Waangalizi wa Kuchunga Kundi

WAKATI wa utumishi wake hapa ku dunia, Yesu alionyesha kama yeye ni “muchungaji mwema.” (Yoh. 10:11) Wakati aliona watu wengi wenye waliazimia kumufuata, ‘aliwasikilia huruma, kwa sababu walikuwa wamechunwa ngozi na kutupwa huku na huku kama kondoo wenye hawana muchungaji.’ (Mt. 9:36) Petro na mitume wengine waliona vile alitendea watu kwa upendo. Yesu alikuwa kabisa tofauti na wachungaji wa uongo wa Israeli; hawakuhangaikia kundi na ile ilifanya kondoo wasambazike na wakuwe na njala sana ya kiroho! (Eze. 34:7, 8) Yesu ni mufano muzuri kabisa; alifundisha na kuhangaikia kondoo mupaka akafikia kutoa uzima wake kwa ajili yao. Mufano wake ulifundisha mitume namna ya kusaidia wale wenye kuwa na imani wamurudilie Yehova, “muchungaji na mwangalizi wa nafsi [zao].”​—1 Pe. 2:25.

² Wakati fulani Yesu alizungumuza na Petro, na ile wakati alionyesha kama ni jambo ya maana kukulisha na kuchunga kondoo. (Yoh. 21:15-17) Bila shaka Petro aliguswa sana na ile maneno, mupaka naye akafikia kuandikia wazee wa kutaniko ya kwanza ya Kikristo hivi: “Muchunge kundi la Mungu lenye liko chini ya uongozi wenu, mukiwa waangalizi, hapana kwa kulazimishwa, lakini kwa kupenda mbele ya Mungu; hapana kwa kupenda faida yenye haiko ya haki, lakini kwa hamu; hapana kwa kupiga ubwana juu ya wale wenye kuwa uriti wa Mungu, lakini mukuwe mifano kwa kundi.” (1 Pe. 5:1-3) Maneno ya Petro inahusu pia waangalizi wa kutaniko leo. Sawa vile Yesu, wazee wanapaswa kuwa mufano muzuri kwa kondoo. Wanaongoza na kutia kazi ya Yehova pa nafasi ya kwanza, na wanafanya vile kwa kupenda na kwa hamu.​—Ebr. 13:7.

³ Tuko wenye shukrani sana kwa waangalizi wenye wamewekwa na roho mu kutaniko. Kazi yenye wanafanya inatuletea faida mingi. Kwa mufano, waangalizi wanatutia moyo na wanahangaikia kila mutu mu kutaniko. Kila juma, wanaongoza mikutano ya kutaniko kwa bidii ili kujenga imani yetu. (Ro. 12:8) Wanatumika kwa bidii ili kuzuia mambo ao watu wabaya kuingia mu kutaniko, na ile inatusaidia tuendelee kuishi kwa usalama. (Isa. 32:2; Tit. 1:9-11) Mufano wao mu mahubiri, unatutia moyo tuendelee kuhubiri habari njema kwa ukawaida kila mwezi. (Ebr. 13:15-17) Yehova anajenga kutaniko kupitia wale wanaume, wenye ni “zawadi katika wanadamu.”​—Efe. 4:8, 11, 12.

⁴ Juu wanaume wenye wamewekwa kuwa waangalizi wahangaikie kutaniko muzuri, wanapaswa kutimiza sifa zenye zinazungumuziwa mu Neno ya Mungu. Tunaweza kusema kama wamewekwa na roho takatifu kama tu wanatimiza zile sifa. (Mdo. 20:28) Ni kweli, sifa zenye kuombwa na Maandiko ili kuwa mwangalizi Mukristo ni za hali ya juu, kwa sababu kuwa mwangalizi ni daraka kubwa. Lakini, hata kama ni sifa za hali ya juu, wanaume Wakristo wenye wanamupenda kabisa Yehova na wenye wako tayari awatumikishe wanaweza kuzitimiza. Watu wote wanapaswa kuona kama waangalizi ni watu wenye wanatumikisha mashauri ya Biblia mu maisha yao ya kila siku.

⁵ Mu barua yake ya kwanza kwa Timoteo na mu barua yake kwa Tito, mutume Paulo alitaya sifa za musingi zenye kuwa mu Maandiko zenye waangalizi wanapaswa kutimiza. 1 Timoteo 3:1-7, inasema hivi: “Kama mwanaume anajikaza ili akuwe mwangalizi, anatamani kazi ya muzuri. Basi, mwangalizi anapaswa kuwa bila lawama, bwana wa bibi mumoja, mwenye kiasi katika tabia zake, mwenye akili ya muzuri, mwenye utaratibu, mwenye kukaribisha wageni, mwenye uwezo wa kufundisha, hapaswe kuwa mulevi, wala mutu wa jeuri, lakini akuwe mwenye usawaziko, hapaswe kuwa mugomvi, wala mutu mwenye kupenda feza, akuwe mwanaume mwenye kusimamia muzuri nyumba yake mwenyewe, mwenye watoto watiifu na wenye kuchukua mambo kwa uzito (kwa maana kama mutu hajue namna ya kusimamia nyumba yake mwenyewe, atatunza namna gani kutaniko la Mungu?), hapaswe kuwa muamini mupya, ili asijivune kwa kiburi na kuhukumiwa kama vile Ibilisi alihukumiwa. Zaidi ya hayo, anapaswa pia kuwa na ushuhuda muzuri kutoka kwa watu wa inje, ili asiangukie katika lawama na katika mutego wa Ibilisi.”

