சங்கீதம்

79 கடவுளே, மற்ற தேசத்தார் உங்கள் தேசத்துக்குள் படையெடுத்து வந்தார்கள்.+

உங்களுடைய பரிசுத்த ஆலயத்தைத் தீட்டுப்படுத்தினார்கள்.+

எருசலேமை மண்மேடாக ஆக்கினார்கள்.+

 2 உங்களுடைய ஊழியர்களின் சடலங்களை வானத்துப் பறவைகளுக்கு உணவாக்கினார்கள்.

உங்களுக்கு உண்மையாக* இருந்தவர்களின் உடலைக் காட்டு மிருகங்களுக்கு இரையாக்கினார்கள்.+

 3 அவர்களுடைய இரத்தத்தை எருசலேம் முழுவதும் தண்ணீர்போல் ஊற்றினார்கள்.

அவர்களை அடக்கம் செய்ய ஒருவனும் இல்லை.+

 4 அக்கம்பக்கத்து தேசங்களின் பழிப்பேச்சுக்கு நாங்கள் ஆளாகிவிட்டோம்.+

சுற்றியிருக்கிற மக்கள் எங்களைக் கேலியும் கிண்டலும் செய்கிறார்கள்.

 6 உங்களைப் பற்றித் தெரியாத தேசங்களின் மேலும்,

உங்களுடைய பெயரைச் சொல்லி வேண்டிக்கொள்ளாத ராஜ்யங்களின் மேலும்

உங்கள் கோபத்தைக் கொட்டுங்கள்.+

 7 ஏனென்றால், அவர்கள் யாக்கோபின் வம்சத்தாரை அழித்தார்கள்.

அவர்களுடைய தேசத்தைப் பாழாக்கினார்கள்.+

நாங்கள் ரொம்பவே துவண்டுபோயிருக்கிறோம்.

எங்களுக்குச் சீக்கிரமாக இரக்கம் காட்டுங்கள்.+

 9 எங்களை மீட்கும் கடவுளே,+

உங்களுடைய மகிமையான பெயரை மனதில் வைத்து எங்களுக்கு உதவுங்கள்.

உங்கள் பெயரை மனதில் வைத்து எங்களைக் காப்பாற்றுங்கள்,

எங்கள் பாவங்களை மன்னியுங்கள்.+

உங்கள் ஊழியர்களைக் கொன்றவர்கள்* பழிவாங்கப்பட்டதை எல்லா தேசத்தாரும் தெரிந்துகொள்ளட்டும்!

அது எங்கள் கண் முன்னால் நடக்கட்டும்!+

12 யெகோவாவே, உங்களைக் கேவலமாகப் பேசிய சுற்றுவட்டார மக்களுக்கு,+

ஏழு மடங்கு தண்டனை கொடுங்கள்.+

13 அப்போது, உங்கள் ஜனமும், உங்களால் மேய்க்கப்படுகிற ஆடுகளுமான நாங்கள்,+

உங்களுக்கு என்றென்றும் நன்றி சொல்வோம்.

உங்களுடைய புகழைத் தலைமுறை தலைமுறைக்கும் அறிவிப்போம்.+