yehova, kutakupatia hamu ya kutia wengine moyo nao wavisome.​—Ebr. 13:15, 16.

²⁴ Leo, watu wengi wanatumia zaidi sana Enternete ili kupata habari. Kwa hiyo, zaidi ya kutumia vichapo vyenye vinasaidia watu kujifunza Biblia, tunatumia njia ingine ya muzuri yenye inatusaidia kueneza habari njema, ni kusema, site yetu ya Enternete jw.org. Leo, mu dunia, watu wanaweza kutumia ordinatere zao ili kusoma Biblia na vichapo vyenye vinasaidia kujifunza Biblia, na pia wanaweza kusikiliza usomaji wenye kurekodiwa mu luga mingi. Wale wenye wanakuwaka nasita kuzungumuza na siye ao wenye wanaishi mu maeneo kwenye ni nguvu kuzungumuza na Mashahidi wa Yehova, wanaweza kujua mingi juu ya mambo yenye tunaamini kwa kutumia site yetu ya Enternete mu nyumba zao.

²⁵ Kwa hiyo, tunatumia kila nafasi ili kujulisha watu site yetu ya Enternete jw.org. Kama mwenye-nyumba anauliza ulizo fulani juu ya mambo yenye tunaamini, tunaweza kutumia telefone ao ordinatere ili kumuonyesha jibu ku site yetu ya Enternete. Pia, kama tunakutana na mutu mwenye anazungumuza luga ingine, kutia ndani luga ya ishara, tunaweza kumuonyesha site yetu ya Enternete juu apate mu luga yake Biblia na vichapo vyenye vinasaidia kuelewa Biblia. Wahubiri wengi wametumia video zenye ziko ku site yetu ya Enternete ili kuanzisha mazungumuzo yenye inahusu Biblia.

²⁶ Yesu aliambiaka hivi wale wenye walikuwa namusikiliza kwa uangalifu: “Ninyi ni mwangaza wa ulimwengu. . . . Muache mwangaza wenu uangaze mbele ya watu, ili waone matendo yenu ya muzuri na wamutukuze Baba yenu wa mbinguni.” (Mt. 5:14-16) Wale wanafunzi walionyesha kama wanafuata njia za Mungu kwa kuiga Yesu, mwenye alisema hivi: “Mimi ndiye mwangaza wa ulimwengu.” Yesu aliacha “mwangaza wa uzima” uangazie wale wote wenye walimusikiliza. Kwa hiyo, aliachia Wakristo mufano wa kufuata.​—Yoh. 8:12.

²⁷ Vilevile, mutume Paulo alituachia mufano wa kufuata. (1 Ko. 4:16; 11:1) Wakati alikuwa mu muji ya Atene, alihubiria kila siku watu wenye alikuta mu soko. (Mdo. 17:17) Wakristo wa Filipi walimuiga. Njo maana mutume Paulo aliwaandikia kama walikuwa naishi “katikati ya kizazi chenye kuharibika na chenye kupotoka,” na mu kile kizazi walikuwa ‘wanaangaza kama vitu vya kutoa mwangaza katika ulimwengu.’ (Flp. 2:15) Leo, wakati tunapata nafasi ya kuzungumuza na wengine juu ya habari njema tunaweza kuacha kweli ya Ufalme iangaze kupitia maneno na matendo yetu. Bila shaka, mufano wetu muzuri wa kuwa watu wenye wanasemaka kweli na wenye haki, unaweza kufanya watu wajionee kama tuko tofauti sana na wengine mu ulimwengu. Lakini, ni wakati tu tunazungumuza nao juu ya habari njema njo wataelewa muzuri juu ya nini tuko tofauti.

²⁸ Wengi kati ya watumishi wa Yehova wanahubiria watu habari njema ku kazi, ku masomo, mu motokari ao mu train, na fasi zingine wakati wako nafanya kazi zao za kila siku. Wakati unaenda safari, unaweza kupata nafasi ya kuzungumuza na watu wenye unasafiri nao. Kila muhubiri, anapaswa kuwa tayari kugeuza mazungumuzo ya kawaida kuwa mahubiri. Tukuwe basi tayari kutumia kila nafasi yenye inajitokeza ili kuzungumuza na wengine.

²⁹ Tutachochewa kuwa tunahubiri wakati wowote, ikiwa tunakumbuka kama kufanya vile ni kumusifu Muumbaji wetu na kufanya jina yake iheshimiwe. Zaidi ya ile, tunaweza pia kusaidia wale wenye kustahili wafikie kumujua Yehova ili wamutumikie na kuwa na tumaini ya uzima, yenye tunapata kwa kuamini Yesu Kristo. Yehova anafurahia bidii yetu na anaiona kuwa utumishi mutakatifu.​—Ebr. 12:28; Ufu. 7:9, 10.

