Namna ya Kuendelea Kujitenga na Ulimwengu

 1. Yesu alikazia jambo gani katika usiku wake wa mwisho hapa duniani?

USIKU wake wa mwisho hapa duniani, Yesu alionyesha kama alihangaikia sana hali ya wakati ujao ya wanafunzi wake. Alisali hata kwa ajili ya jambo hilo; alimuambia Baba yake hivi: ‘Ninakuomba, si kwamba uwatoe ulimwenguni, bali uwalinde kwa sababu ya yule muovu. Wao si sehemu ya ulimwengu, kama vile ambavyo mimi si sehemu ya ulimwengu.’ (Yohana 17:15, 16) Katika sala hiyo ya kutoka moyoni, Yesu alionyesha kama aliwapenda sana wafuasi wake na pia alionyesha kama maneno ambayo alikuwa amewaambia wengine wao mapema usiku huo yalikuwa ya lazima sana: “Ninyi si sehemu ya ulimwengu.” (Yohana 15:19) Hilo linaonyesha wazi kama Yesu alikazia jambo la lazima sana: wafuasi wake wanapaswa kuendelea kujitenga na ulimwengu!

 2. “Ulimwengu” ambao Yesu alizungumuzia katika sala yake ni nini?

² “Ulimwengu” ambao Yesu alizungumuzia ni wanadamu wote waliojitenga na Mungu, wanaoongozwa na Shetani; wao ni watumwa wa roho ya Shetani ambayo ni roho ya uchoyo na kiburi. (Yohana 14:30; Waefeso 2:2; 1 Yohana 5:19) Kwa kweli, “urafiki na ulimwengu [huo] ni uadui na Mungu.” (Yakobo 4:4) Basi, namna gani wale wote wanaotaka kubaki katika upendo wa Mungu wanaweza kujitenga na ulimwengu, ijapokuwa wako katika ulimwengu? Inawezekana ikiwa wanafanya mambo haya matano ambayo tutazungumuzia: kubaki waaminifu kwa Ufalme wa Mungu unaoongozwa na Kristo na kutojiingiza katika mambo ya politike, kuipinga roho ya ulimwengu, kuvaa na kujipamba kwa kiasi, kuendelea kuwa na jicho rahisi, na kuvaa mavazi kamili ya silaha za kiroho.

 3. (a) Je, Yesu alijiingiza katika mambo ya politike ya wakati wake? (b) Sababu gani tunaweza kusema kama wafuasi wa Yesu waliotiwa-mafuta ni mabalozi? (Soma pia maelezo yaliyo chini.)

³ Yesu hakujiingiza katika mambo ya politike ya wakati wake. Kuliko kufanya hivyo, alijitoa sana katika kuhubiri Ufalme wa Mungu, ambayo ni serikali ao guvernema ya mbinguni itakayotawala dunia, na ambayo Yesu ndiye Mufalme. (Danieli 7:13, 14; Luka 4:43; 17:20, 21) Ndio sababu, wakati alikuwa mbele ya Guvernere Muroma Pontio Pilato, Yesu alisema: “Ufalme wangu si sehemu ya ulimwengu huu.” (Yohana 18:36) Wafuasi wake waaminifu wanafuata mufano wake. Wanabaki waaminifu kwa Kristo na kwa Ufalme wake na wanatangaza ufalme huo duniani pote. (Mathayo 24:14) Mutume Paulo aliandika hivi: ‘Sisi ni mabalozi [ao waambasadere] walio badala ya Kristo. Kama walio badala ya Kristo tunaomba: Mupatanishwe pamoja na Mungu.’a—2 Wakorintho 5:20.

 4. Wakristo wote wa kweli wameonyesha namna gani uaminifu wao kwa Ufalme wa Mungu? (Soma kisanduku “Wakristo wa Kwanza-Kwanza Hawakujiingiza Katika Politike.”)