⁶ Paulo aliandikia Tito hivi: “Nilikuacha Krete ili utengeneze mambo yenye hayakukuwa sawa na uweke wazee katika kila muji, kama vile nilikuagiza: kama kuko mwanaume yeyote mwenye hana mashitaka, bwana wa bibi mumoja, mwenye kuwa na watoto wenye kuamini na wenye hawashitakiwe kuwa wapotovu ao waasi. Kwa maana akiwa musimamizi-nyumba wa Mungu, mwangalizi anapaswa kuwa mutu mwenye hana mashitaka, asikuwe kichwa-nguvu, asikuwe mwenye kukasirika haraka, asikuwe mulevi, asikuwe mutu wa jeuri, asikuwe mwenye pupa ya kupata faida yenye haiko ya haki, lakini anapaswa kuwa mukaribishaji-wageni, mwenye kupenda wema, mwenye akili ya muzuri, mwenye haki, mushikamanifu, mwenye kujizuia, mwenye kushikamana kabisa na neno la uaminifu katika ufundi wake wa kufundisha, ili aweze kutia moyo kupitia fundisho lenye faida na kukaripia wale wenye kupinga.”​—Tito 1:5-9.

⁷ Hata kama inaweza kuonekana kama ni nguvu kutimiza sifa zenye kuwa mu Maandiko ili kuwa mwangalizi, wanaume Wakristo hawana sababu yoyote ya kukosa kujikaza ili kufikia ile daraka. Wakati wanaonyesha sifa za muzuri za Kikristo zenye kuombwa ili kuwa mwangalizi, wanatia moyo wengine mu kutaniko waonyeshe pia zile sifa. Paulo aliandika kama kutaniko inapewa wale wanaume wenye ni “zawadi katika wanadamu . . . kwa kusudi la kurekebisha watakatifu, kwa ajili ya kazi ya utumishi, kujenga mwili wa Kristo, mupaka sisi wote tufikie umoja wa imani na wa ujuzi wenye hauna makosa juu ya Mwana wa Mungu, na kuwa mutu mwenye kukomaa kabisa, na kufikia kipimo cha ukomavu kamili cha Kristo.”​—Efe. 4:8, 12, 13.

⁸ Waangalizi hawako watoto wadogo ao waamini wapya. Lakini, ni wanaume wenye kuwa na uzoefu mu maisha ya Kikristo, wako na ujuzi mingi wa Biblia, wanaelewa muzuri Maandiko, na wanaonyesha kama wanapenda sana kutaniko. Wanasema kwa uhodari na hawaogope kurekebisha mutu yeyote mwenye anafanya makosa. Kwa kufanya vile, wanalinda kundi juu mutu yeyote asitumie kondoo kwa faida yake mwenyewe. (Isa. 32:2) Watu wote mu kutaniko wanaona waangalizi kuwa wanaume wenye kukomala kiroho na wenye kuhangaikia kabisa kundi ya Mungu.

⁹ Wale wenye wanastahili kuwa waangalizi wanatenda kwa hekima mu maisha yao ya kila siku. Kama mwangalizi iko na bibi, anapaswa kufuata kanuni za Kikristo zenye zinahusu ndoa, kama vile, kuwa bwana wa bibi mumoja na kusimamia muzuri nyumba yake mwenyewe. Kama mwangalizi iko na watoto wenye kuamini wenye ni watiifu, wenye kuchukua mambo kwa uzito na wenye hawashitakiwe kuwa wapotovu ao waasi, ndugu na dada mu kutaniko wanaweza kumutumainia na kumuomba mashauri juu ya maisha ya familia na juu ya maisha ya Kikristo. Pia, mwangalizi anapaswa kuwa bila lawama na mwenye hana mashitaka, na iko na ushuhuda muzuri hata kutoka kwa watu wa inje. Hapaswe kushitakiwa jambo yoyote yenye kuwa na ushuhuda yenye inahusu mwenendo mubaya, juu ile inaweza kuharibisha sifa ya kutaniko. Hapaswe kuwa amekaripiwa hivi karibuni kwa sababu ya zambi nzito. Wengine mu kutaniko wanachochewa kumuiga juu ya mufano wake muzuri na wanatumainia kama atahangaikia hali yao ya kiroho.​—1 Ko. 11:1; 16:15, 16.

¹⁰ Leo, mu kutaniko ya Kikristo, wale wanaume wenye kustahili wanatimiza daraka moya na ile ya wazee wa Israeli. Biblia inasema kama walikuwa wenye “hekima, busara, na wenye uzoefu.” (Kum. 1:13) Wazee Wakristo hawakamilike, lakini wanajulikana mu kutaniko na fasi kwenye wanaishi kama ni wanaume wenye kutumainika na wenye kumuogopa Mungu; na mwenendo wao umeonyesha kwa muda fulani kama wanaishi kulingana na kanuni za Mungu. Juu hawana lawama, wako na uhuru wa kusema mu kutaniko.​—Ro. 3:23.

¹¹ Wanaume wenye wanastahili kuwa waangalizi wanaonyesha kiasi mu tabia zao na mu namna yao ya kuishi na wengine. Hawapaswe kuwa watu wenye kukamatililia sana mawazo yao. Mu maisha yao wanaonyesha kama wako na usawaziko na wenye kujizuia. Wako na kiasi mu mambo kama vile kula, kunywa, na kujifurahisha. Wanakunywa pombe kwa kiasi ili wasishitakiwe kuwa watumwa wa pombe ao walevi. Mutu mwenye akili yake haitumike tena muzuri juu ya kunywa pombe, ni mwepesi kwake kupoteza sifa ya kujizuia na ni nguvu kwake kuhangaikia mambo ya kiroho ya kutaniko.

