7 முதலாவது தேவதூதர் தன்னுடைய எக்காளத்தை ஊதினார். அப்போது, இரத்தம் கலந்த ஆலங்கட்டியும் நெருப்பும் பூமியில் கொட்டப்பட்டன.+ அதனால், பூமியில் மூன்றிலொரு பகுதி எரிந்துபோனது; மரங்களில் மூன்றிலொரு பகுதி எரிந்துபோனது; பசுமையான செடிகொடிகளெல்லாம் எரிந்துபோயின.+

8 இரண்டாவது தேவதூதர் தன்னுடைய எக்காளத்தை ஊதினார். அப்போது, தீப்பற்றி எரிகிற பெரிய மலை போன்ற ஒன்று கடலுக்குள்+ தள்ளப்பட்டது. அதனால் கடலில் மூன்றிலொரு பகுதி இரத்தமானது.+

10 மூன்றாவது தேவதூதர் தன்னுடைய எக்காளத்தை ஊதினார். அப்போது, ஒரு பெரிய நட்சத்திரம் தீப்பந்தம்போல் எரிந்துகொண்டே வானத்திலிருந்து பாய்ந்து வந்து, ஆறுகளிலும் நீரூற்றுகளிலும் மூன்றிலொரு பகுதிமீது விழுந்தது.+

12 நான்காவது தேவதூதர் தன்னுடைய எக்காளத்தை ஊதினார். அப்போது, சூரியனில் மூன்றிலொரு பகுதியும்,+ சந்திரனில் மூன்றிலொரு பகுதியும், நட்சத்திரங்களில் மூன்றிலொரு பகுதியும் சேதமடைந்தன. அதனால், அவை எல்லாவற்றிலும் மூன்றிலொரு பகுதி இருளடைந்தது; பகலில் மூன்றிலொரு பகுதி வெளிச்சம் இல்லாமல் போனது;+ இரவிலும் அப்படியே ஆனது.

9 ஐந்தாவது தேவதூதர் தன் எக்காளத்தை ஊதினார்.+ அப்போது, பரலோகத்திலிருந்து பூமியின் மீது விழுந்திருந்த ஒரு நட்சத்திரத்தைப் பார்த்தேன்; அதலபாதாளத்தின் சாவி+ அவருக்குக் கொடுக்கப்பட்டது.

13 ஆறாவது தேவதூதர்+ தன்னுடைய எக்காளத்தை ஊதினார்.+ அப்போது, கடவுளுக்கு முன்பாக இருந்த தங்கப் பீடத்தின்+ முனைகளிலிருந்து* வந்த ஒரு குரலைக் கேட்டேன்.

15 ஏழாவது தேவதூதர் தன்னுடைய எக்காளத்தை ஊதினார்.+ அப்போது, பரலோகத்தில் உரத்த குரல்கள் முழங்கி, “உலகத்தின் அரசாங்கம் நம் எஜமானுக்கும்+ அவருடைய கிறிஸ்துவுக்கும்+ சொந்தமான அரசாங்கமானது. அவர் என்றென்றும் ராஜாவாக ஆட்சி செய்வார்”+ என்றன.