“Umeyafunua kwa Watoto”

Je, unataka kujua kweli juu ya Mungu, ni kusema, yeye ni nani, anapenda nini, anachukia nini, na mapenzi yake ni gani? Katika Neno lake Biblia, Yehova Mungu anafunua kweli yote juu yake. Lakini si kila mutu ambaye anasoma Biblia anayeelewa kabisa kweli hiyo. Sababu gani? Kwa sababu kuelewa kweli hiyo ya kiroho ni pendeleo, na si mutu yeyote anayepata pendeleo hilo. Acha tuone yale ambayo Yesu alisema juu ya jambo hilo.​—Soma Mathayo 11:25.

Andiko hilo linaanza kwa maneno yafuatayo: “Wakati huo Yesu akajibu, akasema.” Kwa hiyo, yale ambayo Yesu anataka kusema labda ni jibu kwa jambo ambalo limetoka tu kufanyika. Ametoka tu kuwakemea watu waliokataa kuwa wafuasi wake katika miji mitatu ya Galilaya ambamo alifanya miujiza. (Mathayo 11:20-24) Unaweza kujiuliza, ‘Namna gani mutu angeona miujiza ya Yesu na kukataa kweli ambazo alifundisha?’ Watu hao walikataa kweli ambazo Yesu alifundisha kwa sababu walikuwa na mioyo migumu.​—Mathayo 13:10-15.

Yesu alijua kwamba ili kuelewa kweli ya Biblia, tunahitaji mambo mawili: Musaada wa Mungu na kutokuwa na moyo mugumu. Yesu anaeleza hivi: ‘Ninakusifu wewe hazarani, Baba, Bwana wa mbingu na dunia, kwa sababu umewaficha mambo haya wenye hekima na wenye akili na umeyafunua kwa watoto.’ Je, unaona sababu gani kuelewa kweli za kiroho zinazopatikana katika Biblia ni pendeleo? Kwa sababu Yehova ndiye “Bwana wa mbingu na dunia,” ana haki ya kuamua ni nani atafunulia kweli. Lakini Mungu hana ubaguzi, anamutolea kila mutu nafasi ya kuelewa kweli. Ni nini kinafanya afunue kweli kwa watu fulani na kuificha kwa wengine?

Yehova anapendezwa na watu wanyenyekevu, hapendezwe na wenye kiburi. (Yakobo 4:6) Anaficha kweli kwa “wenye hekima na wenye akili,” ni kusema, watu wenye hekima na elimu ya ulimwengu ambao kwa sababu ya kiburi na kujitegemea wanajisikia kuwa hawana lazima ya musaada. (1 Wakorintho 1:19-21) Lakini anafunua kweli kwa “watoto,” ni kusema, wale wanaomujia wakiwa na mioyo mizuri, na kuonyesha unyenyekevu kama wa watoto. (Mathayo 18:1-4; 1 Wakorintho 1:26-28) Yesu, Mwana wa Mungu, alitambua aina hiyo mbili ya watu. Viongozi wengi wa kidini waliokuwa na kiburi na elimu nyingi hawakuelewa maana ya ujumbe wa Yesu, lakini wavuvi wa samaki ambao walikuwa wanyenyekevu walielewa ujumbe huo. (Mathayo 4:18-22; 23:1-5; Matendo 4:13) Wakati huohuo, watu fulani waliokuwa matajiri na wenye elimu walioonyesha unyenyekevu wa kweli walikubali kuwa wafuasi wa Yesu.—Luka 19:1, 2, 8; Matendo 22:1-3.

Tunarudilia ulizo ambalo tuliuliza mwanzoni mwa habari hii: Je, unataka kujua kweli juu ya Mungu? Ikiwa jibu ni ndiyo, unaweza kufarijiwa kujua kwamba Mungu hapendezwe na watu wanaojiona kuwa wenye hekima ya ulimwengu. Lakini, anapendezwa na wale ambao labda wanazarauliwa na watu wenye hekima ya ulimwengu. Ikiwa unajifunza Neno la Mungu kwa unyenyekevu wa akili na moyo, unaweza kuwa kati ya wale ambao Yehova anapatia zawadi yenye samani, ni kusema, kuelewa kweli juu yake. Kuelewa kweli hiyo kutafanya maisha yako yawe yenye furaha zaidi sasa na kunaweza kukuongoza kwenye “uzima ulio wa kweli,” ni kusema, uzima usio na mwisho katika dunia mupya yenye haki iliyoahidiwa na Mungu ambayo inakaribia.a​—1 Timotheo 6:12, 19; 2 Petro 3:13.