¹² Mwangalizi wa kutaniko anapaswa kuwa na utaratibu. Namna anaonekana, nyumba yake, na mambo yenye anafanya kila siku inaonyesha kama iko na tabia za muzuri. Mwangalizi hapaswe kuwa mutu wa kuchelewesha mambo; anajua kile anapaswa kufanya na anakamata mipango ili kukifanya. Anashikamana kabisa na kanuni za Mungu.

¹³ Mwangalizi anapaswa kuwa na usawaziko. Anapaswa kutumika kwa umoja na kwa upatano na wazee wengine wenye kuwa mu baraza. Hapaswe kujiona kuwa mutu wa maana sana na hapaswe kuomba wengine wafanye mambo yenye inapita uwezo wao. Mwangalizi mwenye kuwa na usawaziko hakamatilie mawazo yake, ni kusema, kuona kama yake tu njo ya muzuri zaidi kuliko ya wazee wenzake. Anajua kama wengine wanaweza kuonyesha muzuri zaidi sifa fulani ao kuwa na uwezo zaidi kuliko yeye. Muzee anaonyesha kama iko na usawaziko wakati maamuzi yake inategemea kabisa Maandiko na wakati anajikaza kufuata mufano wa Yesu Kristo. (Flp. 2:2-8) Muzee hapaswe kuwa mugomvi ao mwenye jeuri, lakini anapaswa kuonyesha wengine heshima yenye kufaa na kuwaona kuwa wazuri zaidi kuliko yeye. Hapaswe kuwa kichwa-nguvu, ni kusema, mutu mwenye kila mara anakaza wengine wakubali mawazo yake. Hapaswe kuwa mwenye kukasirika haraka, lakini anapaswa kuwa mwenye kufanya amani pamoya na wengine.

¹⁴ Vilevile, juu mutu astahili kuwa mwangalizi mu kutaniko, anapaswa kuwa na akili ya muzuri. Ile inamaanisha kama anapaswa kuwa mutu mwenye kutulia na hapaswe kuamua mambo haraka-haraka. Anaelewa muzuri kanuni za Yehova na namna ya kuzitumikisha. Mutu mwenye kuwa na akili ya muzuri iko tayari kukubali mashauri na muongozo. Haiko munafiki.

¹⁵ Paulo alikumbusha Tito kama mwangalizi anapaswa kuwa mwenye kupenda wema. Anapaswa kuwa mwenye haki na mushikamanifu. Zile sifa zinaonekana kupitia namna yake ya kutendea wengine na kwa kushikamana na mambo yenye kuwa sawa na ya muzuri. Anashikamana kabisa na Yehova na anaendelea kutetea kanuni za haki. Anajua kuchunga siri. Pia, anapaswa kabisa kuwa mukaribishaji-wageni, ni kusema, anapaswa kuwa tayari kujitoa yeye mwenyewe na mali yake ili kusaidia wengine.​—Mdo. 20:33-35.

¹⁶ Juu atumikie kutaniko muzuri, mwangalizi anapaswa kuwa mwenye uwezo wa kufundisha. Kulingana na maneno yenye Paulo aliandikia Tito, mwangalizi anapaswa kuwa “mwenye kushikamana kabisa na neno la uaminifu katika ufundi wake wa kufundisha, ili aweze kutia moyo kupitia fundisho lenye faida na kukaripia wale wenye kupinga.” (Tit. 1:9) Anapaswa kujua kufikiri na watu, kutoa sababu zenye kusadikisha, kusaidia wenye kupinga, na kutumikisha Maandiko mu njia yenye kusadikisha wengine na yenye kutia imani yao nguvu. Mwangalizi anatumia ufundi wake wa kufundisha mu nyakati zenye kufaa na mu nyakati zenye kuwa nguvu. (2 Ti. 4:2) Anapaswa kuwa muvumilivu ili aweze kukaripia kwa upole mutu mwenye kuwa na kosa, ao kusadikisha mutu mwenye kuwa na mashaka na kumutia moyo afanye matendo ya muzuri yenye kuchochewa na imani. Kama mwangalizi iko na uwezo wa kufundisha mbele ya watu wengi ao kufundisha mutu moya-moya, ile inaonyesha kama anatimiza ile sifa ya maana.

¹⁷ Ni jambo ya maana wazee wakuwe na bidii mu kazi ya kuhubiri. Pia, watu wanapaswa kuona wazi kama wanajikaza kumuiga Yesu, mwenye alitia kazi ya kuhubiri habari njema pa nafasi ya kwanza. Yesu alihangaikia wanafunzi wake, na aliwasaidia wakuwe waeneza-injili wenye kupata matokeo ya muzuri. (Mk. 1:38; Lu. 8:1) Wakati wazee wanahubiri kwa bidii hata kama wako na mambo mingi ya kufanya, ile inachochea kutaniko yote iige bidii yao. Na wakati wazee wanahubiri pamoya na watu wa familia yao na pia pamoya na ndugu na dada wa kutaniko, ile inafanya kukuwe “ubadilishanaji wa kitia-moyo.”​—Ro. 1:11, 12.

¹⁸ Kupitia mambo yenye tumeona, inaweza kuonekana kama inaomba mambo mingi sana ili kuwa mwangalizi. Kusema kweli, hakuna mwangalizi mwenye anaweza kutimiza kwa ukamilifu zile sifa za hali ya juu zenye kuwa mu Biblia. Lakini, muzee wa kutaniko hapaswe kuonekana kama anashindwa kabisa kutimiza sifa moya kati ya zile sifa mupaka ile kushindwa inaonekana kuwa uzaifu mukubwa. Wazee fulani wanaweza kuwa na sifa fulani za pekee, na wengine wanaweza kuwa na uwezo zaidi mu mambo ingine. Ile inafanya baraza yote ya wazee ikuwe na sifa zote za muzuri zenye zinaombwa ili kuchunga muzuri kutaniko ya Mungu.