⁴ Mabalozi wanawakilisha inchi zao ao serikali zao katika inchi nyingine, kwa hiyo hawajiingize katika mambo ya ndani ya inchi ambako wametumwa ao hawajiingize katika mambo ya politike ya inchi hizo. Lakini, wanatetea serikali ya inchi zao. Wafuasi watiwa-mafuta ambao ‘uraia wao uko mbinguni’ wanafanya hivyo pia. (Wafilipi 3:20) Kwa sababu wamehubiri Ufalme kwa bidii, wamesaidia mamilioni ya “kondoo wengine” wa Kristo ‘wapatanishwe pamoja na Mungu.’ (Yohana 10:16; Mathayo 25:31-40) Kondoo hao wengine ni wajumbe wa Kristo, nao wanaunga mukono ndugu wa Yesu waliotiwa mafuta. Watiwa-mafuta hao na kondoo wengine, kama kikundi kimoja, wanatetea Ufalme wa Kimasiya kwa umoja na hawajiingize katika mambo ya politike ya ulimwengu huu.​—Isaya 2:2-4.

 5. Wakristo wa kweli wanatofautiana namna gani na Waisraeli wa zamani, na tofauti hiyo inawasaidia namna gani?

⁵ Wakristo wa kweli hawajiingize katika mambo ya politike kwa sababu ya uaminifu wao kwa Kristo; lakini kuna sababu nyingine. Tofauti na Waisraeli wa zamani ambao walikuwa na inchi waliyopewa na Mungu, leo sisi tuna ndugu katika mataifa yote. (Mathayo 28:19; 1 Petro 2:9) Kwa hiyo, tukiunga mukono vyama fulani vya politike katika inchi yetu, itakuwa vigumu sisi kutetea vizuri Ufalme wa Mungu kwa kuwaambia watu kwamba Ufalme huo ndilo tumaini la kweli la wanadamu, na umoja wetu wa Kikristo unaweza kuharibika kabisa. (1 Wakorintho 1:10) Zaidi ya hilo, wakati vita inatokea, tutajikuta tunaanza kupigana na ndugu zetu, ambao Biblia inatuamuru tuwapende. (Yohana 13:34, 35; 1 Yohana 3:10-12) Yesu alikuwa kabisa na haki ya kuwaambia wanafunzi wake wasishike upanga ili kupigana vita! Aliwaambia wapende hata adui zao.—Mathayo 5:44; 26:52; soma kisanduku “Je, Mimi Ninajitenga Kabisa na Mambo ya Politike?”.

 6. Kwa kuwa umemutolea Mungu maisha yako katika sala, unapaswa kukumbuka nini wakati unamupatia Kaisari haki yake?

⁶ Sisi Wakristo wa kweli tumemutolea Mungu maisha yetu katika sala, wala si mwanadamu yeyote, tengenezo fulani la wanadamu, wala taifa lolote. Andiko la 1 Wakorintho 6:19, 20 linasema hivi: ‘Ninyi si mali yenu wenyewe, kwa maana mulinunuliwa kwa bei.’ Kwa hiyo, wakati wafuasi wa Yesu wanamupatia “Kaisari” haki yake, ni kusema, heshima, kulipa kodi ao kutii sheria zisizopingana na sheria za Mungu, wanamupatia pia “Mungu vitu vya Mungu.” (Marko 12:17; Waroma 13:1-7) Vitu vya Mungu ni mambo kama vile kumuabudu Mungu, kumupenda kwa nafsi yote, na kumutii kwa uaminifu. Wako tayari kufa kwa ajili ya Mungu, ikiwa inaomba kufanya hivyo.—Luka 4:8; 10:27; Matendo 5:29; Waroma 14:8.

7, 8. “Roho ya ulimwengu” ni nini, na ‘inatenda’ ndani ya mutu namna gani?