³⁰ Yehova anapenda habari njema ya Ufalme ihubiriwe mu dunia yote, ikuwe mu miji ao vijiji. Juu ya kufanya vile, biro ya tawi inapatia makutaniko na wahubiri wenye kutumikia mu maeneo ya mbali eneo ya kuhubiria. (1 Ko. 14:40) Ile inapatana na mupango wenye Mungu aliweka mu siku za mitume. (2 Ko. 10:13; Gal. 2:9) Juu kazi ya Ufalme inapanuka haraka sana mu hizi siku za mwisho, kazi kubwa inafanywa wakati mipango inafanywa ili kuhubiri eneo ya kutaniko.

³¹ Mwenye anasimamia ile mipango ni mwangalizi wa utumishi. Mutumishi wa huduma anaweza kupewa mugawo wa kutayarisha maeneo. Kuko namna mbili za maeneo: Eneo ya kikundi ya mahubiri na eneo ya kila muhubiri. Kama eneo ya kutaniko ni ya kidogo, kila mwangalizi wa kikundi ya mahubiri atapewa eneo yenye wahubiri wa kikundi yake wanaweza kuhubiri. Lakini, kama kutaniko iko na eneo kubwa, kila muhubiri anaweza kupata eneo yake.

³² Muhubiri mwenye iko na eneo yake, anaweza kuhubiri ndani wakati wowote, kwa mufano wakati hakuna mukutano wa mahubiri ao wakati haiwezekane kuhubiri na kikundi yake. Kwa mufano, wahubiri fulani wanapendaka kuwa na eneo yenye iko karibu na kwenye wanatumikiaka, juu ile inaweza kuwasaidia wahubiri ndani wakati wa mapumuziko ao kisha kazi. Familia fulani zinapewa eneo yenye iko karibu na kwao, na ile inawasaidia wakati fulani kuhubiri ndani mangaribi. Kama muhubiri iko na eneo fasi kwenye inafaa, ile inaweza kumusaidia atumie wakati yenye inatosha mu kazi ya kuhubiri habari njema. Pia, kikundi ya mahubiri inaweza kuhubiri mu eneo ya muhubiri. Kama unapenda kupata eneo yako, unaweza kuiomba ndugu mwenye anashugulikia eneo ya kutaniko yenu.

³³ Ikuwe eneo ni ya kikundi ya mahubiri yenye mwangalizi wa kikundi amepewa ao ni ya muhubiri mwenyewe, kila mutu mwenye alipewa ile eneo anapaswa kujikaza ili kupata mutu wa kuzungumuza naye mu kila nyumba. Mipango yenye mutakamata juu ya kuhuburi eneo yote inapaswa kupatana na kanuni za inchi za kulinda habari. Mwangalizi wa kikundi ao muhubiri yeyote mwenye amepata eneo, anapaswa kujikaza kuimaliza mu miezi ine. Kisha kuimaliza, anapaswa kujulisha mutumishi wa eneo. Mwangalizi wa kikundi ao muhubiri anaweza amua kubakia na ile eneo juu ya kuihubiri tena ao anaweza kuirudishia mutumishi wa eneo.

³⁴ Kama wahubiri wote wanatumika mu umoja, eneo ya kutaniko inaweza kuhubiriwa muzuri. Pia, haitakuwa muzuri eneo moya ipewe wahubiri wawili ao zaidi wakati ileile. Ile inaweza kufanya wenye-nyumba waone kama tunawasumbua. Kuepuka ile, itaonyesha pia kama tunaheshimia ndugu zetu na watu wa mu eneo.

³⁵ Ni lazima kila mutu ajifunze juu ya Yehova Mungu, juu ya Mwana wake, na juu ya Ufalme. (Ufu. 14:6, 7) Tunapenda kusaidia watu wa kila luga waitie jina ya Yehova na wavale utu mupya. (Ro. 10:12, 13; Kol. 3:10, 11) Ni magumu gani yenye inatokeaka wakati ya kuhubiri mu eneo yenye watu wanazungumuza luga mingi? Namna gani tunaweza kupambana na ile magumu ili kutolea watu wengi kadiri inawezekana nafasi ya kusikia ujumbe wa Ufalme mu luga yenye wanaelewa muzuri zaidi?​—Ro. 10:14.

³⁶ Makutaniko inapewa maeneo kulingana na luga. Kwa hiyo, mu maeneo yenye watu wanazungumuza luga mingi, wahubiri wa makutaniko mbalimbali wanahubiri mu ile eneo. Mu hali za vile, ni muzuri zaidi wahubiri wa kila kutaniko watafute tu watu wenye wanazungumuza luga ya kutaniko yao. Ile inahusu pia kampanye za kila mwaka za kupatia watu mialiko. Lakini, wahubiri wanaweza kuzungumuza na kila mutu na kutolea watu vichapo mu luga yoyote wakati wanahubiri mahali pa watu wengi ao wakati nafasi ya kuhubiri inajitokeza.