¹⁹ Wakati baraza ya wazee inapendekeza wanaume fulani juu wakuwe waangalizi, wazee wanapaswa kukumbuka hii maneno ya mutume Paulo: “Ninaambia kila mutu pale kati yenu asijifikirie yeye mwenyewe sana kuliko vile inaomba kufikiri, lakini afikiri ili akuwe na akili ya muzuri, kila mumoja kama vile Mungu alimupatia kipimo cha imani.” (Ro. 12:3) Kila muzee anapaswa kujiona kuwa mudogo zaidi. Wakati wazee wanachunguza ili kuona kama ndugu fulani anastahili kupewa daraka fulani ao hapana, hakuna muzee mwenye anapaswa kujiona kuwa “mwenye haki kupita kiasi.” (Muh. 7:16) Kisha kuelewa muzuri sifa zenye kuwa mu Maandiko zenye mutu anapaswa kutimiza juu akuwe mwangalizi, baraza ya wazee inapaswa kuchunguza ikiwa ndugu mwenye wanataka kupendekeza anatimiza kwa kiasi yenye kufaa zile sifa. Wakati wazee wanaelewa kama ndugu mwenye wanataka kupendekeza hakamilike, na kama wanaepuka kuwa na ubaguzi ao unafiki, watafanya mapendekezo mu njia yenye inaonyesha kama wanaheshimia kanuni za haki za Yehova, na ile italetea kutaniko faida. Watasali na kufuata muongozo wa roho takatifu ya Mungu wakati wanachunguza kila pendekezo. Ile ni moya kati ya madaraka makubwa yenye wazee wako nayo, na wanapaswa kuitimiza kulingana na hii shauri ya Paulo: “Usiweke mikono yako juu ya mutu yeyote haraka-haraka.”​—1 Ti. 5:21, 22.

²⁰ Wanaume wenye kuwa na sifa za kiroho wanaonyesha kama wanaongozwa na roho takatifu, na wanaonyesha tunda ya roho takatifu mu maisha yao. Mutume Paulo anataya sehemu kenda za tunda ya roho, ni kusema, “upendo, furaha, amani, uvumilivu, fazili, wema, imani, upole, kujizuia.” (Gal. 5:22, 23) Waangalizi wenye kuwa na zile sifa wanatia moyo ndugu na dada na wanasaidia kutaniko ifanye utumishi mutakatifu kwa umoja. Mwenendo wao na matokeo ya muzuri ya kazi yenye wanafanya kwa bidii, inaonyesha kama wamewekwa na roho takatifu.​—Mdo. 20:28.

²¹ Juu kutaniko iendelee kuwa na umoja, inaomba wazee watumike pamoya. Wazee wanaweza kuwa na utu wenye kuwa tofauti sana, lakini wanasaidia baraza iendelee kuwa na umoja kwa kusikiliza kwa heshima mawazo ya kila muzee hata kama wakati fulani hawakubaliane mu kila jambo. Kama hakuna kanuni fulani ya Biblia yenye imevunjwa, kila muzee anapaswa kuwa tayari kukubali mawazo ya wengine na kuunga mukono uamuzi wa mwisho wa baraza ya wazee. Kuwa tayari kukubali mawazo ya wengine, kunaonyesha kama tunaongozwa na “hekima yenye inatoka juu.” Biblia inaonyesha kama ni “yenye kufanya amani” na “yenye usawaziko.” (Yak. 3:17, 18) Hakuna muzee mwenye anapaswa kufikiri kama anapita wengine, na hakuna muzee mwenye anapaswa kutawala wengine. Kama wazee wanapatana kabisa mu baraza ili kuletea kutaniko faida, ile inaonyesha kama wanatumika kabisa na Yehova.​—1 Ko., sura ya 12; Kol. 2:19.

²² Wanaume Wakristo wenye kukomala kiroho wanapaswa kuwa na tamaa ya kuwa waangalizi. (1 Ti. 3:1) Lakini, ili kuwa muzee inaomba kuwa tayari kufanya kazi na kujitoa. Ile inamaanisha kama muzee anapaswa kuwa tayari kuhangaikia ndugu na dada na kuwasaidia kiroho. Ndugu anaonyesha kama anajikaza kuwa mwangalizi wakati anafanya yake yote ili kutimiza sifa zenye kuwa mu Maandiko.

²³ Ndugu mwenye ametumikia Yehova kwa uaminifu kwa miaka mingi anaweza kuwa mugonjwa ao kuwa na ulemavu fulani. Pengine kwa sababu ya uzee, anaweza kushindwa kutimiza madaraka yake ya mwangalizi. Hata vile, anapaswa kuendelea kuheshimiwa na kuonwa kuwa muzee juu angali mwenye kuwekwa. Halazimike kuacha madaraka yake juu tu hana tena uwezo. Anastahili kuendelea kuonyeshwa heshima mara mbili sawa vile tu wazee wengine wenye wanaendelea kuchunga kundi kwa bidii kulingana na uwezo wao.

²⁴ Lakini ule muzee akiona kama ni muzuri aache madaraka juu hali zake zimebadilika na ile inafanya asitumikie kutaniko muzuri, anaweza kuamua kufanya vile. (1 Pe. 5:2) Anapaswa kuendelea kuheshimiwa. Hata kama hapewe migao na kazi zingine za wazee, anaweza kusaidia sana kutaniko mu mambo ingine.