⁷ Jambo lingine linaloonyesha kama Wakristo wanaendelea kujitenga na ulimwengu ni kwamba wanaipinga roho mbaya ya ulimwengu. Paulo aliandika hivi: “Sisi tulipokea, si roho ya ulimwengu, bali roho inayotoka kwa Mungu.” (1 Wakorintho 2:12) Aliwaambia Waefeso hivi: ‘Wakati fulani mulitembea kulingana na ulimwengu huu, kulingana na mutawala wa mamlaka ya hewa, roho ambayo sasa inatenda katika wana wa kutokutii.’—Waefeso 2:2, 3.

⁸ “Hewa,” ao roho ya ulimwengu ni nguvu isiyoonekana inayowasukuma watu kutomutii Mungu na inachochea “tamaa ya mwili na tamaa ya macho.” (1 Yohana 2:16; 1 Timotheo 6:9, 10) Roho hiyo ina nguvu ao “mamlaka,” kwa sababu inachochea mwili wenye zambi, na pia ni vigumu kuitambua, inawachochea watu tena na tena, na iko mahali pote kama hewa. Zaidi ya hayo, roho hiyo ‘inatenda’ ndani ya mutu, inakomalisha polepole ndani yake tabia mbaya zisizopatana na mapenzi ya Mungu: uchoyo, kiburi, kutafuta makubwa, na mawazo ya kujitegemea na kuasi mamlaka.b Kwa kifupi, polepole roho ya ulimwengu inafanya tabia za Shetani zikomae katika moyo wa mwanadamu.—Yohana 8:44; Matendo 13:10; 1 Yohana 3:8, 10.

 9. Roho ya ulimwengu inaweza kuingia katika akili na moyo wetu kupitia njia gani mbalimbali?

⁹ Je, roho ya ulimwengu inaweza kuingia kabisa katika akili na moyo wako? Ndiyo, ikiwa tu unairuhusu na ikiwa hauko mwangalifu. (Methali 4:23) Mara nyingi uvutano wake unaanza bila mutu kutambua, labda kwa njia ya marafiki wanaoonekana kuwa wazuri, lakini kwa kweli hawamupendi Yehova. (Methali 13:20; 1 Wakorintho 15:33) Mutu anaweza pia kuambukizwa roho hiyo mbaya kupitia mutu yeyote ao kitu chochote kinachoweza kuendeleza mawazo ya Shetani ao ya ulimwengu wake; inaweza kuwa vitabu visivyofaa, adresi za Internete za waasi-imani ao adresi zinazoonyesha picha na habari za uasherati, kujifurahisha kusikofaa, ao michezo yenye kuchochea sana roho ya kushindana.

10. Namna gani tunaweza kuipinga roho ya ulimwengu?

¹⁰ Namna gani tunaweza kuipinga roho hiyo hatari ya ulimwengu na kubaki katika upendo wa Mungu? Kwa kufanya nguvu ili kufaidika kabisa na mipango ya kiroho kutoka kwa Yehova na kusali kila siku ili kupata roho takatifu. Yehova ni mukubwa sana kuliko Ibilisi na ulimwengu muovu unaoongozwa na Shetani. (1 Yohana 4:4) Kwa hiyo, ni jambo la lazima kabisa tubaki karibu na Yehova kupitia sala!

11. Namna gani roho ya ulimwengu inaonekana katika mivalio ya watu?

¹¹ Watu wanatambua roho inayomuchochea mutu kupitia namna anavyovaa, anavyojipamba na namna anavyotunza mwili wake. Katika inchi nyingi, watu wameanza kuvaa vibaya hivi kwamba mutangazaji mumoja wa habari kwenye televizyo alisema kama hivi karibuni itakuwa vigumu kutofautisha makahaba ao malaya na watu wengine. Habari katika gazeti moja inasema kama hata vijana wanawake wasiofikia bado miaka 18 wameambukizwa tabia hiyo ya ‘kuvaa nguo fupifupi wakiwa nusu-uchi bila haya.’ Tabia nyingine ni ile ya kuvaa ovyoovyo; kuvalia hivyo kunaonyesha roho ya uasi na kukosa kujiheshimu na kukosa kujiheshimisha.