³⁷ Mu hali fulani, makutaniko ya luga ingine inaweza shindwa kuhubiri maeneo yake ya mbali. Mu hali za vile, waangalizi wa utumishi wa makutaniko yenye inahusika wanapaswa kuzungumuza na kuona mipango yenye wanaweza kufanya juu eneo yote ihubiriwe. Ile itapatia kila mutu nafasi ya kusikia ujumbe wa Ufalme na itafanya makutaniko isihubiri eneo moya wakati ileile.​—Mez. 15:22.

³⁸ Tunapaswa kufanya nini wakati mutu mwenye anatukaribisha hazungumuzake luga ya kutaniko yetu? Hatupaswe kumuacha na kufikiri kama muhubiri mwenye anazungumuzaka luga yake njo atakuya kumuhubiria. Wahubiri fulani wamejifunza maneno fulani ya mwepesi juu ya kuanzisha mazungumuzo mu luga yenye watu wanatumia sana mu eneo yao. Tunaweza kuonyesha mutu namna anaweza kusoma ao kuchukua vichapo mu luga yake ku site yetu ya Enternete jw.org, ao tunaweza kumuambia kama tutamuletea vichapo mu luga yake.

³⁹ Kama ule mutu anaonyesha kabisa kuwa anapendezwa, tunapaswa kujikaza kupata muhubiri fulani mwenye uwezo juu amusaidie mu luga yenye anajua. Tunaweza pia kumuonyesha kutaniko ya karibu yenye inafanyaka mikutano mu luga yake. Kama anapenda kutembelewa na muhubiri mwenye anazungumuzaka luga yake, tunaweza kumuonyesha namna ya kufanya ombi yake ku site yetu ya Enternete jw.org. Kisha, biro ya tawi itajikaza kupata muhubiri wa karibu, ao kikundi ao kutaniko yenye inaweza kumusaidia zaidi.

⁴⁰ Tunapaswa kuendelea kutembelea mutu mwenye alipendezwa mupaka siku atatuambia kama ashapata muhubiri mwenye anazungumuzaka luga yake. Wakati fulani, biro ya tawi inaweza kujulisha wazee kama haikupata muhubiri mwenye anazungumuzaka luga ya ule mutu. Ile hali ikifika, tunapaswa kufanya yote yenye tunaweza ili kuchochea ule mutu aendelee kupendezwa. Kama inawezekana, tunaweza kujifunza Biblia naye, pengine kwa kutumia kichapo fulani yenye kupatikana mu luga yake. Kama tunatumia muzuri picha na kumuacha ajisomee maandiko yenye kutajwa, ataelewa mafundisho fulani ya musingi ya Biblia. Mutu fulani wa jamaa yake mwenye anajua muzuri luga yake na luga yenye tunatumia, anaweza saidia kumutafsiria ile mafundisho.

⁴¹ Juu ya kuongoza mutu mwenye anapendezwa kwenye tengenezo ya Mungu, tunapaswa kumualika ku mikutano yetu, hata kama pengine hataelewa mambo yote yenye itasemwa kule. Wakati maandiko inasomwa, tunaweza kumusaidia kuipata mu Biblia ya luga yake, kama iko. Kukusanyika na wengine mu kutaniko kunaweza kumutia nguvu na kutamusaidia afanye maendeleo zaidi ya kiroho.

⁴² Vikundi vidogo: Kikundi kidogo kinafanyizwa na wahubiri fulani wenye wanahubiri mu luga yenye iko tofauti na ya kutaniko, hata kama hawana muzee ao mutumishi wa huduma mwenye anaweza kuongoza mikutano ya kila juma mu ile luga. Biro ya tawi inaweza kukubali kutaniko isimamie kikundi fulani ya kidogo, kama mambo yenye kuwa hapa chini inatimizwa:

1. (1) Mu eneo, muko hesabu ya kutosha ya watu wenye wanazungumuza luga yenye iko tofauti na ya kutaniko.

2. (2) Kuko wahubiri fulani wenye wanajua ile luga ao wenye wako tayari kujifunza ayo.

3. (3) Baraza ya wazee iko tayari kuongoza mipango ya mahubiri mu ile luga.

Kama baraza ya wazee inaona iko tayari kusimamia kikundi kidogo, wazee wanapaswa kuzungumuza na mwangalizi wa muzunguko. Inawezekana ule mwangalizi anajua makutaniko ingine yenye tayari iko najikaza kuhubiria watu wenye wanazungumuza ile luga; kwa hiyo, anaweza kuwapatia habari za maana zenye zitawasaidia kujua ni kutaniko gani yenye inaweza kusimamia muzuri ile kikundi. Kisha kuamua ni kutaniko gani itasimamia, wazee wanaweza kuandikia biro ya tawi barua juu ya kuomba ile kutaniko ijulikane waziwazi kama ni ayo njo inasimia ile kikundi kidogo.