²⁵ Wazee wako na madaraka mbalimbali mu kutaniko. Kuko muratibu wa baraza ya wazee, mwandishi, mwangalizi wa utumishi, kiongozi wa Funzo ya Munara wa Mulinzi, na mwangalizi wa Mukutano Utumishi na Maisha. Wazee wengi ni waangalizi wa vikundi vya mahubiri. Hakuna wakati yenye imewekwa ya kuacha kutumikia ile madaraka. Bila shaka, kama muzee anahama, ao hana tena uwezo wa kutimiza madaraka yake kwa sababu ya afya, ao hatimize tena sifa zenye kuwa mu Maandiko, muzee mwingine atachaguliwa ili kufanya ile kazi. Kama kutaniko haina waangalizi wengi, muzee moya anaweza kuwa na madaraka mingi mupaka wakati ndugu wengine watawekwa ili kuwa wazee.

²⁶ Muratibu wa baraza ya wazee njo mwenye anasimamiaka mikutano ya baraza ya wazee. Anatumika kwa unyenyekevu pamoya na wazee wenzake ili kuchunga kundi ya Mungu. (Ro. 12:10; 1 Pe. 5:2, 3) Anapaswa kujua kupanga mambo muzuri na kusimamia mambo kwa bidii.​—Ro. 12:8.

²⁷ Mwandishi anashugulikia dosye za kutaniko na kujulisha wazee wengine matangazo ya maana. Kama ni lazima, muzee mwingine ao mutumishi wa huduma mwenye kustahili anaweza kuchaguliwa ili kumusaidia.

²⁸ Mwangalizi wa utumishi anasimamia mipango ya kazi ya kuhubiri na mambo ingine yenye inapatana na ile kazi. Anafanya programu ya kutembelea kwa ukawaida vikundi vyote vya mahubiri. Mara moya kila mwezi, anatembelea kikundi moya ya mahubiri ku mwisho wa juma (Siku ya Posho ao Siku ya Yenga). Mu makutaniko ya kidogo-kidogo yenye kuwa na vikundi vidogo tu vya mahubiri, mwangalizi wa utumishi anaweza kutembelea kikundi kimoja ya mahubiri mara mbili mu mwaka. Wakati anatembelea kikundi fulani, ataongoza mikutano ya mahubiri, atahubiri pamoya na kikundi, na atasaidia wahubiri wakati wa kurudilia watu na kuongoza mafunzo ya Biblia.

²⁹ Kuwa mwangalizi wa kikundi ni moya kati ya mapendeleo ya pekee mu kutaniko. Kazi yake ni (1) kuhangaikia hali ya kiroho ya kila mutu mu kikundi ya mahubiri; (2) kusaidia kila muhubiri wa kikundi ahubiri kwa ukawaida, apate matokeo ya muzuri mu mahubiri, na afurahie mahubiri; na (3) kusaidia na kuzoeza watumishi wa huduma mu kikundi ili wajikaze kufikia na kutumikia mapendeleo ingine mu kutaniko. Ni baraza ya wazee njo inaamuaka ni ndugu gani wanastahili zaidi ili kufanya ile mambo yote.

³⁰ Juu kusimamia kikundi inaomba mambo mingi, ikiwezekana, waangalizi wa vikundi wanapaswa kuwa wazee. Ao mutumishi wa huduma mwenye kustahili anaweza kusimamia kikundi mupaka wakati kutakuwa muzee mwenye atakamata fasi yake. Mutumishi wa huduma mwenye anasimamia kikundi ya mahubiri anaitwa mutumishi wa kikundi, juu haiko mwangalizi mu kutaniko. Kwa hiyo, ili atimize daraka yake muzuri anafuata muongozo wa wazee wa kutaniko.

³¹ Daraka ya maana ya mwangalizi wa kikundi ni kuwa mufano mu kazi ya kuhubiri. Ndugu na dada watatiwa moyo kama anahubiri kwa ukawaida, kwa bidii na kwa uchangamufu. Juu wahubiri wengi wanafurahiaka vitia-moyo na musaada wenye wanapata wakati wako pamoya, inaweza kuwa muzuri kupanga mahubiri ya kikundi mu wakati yenye wahubiri wengi watapatikana. (Lu. 10:1-16) Mwangalizi wa kikundi anapaswa kuhakikisha sikuzote kama kuko eneo ya kuenea. Kwa kawaida, ni yeye njo anaongoza mukutano wa mahubiri na kupanga wahubiri. Kama hatakuwa pale, anapaswa kufanya mipango ili muzee mwingine ao mutumishi wa huduma aongoze mukutano wa mahubiri. Kama hakuna muzee ao mutumishi wa huduma, muhubiri mwenye kustahili anaweza kufanya ile kazi ili wahubiri wapate muongozo wenye wako nao lazima.

³² Mwangalizi wa kikundi atapanga mbele ya wakati ziara ya mwangalizi wa utumishi. Ni muzuri aambie mbele ya wakati wahubiri wa kikundi yake faida ya kutembelewa na mwangalizi wa utumishi. Wakati wahubiri wote wa kikundi wanajua ile mupango, wanaweza kuiunga mukono kwa furaha.

³³ Ni muzuri kikundi ikuwe na wahubiri kidogo. Ile inasaidia mwangalizi wa kikundi ajue muzuri wahubiri wa mu kikundi yake. Juu ni muchungaji mwenye upendo, anahangaikia sana kila muhubiri. Anajikaza kusaidia kila muhubiri kipekee na kumutia moyo ahubiri, akusanyike, na kutoa maelezo ku mikutano. Anajikaza pia kufanya yote yenye anaweza ili kusaidia kila muhubiri aendelee kuwa nguvu kiroho. Anatembelea kila muhubiri mwenye ni mugonjwa ao mwenye kuvunjika moyo. Anaweza kutolea ndugu fulani mapendekezo ao mashauri ili kuwasaidia wajikaze kufikia mapendeleo ingine mu kutaniko; na wakati wanaifikia, watasaidia sana ndugu zao. Kwa kawaida, mwangalizi wa kikundi atahangaikia zaidi sana wahubiri wa mu kikundi yake. Lakini juu ni muzee na pia muchungaji, anahangaikia kwa upendo ndugu na dada wote wa kutaniko na iko tayari kusaidia kila mutu mwenye iko na lazima ya musaada.​—Mdo. 20:17, 28.