12, 13. Ni kanuni gani zinapaswa kutuongoza kuhusu namna yetu ya kuvaa na kujipamba?

¹² Sisi watumishi wa Yehova tunataka kuonekana vizuri, ni kusema, kuvaa vizuri mavazi yaliyo safi, yasiyowakwaza wengine na yanayofaa kulingana na hali. Kila wakati, mavazi na mapambo yetu vinapaswa kuonyesha kama tuna ‘kiasi na akili nzuri,’ sifa ambazo pamoja na “matendo mema” zinafaa kwa watu wote ‘wanaojidai kumuheshimu Mungu’ iwe ni wanaume ao wanawake. Kwa kweli, kusudi letu kubwa, ni kubaki “katika upendo wa Mungu” wala si kutafuta watu watusifu. (1 Timotheo 2:9, 10; Yuda 21) Ndiyo, tunataka kujipamba kwetu kuzuri kuwe ‘yule mutu wa siri wa moyoni ambaye ni wa samani kubwa machoni pa Mungu.’—1 Petro 3:3, 4.

¹³ Kumbuka pia kama namna yetu ya kuvaa na kujipamba inaweza kuwafanya watu wapendezwe na ibada ya kweli ao waikatae. Neno la Kigiriki lililotafsiriwa “kiasi,” wakati linatumiwa kuhusiana na mwenendo, linamaanisha kuwa na adabu, woga, na kuheshimu mawazo ya watu wengine ao namna wanavyojisikia. Kwa hiyo, tunapovaa hatupaswe kutetea haki yetu, lakini tunapaswa kuona kwanza zamiri za wengine. Zaidi ya yote, tunataka kumuheshimu Yehova na watumishi wake na kujipendekeza kuwa watumishi wa Mungu kwa kufanya “mambo yote kwa utukufu wa Mungu.”—1 Wakorintho 4:9; 10:31; 2 Wakorintho 6:3, 4; 7:1.

14. Tunapaswa kujiuliza maulizo gani kuhusu namna yetu ya kuvaa, kujipamba na usafi wetu?

¹⁴ Tunapaswa kuhangaikia hata zaidi namna yetu ya kuvaa, ya kujipamba na usafi wetu wakati tuko katika mahubiri ao kwenye mikutano yetu. Kwa hiyo ujiulize hivi: “Watu wananiangalia sana kwa sababu mimi siko musafi, kwa sababu ya namna yangu ya kuvaa ao kujipamba? Namna yangu ya kuvaa inawauzi wengine? Ninaona haki yangu kuhusiana na mambo hayo kuwa ya lazima zaidi kuliko kustahili kupata mapendeleo ya kutumika katika kutaniko?”—Zaburi 68:6; Wafilipi 4:5; 1 Petro 5:6.

15. Sababu gani Neno la Mungu haliseme kila jambo kuhusu namna ya kuvalia, kujipamba na usafi wa mwili?

¹⁵ Biblia haiwaambie Wakristo kila jambo kuhusu namna ya kuvaa, kujipamba na usafi wa mwili. Yehova anataka tutumie uhuru wetu wa kuchagua na akili yetu. Anataka tuwe watu wakomavu ambao wanaongozwa na kanuni za Biblia na ambao “kwa kutumia, nguvu zao za ufahamu zimezoezwa kutofautisha yaliyo sawa na yaliyo makosa pia.” (Waebrania 5:14) Tena, anataka tuongozwe na upendo kwa Mungu na kwa jirani. (Marko 12:30, 31) Hata kama kuna kanuni hizo, tunaweza kuvaa ao kujipamba kwa namna mbalimbali. Hilo linaonekana mahali pote duniani wakati watu wa Yehova wanakusanyika kwa furaha wakivaa kwa namna tofautitofauti.

