12 பின்பு, சாமுவேல் இஸ்ரவேலர்கள் எல்லாரிடமும், “நீங்கள் கேட்டதையெல்லாம் நான் செய்துவிட்டேன், உங்களை ஆட்சி செய்வதற்கு ஒரு ராஜாவையும் ஏற்படுத்திவிட்டேன்.+

3 பாருங்கள், இப்போது உங்கள் முன்னால்தான் நிற்கிறேன். யாருக்காவது என்மேல் குறை இருந்தால் யெகோவாவுக்கும் அவரால் தேர்ந்தெடுக்கப்பட்டவருக்கும்*+ முன்னால் வந்து சொல்லுங்கள். யாருடைய மாட்டையாவது கழுதையையாவது நான் எடுத்துக்கொண்டேனா?+ யாரையாவது ஏமாற்றினேனா? யாரையாவது கொடுமைப்படுத்தினேனா? யாரிடமாவது லஞ்சம் வாங்கி நீதியைப் புரட்டினேனா?+ அப்படியிருந்தால் சொல்லுங்கள், அதையெல்லாம் திருப்பித் தந்துவிடுகிறேன்”+ என்றார்.

8 நோயாளிகளைக் குணப்படுத்துங்கள்,+ இறந்தவர்களை உயிரோடு எழுப்புங்கள், தொழுநோயாளிகளைச் சுத்தமாக்குங்கள், பேய்களை விரட்டுங்கள். இலவசமாகப் பெற்றீர்கள், இலவசமாகக் கொடுங்கள்.+

11 ஆன்மீக விஷயங்களை உங்கள் மத்தியில் நாங்கள் விதைத்திருப்பதால், எங்களுடைய பொருளாதாரத் தேவைகளை உங்களிடமிருந்து அறுவடையாகப் பெற்றாலும் தவறில்லைதானே?+ 12 உங்களிடமிருந்து இவற்றைப் பெற்றுக்கொள்ள மற்றவர்களுக்கு உரிமை* இருக்கிறது என்றால், எங்களுக்கு அதைவிட அதிக உரிமை இருக்கிறது, இல்லையா? அப்படியிருந்தும்கூட நாங்கள் இந்த உரிமையைப் பயன்படுத்திக்கொள்ளவில்லை.+ கிறிஸ்துவைப் பற்றிய நல்ல செய்தி பரவுவதற்கு எங்களால் எந்தத் தடையும் வந்துவிடக் கூடாது என்பதற்காக எல்லாவற்றையும் நாங்கள் சகித்துக்கொள்கிறோம்.+

2 உங்களுடைய இதயத்தில் எங்களுக்கு இடம் கொடுங்கள்.+ நாங்கள் யாருக்கும் அநியாயம் செய்யவில்லை, யாரையும் கெடுக்கவில்லை, யாரிடமும் ஆதாயம் தேடவில்லை.+

7 கண்காணியாக இருப்பவர் கடவுளால் நியமிக்கப்பட்ட நிர்வாகி என்பதால், அவர் குற்றம்சாட்டப்படாதவராக இருக்க வேண்டும்; தன்னுடைய இஷ்டப்படி நடக்கிறவராகவோ,+ முன்கோபக்காரராகவோ,+ குடிகாரராகவோ, மூர்க்கமானவராகவோ,* அநியாய லாபம் சம்பாதிக்க அலைகிறவராகவோ இருக்கக் கூடாது.