³⁴ Mwangalizi wa kikundi iko pia na daraka ya kukusanya ripoti za mahubiri za wahubiri wa mu kikundi yake. Kisha kuzikusanya, anazipatia mwandishi wa kutaniko. Kila muhubiri anaweza kusaidia mwangalizi wa kikundi kwa kumupatia ripoti yake ya mahubiri mbele ya wakati. Anaweza kufanya vile kwa kupatia mwangalizi wa kikundi ripoti yake ya mahubiri ku mwisho ya kila mwezi ao anaweza kuitia mu kisanduku yenye imetayarishwa kwa ajili ya ripoti ku Jumba ya Ufalme.

³⁵ Kuko kazi fulani zenye zinashugulikiwa na Halmashauri ya Utumishi ya Kutaniko. Halmashauri ya Utumishi ya Kutaniko inafanyizwa na muratibu wa baraza ya wazee, mwandishi, na mwangalizi wa utumishi. Kwa mufano, halmashauri ya utumishi inatoa ruhusa ya kutumia Jumba ya Ufalme kwa ajili ya hotuba ya ndoa na ya maziko, na inapanga wahubiri mu vikundi vya mahubiri. Pia, ile halmashauri inatia sinyatire ku ombi ya muhubiri ya kuwa painia wa kawaida ao painia musaidizi, na ku ombi zenye zinahusu aina zingine za utumishi. Halmashauri ya utumishi inatumika kwa kufuata muongozo wa baraza ya wazee.

³⁶ Biro ya tawi njo inatoaka maagizo kuhusu kazi mbalimbali za pekee zenye wale ndugu wanafanyaka na za wazee wengine, kama vile kazi ya kiongozi wa Funzo ya Munara wa Mulinzi na ya mwangalizi wa Mukutano Utumishi na Maisha.

³⁷ Kisha kipindi fulani, baraza ya wazee ya kila kutaniko inafanya mukutano ili kuzungumuzia maendeleo ya kiroho ya kutaniko. Zaidi ya mukutano wenye wazee wanafanya pamoya na mwangalizi wa muzunguko wakati wa ziara, wazee wanafanya mukutano ingine miezi tatu hivi kisha ziara ya mwangalizi wa muzunguko. Bila shaka, wazee wanaweza kufanya mukutano wakati wowote kama hali inawaomba kufanya vile.

³⁸ Waangalizi ni watu wenye hawakamilike; lakini ndugu na dada wote mu kutaniko wanatiwa moyo kujinyenyekeza kwa waangalizi juu ni mupango wa Yehova. Waangalizi watatoa hesabu kwa Yehova juu ya matendo yao. Wanamuakilisha Yehova na utawala wake wa kiteokrasi. Waebrania 13:17 inasema hivi: “Mutii wale wenye wanaongoza kati yenu na munyenyekee, kwa maana wanaendelea kuwalinda ninyi kama wale wenye watatoa hesabu, ili wafanye vile kwa furaha, hapana kwa kusumbuka, kwa maana jambo hilo lingewaumiza ninyi.” Yehova anatumia roho yake takatifu ili kumuweka ndugu fulani akuwe mwangalizi. Kwa hiyo, kama ule mwangalizi haonyeshe tena tunda ya roho na kama mu maisha yake hatimize tena sifa zenye kuwa mu Maandiko, Yehova atatumia ileile roho ili kumuondoa.

³⁹ Bila shaka, tunafurahiaka kazi ya bidii ya waangalizi wa kutaniko na mufano wao muzuri. Mu barua yenye Paulo aliandikia kutaniko ya Tesalonike, alishauria ndugu hivi: “Tunawaomba, ndugu, muwaheshimie wale wenye wanafanya kazi kwa bidii kati yenu na kuwasimamia ninyi katika kazi ya Bwana na kuwaonya ninyi; pia, muwafikirie sana katika upendo kwa sababu ya kazi yao.” (1 Tes. 5:12, 13) Kazi mingi zenye waangalizi wanafanya kwa bidii mu kutaniko zinatusaidia tufanye kazi ya Mungu bila magumu na kwa furaha zaidi. Tena, mu barua yake ya kwanza kwa Timoteo, Paulo alizungumuzia namna ndugu na dada wanapaswa kuona wale wenye kuwa waangalizi. Alisema hivi: “Wazee wenye wanasimamia kwa njia ya muzuri waonwe kuwa wanastahili heshima mara mbili, zaidi sana wale wenye wanafanya kazi kwa bidii katika kusema na kufundisha.”​—1 Ti. 5:17.

⁴⁰ Wazee fulani wanawekwa ili watumike mu Vikundi vya Kutembelea Wagonjwa. Wengine wanatumika mu Halmashauri za Uhusiano na Hopitale na wanatembelea hopitale mbalimbali na wanganga ili kuwaomba waendelee kutunza Mashahidi wa Yehova bila kutumia damu. Waangalizi wengine wanaendeleza faida za Ufalme kwa kusaidia kujenga na kutunza Majumba ya Ufalme na Majumba ya Mikusanyiko ao kwa kutumika mu Halmashauri za Mikusanyiko. Ndugu na dada mu tengenezo wanafurahia sana kazi ya bidii yenye wale ndugu wanafanya na roho yao ya kujitoa. Kwa hiyo, ‘tuendelee kuheshimia watu wa namna hiyo.’​—Flp. 2:29.