16. Namna gani roho ya ulimwengu inapinga mafundisho ya Yesu, na tunapaswa kujiuliza maulizo gani?

¹⁶ Roho ya ulimwengu inawadanganya watu na inachochea wengi wafikiri kwamba furaha ni feza na kuwa na vitu vya kimwili. Lakini, Yesu alisema hivi: ‘Hata wakati mutu ana vitu vingi uzima wake hautokane na vitu alivyo navyo.’ (Luka 12:15) Yesu hakufundisha watu waishi maisha ya kujinyima raha yoyote ao ya kujitesa, lakini alifundisha kwamba wale “wanaotambua uhitaji wao wa kiroho” na wale wanaoendelea kuwa na jicho “rahisi,” ni kusema, jicho nzuri linalokazia mambo ya kiroho, ndio walio na maisha mazuri na yenye furaha ya kweli. (Mathayo 5:3; 6:22, 23) Kwa hiyo, ujiulize: ‘Mimi ninaamini kabisa mafundisho ya Yesu, ao nimeanza kuchochewa na ‘baba ya uongo’? (Yohana 8:44) Maneno yangu, miradi yangu katika maisha, mambo ninayotia pa nafasi ya kwanza, na namna yangu ya kuishi vinaonyesha nini?’—Luka 6:45; 21:34-36; 2 Yohana 6.

17. Taja faida fulani wanazopata wale wanaoendelea kuwa na jicho rahisi.

¹⁷ Yesu alisema kama ‘hekima inaonekana kuwa yenye uadilifu [ao haki] kwa matendo yake.’ (Mathayo 11:19) Tuone faida fulani kati ya faida wanazopata wale wanaoendelea kuwa na jicho rahisi. Kazi ya Ufalme inawapatia amani ya kweli kabisa. (Mathayo 11:29, 30) Hawana mahangaiko mengi yasiyo ya maana, kwa hiyo, wanajiepusha na maumivu mengi ya kiakili na ya moyoni. (1 Timotheo 6:9, 10) Wanatosheka na mambo ya lazima ya maisha, hilo linawasaidia wapitishe wakati mwingi pamoja na familia zao na Wakristo wenzao. Hilo linaweza kuwasaidia wapate usingizi mutamu. (Mhubiri 5:12) Wanapata furaha kubwa ya kutoa, kwa kuwasaidia watu wengine kadiri wanavyoweza. (Matendo 20:35) Tena, ‘wanazidi katika tumaini’ na wana amani ya moyoni na wanatosheka. (Waroma 15:13; Mathayo 6:31, 32) Hizo ni faida nyingi sana!

18. Biblia inasema nini juu ya adui yetu, njia zake za kushambulia, na aina ya vita yetu?

¹⁸ Wale wanaobaki katika upendo wa Mungu wanalindwa pia kiroho ili Shetani asiwazuie kumutumikia Mungu, kwa sababu Shetani anataka kuzuia Wakristo wasipate furaha na hata uzima wa milele. (1 Petro 5:8) Paulo alisema kama “tuna kushindana mweleka, si juu ya damu na mwili, bali juu ya serikali, juu ya mamlaka, juu ya watawala wa ulimwengu wa giza hili, juu ya majeshi ya roho waovu katika mahali pa kimbingu.” (Waefeso 6:12) Maneno “kushindana mweleka” yanaonyesha kama hatupigane na mutu aliye mbali ao anayejificha; lakini vita vyetu ni vya kushikana kabisa na adui. Tena, maneno “serikali,” “mamlaka,” na “watawala wa ulimwengu” yanaonyesha kama mashambulizi kutoka katika makao ya kiroho yanatayarishwa vizuri na yanafanywa kimakusudi.

