சங்கீதம்

85 யெகோவாவே, உங்களுடைய தேசத்துக்குக் கருணை காட்டினீர்கள்.+

சிறைபிடிக்கப்பட்டுப் போன யாக்கோபின் வம்சத்தாரை அழைத்துவந்தீர்கள்.+

 2 உங்களுடைய மக்கள் செய்த குற்றத்தை மன்னித்தீர்கள்.

அவர்கள் செய்த எல்லா பாவத்தையும் மன்னித்தீர்கள்.+ (சேலா)

 3 உங்களுடைய கோபத்தையெல்லாம் அடக்கிக்கொண்டீர்கள்.

உங்களுடைய ஆக்ரோஷத்தை விட்டுவிட்டீர்கள்.+

 4 எங்களை மீட்கும் கடவுளே, எங்களுக்குத் திரும்பவும் கருணை காட்டுங்கள்.*

எங்கள்மேல் இருக்கிற வெறுப்பை விட்டுவிடுங்கள்.+

 6 உங்கள் ஜனங்களாகிய நாங்கள் உங்களை நினைத்து சந்தோஷப்படும்படி,

எங்களுக்கு மறுபடியும் புத்துயிர் தர மாட்டீர்களா?+

 7 யெகோவாவே, எங்களுக்கு மாறாத அன்பைக் காட்டுங்கள்.+

எங்களுக்கு மீட்பு கொடுங்கள்.

 8 உண்மைக் கடவுளான யெகோவா சொல்வதை நான் கேட்பேன்.

உண்மையாக* நடக்கிற தன் மக்களுக்கு அவர் சமாதான வார்த்தைகளைச் சொல்வார்.+

ஆனால், அவர்கள் மறுபடியும் மட்டுக்குமீறிய தன்னம்பிக்கையோடு நடந்துகொள்ளாமல் இருக்கட்டும்!+

 9 நம் தேசத்தில் அவருடைய மகிமை தங்கியிருப்பதற்காக,

அவருக்குப் பயந்து நடக்கிறவர்களை அவர் சீக்கிரத்திலேயே மீட்கப்போகிறார்.+

10 மாறாத அன்பும் உண்மைத்தன்மையும் ஒன்றையொன்று சந்திக்கும்.

நீதியும் சமாதானமும் ஒன்றையொன்று முத்தமிடும்.+

11 பூமியிலிருந்து உண்மைத்தன்மை துளிர்விடும்.

வானத்திலிருந்து நீதி எட்டிப் பார்க்கும்.+

12 ஆம், யெகோவா நன்மையானதை* தருவார்.+

நம் தேசம் அமோக விளைச்சலைத் தரும்.+

13 அவருக்கு முன்னால் நீதி நடந்து போகும்.+

அவர் அடியெடுத்து வைப்பதற்கு அது பாதை அமைத்துக் கொடுக்கும்.