⁴¹ Baraza Yenye Kuongoza inakamata mipango ili wazee wenye kustahili wawekwe kuwa waangalizi wa mizunguko. Biro ya tawi inawapatia kazi ya kutembelea makutaniko yenye kuwa mu mizunguko yao; kwa kawaida, wanafanya vile mara mbili mu mwaka. Pia, kisha kipindi fulani wanatembelea mapainia wenye wanatumikia mu maeneo ya mbali. Kila mwangalizi anafanya programu ya kutembelea makutaniko na kujulisha kila kutaniko mbele ya wakati juu ndugu na dada wote wapate faida wakati atakuya kuwatembelea.

⁴² Muratibu wa baraza ya wazee anaongoza mipango ili ndugu na dada watiwe moyo wakati mwangalizi wa muzunguko atawatembelea. (Ro. 1:11, 12) Kisha kupata habari ya ziara na ya mahitaji ingine ya mwangalizi wa muzunguko na bibi yake (kama iko naye), muratibu wa baraza ya wazee atafanya mipango na ndugu mbalimbali ili kutayarisha fasi ya kulala na mambo ingine ya lazima. Ni muzuri ajulishe ndugu wote na pia mwangalizi wa muzunguko ile mipango.

⁴³ Mwangalizi wa muzunguko atazungumuza na muratibu wa baraza ya wazee juu ya kupanga programu ya mikutano, kutia ndani mikutano kwa ajili ya mahubiri. Programu itafanywa kulingana na mapendekezo ya mwangalizi wa muzunguko na kulingana na muongozo wa biro ya tawi. Wote wanapaswa kujua mbele ya wakati saa na fasi kwenye kutafanyiwa mikutano ya kutaniko, mukutano wa mapainia, mukutano wa wazee pamoya na watumishi wa huduma, na pia mikutano ya mahubiri.

⁴⁴ Siku ya pili kisha midi, mwangalizi wa muzunguko anachunguza Fishe za Wahubiri za Kutaniko, fishe ya huzurio ku mikutano, fishe za maeneo, na dosye ya konte. Ile itamusaidia ajue mahitaji ya kutaniko na namna gani anaweza kusaidia wale wenye kuchunga zile fishe. Muratibu wa baraza ya wazee, anapaswa kukamata mipango ili mwangalizi wa muzunguko apate zile fishe mbele ya wakati.

⁴⁵ Wakati anatembelea kutaniko, mwangalizi wa muzunguko anakamata wakati wa kuzungumuza na kila muhubiri kipekee, kulingana na uwezo wake. Anafanya vile ku mikutano, mu mahubiri, wakati ya chakula na wakati ingine. Zaidi ya ile, anafanya mukutano pamoya na wazee na watumishi wa huduma ili kuwatolea mashauri ya Biblia yenye kufaa, mapendekezo, na vitia-moyo vya kuwasaidia waendelee kutimiza muzuri madaraka yao ya kuchunga kundi. (Mez. 27:23; Mdo. 20:26-32; 1 Ti. 4:11-16) Pia, anafanya mukutano na mapainia ili kuwatia moyo mu kazi yao, na kutolea kila painia musaada wenye iko nao lazima juu ya magumu fulani yenye anaweza kuwa nayo mu kazi ya kuhubiri.

⁴⁶ Kama kuko mambo ingine mu kutaniko ya kushugulikia, mwangalizi wa muzunguko atafanya yake yote ili kusaidia mu juma ya ziara. Kama ile mambo haimalizike mu juma ya ziara, mwangalizi wa muzunguko anaweza kusaidia wazee ao watu wenye kuhusika watafute muongozo wa maandiko juu ya ile mambo. Kama inaomba biro ya tawi ifuatilie ile mambo, mwangalizi wa muzunguko pamoya na wazee watatolea biro ya tawi habari zaidi juu ya ile mambo.

⁴⁷ Wakati anatembelea kutaniko, mwangalizi wa muzunguko anahuzuria mikutano ya kawaida ya ile kutaniko. Ile mikutano inaweza kubadilishwa wakati wowote kulingana na muongozo wa biro ya tawi. Mwangalizi wa muzunguko atatoa hotuba zenye kuwa na kusudi ya kutia moyo, kuchochea, kufundisha, na kutia nguvu kutaniko. Anajikaza kusaidia ndugu na dada wa kutaniko wamupende Yehova, Yesu Kristo, na tengenezo.

⁴⁸ Moya kati ya mambo yenye inafanya mwangalizi atembelee kutaniko ni kutia moyo wahubiri wakuwe na bidii mu mahubiri, na kuwapatia mapendekezo ao mashauri ya kuwasaidia. Ndugu na dada wengi mu kutaniko, wanaweza kubadilisha programu yao ili kuhubiri sana mu ile juma ya ziara, pengine kwa kukamata mipango ili kuwa mapainia wasaidizi mu ile mwezi ya ziara. Muhubiri mwenye anapenda kuhubiri na mwangalizi wa muzunguko ao kuhubiri na bibi yake anaweza kujulisha mbele ya wakati. Tunaweza kupata matokeo ya muzuri sana wakati tunarudilia watu na kuongoza mafunzo ya Biblia pamoya na mwangalizi ao pamoya na bibi yake. Bidii yenye unafanya ili kuunga mukono ile mupango wakati ya ziara inafurahisha sana.​—Mez. 27:17.

