Watu Wengi Wanakwazika Kwa Sababu Ya Maneno Ya Yesu

Katika sinagogi fulani ya Kapernaumu, Yesu iko anafundisha watu kuwa yeye ni mukate wa kweli wenye ulitoka mbinguni. Bila shaka, maelezo yake yanaongezeka kwenye mambo yenye aliambia watu wenye walirudia kutoka upande wa mashariki mwa Bahari ya Galilaya, wale wenye walikula mikate na samaki vyenye vilitolewa huko.

Yesu anaendelea na mazungumuzo yake kwa kusema hivi: “Mababu zenu walikula mana katika jangwa lakini walikufa.” Lakini, anaeleza hivi: “Mimi ni mukate wa uzima wenye ulishuka kutoka mbinguni. Kama mutu yeyote anakula mukate huu ataishi milele; na kwa kweli, mukate wenye nitatoa ni mwili wangu kwa ajili ya uzima wa ulimwengu.”—Yohana 6:48-51.

Katika kipindi cha kuchipuka kwa majani katika mwaka wa 30 wakati wetu, Yesu aliambia Nikodemo kuwa Mungu alipenda ulimwengu sana hivi kwamba alitoa Mwana wake ili akuwe Mwokozi. Sasa, Yesu anakazia jambo la kuwa ni lazima kula mwili wake kwa kuonyesha imani katika zabihu yenye atatoa. Hiyo, ndiyo njia ya kupata uzima wa milele.

Lakini, watu hawakubaliane na maneno ya Yesu. Wanauliza hivi: “Namna gani mutu huyu anaweza kutupatia mwili wake tuukule?” (Yohana 6:52) Yesu anapenda waelewe maneno yake kwa njia ya mufano. Mambo yenye anaongeza yanaonyesha kuwa hiyo ndiyo ilikuwa maana yake.

“Kama hamukule mwili wa Mwana wa binadamu na kunywa damu yake, hamuna uzima ndani yenu wenyewe. Kila mutu mwenye anakula mwili wangu na kunywa damu yangu iko na uzima wa milele, . . . kwa maana mwili wangu ni chakula cha kweli na damu yangu ni kinywaji cha kweli. Kila mutu mwenye anakula mwili wangu na kunywa damu yangu anabakia katika umoja na mimi, na mimi katika umoja naye.”—Yohana 6:53-56.

Waza namna gani maneno hayo yanaweza kukwaza Wayahudi wenye kumusikiliza! Pengine wanafikiri kuwa Yesu anawaomba wakuwe wanakula nyama ya watu ao wavunje sheria ya Mungu yenye kukataza kula damu. (Mwanzo 9:4; Mambo ya Walawi 17:10, 11) Lakini Yesu iko anazungumuzia kula mwili ao kunywa damu kwa njia ya mufano. Iko anaonyesha kuwa wote wenye wanapenda kupata uzima wa milele wanapaswa kuonyesha imani katika zabihu yenye atafanya wakati atatoa mwili wake mukamilifu na kumwanga damu yake ya uzima. Hata hivyo, wengi kati ya wanafunzi wake hawaelewe mafundisho hayo. Wamoja wanasema hivi: “Maneno hayo ni yenye kuchukiza; ni nani anaweza kuyasikiliza?”—Yohana 6:60.

Kwa sababu Yesu anatambua kuwa wanafunzi wake fulani wako wananungunika, anawauliza hivi: “Je, jambo hili limewakwaza? Basi, itakuwa namna gani, kama munamuona Mwana wa binadamu anapanda ili kurudia kwenye alikuwa hapo mbele? . . . Maneno yenye nimewaambia ni roho na ni uzima. Lakini kuko wamoja kati yenu wenye hawaamini.” Kwa hiyo, wengi kati ya wanafunzi wake wanaondoka na wanaacha kumufuata.—Yohana 6:61-64.

Kwa hiyo, Yesu anauliza mitume wake 12 hivi: “Ninyi pia munataka kuenda?” Petro anamujibu hivi: “Bwana, tutaenda kwa nani? Wewe uko na maneno ya uzima wa milele. Tumeamini na tumejua kwamba wewe ndiye Mutakatifu wa Mungu.” (Yohana 6:67-69) Hata kama mupaka sasa, Petro na mitume wengine hawaelewe kabisa mafundisho ya Yesu kuhusu jambo hilo, maneno ya Petro yanaonyesha kabisa ushikamanifu.

Yesu anapendezwa sana na jibu la Petro, kwa hiyo anasema hivi: “Niliwachagua ninyi kumi na mbili (12), haiko vile? Lakini mumoja wenu ni muchongezi.” (Yohana 6:70) Yesu iko anazungumuzia Yuda Iskariote. Inawezekana wakati huu, Yesu anatambua kwamba Yuda ameanza kutenda kulingana na tamaa yake ya mubaya.

Lakini, Yesu anafurahi sana kujua kuwa Petro na mitume wengine wanaazimia kumufuata na kufanya pamoja naye kazi yenye kuokoa uzima yenye iko anafanya.