⁴³ Vikundi: Biro ya tawi inaweza kukubali kutaniko isimamie kikundi fulani, kama mambo yenye kuwa hapa chini inatimizwa:

1. (1) Kuko hesabu ya kutosha ya watu wenye wanapendezwa, na kuko alama zenye kuonyesha kama kutakuwa ongezeko mu eneo ya ile luga.

2. (2) Kuko wahubiri fulani wenye wanajua ile luga ao wenye wako tayari kujifunza ayo.

3. (3) Kuko muzee ao mutumishi wa huduma mwenye iko tayari kuongoza na kusimamia karibu mukutano moya kila juma​—ao sehemu moya ya mukutano ya kila juma, sawa vile hotuba ya watu wote ao Funzo ya Munara wa Mulinzi mu ile luga.

Wakati hii mambo yote inatimizwa kwa kiasi fulani, baraza ya wazee itafanya ombi ku biro ya tawi juu ile kutaniko ijulikane na biro ya tawi kama ni ayo njo inasimia ile kikundi. Muzee mwenye kusimamia kikundi ataitwa “mwangalizi wa kikundi,” na kama ni mutumishi wa huduma ataitwa “mutumishi wa kikundi.”

⁴⁴ Kisha kikundi kuanzishwa, baraza ya wazee ya kutaniko yenye inasimamia ile kikundi itaamua kama sehemu zingine za mikutano ya kutaniko zinapaswa kuongezwa, na itaamua kama mikutano itakuwa inafanywa mara ngapi mu mwezi. Mipango inaweza pia kufanywa ili kikundi kikuwe na programu ya mikutano ya mahubiri. Ni baraza ya wazee yenye inasimamia ile kikundi njo itaongoza wote wenye kuwa ndani. Wazee watatoa muongozo wenye kufaa na kuonyesha kama wanahangaikia kabisa mahitaji ya ile kikundi. Wakati mwangalizi wa muzunguko anatembelea kutaniko yenye inasimamia kikundi fulani, ataandikia biro ya tawi maelezo ya mufupi juu ya maendeleo na mahitaji ya ile kikundi. Kisha muda fulani, ile kikundi inaweza kuwa kutaniko. Kama wote wenye wanatumika mu eneo yenye inatumia luga ingine wanafuata muongozo wa kiteokrasi, Yehova atafurahi.​—1 Ko. 1:10; 3:5, 6.

⁴⁵ Wakristo wote wenye wamejitoa kwa Mungu wako na daraka ya kuhubiria wengine habari njema. Kuko njia mingi za kufanya vile, lakini, wengi kati yetu wanafurahiaka kuenda mu mahubiri na wengine. (Lu. 10:1) Njo maana, makutaniko inafanyaka mikutano ya mahubiri kila Siku ya Posho na Siku ya Yenga, na pia mu siku zingine za juma. Siku za sikukuu zinapatia wahubiri wengine nafasi ya kuhubiri na kikundi yao juu mu zile siku hawatumikake. Halmashauri ya utumishi ya kutaniko inapanga mikutano ya mahubiri kwa kufikiria saa na fasi yenye inafaa kwa wahubiri wengi, ikuwe inahusu kuhubiri muchana ao mangaribi.

⁴⁶ Mahubiri ya kikundi inasaidia wahubiri kutumika pamoya na kuwa na “ubadilishanaji wa kitia-moyo.” (Ro. 1:12) Wahubiri wapya wanaweza kutumika pamoya na wahubiri wenye kuwa na ufundi na uzoefu juu wapate mazoezi. Mu maeneo fulani, inaweza kuwa muzuri wahubiri wawili ao zaidi watumike pamoya juu ya usalama. Hata kama umepanga kuhubiri weye peke mu eneo, kufika ku mukutano ya mahubiri kunaweza kutia wote moyo. Kujua tu kama wahubiri wenzako wako pia mu mahubiri, na wanahubiri mu eneo ileile, kunaweza kukusaidia usiogope. Mapainia na wahubiri wengine hawapaswe kuona kama ni lazima wakuwe nafika ku kila mukutano ya mahubiri yenye imepangwa na kutaniko, zaidi sana kama ile mikutano inafanywa kila siku. Lakini, wanaweza kutegemeza mikutano fulani ya mahubiri kila juma.

⁴⁷ Basi, tuendelee siye wote kufuata mufano wenye Yesu na mitume wake walituachia! Bila shaka, tunaweza kuwa hakika kama Yehova atabariki bidii yetu ya kufanya mingi mu hii kazi ya maana sana ya kuhubiri habari njema ya Ufalme.​—Lu. 9:57-62.