⁴⁹ Kila mwaka, mikusanyiko mbili ya muzunguko inafanywa mu kila muzunguko. Ni mwangalizi wa muzunguko njo anasimamiaka mipango ya ile mikusanyiko. Yeye njo anachaguaka mwangalizi wa mukusanyiko na musaidizi wake. Wanatumika pamoya na mwangalizi wa muzunguko ili kutayarisha mukusanyiko wa muzunguko. Ile itasaidia mwangalizi wa muzunguko akaze akili juu ya programu ya mukusanyiko. Mwangalizi wa muzunguko anachagua pia wanaume wenye kustahili ili wasimamie idara mbalimbali za mukusanyiko. Pia, anafanya mipango ili konte ya muzunguko ichunguzwe kisha kila mukusanyiko. Mukusanyiko moya wa muzunguko mu mwaka, utasimamiwa na mujumbe wa biro ya tawi, mwenye atakuwa musemaji mugeni. Kama makutaniko fulani iko mbali, ao hakuna fasi ya kutosha ili kupokea watu wengi, mizunguko fulani inagawanywa mu sehemu mbalimbali, na kila sehemu inafanya mukusanyiko wake wa muzunguko.

⁵⁰ Ku mwisho ya kila mwezi, mwangalizi wa muzunguko anatuma ripoti yake ya mahubiri moja kwa moja ku biro ya tawi. Kama mwangalizi ametumia makuta juu ya safari, chakula, nyumba, na mu mambo ingine ya lazima ili afanye kazi yake muzuri na kama kutaniko haikuweza kurudisha ile makuta, anaweza kujulisha biro ya tawi makuta yenye alitumia juu imurudishie ayo. Wajumbe wenye kusafiri wako hakika kama ikiwa wanatia faida za Ufalme wa Yehova pa nafasi ya kwanza, mahitaji yao ya kimwili itatimizwa kama vile Yesu alisema. (Lu. 12:31) Ni muzuri makutaniko ijue kama iko na pendeleo ya kuonyesha ukaribishaji-wageni wale wazee wenye wanajitoa ili kuwatumikia.​—3 Yo. 5-8.

⁵¹ Mu kila biro ya tawi ya Mashahidi wa Yehova mu dunia yote, ndugu watatu ao zaidi wenye kukomala kiroho wanatumika mu Halmashauri ya Tawi yenye inasimamia kazi ya kuhubiri mu inchi moya ao inchi zenye zinasimamiwa na ile biro ya tawi. Ndugu moya wa ile halmashauri ni muratibu wa Halmashauri ya Tawi.

⁵² Ndugu wenye kutumika mu Halmashauri ya Tawi wanashugulikia mambo yenye inahusu makutaniko yote ya mu eneo ya ile tawi. Halmashauri ya Tawi inasimamia kazi ya kuhubiri habari njema ya Ufalme yenye inafanywa mu eneo yote ya tawi, na inahakikisha kama makutaniko na mizunguko inaanzishwa ili kutimiza mahitaji ya eneo. Pia, Halmashauri ya Tawi inasimamia kazi ya wamisionere na ya mapainia wa pekee, wa kawaida, na kazi ya mapainia wasaidizi. Wakati wa mikusanyiko ya mizunguko na mikusanyiko ya eneo, ndugu wa halmashauri ya tawi wanafanya mipango na kupatia ndugu migawo ili “mambo yote yatendeke kwa adabu na kwa utaratibu.”​—1 Ko. 14:40.

⁵³ Halmashauri ya Inchi inawekwa mu inchi fulani zenye zinasimamiwa na Halmashauri ya Tawi ya inchi ingine. Ile inasaidia kazi isimamiwe muzuri mu eneo ya Halmashauri ya Tawi ya ile inchi. Ile halmashauri inaangalia mambo yenye inafanyika ku biro na Makao ya Beteli, barua mbalimbali na ripoti, na zaidi sana kazi ya kuhubiri habari njema. Halmashauri ya Inchi inatumika kwa upatano na Halmashauri ya Tawi ili kuendeleza faida za Ufalme.

⁵⁴ Ndugu wote wenye kutumika mu Halmashauri za Tawi na mu Halmashauri za Inchi wanawekwa na Baraza Yenye Kuongoza.

⁵⁵ Mara kwa mara, Baraza Yenye Kuongoza inakamata mipango ili ndugu wenye kustahili watembelee biro za tawi zenye kuwa mu dunia yote. Ndugu mwenye anapewa ile daraka anaitwa mujumbe wa makao makubwa. Kazi yake kubwa ni kutia moyo familia ya Beteli na kusaidia Halmashauri ya Tawi ishugulikie magumu mbalimbali yenye inaweza kuwa nayo na yenye inahusu kazi ya kuhubiri na ya kufanya wanafunzi. Pia, ule ndugu anafanya mukutano pamoya na waangalizi fulani wa mizunguko na mara kwa mara anafanya mukutano na wamisionere. Anazungumuza nao juu ya magumu na mahitaji yao, anawatia moyo juu ya kazi yao ya maana sana ya kuhubiri Ufalme na kufanya wanafunzi.

⁵⁶ Mujumbe wa makao makubwa anapendezwa sana na mambo yenye inatimizwa mu eneo ya tawi, ni kusema, kazi ya kuhubiri Ufalme na kazi zingine zenye makutaniko inafanya. Kama iko na wakati, anaweza kutembelea pia biro za kutafsiri. Wakati mujumbe wa makao makubwa anatembelea tawi, anafanya pia kazi ya kuhubiri Ufalme kadiri inawezekana.

⁵⁷ Kazi yenye bidii ya wanaume Wakristo wenye kukomala na wenye wanatuhangaikia kwa upendo inatuletea faida kubwa sana. Wakati tunaendelea kujinyenyekeza kwa waangalizi wenye wamewekwa ili kuchunga kundi, tunakuwa mu umoja na Kristo Yesu, Kichwa ya kutaniko. (1 Ko. 16:15-18; Efe. 1:22, 23) Ile inafanya roho ya Mungu ienee mu makutaniko ya mu dunia yote, na Neno ya Mungu inasaidia kuongoza kazi mu dunia yote.​—Zb. 119:105.