19. Zungumuzia mavazi ya silaha za kiroho ya Mukristo.

¹⁹ Hata ikiwa sisi wanadamu tuna uzaifu na mipaka, tunaweza kushinda vita hivyo. Namna gani? Kwa kuvaa “mavazi kamili ya silaha kutoka kwa Mungu.” (Waefeso 6:13) Andiko la Waefeso 6:14-18 linazungumuzia silaha hizo kwa kusema: ‘Simameni imara, viuno vyenu vikiwa vimefungwa kwa ile kweli, na mukiwa mumevaa bamba la kifuani la uadilifu, na mukiwa mumevaa miguuni mwenu viatu vya habari njema ya amani. Zaidi ya mambo yote, ichukueni ngao kubwa ya imani, ambayo kwa kuitumia mutaweza kuizima mishale yote inayowaka moto ya yule muovu. Pia, ipokeeni kofia ya chuma ya wokovu, na upanga wa roho, yaani, neno la Mungu, huku kwa kila namna ya sala na dua mukiendeleza sala kila wakati katika roho.’

20. Kuna tofauti gani kati ya vita yetu na vita ya maaskari?

²⁰ Kwa sababu mavazi hayo ya silaha za kiroho yanatoka kwa Mungu, yatatulinda kabisa ikiwa tu tunayavaa kila wakati. Maaskari wanaweza kupitisha wakati murefu bila vita, lakini Wakristo wako katika vita ya kufa na kupona ambayo haitakwisha mupaka wakati Mungu ataharibu ulimwengu wa Shetani na kumutupa Shetani na mashetani wake ndani ya abiso. (Ufunuo 12:17; 20:1-3) Kwa hiyo, ikiwa unapambana na uzaifu fulani ao tamaa mbaya, usivunjike moyo, kwa sababu inaomba ‘tujipigepige’ ili tubaki waaminifu kwa Yehova. (1 Wakorintho 9:27) Kwa kweli, tukiacha tu kupigana ndipo tunaingia katika hatari!

21. Ni lazima tufanye nini ili tuweze kushinda vita yetu ya kiroho?

²¹ Zaidi ya hiyo, hatuwezi kushinda kwa nguvu zetu wenyewe. Mutume Paulo anatukumbusha kwamba tuna lazima ya kumuomba Yehova “kila wakati katika roho.” Wakati huohuo, tunapaswa kumusikiliza Yehova kwa kujifunza Neno lake na kukusanyika pamoja na “askari-jeshi” wenzetu kila mara, kwa sababu hatupigane tukiwa peke yetu! (Filemoni 2; Waebrania 10:24, 25) Wale wanaofanya mambo hayo yote watashinda vita na pia wataweza kutetea kabisa imani yao wakati itapingwa.

22, 23. (a) Sababu gani tunapaswa kuwa tayari kila wakati kutetea imani yetu, na tunapaswa kujiuliza maulizo gani? (b) Sura inayofuata itazungumuzia nini?

²² Yesu alisema: ‘Kwa sababu ninyi si sehemu ya ulimwengu, ulimwengu unawachukia ninyi.’ (Yohana 15:19) Kwa hiyo, Wakristo wanapaswa kuwa tayari kutetea imani yao na kufanya hivyo kwa heshima na upole. (1 Petro 3:15) Ujiulize hivi: “Mimi ninaelewa kwa nini wakati fulani Mashahidi wa Yehova wanakataa kufanya mambo ambayo watu wengi wanafanya? Ninapokutana na jambo fulani kama hilo, je, ninaamini kabisa kama yale ambayo Biblia inasema na yale mutumwa mwaminifu anasema ndio kweli? (Mathayo 24:45; Yohana 17:17) Na wakati inafaa nifanye yaliyo sawa machoni pa Yehova, je, niko tayari kuwa tofauti na wengine na pia kujivunia kuwa tofauti?”—Zaburi 34:2; Mathayo 10:32, 33.

²³ Lakini, mara nyingi nia yetu ya kuendelea kujitenga na ulimwengu inajaribiwa katika njia isiyo waziwazi. Kwa mufano, kama tulivyoona, Ibilisi anajaribu kuwakokota watumishi wa Yehova waingie katika ulimwengu kupitia kujifurahisha kusikofaa. Namna gani tunaweza kuchagua namna ya kujifurahisha inayofaa ambayo haitachafua zamiri yetu? Sura inayofuata itazungumuzia jambo hilo.